Sunday, July 30, 2006 

細

我想講兩個故事
第一個係一個無關痛癢0既keyword
人地可以響search engine摷一下
原來都可以好容易咁走左入你個網站
睇到一d說話

第二個係一個無關痛癢0既keyword
人地可以響search engine摷一下
原來都可以好容易咁走左入你個網站
睇到一d說話

其實上面兩個故事有乜唔同係我先知道哂
但係係好唔同0既...

我想講d乜呢?
其實呢個世界好細
我相信科技(internet)會將人與人距離拉近
但同時將中間的那道牆建得更高
完.

22:32 |

Friday, July 28, 2006 

燥

呢幾日好多事發生
好亂
沉緊...沉緊....

23:13 |

Thursday, July 27, 2006 

返黎喇~

終於返黎喇~
8月11日返到黎香港喇~
今次只係Burger King
希望下次會有Wendy's
最緊要係Jack in the Box返黎!!
開左真係要去食下!!

23:30 |

 

要我愛你嗎

音樂劇《你咪理，我愛你，死未！》插曲

誰亦看出　情漸褪色
誰亦看到　情消散
誰亦會講　無謂再拖
原諒我心　還是會　有痛楚
太過愛你嗎　能離開嗎
消失的光陰　留低好嗎
我要放棄嗎　應該走嗎
要我再發奮　要我改嗎
我有勇氣嗎　隨時瀟洒
應該找一位年青的嘛
過去你與我　不開心嗎
太過愛你嗎　要我走嗎
我們　幾多天　幾多季
曾敵對相煎　實太膚淺　誰在我枕邊
要我放棄嗎　難成功嗎
一紙的婚書　兒戲可怕
要我說句話　制止傷疤
太過愛你嗎　願愛惜嗎　愛

Labels:

00:27 |

Wednesday, July 26, 2006 

抖

好想抖下
真係有d?
唔想重覆又重覆
好唔好?

23:18 |

 

靚湯

今日晏晝call左外賣湯上黎食
嘩~ 個湯好好飲~
係 花膠魚翅瑤柱鮑片金華火腿竹笙雪耳煲走地雞
勁鍾意落花膠煲到膠膠地
中式濃湯好好飲!
同埋個蒸飯 & 湯渣
雖然係貴d
但係久唔久食下真係超滿足!
人生就係咁簡單!

Labels: ,

00:23 |

 

心灰意冷

點解每次都要攪到個個心灰意冷
灰到爆先安樂?
唔係第一次了
今次多得lewis讓我避過一劫
但我深信, 避得一時避唔到一世
都係要認命
只希望唔好再係咁
盞大家冇癮...

00:19 |

Tuesday, July 25, 2006 

當萊斯遇上亞祖

我睇字比較慢, 今日終於睇完哂成本書
其實好感動
感動的不單是一個舞台上的新星的孕育過程
而係一個關於愛的故事

睇完之後深深體會到亞祖, 萊斯, 以及其家人, 朋友, 甚至fans的愛
這是一本充滿愛的書
就好似Love Actually咁, 睇完會full of love
只不過呢本書並唔係講愛情
而係透過兩個人的經過時間成長的過程中
不同的人對他們的睇法~

睇完呢本書, 就有幾樣野好想做
第一就係睇《Bent 屈獄情》
上網搵到隻dvd, 我諗我遲d會訂佢返黎睇..
第二就係搵萊斯
但點知今日晏晝佢黎左我公司搵我!!
真係估唔到!! 超開心!!
而且好多謝佢今日救左我!

期待你的新作!

Labels: ,

22:17 |

 

書展不愉快經歷-後記

其實我諗最大問題係d工作人員點處理打尖人士
(工作人員明知d人打尖, 又冇籌, 又會派籌比佢0架喎!)
或者係點樣控制人群
(例如有咁多工作人員, 點樣分配人手控制龍頭, 尾, 同中間間開0既部分)
同埋點樣處理突發性事件0既手法
(好似點樣先安排龍頭先到新場地, 再依次序轉場)
如果呢幾部分處理得好多少少
要大家等都唔係一個問題
大家都會樂意去支持年輕新晉才子萊斯同梁祖祖0既!
anyway, 希望有關人士可以吸取經驗
避免再發生類似0既不愉快事件!

