blogger luvul

究竟乜野係朋友?
朋友係...

唔會戒意你朋友既一Ｄ缺點
響你開心時同你分享歡樂
響你唔開心時會聽你講
響你苦惱時比意見你
響你孤單時陪住你
佢會講秘密你聽
唔一定成日見
會掛住對方
珍惜對方
愛對方

唔想突然有d事令朋友關係改變了
依家我好precious每一個friend
唔想再因任何事少個friend
請珍惜每一個friend
大家明唔明?

心情依舊
身體仍是一樣

在這天
甚麼都討你厭

今日好多事發生.今日返工,熟悉的地方,但不熟悉的身份,再次踏進這地方,真親切.重回昔日的生活,真難得.返工到了旺角走一圈,買了些內有扭蛋的扭蛋機的扭蛋,真開心.於西洋菜街三次避開難度越來越高的"sales",真厲害.返家巴士睡著時於上年巴士墮涯肇事現場沿邊突然停低,真驚嚇............各方面的心理壓力越來越大,真的受不了.

今日終於睇左期待已久0既the day after tomorrow,太正喇...真係超出估計之外.之前太期待此片.為令呢套戲0既好睇度增加,我之前所有trailer同廣告都唔睇,就只睇海報,睇完之後同覺得唔睇trailer係好明智之舉,好彩之前忍到0者~~唔係就真係睇點串燒咋~因為本身有d驚佢會over focus on 3d而忽略其他野,估唔到佢又唔係,套戲好有張力,做到成個節奏出黎.劇情有,教育性有,諷刺有,潛在意義有,shot拎得靚,配樂好(但可以更好),......與友人睇完後我不停勁讚套戲,都幾難得(我好少睇完會講套戲).製作認真,各樣做得好足,真係MARVELOUS!!!FABULOUS!!相信可能有部分鏡頭被抽掉,期待dvd推出.

WHERE WILL YOU BE?

www.thedayaftertomorrow.com

要鍾意一個人,你可以找一千萬個理由去愛佢;
要討厭一個人,你可以找一千萬個理由去憎佢.
基於以上原因,愛恨只差一線.有人問左一個
問題,一個好簡單0既問題,足以收購我一日0既
時間.

呢兩日本身好想買衫或者鞋,點知睇左兩日一d
野都買唔到.....唔知係唔係自己搵自己笨,攪到
自己心情都唔太好,真好笑.是時候閉關了...

意外的約會,給自一個機會去學會面對.之前自己一直沒勇氣去面對,今日終於做了個決定.今天,自己又成長了一點,雖然並不太自然,有d怪怪的,但起碼是一個好開始.今天應該很高興,拾回這一份友誼,希望可以再次成為好朋友吧~

另外,今天非常巧合的情況下,他遇上了他,好笑的是雙方都不知道他是他.我似乎被擠在中間,但其實是我早便擠入去,才會變得擠擁.很對不起我0既出現令情況惡化,希望你地明白我不想失去任何一個朋友.明白嗎?我知你看到的.

兩日冇寫野,其實係因為難得假期開始,想好好抖一下.呢幾日處理左好多事,其中一件比較棘手0既就係幫人處理一d感情事.一向處理得唔好0既居然同時有3個人向我求助,真神奇.剎那間成為了expert似的,真奇怪!心情不是太好,很多野好想做,但事事都提不起勁咁,結果做唔到野乜滯...唉....

今日睇左festival de cannes0既closing ceremony,我發現依家個個國際認受性高0既頒獎禮中,好多得獎者都會講到布殊,要no war,真係好可悲.連得獎咁難得都要響0個咁短0既時間都要講,好慘.

好開心,終於收到張新卡!開心開心開心...不過換黎係響限期內簽夠一定數,慘喇..又破產喇..

心情有點低落.
又搭錯車去到無雷公咁遠.......
唉....今日撞返好多日冇撞到0個個人,
以後都唔會撞到佢lu...失落感出哂黎
今日又聽到電台星座節目,我越黎越信星座喇...

