Blogger luvul had been moved to www.luvul.com!

期待已久
因為自上次劇讀之後就好期待幾時完成
今日終於睇左
黃詠詩響寫關於家庭0既劇係有一手
上次一粒金我好鍾意
今次都好鍾意
但睇完0個個moment就覺得主角選擇自殺一幕
個scene突然轉得太快
完全冇expect到主角會選擇自殺
整體感覺好好
好似響配樂同選角都唔錯
由序幕的La Soladad, 到插曲Que Sera Sera都好好
舞台設計都幾好, 背景牆所畫的一條橋好靚
睇0個時一直以為有d字隱藏響入面
(死喇, 我係唔係好似《A Beautiful Mind》入面個Russel Crowe咁)
之後再問返黃詠詩先知只係瓦礫, 冇其他meaning
整套劇當中就好鍾意舞火龍一幕
props好簡單, 但個效果好好!
配合牆上面0既螢光油就好好!
當我睇完哂套劇, 返到屋企
見到黃詠詩online就係咁問佢關於套劇0既疑問
先知道原來有更多野我忽略左
例如點解會有鬼魂出現?
點解個媽媽響個女生日會點對蠟燭比佢吹?
仲有點解夢入面亞媽又唔係好同左咁?
原來仲有詮釋架!
真係要再消化一下~
大腦有d便秘~
如果有機會真係想睇返黃詠詩家庭三步曲0既第一步曲
《白老鼠靚靚與大配角思思的家庭糾紛》

後記:
突然間記起劇中一句quote
幾鍾意, 響度share一下

去旅行唔好淨係記住個機場

雖然我自己唔係呢種人
但係呢句說話我覺得好好呀~

Labels: 劇, 悅

今日一check個email
一件好開心0既事發生左呀~
之前響個blog度post左一個問題同一個答案出黎
其實係Yahoo!知識+ 0既名人問題
因為佢地問題數量達到一百萬
就攪左呢個活動
每一個人答一條問題, Yahoo!就會捐$5比樂施會
咁我當時見到其中一位係我好鍾意0既演員蘇玉華有份問問題
咁我就毫不猶豫咁去答
呢題同其他唔同
其他問題一到100個答案就會自動cut
呢題就有198個人答
而之前又extend左一次
尋晚終於選出答案
而被選答案係我0個個!!!
超開心!!
開心的不單是被選中了為最佳答案
而係最後有一句comment
"多謝你的詳盡解答, 答案清晰及很有條理. 感激你為世界出一分力!"
呢句說話好感動!
雖然呢個答案只值$5, 而且選中又唔會有獎品
但真係希望個問題可以keep住有人睇
特別係關事0既人參考一下
幫手評價一下丫~

Yahoo!知識+ 名人 - 蘇玉華
問題: 怎樣才能提高香港的戲劇水平？
[詳細]

Labels: 劇, 悅, 狂, 迷

睇哂呢套台劇其實幾攪笑
經過幾翻波折終於睇完
查實個ending真係幾爛
唔係0既話一套咁0既台劇都ok架
攪到又好想去台灣一趟
可惜都係冇機會去架喇...

Labels: 劇

今日率先睇左首場演出
感覺...太好喇... 真係好鍾意開場的"賴啤"
亞祖做得0岩0岩好, 唔太誇
而且"賴啤"的出現正正好到
又唔會太沉重, 但又唔會太唔關事
中間骨牌scene真係太靚喇
其實幾件props都0岩0岩好
條video對我而言就好震撼
雖然本身與lewis同祖相識
我只知道部分lewis的經歷及狀況
但真係睇到...其實亞祖捉得到個位, 真係0岩0岩好
係唯一覺得尾scene跳得太出, 感覺唔同哂, 有d古怪
整體而言, 真係做得好好

lewis & 祖: proud of you guys!

不過最不愉快係..
同事到場我先0岩0岩知道留唔到飛比佢...
sor~~~

Labels: 劇, 悅

最初買飛之前一直都諗住睇"VV勿語"
但係就響買飛前一刻上網睇
見到"邊城", 三度重演, 加上小寶, 超想睇
咁就買左呢套0既飛
咁買0既時候又係波折重重
(又係urbtix.hk啦, 換左新system諗住好d, 點知仲衰...)
咁睇呢套劇當然小寶係好靈魂人物
但係原來陳曙曦都真係好勁
可惜我同友人都覺得個劇本act 1做得幾好
但act 2就有d拖下拖下0既感覺
應該可以再smooth d
整體而言, 真係一個大型製作
好多人, 好多props, 好多原創歌曲
但感覺"邊城"0既歌唔及"四川好人"0既易記
可能唔同劇種啦
又唔及"遇上1941的女孩"咁...
唔係唔好, 但係的確有d失望...
係小寶, 曙曦, 同其他演員搭夠

Labels: 劇

我好朋友萊斯與梁祖堯合力將萊斯的經歷轉化成舞台劇, 希望大家支持!

