Blogger luvul had been moved to www.luvul.com!

呢個blog將由現時起轉到www.luvul.com繼續
新blog將由Blogger.com系統轉為WordPress系統
而RSS亦轉為http://www.luvul.com/wordpress/feed/
一般舊直接連結(如http://www.luvul.com/blogger 或 http://blogger.luvul.com)
均已自動轉至新網址
只需type in http://www.luvul.com即可

This blog had been moved to a new address www.luvul.com continue
The blogging system will be using the WordPress instead of the Blogger.com
The RSS feed had also been updated to http://www.luvul.com/wordpress/feed/
All the old direct linking (eg http://www.luvul.com/blogger or http://blogger.luvul.com/)
will be redirected automatically to the new address
Just log on to http://www.luvul.com will be the easiest to remember!

Labels: Notice, 通告

期待已久
因為自上次劇讀之後就好期待幾時完成
今日終於睇左
黃詠詩響寫關於家庭0既劇係有一手
上次一粒金我好鍾意
今次都好鍾意
但睇完0個個moment就覺得主角選擇自殺一幕
個scene突然轉得太快
完全冇expect到主角會選擇自殺
整體感覺好好
好似響配樂同選角都唔錯
由序幕的La Soladad, 到插曲Que Sera Sera都好好
舞台設計都幾好, 背景牆所畫的一條橋好靚
睇0個時一直以為有d字隱藏響入面
(死喇, 我係唔係好似《A Beautiful Mind》入面個Russel Crowe咁)
之後再問返黃詠詩先知只係瓦礫, 冇其他meaning
整套劇當中就好鍾意舞火龍一幕
props好簡單, 但個效果好好!
配合牆上面0既螢光油就好好!
當我睇完哂套劇, 返到屋企
見到黃詠詩online就係咁問佢關於套劇0既疑問
先知道原來有更多野我忽略左
例如點解會有鬼魂出現?
點解個媽媽響個女生日會點對蠟燭比佢吹?
仲有點解夢入面亞媽又唔係好同左咁?
原來仲有詮釋架!
真係要再消化一下~
大腦有d便秘~
如果有機會真係想睇返黃詠詩家庭三步曲0既第一步曲
《白老鼠靚靚與大配角思思的家庭糾紛》

後記:
突然間記起劇中一句quote
幾鍾意, 響度share一下

去旅行唔好淨係記住個機場

雖然我自己唔係呢種人
但係呢句說話我覺得好好呀~

Labels: 劇, 悅

今天遊走了灣仔很多地方

香港藝術中心
成日都黎art center
今日就好好彩睇到好想睇0既absolut creativity 0既exhibition
不過係可惜少野睇左少少
如果再多d野睇就更好!

利東街
亦稱喜帖街, 由於受市區重建影響
整個區域均已收樓
一條冷清而佈滿已結業/搬遷的喜帖舖
如此contrast, 更加覺得悲哀

皇后大道東
近幾年幾鍾意行呢條街
因為通常都會搵到好多得意野買黎送比人
當中有間舖就係每次都會行下
每次都會有新野show出黎~
好吸引~

太原街
我地自己改左個名叫佢玩具街
亦都唔知幾時
買玩具都鍾意黎呢度
因為有好多兒時玩具都可以搵到
今日就搵到好耐冇見0既波子棋
就即刻買左盒
友人問, 文具舖都有啦
但如果你有留意
文具舖賣的大多已係塑膠版
唔係以前"天壇"紙盒版喇~

春園街
呢一帶有好多鐵皮屋
呢D舖其實都有好多得意野搵到架
你有心行下一定搵到D得意野!

