Sunday, April 08, 2007 

"娛樂大坑之大娛樂坑"

期待已久
因為自上次劇讀之後就好期待幾時完成
今日終於睇左
黃詠詩響寫關於家庭0既劇係有一手
上次一粒金我好鍾意
今次都好鍾意
但睇完0個個moment就覺得主角選擇自殺一幕
個scene突然轉得太快
完全冇expect到主角會選擇自殺
整體感覺好好
好似響配樂同選角都唔錯
由序幕的La Soladad, 到插曲Que Sera Sera都好好
舞台設計都幾好, 背景牆所畫的一條橋好靚
睇0個時一直以為有d字隱藏響入面
(死喇, 我係唔係好似《A Beautiful Mind》入面個Russel Crowe咁)
之後再問返黃詠詩先知只係瓦礫, 冇其他meaning
整套劇當中就好鍾意舞火龍一幕
props好簡單, 但個效果好好!
配合牆上面0既螢光油就好好!
當我睇完哂套劇, 返到屋企
見到黃詠詩online就係咁問佢關於套劇0既疑問
先知道原來有更多野我忽略左
例如點解會有鬼魂出現?
點解個媽媽響個女生日會點對蠟燭比佢吹?
仲有點解夢入面亞媽又唔係好同左咁?
原來仲有詮釋架!
真係要再消化一下~
大腦有d便秘~
如果有機會真係想睇返黃詠詩家庭三步曲0既第一步曲
《白老鼠靚靚與大配角思思的家庭糾紛》

後記:
突然間記起劇中一句quote
幾鍾意, 響度share一下
去旅行唔好淨係記住個機場
雖然我自己唔係呢種人
但係呢句說話我覺得好好呀~

Labels: ,

01:38 |

Friday, April 06, 2007 

鐵板燒

一直好懷念台灣士林夜市的鐵板燒
尋日響太古城見到有燒板燒
好想食, 但時間太趕, 食唔到
今日好彩搵到人陪我去食
雖然呢間野唔算得好好食
但我覺得總算有heart整
同埋價錢唔算太貴
而且有我最鍾意0既銀雪魚呀~
遲d一定要搵個機會上去食中森名菜!

Labels: ,

23:18 |

 

12. "Cashback" 愛情回水

英國 2006 導演: Sean Ellis
＊＊＊＊＊＊＊＊＊．

其實呢套戲感覺幾商業
但唔睇資料唔知
呢套原本係2004年0既一套短片
響2006年佢地將佢變成長片
睇完都真係唔覺
不過呢套戲個concept我幾鍾意
超現實得黎又好真實
而且響角色設定方面做得幾好
將每個角色都刻劃得幾好
呢套係一套睇完之後好舒服0既戲
響睇左咁多套戲之後終於呢套算做positive一d
如無意外會響戲院上
值得一睇!
有機會真係好想睇下短片版!


相關網頁: HKIFF | imdb | Official Site
Image copied from www.hkiff.org.hk

Labels: , ,

22:20 |

 

11. "Do Over" 一年之初

台灣 2006 導演: 鄭有傑
＊＊＊＊＊＊＊＊＊．

呢套戲感覺好得意
導演用左五個人物的故事去組織成套電影
特別於呢幾個人的關係的交織
做得很好~
另外一直就一個演員有印象
但就一直唔記得響邊度見過
到臨尾字幕一出~
我記得喇! 係莫子儀!
係之前有份響"包法利夫人們"做演員0既!
套戲0既鏡頭拎得好靚, 於海灘打交一幕, 超靚!
雖然因為套戲頗多穿插位令我仍有部分野唔明
但係套戲真係好好!


相關網頁: HKIFF | imdb
Image copied from www.hkiff.org.hk

Labels: , ,

00:10 |

Thursday, April 05, 2007 

09. "I Don't Want to Sleep Alone" 黑眼圈

台灣 2006 導演: 蔡明亮
＊＊＊＊＊＊＊＊＊．

一直都好鍾意蔡明亮0既戲
佢0既戲通常都用一d較長0既shot
較少對白去表達出黎
記得第一次睇蔡明亮0既《不散》就好印象深刻
幾鍾意李康生一直以兩個角色誤導觀眾的手法
以及以馬來西亞作主要故事背景
不再局限於台灣之上
(雖然我都好鍾意佢拍出黎0既台灣)
而當中要講0既野只需幾件小事就可以解說
不需再硬要對白
呢套套更令我回想起當年的香港爆發SARS的情況
只係可惜今日狀況唔太好, 唔係可以更加睇得多d野出黎~