---

《烙印》The Lost Boy 舞台劇演出版

演出：梁祖堯

創作：梁祖堯、萊斯

日期：2007 年 3 月 1日至 4 日

3月1日 星期四 8pm
3月2日 星期五 8pm
3月3日 星期六 3pm
3月3日 星期六 8pm
3月4日 星期日 3pm
3月4日 星期日 8pm

只演六場，絕不加演！

地點：香港藝術中心麥哥利劇場

票價： HK$200 【 二月一日在各大城市電腦售票網開始售票。】

* 網上訂票 www.urbtix.hk 節目查詢 Enquire 67092186

《烙印》舞台劇BLOG: www.98.to/thelostboytheatre

V.I.P.門券：HK$380

* 每場特設10張V.I.P.門券。

* V.I.P.門券包括正價票$200 ，《烙印》非賣紀念品及梁祖堯為《烙印》所繪畫的插圖原稿一張。

* V.I.P.門券只能透過主辦單位訂購，如欲訂購V.I.P.門券請電郵到thelostboytheatre@yahoo.com.hk ,名額有限，先到先得。

* 是次演出的所有收益扣除開支，將全數撥捐防止虐待兒童會。

* 有關節目其它詳情，請留意《烙印》舞台劇演出版 海報及宣傳單張，謝謝。

生中不可挽回的事實在太多，既然活著，還得向前走………

當文字昇華為演出 成為兩顆心靈的剖白

“我將三十歲了。身患嚴重抑鬱症。 在過去的廿多年我活在一個不醒的 夢魘中。

十五年間父母的暴力和精神虐待，我不想屈服於他們的威逼 ，不想否定自己的身分，不想終生活在一個謊言裡。我離家出走 。從此，我告訴自己：不要再相信任何人； 驀然回首 ，我孤獨地又活了十多個年頭。終於從血與淚中我頓悟 : 每一個人都擁有足夠的力量去摧毁自己的一生，而那股力量也足以創造 一個新生。 今天，烙印還在，但我正慢慢康復過來........”

《烙印》舞台劇是一個把流行自轉式小說昇華為演出的舞台劇 。由著名舞台劇演員梁祖堯負責改編、導演及主演。這個作品是關於一個男孩自小受到父親暴力對 待及對其同性戀取向的否定，致使他最終離家出走，並與家人 、親友斷絕來往，以希望建立一個自主新生活，可惜 ，過往痛苦的經歷，一直揮之不去、纏繞著他，他不但未能重新生活 ，更患上嚴重的抑鬱病。

經歷了多年顛沛流離的生活，以及與抑鬱病的抗爭，他醒悟不能再這樣 活下去，必須鼓起勇氣，坦誠面對過去的一切。重新認識自己及告別那 段心碎的日子，然後重新出發，走向新生活。

是次演出, 梁祖堯 將會擔當改編、導演及主演的崗位.

希望能與觀眾一起分享這段不平凡的經歷。

正如原著作者所說: “人生不能挽回的事實在太多，既然活著，還得向前走 ；只有心中不帶恨，才可以真正擁抱愛與快樂，享受人生。”

Labels: 劇

2007年第一套劇
再睇熟悉的面孔
但換來全新感覺
突賒記返起《四川好人》 呢套劇
久違了~
媚姨實在太厲害喇
超勁呀~
個故事係幾interesing架
唔錯, 加入能劇0既感覺, 又做到幾chinese
勁呀~
唔知點解幾鍾意棵樹, 好靚呀~
另一估唔到原來亞新除左影相得之外
原來打鼓都好好呀~~
風車草感覺好唔同左
我覺得你地應該做多d唔同0既嘗試!
Goodshow!