巨蟹獅子座
優點 大聸，富創意
缺點 情緒不穩
性格 剛柔並重

這個星區是巨蟹座和獅子座的混合體，巨蟹的守護星是月亮，是柔和、女性化的代表; 獅子座的守護星則是太陽，是陽剛、男性化的代表。所以這個星區的人是個剛柔並重，男性有女性溫柔、敏感的一面，女性又有男性剛強、硬淨的一面。

不過，巨蟹本身已經相當情緒化，獅子的脾氣又暴燥，兩者相加，情緒的起伏的確好厲害，發起脾氣來沒人可以抵擋。 這是一個熱愛工作，富有創意的星區，喜歡做一些刺激有挑戰性，甚至冒險性的工作，例如金融投資、當運動員，又或警察、消防員之類。

愛情 細心體貼
在愛情方面，這個星區的人在挑對象時並不太腌尖，不同類型的對象也可以接受。對方最緊要跟他有共同興趣，懂得應付他們起伏不定的情緒，在他們低落時給予支持就可以。而他對伴侶會相當的照顧，細心體貼，噓寒問暖什麼都做齊，當他的伴侶會感到很幸福。

月亮星座：巨蟹座
月亮星座在巨蟹座的人是一個感情控制一切的人，非常情緒化和敏感，容易心緒不寧，時常渴求被愛。內心較為被動，不會主動打開自己的心扉，直到有人來敲門，才會大開中門，無任歡迎，不過他們抵受不了壓力和波動；無論外表多麼外向，內心依然以家庭為第一重心。

好中!

尋日MUJI25周年紀念,居然我唔記得左,衰!
聽日係獨身1周年紀念~
21號戰爭結束紀念日!哈哈!
24號MTR25周年紀念,好似有D攪作BOR~

早幾日響友人日記裡睇到一d玩意,本認為很無聊,但其實諗深一層係可以了解自己多d,自己點可以唔知道自己鍾意乜唔鍾意乜?
特別整左個改良版:

喜	惡
真誠的 友善的 有主見的 有領導才能的 有知識的	只懂玩的 敷衍的 虛偽的 違背承諾的 沒禮貌的 計算的 說謊的 不信任別人的
布拉格 台北 東京 北海道 香港 倫敦	旺角 天水圍
蛋糕 甜品 莓類 零食 朱古力	涼茶 苦茶 薄荷
無印良品 Starbucks Yohan GOD Pageone HMV	Pacific Coffee Jusco Body Shop Lush
林一峰 陳奕迅 王菲 古巨基 at 17 Swing	鄭秀文 劉德華 陳慧琳 李克勤 梁詠琪 譚詠麟 黃伊汶
F.I.R. 王力宏 光良	周杰倫 蔡依林
Madonna	Britney Spears
張國榮 吳彥祖 吳君如 李心潔 林嘉欣 張曼玉	鄭秀文 劉德華 古天樂 鄭伊健 張達明 鄭中基
范植偉 劉若英 周迅 劉燁	吳忠憲
北野武 Meryl Streep Jean-Pierre Leaud
張艾嘉 許鞍華 王家衛 Spike Jones Francois Truffaut	杜琪峰 劉偉強 麥紹輝
金雞 金雞2 麥兜故事 12夜 妖夜迴廊 食神 國逕凌凌柒 異度空間 80's 港產片	無間道 無間道II 無間道III 90's 港產片

呢幾日睇到d野好開心:
1.睇到the day after tomorrow個網,好正,好有idea而且好貫徹,一個做得好好0既網.佢有0既唔係華而不實之function,而係好related to套片0既野!個theme行得好好,勁!必睇!

2.睇到本雜誌special係講cake,好多cake呀~響文華/queen等都有好多款想食呀!仲知道原來home cooking有cake buffet食呀!!!超想去食!!!

3.睇到"2046"個press kit!,估唔到maggie cheung真係唔係主角,連配角都唔係!只係特別演出(友情客串?!)演員依次序為,主演:tony leung,gong li,kimura takuya,faye wong,zhang ziyi,配角:carina lau,chang chen,wang sum,siu ping lam,特別演出:maggie cheung,thongchai mclntyre,dong jie.睇完劇照都真係未睇先興奮,期待"東方酒店"~哈~同埋"2046"原來係stand for.....哈哈,唔講

今日睇到一套戲,一套好舊0既戲,1985
年出品,"警察故事".睇返之前0既戲,發
現以前d戲真係好勁,依家點都冇人拍
返d人咁博命,咁大陣仗0既戲,真係好睇!

今日響銅鑼灣兩度被賓賓活埋...