機利臣街
本身呢條街只不過係一條街市0既街
但係就最得意係idn (本地設計雜誌) 響度開左間idn pro shop0既gallery
記得只睇過一次show
因為佢只開office hour, weekend又close
0個個show係苦榮0既show, 好得意
不過話說回頭
最頂癮係此舖旁係豬肉檔同南貨檔, 前面係鐵皮檔
個location都ok interesting

星街
之前一次黎過食野
就幾鍾意呢個社區
叫呢個做社區係因為呢度幾幢大廈0既範圍
就好似自成一國咁
好有氣息, 好舒服
同前面0既舊區好唔同
可能因為條街名夠靚卦?
今日除再次了解呢條街有乜好食之外
仲發現原來中環soho區以前耐唔耐去下0既agnes b gallery
係搬左黎星街(新soho之稱)附近!
下次有機會要黎睇下exhibition!

Labels: 憶, 遊

八月的故事
香港 2007 導演: 麥婉欣
n/a

呢套戲其實係今年電影節之中幾想睇0既一套戲
但可惜因版權問題取消左
十萬個可惜
始終呢套係短片
響香港都唔會有機會播咁滯
唯有寄望響其他影展/下年電影節可以睇得返
又或者出到碟都好
我相信呢套戲會好好睇


相關網頁: HKIFF | imdb
Image copied from www.hkiff.org.hk

-----

西安故事
中國 2006 導演: 陳果
＊＊＊＊＊＊＊＊．．

可能因為係同時期拍
陳果導演0既西安故事同盛志民導演0既浮生基本上用同一批演員
(兩套戲均由陳果及盛志民聯合監製)
感覺上有d亂
不過就響半個鐘入面
已經將好多野交代得好好
新舊的對比很強烈
不過可能長度所限
未有交代到兩人的婚姻失敗原因
令之後的"復合"顯得有d古怪


相關網頁: HKIFF
Image copied from www.hkiff.org.hk

-----


我們的十年 (同場加映)
中國 2006 導演: 賈樟柯
＊＊＊＊．．．．．．

對不起
可能始終長度所限(十分鐘)
我對其內容真係摸不著頭腦
點解一個記者(應該係)會成日咁去同一個地方?
而個記者又會拎住部老爺相機但又用Polaroid?
我覺得件事係唔make sense
而且鏡頭刻意拍響火車中段車卡上向外拍行駛中火車前面的路軌
但其重心遠遠離遠了
我覺得就好似跌左落車咁
況且, 一份報紙成立十周年不是一個很吸引的主題
(除非該報紙定位很鮮明)
我反而期待香港回歸十周年會有人
將過去十年的人和事剪成一條doco
吸引力仲大好多...

Labels: HKIFF, 戲

一直好懷念台灣士林夜市的鐵板燒
尋日響太古城見到有燒板燒
好想食, 但時間太趕, 食唔到
今日好彩搵到人陪我去食
雖然呢間野唔算得好好食
但我覺得總算有heart整
同埋價錢唔算太貴
而且有我最鍾意0既銀雪魚呀~
遲d一定要搵個機會上去食中森名菜!

Labels: 悅, 食

英國 2006 導演: Sean Ellis
＊＊＊＊＊＊＊＊＊．

其實呢套戲感覺幾商業
但唔睇資料唔知
呢套原本係2004年0既一套短片
響2006年佢地將佢變成長片
睇完都真係唔覺
不過呢套戲個concept我幾鍾意
超現實得黎又好真實
而且響角色設定方面做得幾好
將每個角色都刻劃得幾好
呢套係一套睇完之後好舒服0既戲
響睇左咁多套戲之後終於呢套算做positive一d
如無意外會響戲院上
值得一睇!
有機會真係好想睇下短片版!


相關網頁: HKIFF | imdb | Official Site
Image copied from www.hkiff.org.hk

Labels: HKIFF, 悅, 戲

台灣 2006 導演: 鄭有傑
＊＊＊＊＊＊＊＊＊．

呢套戲感覺好得意
導演用左五個人物的故事去組織成套電影
特別於呢幾個人的關係的交織
做得很好~
另外一直就一個演員有印象
但就一直唔記得響邊度見過
到臨尾字幕一出~
我記得喇! 係莫子儀!
係之前有份響"包法利夫人們"做演員0既!
套戲0既鏡頭拎得好靚, 於海灘打交一幕, 超靚!
雖然因為套戲頗多穿插位令我仍有部分野唔明
但係套戲真係好好!


