2004 Jul 02
後七一日記:
睇完哂報紙,覺得今次雖然比上年辛苦好多,但都好值得.準備比上年充足,但差0的就行唔到,事關同行友人有少少中暑,差0的就放棄架喇.53萬人呢個數字唔係重點,而係,響冇左好迫切0既23條立法,冇左sars,冇左梁錦松,冇左掃把頭,冇左經濟唔好0既d一切一切0既因素,人數比上年仍多,相信沒有人預料到.市民只係追求普選我地自己0既政府,為甚麼不能?我唔明白.睇到今年遊行0既人比上年更平和,更理性去用我地0既汗,用我地0既腳步去達我地清晰0既訴求,點解?上年dress code係黑衫,地鐵站,路上,巴士上都黑色一片,令到感覺好悲哀,好絕望,令2003年7月1日,香港成為最"黑"的一日;今年dress code係白色,路上,巴士上都係白,令人感到好光,好有希望,令2004年7月1日,香港成為最白0既一日.其實好感動,即使冇左好多團體訓身支持,但人數可以更多.尋日真係好熱,好辛苦,行完全程並唔容易,希望我地0既特首唔好再只係唔經思考咁重覆一d不負責任0既說話,更希望中央政府能夠細心想想香港係要d乜,係唔係如上年所講因為經濟差?係唔係有人所講係假日活動(在如此高溫邊有人願迫在數以萬計人群中)?請睇清楚我地酬要乜野,經濟固然重要,但係自由民主比有錢更重要!!!
另:於尋日友人唔舒服期間,好感謝各位守望相助0既香港人,好多人都表示關心同提供方法,0個一刻唔舒服0既雖然唔係我,但我真係好感動,望此精神繼續發揚!!