Labels:

01:22 |

 

王子廚房

上左去深圳
夜晚今次食得豪左好多
就係去左王子廚房
係王子飯店集團0既
主要係食"創意料理"同"中西日"
間舖門口都嬴哂
因為先要通過機關先開到門
(不論正、側門)
樓高三層(響五樓商場入面!)
中間有個大天井, 完全係香港唔會有0個種!
食左好多尚算名貴0既菜式
但都係好平(相對香港)
如果響香港食同樣菜式
同差唔多0既環境同service
我地估計不少於呢個價錢0既三倍!
如果有機會真係得閒要上去食下野!

Labels: ,

00:09 |

Sunday, July 23, 2006 

睇書

書展後遺症-睇書潮又開始左
呢兩日成日都好想快d睇完好友本書
但係自己睇字真係好慢
即使成日執住本書都只係睇左一半
今年行書展係歷屆最長
但係又使錢係歷屆最少
本諗住控制自己唔好使多過500蚊
點知由於有幾個想去0既booth 見唔到
又唔想重行多次0既關係
放棄左去Keng Seng同kubrick
慳左唔少錢~
今年只買左五本
(上年0個d仲未睇哂!)
當中有兩本係好得意0既書
名為《香港風格》同《香港風格2-消滅香港》
好想快d睇哂佢地!

Labels: ,

23:56 |

 

嘉出版-書展的不愉快經歷

本來一心高高興興的去撐場
支持下好友萊斯推出新書"當萊斯遇上亞祖"
排隊去拎亞祖同萊斯簽名
但出版社嘉出版的工作人員做了令人很不滿意的安排
由於人太多, 要分了兩條龍排隊
一條響嘉出版附近, 另一則響場邊
我被安排由嘉出版的附近移步到場邊排隊
之後等了半個鐘左右
有工作人員截了我地後面的人
叫我地移到嘉出版攤位附近
明明是最後的
但到嘉出版攤位附近後就有人排響我地後面
而且並唔係被截0既人
之後嘉出版工作人員更知道佢地係冇籌
但係又比佢地排
之後簽到差兩個就到我地0既時候
另一嘉出版工作人員講大會要個簽名改地方
但又明明我地條隊只剩低四組人(唔計後面打尖的兩個人)
之後等左一排佢地話要籌換籌
得到003號籌
咁呢問題黎喇
佢地又比籌後面兩個人喎
唔理住啦
嘉出版0個個人承諾會比返我地簽左先
之後又等左半個幾鐘
個應該係嘉出版高層少少0既人帶我地行
點知到簽名場地時佢地係簽緊名!
仲帶我地去隊尾!
即刻火都黎埋!
明明遲我地好多去排隊0既人都前我地好多!
同嘉出版佢地講, 佢地又乜都話明
又要等完一輪先話要我地兩個兩個去
因為前面排緊, 唔可以咁揚插隊
癡佢線丫, 我排左幾耐?!
到我地簽時第一時間同返lewis同亞祖講返
真係唔知嘉出版d人點做野! 不知所謂!
不過算, 我黎撐我朋友場, 唔同佢地計
見到佢地好開心我有黎支持
佢地仲補祝左我生日同送左好難得0既0野!
好多謝你地兩個呀!
每一次攬一下都真係好warm!
之後原來蝦頭今日仲photographer!
佢都居然知道我生日! 哈哈~~
之後亦聽到不少人對嘉出版0既安排好不滿
我為左表示不滿
我決定響其他檔口買佢地嘉出版出0既書
等嘉出版佢地賺少d!
anyway, 衷心祝佢地本新書"當萊斯遇上亞祖"大賣!