相關網頁: HKIFF | imdb
Image copied from www.hkiff.org.hk

Labels: HKIFF, 悅, 戲

中國 2006 導演: 盛志民
＊＊＊＊＊＊＊＊．．

大陸片一直有一樣野第二d地方拍唔到0既
就係人情味
呢套戲都係一樣
今日係清明節
睇呢套戲就好似最0岩0既日子
響呢個家入面
到底各自諗緊d乜?
真係只有自己知...
喜歡套戲的質感
就如導演所講, 天氣有很大的幫助
最估不到的係, 原來部分演員都只係業餘
不過整體而言, 故事的節奏應更為暢順

相關網頁: HKIFF | imdb
Image copied from www.hkiff.org.hk

Labels: HKIFF, 戲

台灣 2006 導演: 蔡明亮
＊＊＊＊＊＊＊＊＊．

一直都好鍾意蔡明亮0既戲
佢0既戲通常都用一d較長0既shot
較少對白去表達出黎
記得第一次睇蔡明亮0既《不散》就好印象深刻
幾鍾意李康生一直以兩個角色誤導觀眾的手法
以及以馬來西亞作主要故事背景
不再局限於台灣之上
(雖然我都好鍾意佢拍出黎0既台灣)
而當中要講0既野只需幾件小事就可以解說
不需再硬要對白
呢套套更令我回想起當年的香港爆發SARS的情況
只係可惜今日狀況唔太好, 唔係可以更加睇得多d野出黎~

相關網頁: HKIFF | imdb
Image copied from www.hkiff.org.hk

Labels: HKIFF, 悅, 戲

今日一check個email
一件好開心0既事發生左呀~
之前響個blog度post左一個問題同一個答案出黎
其實係Yahoo!知識+ 0既名人問題
因為佢地問題數量達到一百萬
就攪左呢個活動
每一個人答一條問題, Yahoo!就會捐$5比樂施會
咁我當時見到其中一位係我好鍾意0既演員蘇玉華有份問問題
咁我就毫不猶豫咁去答
呢題同其他唔同
其他問題一到100個答案就會自動cut
呢題就有198個人答
而之前又extend左一次
尋晚終於選出答案
而被選答案係我0個個!!!
超開心!!
開心的不單是被選中了為最佳答案
而係最後有一句comment
"多謝你的詳盡解答, 答案清晰及很有條理. 感激你為世界出一分力!"
呢句說話好感動!
雖然呢個答案只值$5, 而且選中又唔會有獎品
但真係希望個問題可以keep住有人睇
特別係關事0既人參考一下
幫手評價一下丫~

Yahoo!知識+ 名人 - 蘇玉華
問題: 怎樣才能提高香港的戲劇水平？
[詳細]

Labels: 劇, 悅, 狂, 迷

又一個周期了
心情真的很差
很快就會發瘋
很想放假
很想去台灣
很想多訓幾個鐘

Labels: 悲, 想

今日路過Mandarin Oriental
不經不覺已經第四年了
四年間, 人面全非
Mandarin Oriental已經沒有露台客房
記得四年前今日的我
記得四年後今日的我

Labels: 哀, 悲

南韓 2006 導演: 申東一
＊＊＊＊＊＊．．．．

因為上年睇左幾套韓國片都幾有水準
今年刻意揀多少少韓國片睇
一直都覺得呢套戲個故事好似出現左d問題
但又講唔出問題響邊
但就有d鏡頭真係幾估唔到
而三個人0既關係我都唔係好解得到
有d混亂...


