Saturday, January 31, 2004 

2004 Jan 31

禍永遠不單行,今年年初一就死左機,真係
大吉利是.好彩唔係好大獲,死左火牛.但
好不幸就係同時又寬頻死左...又上唔到
網喎...真係黑.今年新年其實唔係十分開
心,因為見到一d好感慨0既景況,好唔開
心.今年一開始就試左好多新野,好似去睇
live0既firework;去多左好多周圍食...尋
日就去左佐敦一間咖0厘屋,名叫佐敦咖
0厘屋,食印度菜,都幾得意.近期成日聽到
人地話我唔同左,可能你地一直唔知我係
咁卦?!

00:00 | |

Monday, January 19, 2004 

2004 Jan 19

看見你在你的大直路上出現了小分支,即
使不知這是捷徑或是陷阱,我寧願替你封
了這小分叉路,免卻煩惱...或許這是很笨
的方法而且很辛苦(不論是想出此辦法或
實行這辦法的人都是很辛苦的)但起碼這
是最安全的做法...

00:00 | |

Sunday, January 18, 2004 

2004 Jan 18

大掃除,好鬼累
今日同人傾左好耐,但係我到依家都唔知
應該點好.究竟問題響邊?煩惱中...

00:00 | |

Saturday, January 17, 2004 

2004 Jan 17

尋日太累,所以冇寫到野.發生既事唔多,
只係放左工去dine,之後去買衫.買衫之
時去左旺角新天地0既某舖,但之前同行
dan就響瓊華某舖買左100%相同既褲,
仲要平1/5價錢,哈哈.之後就發生左唔知
好唔好0既事囉.今日都冇乜特別,一心諗
住去買鞋,但最終買唔到.去左清真牛肉
館食飯,好開心,食到超飽~bytheway,
thanks for everyone hearing from me!

00:00 | |

Thursday, January 15, 2004 

2004 Jan 15

Hi, I've been back.過左呢幾日去左邊?
訓覺!就係咁簡單.今日響公司難得悠閒
左,放工後走左去打針,好慘,隻手之後係
"脾"左幾個鐘!打完針之後傻下傻下咁,
唉~之後響唔係好想去之下去左食左個
"團年飯",呢個飯局對我而言係好奇怪的
(我覺得怪囉,唔知以咩身份去attend囉),
冇乜野可以講,亦冇乜野"0岩我聽"囉.唔
係佢地叫左我咁多次我真係唔諗住去囉.

00:00 | |

Sunday, January 11, 2004 

2004 Jan 11

我今日去左尖沙咀行街,行行下冇哂心機,
都唔知點解.越行越唔開心,可能又諗得太
多喇?最終行到好唔想行所以返屋企,都冇
乜幾可會咁.不過好多謝ringo聽左我講好
多野,即使你比唔到咩意見我.究竟應唔應
該攪清楚哂有野,定係混混沌沌咁落去?

想起前幾天友人的一席話,聽到之後心情
差到極點,今日諗返,心情依然差,但係就
唔同左,之前係覺得內容令我心情差,今次
係覺得自己差...幾時先可以好返?

00:00 | |

Saturday, January 10, 2004 

2004 Jan 10

今日呢放左工去同dan買野,之後仲一齊去
左剪頭髮添,價錢比以往貴D,但係剪完出
黎我幾滿意,開心~ 攪左差唔多三個鐘後
就去將軍澳新都城食飯,冇乜特別.不過返
屋企估唔到可以咁快,只係用左39分鐘!
厲害!

00:00 | |

Friday, January 09, 2004 

2004 Jan 09

尋日可能問左D唔應該問題,攪到唔係幾
開心.不過我相信遲早都要問,真係遲早既
問題囉.唔知道最後會點,因為係一大朝早
響巴士度用PDA寫既,唔知乜事屯門公路
超塞爆車,相信都會幾大單野,響屯門既閃
燈都開左,亦見有白車由屯門增援,上次7月
9號咁大單都冇咁厲害,望就望淨係有架貨
櫃車打橫欄住左啦,Roadshow都run左一個
圈.(仲好乞人憎狂播0個雨條白癡唱0個白
癡歌囉 !)[最終全程睇左第三個loop0既
roadshow]

原來係有架村巴出左事,攪到塞左成個鐘咁
滯.今晚放工去左同mars,rex同daniel三個
人去左towngas avenue度食飯,都幾貴,而
且份量好少(但係我地最終幾個都飽喎?)