今日放假,但原來成日活動戲肉響夜晚.
一個接一個0既特備環節,可真厲害,我
都招架不住了....多謝亞ive,陪左我一
個晚上...

今日發生0既事都可以用呢四個字形容:
人來人往

話咁快又一年喇....

當你失去了一些,你會怎面對?

"擁有,終有一天失去;
失去,始終你會擁有."

以下有幾句今日睇到0既說話,幾值得睇

"自己選擇的路自己行.境由心生,認為快
樂就快樂,痛苦就痛苦,神仙也幫不了你"

"死結,絕對打不開,這已經是事實,
既然這樣,唯一的方法,是剪掉"

繼好耐之前時代廣場廁所事件後,今日發生了太古城廁所事件,頗嚇人的.由商場到廁所要走一段很窄很迂迴的長廊,本身與友人於太古城用膳,之後到那條長廊時就交低一袋野比友人,眼見一青年於門口企響度,然後走入長廊,該青年隨即跟著我走.心想有d唔對路,且聽到後面腳步聲越黎越快,即刻行得好急,盡快入到廁所閂門.之後隔左一陣,有人入左廁所,心諗就等一下先.一開門,就見友人,原來友人都發現有d唔妥,友人之前亦跟住該青年以防有乜事發生.我們小心地返回商場,相信該青年發現有人跟住先走到後樓梯....好彩醒目!所以大家記得響大商場要小心d人,留意左近...

呢排有好多野可以講,但唔想講.好?,真
係好?,身心都係...呢排發生0既事令我
明白"珍惜"同"對人要好"....深沐體會...

多年沒有踏足天水圍,今日差點迷失了...唔係真係迷失,而係迷失於15條大大小小0既"天"字派屋苑當中....好彩個個屋苑0既樓都似"天"字行頭,唔係就真係佩服改名0個d人,大大話話15條?都有成126幢住宅....淨係呢15條?名都已經好佩服喇....呢排到依家都訓得唔好,唔得喇,我要訓好d!

今日真係...大雨到我尋晚即使早訓都攪到訓唔到,已經第三晚係咁喇.....起身見黑雨,點知轉個頭就變左紅雨....即刻較0岩哂時間班次飛返公司,出到去先大雨到嘔....今日亦都終於睇左Formula 17,好想睇好耐,好開心終於有得睇.雖然都係攪笑片,但唔知係唔係因為台灣製造,始終覺得勝過香港0既多多聲.唔得喇,太累,聽日仲要早起身...又要刨書....訓喇~

尋日太多事發生,又太晏返到屋企,寫
唔到0野.本身一切已經定落黎,點知
今日又風迴路轉.....講真,真係好唔
開心...失敗0既機會好高......

已經決定了,只等待來臨的時刻

今日朝得知一個消息,就係Muji香港4號店已落實於年底開幕!!之後就一直為左一個問題諗左成朝(其實到依家都未決定到),或者我需要一d意見....講返Muji,繼Muji Shatin, Muji Lee Theatre同Muji
Silvercord之後,四號店名為Muji Langham,總面積約10000平方尺,大概為一號店的兩倍.唔知四號店響邊?哈哈...就係旺角新landmark,朗豪坊Langham,都唔知?咪就係全旺角最高,響雅蘭後面0個幢就係喇~呢個mall好似真係幾厲害,Muji租佢一層,Seibu租佢兩層,UA Langham又會開, 仲有幾多層呀?先唔好理,最想就係要有Meal Muji或者Cafe Muji啦~~係我一定會係捧場客!!另外,尋日比我發現原來我之前讀個course將會消失(我都係第二屆咋喎...)成為絕種動物,個course仲一分為四,仲全為HD,嘩.....最恐怖係剩低同名0既一個HD course,居然last四年!!!學費由普通全期五萬左右躍升至十六萬!!!嘩嘩嘩.......公司呢排請人,見到好多人,有大年紀,有0靚仔,有奇怪0既,有傻0既....噢.
PS.今個月值得記得0既日子
18號Muji成立25周年大日子!!
20號獨身一周年!!

差不多一年了,上年5月20日,我還記
得這一日.這一年來曾經很不開心,相
隔一年,好像變了很多,變得懶了,變
得...算了,雖然現在不開心,不過不是
因為此事...

今日去左大榮華飲茶....
sorry,呢兩日嚴重唔夠訓.....