相關網頁: HKIFF | imdb
Image copied from www.hkiff.org.hk

Labels: HKIFF, 戲

美國 2007 導演: 陳士爭
＊＊＊＊＊＊＊．．．

睇呢套戲有兩個原因
因為Meryl Streep同劉燁
呢兩個都係我幾鍾意0既演員
好難想像一個中國演員同一個美國演員點樣合作
結果, 劉燁將角色演繹得好好
反而可能因 Meryl Streep的戲份不多
沒有足夠空間去develope
不過個角色就好似為Meryl Streep度身訂造咁
真係諗唔到除左Meryl仲有邊個可以suit到..
而對於一個咁悲哀的故事
突顯出中西兩方的文化及地域差異
由真人真事改編而成, 格外震撼



相關網頁: HKIFF | imdb | Official Site
Image copied from www.hkiff.org.hk

Labels: HKIFF, 戲

發生左少少事, 話說我自己一直記住9:30開場
9點鐘到場時仲慢慢黎
到我入場時先知原來已經開始
入場時發現全場好爆
個帶位員帶我到中前位置同我講要坐最邊位
咁照入去啦, 一直都覺得坐隔離個人好熟口面
走0個時佢又急住走左, 都唔sure係唔係佢
只係對佢對眼袋有d印象
之後走0個時send完個sms比我0個個friend
先知原來真係佢! 個世界真係好細!!

Labels: HKIFF, 狂

南韓 2006 導演: 李松喜一
＊＊＊＊＊＊＊＊．．

呢套片第一樣唔鍾意係套戲個中文名
真係打個凸囉
佢真係唔改好過改...
仲要睇完套戲都唔明個中文名點解會係咁
呢套戲其實內容好簡單
但我就覺得舖排d位做得唔錯
可能現實中帶點不現實
整套戲感覺縛好
而當中有部分舖排仲好譆brokeback mountain!
配樂方面都做得幾好
韓國片響愛情片都真係拿手d~


相關網頁: HKIFF | Han Cinema
Image copied from www.hkiff.org.hk

Labels: HKIFF, 戲

香港有今日︰荔園光榮結業
－－－－－－－－－－－－－

【蘋果日報訊】1997年，香港經歷巨變，經營近半個世紀荔園，亦都年3月31日結業。當日有三萬幾人入場，陪荔園度過最後時光。不過，熱鬧人潮掩蓋唔到園內動物園荒涼，曾經帶畀唔少港人童年回憶老虎、孔 、大笨象，多年來死死、送走送走，最後一刻，只剩下空空如也鐵籠，唔少人舊地重遊都好心酸。
好彩機動遊戲仍然可以玩到最後一秒，招牌海盜船、碰碰車同衝天宇宙船大排長龍，摩天輪、旋轉 馬、小飛象亦都轉完一圈又一圈，歷史悠久掟香口膠攤位遊戲迫滿晒人。玩到夜晚11點，當員工停機動遊戲之後，竟然有好多人意猶未盡，自己用手推動遊戲，賴死唔走，擾攘到凌晨接近1點，荔 終於關上同港人講拜拜。荔園塊地賣畀長實起樓，昔日摩天輪同大象剩低回憶，長埋盈暉臺之下。

Labels: 憶

馬來西亞 2007 導演: 吳明金
＊＊＊＊．．．．．．

講真, 對呢套戲係有d失望
套戲主要係講兩個人物所發生的事
解構佢地分別對海與象的情意結
或算我愚昧, 我未搵到箇中的關係
那隻象只出現了十秒左右
真的表現出其關係嗎?
我又睇唔出
另外, 唔知係唔係馬來西亞0既關係
當中一句說話可以夾雜廣東話, 國語同應該係馬拉話
真係攪到我有d精神錯亂....
總括而言, 我覺得呢套戲去唔到0個個位
真係有d失望...