00:00 | |

Thursday, January 08, 2004 

2004 Jan 08

今日,今日...哈哈,其實唔係好開心,係心
態上唔係好開心咁0者.雖然今日趕起左
好多野,但係都好似冇乜做過野咁,可能
又係諗得太多野卦?最唔開心係今日晝
個飯盒...唉~諗起都唔開心 ...

00:00 | |

Wednesday, January 07, 2004 

2004 Jan 07

尋晚無訓到覺 , 整公司 D 野都整通頂 ,
mars 又誋幫我手 , 仲有知道一件事之後
好唔開心 . 返到公司胃痛頭痛仲比人鬧,
真係好唔開心囉 . 之後勁 " 支力 " 既情
況下走去赤柱影相 . 衰在赤柱冇手信買,
唔係我一定買 D. 最好笑係第一次坐車
爆胎 , 唉 ~ 之後又有事發生 , 好想知係
乜事 , 但係諗深一層又有冇乜必要計得
咁清呢 ? 問號尚未解決 , 仍要繼續諗 .
係呀,呢幾日同daniel去食飯都幾開心!

00:00 | |

Tuesday, January 06, 2004 

2004 Jan 06

今朝早起身時唔知點解好唔開心,攪到成
日心情都麻麻地.今日冇發生咩事,不過
呢,好似個人以前冇咁tight,輕鬆左.可能
係多左同人傾計,多左講自己野卦?

唔敢同人講,唯有繼續狂想中...

00:00 | |

Monday, January 05, 2004 

2004 Jan 05

今日輕鬆過左一晚,都幾好,如果平時都係
咁就好好喇,起碼對多d人instead of電腦
ma....

00:00 | |

Sunday, January 04, 2004 

2004 Jan 04

今日又開始諗埋哂d唔等使0既野,好驚.自
己越係咁諗,自己就越覺得自己好唔得.千
其唔好發生,我會...唔得喇,唔好再諗!!!

00:00 | |

Saturday, January 03, 2004 

2004 Jan 03

今日返工又冇乜特別野發生 , 反而幾開心
放左工之後出左去同 Daniel 食飯同行街.
夜晚同 Jasper 去左睇金雞 2, 劇本寫得好
好 , 吳君如亦演得好好 , 呢套響呢個時間
播簡直佔盡天時地利人和 , 勁 ! 另外好值
得高興既係我同 Daniel 關係好左好多 !
好開心 ! 相信如果今年年底仲有 Year
Special 既話 ,Daniel 應該會有份囉 !^_^

00:00 | |

Friday, January 02, 2004 

2004 Jan 02

今日冇乜事發生,只係覺得好似有少少作感
冒,唔知係唔係因為尋日返屋企時0個架巴
士凍得滯"攝"親呢?今日成日呆左,成日諗
野,諗返之前呀daniel問過我0既問題,個答
案係唔係真係好似之前所答咁呢?同埋答唔
到0既問題有個答案未呢?再一次thanks
daniel,我應該好快得到答案.

00:00 | |

Thursday, January 01, 2004 

2004 Jan 01

Happy New Year!一連記錄這兩天的事吧.
尋日唔知點解好?,本身諗住放工返屋企訓
覺,點知臨收工時mars同jasper各想搵我出
去,最終我赴mars的約,而且帶埋左jasper.
好開心,玩得好開心,同佢地玩埋一齊係幾開
心,只不過顯得有點兒孤單吧?之後玩下玩下
就通左宵,始料不及.之後好多謝daniel,同妎犮炊@d我自己都冇去諗過0既問題,仲同岏縞爬n多我自己冇講過比人聽0既野添,
thanks daniel.直至晏晝就去左飲茶,行街,
好開心呢~真係好唔想咁早走,可惜要返屋
企.佢地攪到我真係好想搬出黎住呀....如果
今年加多d人工,都可能得0既....

00:00 | |