相關網頁: HKIFF | imdb
Image copied from www.hkiff.org.hk

Labels: , ,

01:27 |

Wednesday, April 04, 2007 

百萬知識 集體打造

今日一check個email
一件好開心0既事發生左呀~
之前響個blog度post左一個問題同一個答案出黎
其實係Yahoo!知識+ 0既名人問題
因為佢地問題數量達到一百萬
就攪左呢個活動
每一個人答一條問題, Yahoo!就會捐$5比樂施會
咁我當時見到其中一位係我好鍾意0既演員蘇玉華有份問問題
咁我就毫不猶豫咁去答
呢題同其他唔同
其他問題一到100個答案就會自動cut
呢題就有198個人答
而之前又extend左一次
尋晚終於選出答案
而被選答案係我0個個!!!
超開心!!
開心的不單是被選中了為最佳答案
而係最後有一句comment
"多謝你的詳盡解答, 答案清晰及很有條理. 感激你為世界出一分力!"
呢句說話好感動!
雖然呢個答案只值$5, 而且選中又唔會有獎品
但真係希望個問題可以keep住有人睇
特別係關事0既人參考一下
幫手評價一下丫~

Yahoo!知識+ 名人 - 蘇玉華
問題: 怎樣才能提高香港的戲劇水平？
[詳細]

Labels: , , ,

08:24 |

Wednesday, March 21, 2007 

天燈

響個網度睇到呢條片, 真係好想即刻可以親眼睇到呢個景象
我好希望我可以響呢一生人入面親身感受到...

平溪的天燈
在台灣，元宵節的重頭戲有「南蜂炮、北天燈」之稱。台北縣平溪鄉，到了元宵節就湧入大量遊客欣賞天燈昇空的美景。


引用自: 小yy旅遊行腳

Labels: , ,

01:33 |

 

01. "London to Brighton" 亡命英倫

英國 2006 導演: Paul Andrew Williams
＊＊＊＊＊＊＊．．．

作為今年電影節第一齣戲
其實幾好, 呢套戲絕對唔係差
但又未至於好好
可能係睇得比較辛苦
因為入場先記得HKIFF係冇劃位
又估唔到咁爆
攪到坐第二行側
但成套戲整體故事及伏線都寫得幾好
而個結局預料得到(不過都Surprise)
我覺得導演最勁就係當前面d伏線開始有d悶0既時候
就flashback一d事, 幾鍾意佢0既手法
而結局都end得唔錯
值得睇!

相關網頁: HKIFF | imdb | Official Site
Image copied from www.hkiff.org.hk

Labels: , ,

00:10 |

Monday, March 19, 2007 

購票悲歌-後後記

今年電影節響3月20日開始
而我0既第一場亦都係3月20日
之前個blog就講左成獲粥0既發生經過
今日係19日, 就話說係最後一日可以收到飛
如果收唔到就聽日要有排攪補領
咁返到屋企大廈大堂就第一時間就去開信箱
見到有信喎, 好開心啦
一開...
係冇tickets...超失望
之後就諗聽日點算呢? 點去睇呢?
係唔係要請假呢? 打唔打到電話呢?
咁要攪幾多野呢? 攪幾耐呢?
係唔係又要send email嘈呢?
定係上網嘈呢?...
一大堆問題後, 入到屋企
返入房之後...
發現有ticket0既信!!
原來由平郵變左courier!!
不過超好彩就係屋企有人收, 唔係就麻煩喇~
但係就少左張換特刊0既ticket, 唔緊要啦, 之後再攪
不過都好開心, 好多謝各個辛苦0既HKIFF Staff
因為如果有公布一d解決方法
d人都唔會咁慘...


後後後記:
上次講香港,政府只批左HK$700萬攪電影節
但原來單單為左攪回歸慶祝活動
(其實我都唔知有乜咁好慶祝, 勞民傷財,
簡簡單單咪算囉, 唔慶祝又唔會有損失0既)
一個團體獲得千幾萬撥款! 點解唔多d支持arts?
即係好似之前我見明明一幢政府Building非常新淨
但就唔知點解突然要拆哂所有磚牆變成油(漆)油
仲要超核突! 所有外牆新簇的電燈都要換過哂!
點解要咁浪費? 點解唔用多d錢去起一d有個性0既公共建築?
一條天橋,一條隧道,一幢公屋,一間學校都可以好有個性
唔係要一式一樣咁倒模出黎!
點解計深圳對呢方面更有先見之名, 而香港冇呢?
只係拆拆拆, 倒模倒模倒模,
.
.
.
(下刪十萬字)
.
.
.
唉~ 香港...