Labels:

00:28 |

Friday, July 21, 2006 

Phantom of the Opera 歌聲魅影

香港人:
- 遲到
- 入場後飲野
- 入場後講電話
- 玩電話
- 電話影相
- 閃光燈影相....
點解要咁架
等左我11年比d好d0既印象我好唔好0者?
唔講佢地
講套劇
d sets, props同costumes真係超正!
d演員又唱得勁!
真係勁enjoy個show!
多機關, 多特效
(特效多到好眼花!!)
真係好值得去睇!!
整體真係幾好!
香港有個好d0既場(大d),
多d呢d劇,
同埋有個咁0既包廂形式堂皇0既theatre就好喇!

Labels: ,

01:33 |

 

麥當勞奇妙生日會

Clue A: GM問我好唔好唔飲茶, 話個個生日都去飲茶, 唔飲介唔介意
Clue B: 12:45開會
Clue C: 冇用到Conference Room開會, 用左老細房開
Clue D: 唔知幾時落左簾
開開下會就有人拍門
咁就開始左麥當勞奇妙生日會
佢地叫左麥當勞哥哥同麥當勞姐姐上黎公司開party!
玩左d遊戲, 送左d禮物
開開心心食下野就玩完左
有d同事不知玩到幾開心!
之後麥當勞哥哥問問題先好笑
佢問麥當勞叔叔住響邊
原來係開心樂園
(以前未有開心樂園咁佢咪訓街?!)
之後又問入面有乜人
d同事就話有我
咁我就話有山德士上校賣緊雞
哈哈!
都好開心!
不過最估唔到有勁多cake!
一共有4個cake加2件我組員handmade0既cake!
多到呢~ 哈哈!

Labels:

01:27 |

Thursday, July 20, 2006 

多謝各位

多謝各位有心人!
今晚的一頓飯回憶了很多
好友Haze同我去左食一餐好開心0既dinner!
特別係Hazw所揀0既地點!
無論係依家食0既地點或冇揀到0既地點
都係以前感慨0既兩個承諾!
今次個Birthday Cake真係surprise到我!
d人走哂過黎唱歌我仲諗緊乜野事!
哈哈~~
右面個相集加左新相呀~(仲有新片"書展中的地下鐵"~)

另外特別要多謝百忙都打電話黎0既梁祖祖, 同埋今日出左新書0既新晉才子萊斯, ......
多謝哂咁多位!!

Labels:

00:40 |

Wednesday, July 19, 2006 

"日記．遺物"

遲左入場...
要成半個鐘後先比入...
一直響外面睇電視
發現art center通往地下那兩道門消失的壞處!
就係超嘈! 睇電視都聽唔到d聲!
但唔知因為冇睇一部分
定係個劇本身問題
其實都好普通
睇完都冇野可以問
所以就索性走去食野!
哈哈
(其實現場留低0既人都唔多...)

Labels:

00:02 |

Tuesday, July 18, 2006 

舊blog

究竟乜野係朋友?
朋友係...

唔會戒意你朋友既一Ｄ缺點
響你開心時同你分享歡樂
響你唔開心時會聽你講
響你苦惱時比意見你
響你孤單時陪住你
佢會講秘密你聽
唔一定成日見
會掛住對方
珍惜對方
愛對方

你點睇?

Labels:

02:14 |

 

"孔巨基"

本身睇呢套劇係有 expectation
但原來同我expect 0既野有d唔同
一個one man show, 做足90分鐘
一d都唔易, 好想讚下陳浩峰, 厲害!
雖然個set好簡單, props都好簡單
但係我就覺得好直接了當咁present出個環境同各樣atmosphere
當中有一場係一個家庭, 只係一個穿左好幾個窿窿0既木板
陳浩峰就一人分哂咁多角,
仲要全部script都係三個字! 直頭係三字經!
(最鍾意當中一句: "牙斬斬, 死得慘!")
另外一開始0個幕, 用好澎湃0既音樂
加一個孔子像, 加一d燈光效果
就好簡單又好有力咁做出孔子經過咁多年成為萬世師表的感覺
好正!
(特別係當燈光打落去個格仔鏡0既set上面反射出黎0既lens flare...靚到呢...)
值得再讚都係陳浩峰
第一首歌"補習之迷戀"咁難唱都唱到...勁!
同最尾"唱K回憶錄"歌詞好難填
好有古巨基"勁歌金曲"feel, 但比之arrangement更好!
當中有一段用哂d演唱會名做歌詞
如果有機會真係希望可以再聽!
不過當然呢套劇都有不足之處
好似有部分好似拉得太長
有時又因為one man show變得台上冇得交流
而且響"孔子樂園"個act入面如果有幾個"臨記"響後面行下
個效果會更好!
下次有機會會再睇佢地0既production!