相關網頁: HKIFF | imdb
Image copied from www.hkiff.org.hk

Labels: HKIFF, 戲

香港 2006 導演: 區雪兒
＊＊＊＊＊＊＊＊．．

第四場, 繼續好爆
仲第一次坐circle, 仲要睇戲
原來坐circle頭幾行都okay架~
講返套戲
我唔係好明點解開初導演會講頭十分鐘係個局
(我唔記得佢用邊個term, 但差唔多意思)
睇完我都唔係好明箇中原因
不過唔緊要, 反而比左個心理準備我去睇呢套戲
由明哥同V記做0既配樂夾得幾好, 好明顯落左心機落去
選角其實幾好, 周迅幾切合個角色
係唔係幾鍾意太多一人分演幾角
不過最攪笑係, 個個native都唔係廣東話, 但就偏偏要講廣東話
而廣東話0既呢, 又講上海話...
張信哲一開口我就覺得好林一峰...
拍攝手法幾好, 剪接方式亦同一般0既唔同
本身係幾好, 不過就有幾個shot我覺得唔太好
script方面其實之仲有room去improve
響戲院上的話應該大部分人都只係拎住d超現實位睇講
同埋覺得應該大眾未必接受到呢種手法
而我就覺得呢套可以成為香港cult片!
最尾就係估唔到呢套戲會係「英皇電影」
呢d片種唔賣得錢架喎~


相關網頁: HKIFF | imdb
Image copied from www.hkiff.org.hk

Labels: HKIFF, 戲

你唔好癡線啦
有咩事都要搵我架

Labels: 傻

香港 2007 導演: 游乃海
＊＊＊＊＊＊＊＊．．

唔知點解今年睇第三場
場場都爆哂, 真係睇得有d辛苦
一開始 "驕陽電影" 四字真係打左唔少折扣
戲入面亦因而多左好多「廣告」
唔知點解好討厭呢種間接廣告
anyway, 套戲係有d out of expectation
editing做得幾好, 有張力
但係就最唔鍾意係d人聲都唔係收現場音
梁家輝同任達華演技不用置疑,
但就唔係好明點解要揀徐子珊?
佢比我感覺唔係好入格
不過整套戲就略嫌故事平舖得滯
情節唔太複雜下變左好似講故事咁
人物方面刻劃得幾好
特別係任達華個角色


相關網頁: HKIFF | imdb
Image copied from www.hkiff.org.hk

Labels: HKIFF, 戲

Labels: 狂

之前post電影節迷離事件簿系列時就已經send左email去HKIFF
但就一直冇人回覆
直至尋晚我再send email
講明再冇人回覆我就會send比各大報紙
佢地先急急搵專人處理呢件事:

1. send email, 內容如下:

經過我們連日來的調查所得，因為我們內部的溝通問題，誤將給該位人士的電郵，傳送至閣下。因此引起閣下的恐慌與不便，本會深感抱歉。

經過此事後，我們已經進行過多次內部的溝通與會議，改善我們內部溝通問題，亦保證此類事件不會再發生。
希望能重建閣下對於我們電影節協會的信心。

另外，閣下能否提供更多資料, 例如：英文全名, 付款信用咭的所登記的英文名字, 交易編號或 Paydollar ID. 好讓我們為閣下尋找交易資料. 又或致電# 852-2102 7388 作進一步的查詢.謝謝.

但個email最得意係, 佢連我資料都搵唔到, 點樣查出個原因???

2. 打電話, 電話中人就不停 "唔好意思", 講返類似email0既內容, 係唔同0既就係佢一開始講到我名。而且多次強調, 此乃人為錯誤, 非系統性問題, 可對佢地放心。

3. 派courier收返張多左0既飛

4. 重新issue我未收到張特刊換領券(佢話網上訂飛時要剔埋, 但由頭到尾都冇出現過呢個item)

未知件事係唔係真係咁就完結
但只希望可以開開心心咁睇完個電影節~

Labels: HKIFF, 怪