Labels: 劇, 悅

2006咁又完喇...真係唔覺...
好想多謝好多人令我改變左好多...
又係時間做個回顧:

- 第一次去揼骨
- 第一次以個人名義收到帖去個婚宴
- 第一次部腦兩隻harddisk響同一日死
- 第一次收到一束鮮花
- 第一次睇Phantom of the Opera in Live
- 第一次有麥當勞叔叔同我慶祝生日
- 第一次響個Friend本書度搵到我自己張相!
- 第一次買部遊戲機比自己
- 第一次搬離家人
- 第一次穿著整套suit
- 一個月內去勻咁多間IKEA!
- 不停咁整野食!
- 重遇一位對我很重要的朋友


Song
Most Peaceful Song - “遇見神” (唱: 張敬軒)
Most Pleasurable Song - “State of Mind” (曲/詞/唱: 林一峰 編: Edward Chan)
Most Serious Song - “You’ve Got to Learn” (曲: Nina Simone / Charles Aznavour 詞: Charles Aznavour 唱: 林一峰)
“盛夏光年” (曲/詞: 阿信 唱: 五月天)
“愛得太遲” (曲: 楊鎮邦 詞: 林夕 編:雷仲德 唱: 古巨基)
“低等動物” (曲: 錢文環 詞: 黃偉文 唱: 陳奕迅)
“分手快樂” (曲: 郭文賢　詞: 姚若龍　唱: 梁靜茹)

Album
“盛夏光年”電影原聲大碟
“笑忘書” 張敬軒

Film
"Sunflower" (向日葵) 中國 - 橫跨30年, 真係好犀利!
"Eternal Summer" (盛夏光年) 台灣 – 燃燒青春印證!
"You and Me" (我們倆) 中國 - 將中國人情的感覺拍哂出黎!
"All for Love" (我生涯中最美的一周) 韓國 - 故事交織得好好!
"Host and Guest" (人中黃人中白) 韓國 - 對韓片完全改觀!
"The Devil Wears Prada" (穿Prada的惡魔) 美國 – Meryl Streep贏哂!
"Spongebob Squarepants Movie" (海綿波比大電影) 美國 - 我最愛的Cartoon Character!
"Zathura" (逃出科幻紀) 美國 - 睇過Jumaji都會想睇呢套戲!

Theatre
“The Phantom of the Opera” (歌聲魅影) – 唔可以算係theatre, 睇過最大型0既演出!
"包法利夫人們-名媛的美麗與哀愁" – 台灣式劇場, 正呀!
"你咪理, 我愛你, 死未! (3rd run)" – 今次最好睇!
"一粒金" – 真人真事改篇感動故事
“戀戀心湖” – 睇劇0既全新感受!
"娛樂大坑之大娛樂坑" – 雖未完成, 但期待2007年完整版!

TV
"Project Runway (Season 3)" Bravo TV – 15集追足3星期, 估中左Winner!
"向世界出發" TVB Jade – 好好睇, 估唔到TVB出到呢D節目!
"Man Made Marvels” " Discovery – 睇到好多好Marvel0既建築過程!
"Spongebob Squarepants" Nickelodeon – 正呀~ Spongebob呀~

Worst Film
"War of the Worlds" (強戰世界) 美國 - 呢套戲樣樣都唔到, 想點?
"Election 2" (黑社會2之以和為貴) 香港 – 渲染不必要的暴力

呢一年係我覺得變得最多0既一年
回想今年年頭0既我, 同依家0既我
其實已經好唔同
做野0既方法, 諗野0既方法
以前我會一件事發生後先會諗好多野
依家會係, 事正發生0既時候, 自己已經會多角度去睇
理解到點解件事會發生
希望黎緊一年可以身體健康, 開開心心, 快d搵到個人!

Labels: 劇, 哀, 怒, 怪, 悅, 想, 憶, 戲, 書, 歌, 狂, 玩, 迷, 食

又一次響一個唔正規0既場睇drama
而今次同上次唔同0既就係佢都係一個正規0既劇
由於本身冇台冇座位
咁發揮空間就可以好大
而佢地就做得幾好, 運用到好多空間
第二就男主角做得好好, 真係好好
女主角未至於唔好, 但就好似rehersal唔夠
比下去就遜色好多
個scenery都做得幾好
惟左右兩旁副台與主台離得太遠, 放返密d會仲好
劇本方面, 雖然係一套翻譯劇
但係就將一個西方0既故事變成一個中式故事
好有中國味道, 而且個結構好強, 值得再讚
惟想講的實在太多, 而演員就只有兩位
加上收音唔太好, 有時聽唔到演員0既說話就會miss左好多野
另外由於唔係正規場, 變左燈光同音效方面都略遜
仲有一樣唔係咁好就係有d位拉据長左少少, 如果少dd就perfect喇!
整體套劇都好好, 兩個演員由頭到尾97分鐘冇轉場
厲害!
變左有d位

Labels: 劇, 悅

第一次響展覽廳睇DRAMA
(之前亦唔知原來個個政府場都有!)
好特別0既一個SHOW
響個場無座位, 任你坐
不過真係幾攰(因為之前行得太耐!)