Labels: ,

00:23 |

Monday, July 17, 2006 

驚

今日發現lew個blog消失左
頓然好驚
好驚發生左d咩事
真係好驚
又搵唔到佢..
好彩搵到人確定佢冇事
lew, 記得仲有我呢個fd!

00:02 |

Sunday, July 16, 2006 

"娛樂大坑之大娛樂坑"

終於記得呢個劇名喇
次次都唔知係"娛樂大坑之大娛樂坑"定"大娛樂坑之娛樂大坑" 先0岩
今日睇左
比預算時間短左好多
而且只有套劇0既第一幕
其實比唔到d乜野comment
但覺得個開頭幾interesting
感覺有d飄
特別係響某d script度感覺就好強烈
唔知關唔關我睇完黑社會之後黎睇呢?
而且如之後分享會所講
其實套劇由prologue開始已經好電影feel
勁其待有個正式演出!
今日最攪笑係響subway食野撞到dee&祖!
哈哈!

Labels: ,

23:12 |

 

"黑社會2之以和為貴"

其實我一d都唔想睇呢套戲
但點知又唔小心睇左
睇完之後同未睇都冇乜分別
因為套戲冇內容
睇唔睇都唔會有分別
而且呢部戲過份宣揚暴力
用不必要的鏡頭去表達該等暴力
artistic咩? 唔係
必要咩? 更加唔係
唔明點解電檢處又會比呢d戲上囉
又一套冇內容冇意思0既打打殺殺倒模式港產片!

Labels:

23:07 |

Saturday, July 15, 2006 

"All for Love" (我生涯中最美的一周)

終於睇左呢套戲
其實仲有另一套應該差唔多0既韓片未睇
就係"真的愛你"
呢套片幾好
六個故事的交織下
成個故事都幾tight
但tight得黎又幾好~
感覺真係好舒服
真係好似早兩年套"Love Actually"
睇完真係好有love 0既感覺
好正
雖然有d位太戲劇性
但都唔緊要
個story幾sweet
近年韓片都有幾大進步(我覺得)
因為佢地題材闊左, 又唔似以前下下要生要死
又或者用超長shot去present個景幾靚...
anyway, 今年對韓片0既感覺大大改善!

Labels: ,

22:55 |

 

廣告時間~

各位幫幫手~ 我好朋友萊斯出書呀~ 支持下丫~

《當萊斯遇上阿祖》新書簽名會

日期：七月二十二日 (星期六)
時間：下午三時至四時
地點：灣仔會議中心「嘉出版」攤位 2B26, 28, C25, 27


內容簡介:

《當萊斯遇上阿祖》是一本關於愛的故事。

梁祖堯 ( 阿祖) 是一名香港舞台劇演員，被封為現代香港「劇場明星」。回顧劇壇，可以相比的，已是多年前的謝君豪了。但你對他的認識有多少呢？台上和台下的他，究竟是一個怎麼樣的人？

梁祖堯憑《攣到爆》奪得二零零四至零五度香港舞臺劇獎「最佳男主角」（喜 / 鬧劇），並獲聯合提名香港舞臺劇獎最佳導演。近期較為人熟悉的演出有何韻詩《梁祝下世傳奇》和《你咪理，我愛你，死未？》。

這本書的作者Lewis， 筆名萊斯，是梁祖堯的知己，亦是伴侶。在書中，他尋訪了阿祖的家人、朋友和工作伙伴，逐一細訴阿祖的童年往事、在演藝學院學習戲劇時的難忘事情、曾演出的舞台劇，以及他們眼中的阿祖是怎麼樣的一個人。

