Blogger luvul had been moved to www.luvul.com!

之前睇過呢個ad, 但冇咁長
幾鍾意呢個ad
得意在日本廣告響香港拍
同埋個ending!

連續三日都發生左一d恐怖事件
而且一般情況都唔會發生
仲要最慘係一次比一次恐怖...

星期日:
由市中心搭的士返屋企
正常都係響鄉事會路左轉上橋
響屯門公路往荃灣方向個路口行落去啦
咁0個日個的士司機就本身正常速
咁會先到往元朗方向路口再到荃灣方向入口
兩個路口都有燈位
由於距離短而燈位唔一致
司機都會較慢起步
但當到達荃灣方向路口時
司機停左響路口
我亞哥開口問: 司機, 你想去邊呀?
司機冇反應
之後司機開前左少少, 又停低
我亞哥再問: 司機, 你想去邊呀?
司機都係冇反應
之後一陣間後佢響佢右耳拎左d野出黎
但我睇唔到係乜, 佢就開車前行
就開始講: 唔好意思, 應該係頭先個路口
main point係佢冇對住任何人講, 係自言自語0個隻
我亞哥再問: 司機, 你想去邊呀?
司機繼續係冇反應
之後佢響一個唔可以u turn燈位夾更u turn左....
恐怖位係, 個司機好似完全唔意識到有人響車度咁....

星期一:
話說呢晚出左去食飯
咁間酒樓門口就接住個扶手電梯啦
當時我搭緊扶手電梯啦
個知客問我有位未
咁我就做口型講: 訂左位
個知客完全冇check
就話: 馮生, 呢面丫
咁我就好奇怪, 雖然都耐唔耐會到呢間酒樓飲茶
但未熟到知我姓乜丫?
諗完就搭完扶手電梯啦
一入到去就知道原因...
皆因全場都冇客!!! 應該只得我地訂台!
呢間野唔差丫, 好恐怖呀
到走時成晚都係得5台人!
唔好執呀!

星期二:
又係夜晚
話說就尋晚我八點幾開始整網站
之後好專心整啦
到十點幾十一點
響窗口度傳出左d鬧交聲
咁冇為意啦
之後就聽到好似有d唔對路
當中涉及一個亞仔, 一個亞爸, 同一個亞媽(我估計)
每隔一陣就傳出好激烈0既鬧交聲
掟野聲, 推低d家具聲, 同再激烈0既鬧交聲
越黎越覺得唔妥,
想搵聲響邊傳黎又聽唔到
係唔係我幢樓都唔知, 上定下又唔知
管理處電話我又唔知...
咁冇辦法啦, 唯有再留意一下
之後聽到亞仔講: 你殺左我丫笨!
我就唔知點好, 心又開始有d亂
再一陣之後冇哂聲....
嘩, 唔知咩事呀!!!
好恐怖呀!!!

死啦, 連續三晚都有恐怖野
仲一次比一次恐怖
今晚唔好再黎呀!!

點解咁小0既事都做唔到?
我唔明...

其實今日情況比較反覆
今日呢日事假其實都可以當病假請
星期六晚賴野, 攪到尋日同今日都燒下唔燒下咁
由今朝起身同亞爸亞媽去飲茶
到去銀行攪呢樣0個樣
到設屋企睇報紙
感覺好似唔同左好多咁
唔知點解
不過今日都算係一個大日子
就係屋企終於可以再次齊齊整整
今晚齊哂人響間冇人0既酒樓食飯
顯然有d怪...
突然諗起後日係放假
感覺真係好d
特別係有時間做風車草新版本網!
今次我諗今次可以好玩好多!

點解會對唔到架????