"點解咁重?"
其實大致明白個IDEA
不過覺得個意念PRESENT得麻麻地
有d貪心, 想講好多野
(不過都正常0既...)

"被遺棄．被利用"
我覺得本身呢樣野係ok interesting
但係成個present方式有d令人唔係好知佢做緊乜
特別係敲打水樽一part
太長了...

"咪走雞"
成個present方式幾ok
但就偏偏冇個好實在的故事/意思

"WHO AM I@愛得太遲"
睇個名就大概估到係講咩
不過略嫌講得太多

"塞車"
亞琶又寫又演, 哈哈, 幾SUIT你喎~
整體OK左
但個平衡木個位有D怪...

"孤單單一．聚合合一"
入面珮分開左幾PART
但可惜故事主人翁0個PART真係好唔掂...
其餘兩PART都幾好呀

完左場個座談會本身OK
但問問下根本就係無意思問題
同埋D人講D野好廢... 究竟佢地有冇睇架??
而且又超長...
真係想走左去!

Labels: 劇, 悅, 累

期待已久 (其實一定係期待左好耐)
終於睇0左
記得上一次 (係, 又係上一次)睇姊宮樂園0既係《玻璃動物園》
真係好鍾意個劇本同埋d演員
睇poster, 睇個set, 睇燈光, 音樂都真係唔錯
演員方面就act 1略嫌太生硬
act 2 末又出奇的流暢, 值得一讚!
特別係黃雪文, 好smooth!
不過今次其實對個劇本有d失望
失望係因為我搵唔到套劇重點想講0既0野
睇完套劇我就只係記得好impact0既set同埋演員
但對劇本0既印象呢...幾模糊...
或者我覺得個角色定位唔夠全面
變左有d野比較牽強...
不過總括而言, 套劇唔係差
只不過係個劇本仲有頗多空間去improve0者~

Labels: 劇, 悅

尋晚趕去睇你咪理3rd run尾場
本身走去backstage睇
之後費事阻到佢地, 始終好忙
中場走入去睇睇後就去返前台
哈哈, 咁就我同黃詠詩一齊去睇左下半場
好開心, 睇到尾真係audience0既反應真係好好

亞蝦:
真係好鍾意黃愛媚一場戲, 真係覺得你做得好好
今次由你去推走個框, 個感覺好到!!
有d角色真係要你做先到位!

亞dee:
今場唱"要我愛你嗎"雖然有少少失手, 但個感覺仲到!
而且今次perform得放左! keep on!

媚姨:
上星期六我睇完都講左好多次, 你真係做得好好好好好好!!
記得上一次有咁0既感覺係睇姊宮樂園《玻璃動物園》
0個次係同友人一齊睇, 我第一次睇你做theatre, 你真係好impress我
完場時同識得你地0既友人搵你傾左陣, 我就一直企響側邊, 心裡一直拍掌!

亞祖:
你今次真係唱得好左好多呀! 響台上0既你永遠都有獨特0既一套
由第一次做一個觀眾睇你0既演出, 到依家, 真係好開心
最唔好意思成日麻煩到你! Friend還friend, 我都好多謝你!


一眨眼就響呢一年做左三run
大大話話都現場睇左六次
每一次大家有改善, 有進步
真係好開心! 努力呀各位! 愛死你地!!

Labels: 劇, 悅

今晚好開心呀~
聽日講講啦~~

Labels: 劇, 悅

不知不覺已經睇第五次了
由第一次1st run響西灣河(上年11月)
第二次睇run through
第三次2nd run上半part響文化中心
第四次2nd run下半part響壽臣
同埋今日3rd run響壽臣
短短一年間, 睇住好多野成長左
由細場到較大0大既場
由簡陋佈景到現時較複雜的佈景
由簡單的costume到現時多變化的
由單身到現在結了婚的演員
每次都睇到佢地進步
特別係今次
可能因為大家都知道未來兩三年內都不能重演了
演員落力了許多
特別係媚姨
我覺得佢今日真係做得好好
知道今次你都係想掟個花球比我
雖然掟歪左, 但我都好多謝你0既好意
今次有d位比上次改良得更好
真係好希望有機可以睇到尾場
我知今次尾場一定會係最最最好0既演出!
Good show! Buddy!