Lewis在書中亦不避諱公開他與阿祖的關係，由他們如何認識、成為朋友，到最後成為互相扶持鼓勵的伴侶，他都娓娓道來。正如他告訴我們，寫這本書的最大原因，就是要對阿祖說一聲：「謝謝你的愛」。

作者簡介:

Lewis，筆名萊斯。自由創作人＋藝術推廣。有一網上日誌《萊斯手記》。

Labels:

00:45 |

 

拉闊演奏廳

上一次睇拉闊已經唔記得幾時
今次難得孖屎先生約出黎
又同埋亞琶& rae姐
再痛都出黎!
睇到at 17同edmond演出
好明顯edmond準備不足
不停咁睇mon(歌詞)
又無啦啦入錯人地個位
可能太耐冇on stage緊張卦?
兩個都係響今年會響紅館演出0既單位
夾起上黎怪怪的
一個就浸左咁耐, 一個又咁新...
不過最開心係唱左幾首人地0既歌而我又好鍾意0既
有梅艷芳0既夢伴, 有陳綺貞0既告訴我, 有張震嶽0既自由...
回想返起以前唱k 0既日子
好開心
今晚又同幾位好友難得一齊
跳左一晚, 玩左一晚, 好開心~

Labels:

00:38 |

 

胃痛

痛
第一次痛到咁
面容扭曲
完全集中唔到...
終於到我了...

00:34 |

Friday, July 14, 2006 

"中途轉車"

今日睇左呢套劇
比較特別係根本套劇係未完成
但又係公演(公開展演/現)
劇本都ok
但係就覺得比較急
兩位演員都不差
感覺出黎都幾實在
不過係覺得個完結唔係做得太好
怪怪的...

Labels:

00:14 |

Thursday, July 13, 2006 

銷售稅

睇完呢幾日有關銷售稅0既news
真係覺戈得點解我地0既政府會係咁?
首先唔講銷售稅係好定唔好
成日用埋d 0拿咋招想昆人
呢d咁0既行為除左突顯我地政府領導層的無能
亦令大眾市民明白
我地0既政府係會不擇手段咁去達到佢地0既目標
如果件事係無問題0既又使乜用到呢d咁0既手法去sale?
再講
銷售稅我覺得超無意思
所得的不及所失的
香港人收入斷層都唔細
仲走去開d咁0既稅去拎窮人錢, 派錢比有錢人?
而且香港人口越黎越老化
你叫d亞婆亞伯比咁多稅?
所謂的補救措施有乜用?
細個時成日讀
"香港稅率低, 吸引左好多人黎買野, 係購物天堂
維多利亞港港闊水深..."
到依家, 仲係咩?
所以, 如之前所講
曾蔭權的政治智慧不比董建華高
只係時間係響香港復甦時出現.....

08:06 |

Wednesday, July 12, 2006 

心情

心情有d複雜...
有期待: 密集式theatre日子來臨了
有意外: 收到agent寄黎0既禮物同card(仲有隻佢畫0既公仔!?)
有興奮: 掃左一大堆零食!
有上癮: 打機!
有難過: 有個新識的朋友今日去睇報告
......
有點亂

Labels:

22:16 |

 

外面的世界

曲/詞/唱：齊秦

在很久很久以前
你擁有我　我擁有你
在很久很久以前
你離開我　去遠空翱翔

外面的世界很精彩
外面的世界很無奈
當你覺得外面的世界很精彩
我會在這裡衷心的祝福你

每當夕陽西沉的時候
我總是在這裡盼望你
天空中雖然飄著雨
我依然　等待你的歸期

在很久很久以前
你擁有我　我擁有你
在很久很久以前
你離開我　去遠空翱翔

外面的世界很精彩
外面的世界很無奈
當你覺得外面的世界很無奈
我還在這裡耐心的等著你

每當夕陽西沉的時候
我總是在這裡盼望你
天空中雖然飄著雨
我依然　等待你的歸期

外面的世界很精彩
外面的世界很無奈
當你覺得外面的世界很無奈
我還在這裡耐心的等著你

每當夕陽西沉的時候
我總是在這裡盼望你
天空中雖然飄著雨
我依然　等待你的歸期
我依然　等待你的歸期

Labels:

