2004 Jun 07
知不知道十五年前的今天是甚麼日子?近排睇到好多網上的video,令自己對六四呢件事明白左好多.今日響網上又搵到一個圖,係一九八九年六月四日的日誌,之後又睇到一大堆當年報紙廣告部分的剪輯,突然覺得當時自己太細個,發生左真係咁大件事依家先清楚,香港當時亦有好大回響.六月四日的香港報章的版頭都換上黑色,並有大量的廣告刊登遣責事件,如果有一份當時的報紙,我相信一定好震撼.記得睇到一後經典片段,以前就一直只有睇過相,冇睇過片段,原來係有一青年隻身攔截坦克車部隊,更一度爬上車,今日我先知道佢叫做王維林,佢真係好勇敢,好hero!講返六月七日係乜日子?係香港當時為六四攪0既悼念日,當時罷工、罷課、罷市,更舉行大型集會,可惜當日凌晨滋事份子攪事而要臨時取消,當時亦有很多公司響應,呼籲員工參與.相信換上今時今日一定唔會,因為當年好多參與的都是左派,依家,好多野都好"左 ".
今日係人生第二次去殯儀館,本身其實唔係好想去,但之後諗,其實根本唔會有人想去,所以去左.心情冇乜特別,但就好想見到一個0岩0岩返黎0既朋友,佢返左黎成四日,我都未搵到佢...慘.....