Labels: 劇, 悅

不知不覺間由"廢柴"開始
一直追隨住W創作社0既劇目
到到今日終於睇左佢地今年0既最新劇目"Empty"
都覺得佢地d劇可以一步一步跳出一d框框
今次知道佢地有好多新嘗試
古典樂的音樂劇
一d都唔易做
睇返整體感覺都幾好
係覺得成套劇睇完之後個人會好沉, 好重
雖然尾段有d位帶返起一d
但似乎為時已晚
同一般theatre睇完會開開心心的感覺好截然不同
另外video方面做得不錯, 好好的運用了整個舞台
突顯出整個效果
只係有歌詞的video都有delay
音樂就不用說, 當然好啦~
演員方面都不錯,
唯覺得歌唱指導的氣唔夠, 有d凸兀
個人而言, 曾曉淇的角色不討好我
我覺得個角色好devil (感覺上)
其他演員都做得不錯
係亞君今晚較多螺絲 (不過此終係opening)
stage design做得幾好, 遺憾係有機關失靈...
costume方面不突出
當然有改善空間, 希望之後幾場會改善啦~

Labels: 劇

第一次睇非常林奕華
同想像中係有d唔同
佢做0既手法唔係由頭到尾0既一個故事做法
反而係將一個故事分開好多段
都係0個12個人, 但主角都會有機會換左人做
而且大部分都以台灣綜藝節目0既清談方式去做
感覺幾新鮮
當中亦有一場有少少舞蹈
但唔知點解自己幾鍾意0個一場
個感覺好好
鍾意整套劇有好多detail位
每個人身上衫褲鞋襪都有個tag吊住
好似個個都係名媛0既感覺
第一次睇兩面台, 背景亦係觀眾0既感覺幾唔同
就好似睇fashion show行catwalk咁
亦好有名媛感覺!
演員們都做得幾好
每當中夾有一d廣東話就會引到全場發笑
當中特別欣賞一位穿女裝的男演員
扮林志玲扮得好似!
唯一唔好係當中有一個演員支mic有事
推聲0既人就不停推爆聲...
仲有三個鐘冇中場同轉場時間好快
睇到真係有d辛苦!

Labels: 劇, 悅

香港人:
- 遲到
- 入場後飲野
- 入場後講電話
- 玩電話
- 電話影相
- 閃光燈影相....
點解要咁架
等左我11年比d好d0既印象我好唔好0者?
唔講佢地
講套劇
d sets, props同costumes真係超正!
d演員又唱得勁!
真係勁enjoy個show!
多機關, 多特效
(特效多到好眼花!!)
真係好值得去睇!!
整體真係幾好!
香港有個好d0既場(大d),
多d呢d劇,
同埋有個咁0既包廂形式堂皇0既theatre就好喇!

Labels: 劇, 悅

遲左入場...
要成半個鐘後先比入...
一直響外面睇電視
發現art center通往地下那兩道門消失的壞處!
就係超嘈! 睇電視都聽唔到d聲!
但唔知因為冇睇一部分
定係個劇本身問題
其實都好普通
睇完都冇野可以問
所以就索性走去食野!
哈哈
(其實現場留低0既人都唔多...)

Labels: 劇

本身睇呢套劇係有 expectation
但原來同我expect 0既野有d唔同
一個one man show, 做足90分鐘
一d都唔易, 好想讚下陳浩峰, 厲害!
雖然個set好簡單, props都好簡單
但係我就覺得好直接了當咁present出個環境同各樣atmosphere
當中有一場係一個家庭, 只係一個穿左好幾個窿窿0既木板
陳浩峰就一人分哂咁多角,
仲要全部script都係三個字! 直頭係三字經!
(最鍾意當中一句: "牙斬斬, 死得慘!")
另外一開始0個幕, 用好澎湃0既音樂
加一個孔子像, 加一d燈光效果
就好簡單又好有力咁做出孔子經過咁多年成為萬世師表的感覺
好正!
(特別係當燈光打落去個格仔鏡0既set上面反射出黎0既lens flare...靚到呢...)
值得再讚都係陳浩峰
第一首歌"補習之迷戀"咁難唱都唱到...勁!
同最尾"唱K回憶錄"歌詞好難填
好有古巨基"勁歌金曲"feel, 但比之arrangement更好!
當中有一段用哂d演唱會名做歌詞
如果有機會真係希望可以再聽!
不過當然呢套劇都有不足之處
好似有部分好似拉得太長
有時又因為one man show變得台上冇得交流
而且響"孔子樂園"個act入面如果有幾個"臨記"響後面行下
個效果會更好!
下次有機會會再睇佢地0既production!