首先我聲明我冇sex discrimination
我唔知點解會覺得有時女人係會有d比較奇怪0既邏輯0既
今日食壽司
聽到響附近一個家庭正在談論剛點了的雪糕杯:
媽對爸說: 咁硬點食呀?
爸對媽說: 雪糕係咁0架啦
媽對女說: 你咁啦, 開杯熱水, 雪糕匙放入去, 咁"不"雪糕就容易好多~
我諗: 咁咪成杯雪糕都有水??!!!
女不相信, 爸亦不理會
媽對家說: 呢d咁0既雪糕, 都唔知擺左幾多年, 睇下有冇過期添呀
我諗: 幾年你又嗌?!!!
媽即拎起雪糕杯睇睇底部
我諗: 雪糕0既有效日期基本上一定響盒面/蓋, 點都唔會響底啦??
媽對家說: 嘩~ 日期都冇
我諗: -___-''
女想始試"不"左少少, 說好凍
媽對女說: 邊有人食雪糕食熱架, 都話用我個方法啦, 唔溶點食呀, 唔係你食幾日都食唔完
我諗: 唔通要溶變水先食?!!!
媽隨即開左杯熱水, 將整個雪糕杯放響杯度燉
我諗: 嘩!!! 又係你自己話食雪糕唔會熱0既又燉?! 同埋點解會同之前0既方法唔同左??
媽對女說: 咁溶左就食得快好多啦, 呢d雪糕
我諗: 咁唔肚痛都幾難, 邊有亞媽整d菌比個女食??
女好無奈, 爸亦是
女將雪糕食完, 但之後仍座左超過25分鐘, 仲叫左好多野食
我諗: 咁點解咁急呢??

呢個媽估盡都係30歲人, 點解依家會咁0架.... 救命呀.......
一路聽呢個對話絕對同呢期勁hit 0既巴士亞叔有得揮.....

今日思路比較亂
樣樣野都諗左一半咁
我都唔知想講d乜野
但係又好想講野
.......
點呀?

今日真係幾辛苦
好似打仗咁.....

A bit tired these few days
Mentally and physically...
Everything should get better from tomorrow...
Although it's tough, but it worth

亞琶
有d估唔到你會打比我話我知
你有時間出黎食飯喎~
不過呢排真係好鬼死多野做
不過唔緊要啦
過多兩日應該好返好多架喇~
thanks!
^3^

繼之前上左yahoo!頭版後
今日又有新野
就係響yahoo! blog排名
升到上第一位!
真係唔知有幾多人響yahoo寫blog
但係睇下相就知
好多明星都唔係呀祖0個皮! 哈哈~

呢幾日心情起伏幾大...
都唔知係唔你之前冇電腦失衡後遺症呢?
好想搵下人出黎食個飯
但係大家都各有各忙
拍拖0既拍拖
忙碌0既忙碌
雖然自己都好忙
但真係好想搵下d朋友出黎飲下野, 食下飯, 傾下計!
希望....
唉.....

曲：徐偉賢　詞：黃偉文 　編：何秉舜@goomusic．英師傅

任我出去任我飛
遊蕩兩日又重踏這地
沒有牽掛就會死
難道我靈魂被你收起
自己都管不了自己
太多錯誤經已因你起

我都知 再找你
連幸福都要放棄
其實你有多好
到別處碰不到
至令我重返這條路
臨近晚節不保
卻行到這一步
難道天空海闊再無芳草

願我可以學會放低你
就讓我重頭來過物色新知己
望著你的臉如山水一般優美
要走的我　總企在原地
願我可以絕到踢走你
但是我如何能拒絕張開的臂
自問我可以贏你
但喜歡輸給你
猶像你親於我自己
我怎可以　一刀切下來親手　傷你

其實你有多好
到別處碰不到
美麗到危險的程度
臨近晚節不保
卻行到這一步
沿路的山丘已化成焦土

願我可以學會放低你
就讓我重頭來過物色新知己
望著你的臉如山水一般優美
要走的我　總企在原地
願我可以絕到踢走你
但是我如何能拒絕張開的臂
自問我可以贏你
但喜歡輸給你
猶像你親於我自己
我怎可以　一刀切下來親手　傷你
我只可以　將心割下來親手　給你

Labels: 歌

原來今日係個特別0既日子
響依家仲有幾多人會有珊瑚婚?
佢地冇慶祝
平平淡淡齊齊整整食個飯
都己經好足夠, 唔係咩?

Happy Wedding Anniversary, Mom & Dad!

Labels: 悅

勁呀!
遊遊下發現梁祖祖被林一峰同蒙羅麗莎夾住左!
(左下角)
成為左yahoo!0既封面男郎!