00:07 |

Monday, July 10, 2006 

電視

今晚一返到屋企
估唔到我屋企會放棄左睇電視劇
走去睇無線娛樂新聞台開台盛典
一睇
嘩, 駛唔駛呀...
出動哂自己所有藝員
仲召左好多人睇
諗諗下, 究竟有邊個唔黎咁夠膽?
之後再諗諗下
有線真係執得囉~~
依家樣樣野都唔得(劇集, 娛樂, 電影, 資訊...全部唔得)
唯一0既足球今次又收視慘淡
下次世界盃都唔會爭(因為pay tv唔可以比少過22場比free tv)
咁佢仲唔執得?
好耶!

21:27 |

Sunday, July 09, 2006 

行

好耐冇一個人由金鐘行去灣仔再行去銅鑼灣行街
行左好多地方
特別係銅鑼灣新hmv, 行左好耐!
還好, 銅鑼灣的hmv規模同以前差唔多
唔似尖沙咀超濃縮~
買左兩隻碟
唔知幾時先會睇呢??

Labels:

01:47 |

Saturday, July 08, 2006 

終於...

錢終於使左喇...

Labels:

01:13 |

Thursday, July 06, 2006 

超爆笑....

又係一個日本遊戲節目
規則係響兩日一夜0既溫泉之旅中
踏入該市開始就唔準笑, 直到離開該市
一笑就要打一下屁股....
我諗如果我要參加
一定比人打到屁股開花.....
一共13集, 真係好好笑

http://www.youtube.com/view_play_list?p=B0058439E9DAA932

Labels:

00:45 |

Wednesday, July 05, 2006 

想...

想放假
想訓覺
想睇戲
想去旅行
想買份禮物比自己
想到台灣遊走一頭半個月
想去一個向日葵田舒舒服服咁訓響度
想去一個陌生的地方無拘無束的四處影d自己鍾意0相
....
想今年生日....

00:29 |

Monday, July 03, 2006 

追

回想上一次是去年四月
好似去得越黎越密
真係有d唔開心
當然唔鍾意去funeral
但係最唔願意見到
係一個又一個的離開
雖然
人本是孤獨...

最唔想見到我爺爺的一輩
就只剩下我的八姑婆一個...

想一想
如果第時自己的funeral會係點呢?
記得以前講過
無論如何有d人一定要出席
位置有幾重要...
但依家我諗
我想佢黎但佢唔想黎又點呢?
不過人都死了
又何必計較咁多呢?
但我可以好肯定的說
有如舞台劇「一粒金」的對白
需要的不是一個喧鬧的很多儀式的靈堂
而是一個追思會

不知道自己有沒有可能有一個追思會
亦不知自己是否值得被追思
但最少我想死後都可以令我的朋友gather一起
沒有了我不緊要
最緊要開開心心

悼
四姑婆

23:42 |

Sunday, July 02, 2006 

唔知點解

尋晚睇左一個人0既blog之後
有d感動...
難道...

16:35 |

 

7.1

今年7.1都冇去遊行
反而去左元朗一間餐廳度同同事食飯+開會
其實幾開心今日0既氣氛
只不過係間餐廳都未夠舒服
而且有d嘈
(左聲道係音樂加人聲, 右聲道係電視聲加人聲)
但係就覺得開d咁causal0既會可以令個人輕鬆d又唔使咁辛苦!

00:55 |

Saturday, July 01, 2006 

風車草Su Be Do Wa音樂會

尋日睇左呢個show
一直都想睇下佢地會揀d乜歌
有d就當然中
好似我鍾意0既all that jazz呀~
又有我鍾意但冇估到0既fever,
不過最攪笑係亞jo真係好charm
點解咁講呢?
企我隔離有個人
每當亞jo唱完歌佢就會超大力拍掌....
咁就知道亞jo有幾charm....
anyway, 好開心睇左呢個show
去返好耐冇去0既fringe club聽歌
感覺好好!

Labels: ,

23:41 |

Google

Links

Email me

Recommends