Labels: 劇, 悅

終於記得呢個劇名喇
次次都唔知係"娛樂大坑之大娛樂坑"定"大娛樂坑之娛樂大坑" 先0岩
今日睇左
比預算時間短左好多
而且只有套劇0既第一幕
其實比唔到d乜野comment
但覺得個開頭幾interesting
感覺有d飄
特別係響某d script度感覺就好強烈
唔知關唔關我睇完黑社會之後黎睇呢?
而且如之後分享會所講
其實套劇由prologue開始已經好電影feel
勁其待有個正式演出!
今日最攪笑係響subway食野撞到dee&祖!
哈哈!

Labels: 劇, 悅

今日睇左呢套劇
比較特別係根本套劇係未完成
但又係公演(公開展演/現)
劇本都ok
但係就覺得比較急
兩位演員都不差
感覺出黎都幾實在
不過係覺得個完結唔係做得太好
怪怪的...

Labels: 劇

因為黃詠詩睇左呢套劇
第一次響屯門大會堂睇
第一次睇幾位演員
第一次睇劇用個台用到咁盡
(指劇場闊度與舞台闊度的比例)
睇完覺得呢套劇唔錯
唔錯在演員演得不錯
劇本寫得好
特別係寫有關家庭溝通
其實很多人很多家庭都是這樣:
缺乏溝通
當你將自己代入角色時
就會發現
自己都曾有過呢d事發生
可能未至於咁戲劇性
但係一定有d無言以對是爆出的gag位
呢d gag位已經唔單單係取悅觀眾的技倆
而是真係配合需要而加入去
所以睇起上黎會特別身同感受
期待七月《大娛樂坑之娛樂大坑》!

Labels: 劇

"沒有水的航海冒險"
一開始覺得呢套劇幾得意
一黎八個唔同色0既演員
個感覺係幾好
因為咁多隻色可以方便我
等我響好短時間記到不同0既演員
(哈哈, 有時要我短時間認到d人有d難~)
不過本身都已經營造好不同的性格
幾鍾意佢地好inspiring0既船
佢地都幾巧妙用到好少野
好簡單咁去做到好大0既幻想空間
由於本身d演員每人一色
當d演員都響哂隻"船"上0既時侯
個感覺係好靚,
特別係響八個演員都一齊向前望0既時候
個image真係不錯~
故事簡單, 易明, 演員也演得不差
其實好多方面都掌握得不錯
不過就略嫌欠缺左一d深層意義?!

"回味"
首先一開場播出"State of Mind"0既opening
掂哂! 超鍾意呢個opening!
(其實係我超鍾意呢隻歌!)
之後走出男主角...
唔...其實有d失望,
因為覺得呢個人外型唔太suit0既個角色
之後呢個演員亦演得麻麻
女主角及其他角色都不錯
唯有一個講講下野自己響度笑之外...
故事有兩條line, 分別為父與子
其實都連貫得不錯
故事亦易明, 選樂亦不錯
惟負責"推聲"的仍有很大改善空間
因為好多時聲未推完就已經停左
同埋搬景的人錯將道具放錯了方向
但一直都沒有改....
anway, 整體都不錯!

哈哈, 覺唔覺點解寫得咁長?
因為"回味"係我好朋友首次做編導!
恭喜恭喜! Goodshow!

Labels: 劇

第一次睇非正統場地0既theatre show
呢個劇係響一個工業大廈入面攪
其實個規模同灣仔art center麥高利小劇場差唔多
細少少, 樓底低少少, 同設備差少少
不過對一d較fresh0既業餘團已經好足夠
"圍板外的大宅"實際係兩個劇目
"圍板外"係講一個地道0既故事
露宿者的故事
其實整個idea不錯,
部分costume不錯, 部分演員不錯...
其實只要再fine tune好陣個劇就可以smooth好多
唔~~係有時節奏唔協調囉~
至於"大宅"
其實我覺得有d亂, 支離破碎, 同埋有部分我係拼唔到一齊
分場太多, 分場序又將最尾一幕之後演返前一幕
加上人多角色多, 又埋得太多伏線, 顯然唔亂都變亂
基本上呢皇劇就應該要獨立黎去做
不過唔太鍾意個劇本, 又係d好香港式0既冒險故事..

Labels: 劇