Labels: 悅

好想講返一d野
就係《你咪理,我愛你,死未!》0既closing
其實本身0個日死左隻harddisk都唔係幾開心
睇《你咪理》就真係perfect
今次再帶左兩個未睇過舞台劇0既人去睇
都係覺得好好睇!
今場佢地真係表現得好好
係最好笑edmond爆笑左出黎!
同埋呀祖講"飛機火燭"
真係好正!
到最後完場, 大家都好開心
好興奮, 好唔捨得...
特別之後響後台個電視仔度睇個景折緊0既過程....
就更加唔捨得!
之後去左慶弁u係好開心
同佢地幾個玩得好開心...
特別係走0個時
你地幾個人逐個攬住我
0個種感覺真係好似要同一d野分開一段時間
0個個moment真係好想喊!
感覺真係好好
期待下次再出黎玩!

ps 當返到屋企時, 兩隻harddisk就一齊死哂....

Labels: 悅

終於買返電腦喇....
終於可以正常返喇.....
快d恭喜我啦...
(好貴呀部腦...)

Labels: 悅

沒有電腦的日子
我的生活就開始失衡..
而且越來越嚴重......

響呢個網我有3張LC-A相0既Contribution呀~
http://www.lomolover.com/lomolover2.htm

由於我家電腦兩隻harddisk同時死哂0既關係,
0岩0岩先起臨時得返個成個網
但係又未有時間整返所有野
咁唯有依家咁樣先, 今晚有機會再整返好佢!

依家server已經搬左, 應該好好多
而且會多左個位置可以黎
就係http://blogger.luvul.com !

食完飯漫(慢)步返家
過橋時諗起好多野
有風吹起黎
好舒服...
企左一陣
思絮有d亂...

Labels: 悅

無啦啦又中左獎
仲要又係同一途徑得到
上次就垃圾飛
今次...算啦...

已經連續第三晚去同樣的地方
買同樣的飯盒食
唔知其實係自己念舊
抑或係自己執著
其實自問現在的自己與以前的我相比
已經改左好多
究竟問題是自己
抑或係依家d人控制唔到自己?
失望...
真係好想有人可以陪下
無拘無束咁傾下計
近期有點失衡
希望快d recover返....

我依家個腦好亂, 我都唔知我想講乜...

呢套劇耐唔耐都有睇一兩集, 本身都幾好
但近呢一兩集我唔係好鍾意
特別d為了加強效果
夾硬帶得太多大男人主意搬出黎
我覺得套劇係over左
為左推高女性的地位唯有將男性貶低..
不過anyway, 我覺得男女呢樣野永遠唔會fair
女性覺得唔公平對待時, 其實男性亦有同樣不公平對待
只係每個人企響邊個stand point睇件事0者

不過突然記得尋日鄧萃雯的一句對白:

愛佢唔一定要同佢響埋一齊

呢句說話幾有意思, 一語導破左d野...

終於完成了之前要"的"起心肝0既事!

突然間被一席話勾起一d回憶
自已第一次分手係幾時?
原來已經唔記得左...
感覺係點?
都唔記得左
可能當時已經太淡了
不過即使之後的有多深刻
患有失憶症的我都忘了很多
只記得曾有一段很長時間很不開心
不願接觸外界...

今日收到一個friendster的testimonial
係由好朋友Ringo send出的
我個friendster只有三個testimonial
但三個都係由佢發出
分別響2003, 2004及2006年發出
三次都係唔同心情
唔同環境下發出
今朝突然間收到第三個testimonial, 好感動...
雖然上個月尾佢好短時間飛左返黎幾日
但都幸好出到黎食餐飯...
都已經好開心...

Labels: 悅

因為黃詠詩睇左呢套劇
第一次響屯門大會堂睇
第一次睇幾位演員
第一次睇劇用個台用到咁盡
(指劇場闊度與舞台闊度的比例)
睇完覺得呢套劇唔錯
唔錯在演員演得不錯
劇本寫得好
特別係寫有關家庭溝通
其實很多人很多家庭都是這樣:
缺乏溝通
當你將自己代入角色時
就會發現
自己都曾有過呢d事發生
可能未至於咁戲劇性
但係一定有d無言以對是爆出的gag位
呢d gag位已經唔單單係取悅觀眾的技倆
而是真係配合需要而加入去
所以睇起上黎會特別身同感受
期待七月《大娛樂坑之娛樂大坑》!

Labels: 劇

經尋日一席話後
今日真係要的起心肝
真係要認真d對待呢個問題!

發生了!

繼尋日杜拜一談
搵到更多資料有關"highrise" 摩天大廈

moma的一個有關highrise 0既網站
http://www.moma.org/exhibitions/2004/tallbuildings/index_f.html

另一外附上一個gif, 分別展示出2006年至2010年間每年全球最高的摩天大廈十大排行榜
Here

MUJI推出第一次國際性設計比賽!
好吸引呀~
努力呀~ 各位!

http://www.muji.net/award

Dubai杜拜
睇news先知佢地剛0岩(5月2日)宣佈興建一個全世界最大0既機場
呢個機場面積係140 sq km (大概兩個香港島) 咁大
擁有六條可供任何飛機升降 (包括雙層的A380) 0既跑道
機場將於2010年建成...
機場最高峰可有每年1.2億旅客及1200萬噸貨物的吞吐量
而香港國際機場最高峰可有每年8700萬旅客及900萬噸貨物的吞吐量
但係杜拜現時機場每年只係有2400萬旅客, 有冇需要一個客運量大5倍0既機場.....
佢地呢個機場一共要用大概2500億港幣興建!!
杜拜0既人因係咁鍾意認第一?
未算!

佢地又響較早前(4月30日)宣佈將興建一個大型酒店休閒區
整個區會有31間酒店, 當中包括全球最大0既酒店Asia-Asia
呢間最大0既酒店係有6500間房間 (5100係四星, 1400係五星)
整個酒店區將有2萬9千多間房 (有冇咁多人住?)
而且最奇怪係Asia-Asia入面
有好多應該係原大(或者縮小dd)0既著名建築物
包括: 香港中銀大廈, 上海東方明珠塔, 吉隆坡雙子塔...
呢個酒店休閒區又係於2010年建成...
佢地呢個酒店休閒區一共要用大概2000億港幣興建!!

想唔想像到點解佢地有錢到響3日之內用左4500億港幣???
點解佢地有錢到咁?
但邊度有咁多工人起, 咁多人響度做野, 咁多人去?
佢地個個都唔做野架bor~

More!
將於2008年建成0既Burj Dubai(興建中)將會係全球最高就已經係事實啦
佢將會高810m (香港現時最高0既 ifc two係413.8m...兩幢咁滯...)
消息指佢地會將5月7日宣佈再起一幢(係! 係又一幢!)全球最高....
呢幢會係1022m高....一共200層........
比現時最高0既台北101(508m)高一倍, 香港ifc two高2.5倍.......
暈喇....

一個纏繞左我好一段時間0既問題
好似有d跡象解決到
不過始終一日未完成
一日都係唔敢抱太大希望....

尋晚發現左個比之前Writer's Block
更好玩0既mini game!
呢個難度高好多!
正呀!

http://download.games.yahoo.com/games/web_games/hipsoft/flipwords/flipwords.html

黑...
原本只係濕少少返到屋企
點知落車後正轉入瓦遮頭時...
發現有個超特大水?
正要行多兩步兜過去啦
又正響呢個時候
有架車就響路面飛過
由於行車路面較行人路面高1m左右
架車濺起的水就向我撲過黎...
之後...
半邊身濕哂...

今晚一家人浩浩蕩蕩的去了流浮山食海鮮
到步之後才發現
原來自己已經到過流浮山好多次
我甚至記得以前小時食過邊間
有時flash back返d自己冇哂印象0既野原來超恐怖!
一頓豐富的海鮮宴
認識了酒家太子爺的女朋友
本身都ok健談
但我亞媽爆響口我響邊度做之後...
佢就好多野問...
又想要折....
又要搵我整....
sorry, 我唔係唔想幫你,
亦唔係唔想做你生意
但可唔可以比我食左餐飯先?
我突然發現d明星出街原來比fans纏住係好慘0既一回事...