Labels: , , ,

21:37 |

Saturday, March 17, 2007 

我愛Risotto

近期有d想食risotto, 加上早兩日響梁祖祖個blog度有個pumpkinjojo mushroom risotto
咁我本身唔識整, 唯有望下啦
咁0岩又冇買野黎整夜晚呢餐
睇下屋企有咩整啦
心諗可能可以整到
咁就膽粗粗試整
整完之後我呢個 luvul cheesy chicken (wing) risotto就完成左喇
(唔好問我點解用雞翼, 因為屋企冇雞肉!)
好好味~ 分別有食前相同食後相~

Labels: , ,

23:08 |

Friday, March 02, 2007 

"烙印" The Lost Boy

今日率先睇左首場演出
感覺...太好喇... 真係好鍾意開場的"賴啤"
亞祖做得0岩0岩好, 唔太誇
而且"賴啤"的出現正正好到
又唔會太沉重, 但又唔會太唔關事
中間骨牌scene真係太靚喇
其實幾件props都0岩0岩好
條video對我而言就好震撼
雖然本身與lewis同祖相識
我只知道部分lewis的經歷及狀況
但真係睇到...其實亞祖捉得到個位, 真係0岩0岩好
係唯一覺得尾scene跳得太出, 感覺唔同哂, 有d古怪
整體而言, 真係做得好好

lewis & 祖: proud of you guys!

不過最不愉快係..
同事到場我先0岩0岩知道留唔到飛比佢...
sor~~~

Labels: ,

00:10 |

Wednesday, February 21, 2007 

初三赤口

今日一起身就唔舒服
又發燒, 又咳, 真係新年流流走黎病...
仲要今日預定左舊同學上黎拜年
算啦, 都頂硬上
食左d藥抖左陣
仲落去買定左d叮叮粥準備今晚食
點知玩完一輪wii之後又開始唔係好舒服
佢地諗住叫野食
但又冇野食, 咁就叫左pizzahut
我又口痕食左件pizza~
之後情況又好左d喇喎~
咁同學又提議返打牌
一直心諗我都只係第二次真人打牌
輸少當贏啦~
點知最後我又有贏喎~ 好彩~
今晚都係要抖多d
休息多d先得~

Labels: , ,

00:17 |

Saturday, February 17, 2007 

"一人個住第5年"

同事推介我睇呢本書
都唔算係書, 係繪本
都ok0岩我腸架
雖然人地一個人住第五年
我就兩個人(同一個人冇分別)住第五個月
其實好多野都已經同所講差唔多
好似有d用極都用唔完, 但又有好多種清潔用品
響超市0既買野方式
平時煮野食0既方式等等
真係講得幾中~~哈哈

Labels: ,

23:32 |

Thursday, February 15, 2007 

開心的一天

記得三四年前曾經試過類似的經歷
今日又係咁樣
角色唔同左, 感覺舒服左
或者我可能真係放低左d野
好開心~
今日係情人節
祝 情人節快樂!

Labels: ,

03:19 |

Sunday, January 28, 2007 

Annual Dinner

一年一度0既Annual Dinner終於響尋晚舉行
期待已久
皆因今年有得玩Dress Code
雖然係有d難, 但既然有得玩, 點都要花d心思
最終都成為Final 3, 贏唔到唔緊要, 最緊要玩得開心
整體氣氛都幾好
就衰左響venue service不足之下影響左
成七十幾人, 居然就只得2個waiter serve我地
而且d野食唔熱, 真係唔掂
抽獎雖然中唔到大獎
但都抽到份0岩用0既獎品~
整體都幾好, 玩得幾開心~
唯一係唔飲得酒, 差d囉~

Labels: ,

21:54 |

Tuesday, January 23, 2007 

"Blood Diamond" (血鑽)

Leonardo0既戲都唔會差(包括劇本同佢0既演技)
而睇到trailer時個題材幾吸引
就決心要去睇
一套好documentry式drama戲
好realistic
好smooth
睇睇下你就會置身其中
唔似睇緊戲咁
Blood Diamond究竟引起幾多死傷呢?
冇人知, 可能套戲戲劇化左
但我相信唔少...
同埋發現Leonardo d戲都有個共通點...
(你睇多幾套就發現架喇)
anyway, 一套幾好0既戲! 值得睇!!

Labels: ,

23:45 |

Tuesday, January 16, 2007 

煮飯

簡簡單單咁煮左個
蠔油花膠生菜同照燒豬扒炒一丁
好味道! 好開心!
就係應該咁簡單!

Labels:

23:28 |

Wednesday, January 10, 2007 

厲害

Apple Computer當然厲害
(應該從今只叫Apple)
推出全新估唔到咁強勁0既iPhone同 Apple TV
期待0既iPhone要繼續期待
6月先響美國推出, 亞洲地區要2008年...
(到時會唔會遲左d?)
Keynote仲搵左Yahoo同Google0既CEO撐場
(咦, 佢地兩個邊個爭贏Search0個part呢?)
另外好值得一讚0既都係Apple
係Apple Daily
響今日蘋果日報要聞版居然有呢個news!
通常佢第二日0既副刊推出已經算係數一數二快
(當然係響media而言)
但今次係即日, 真係好誇!

蘋果, 厲害!

Labels: ,

07:40 |

Monday, January 08, 2007 

又一個

今年將會有兩個同事會結婚喇~
好彩我依家都未有熟0既同學結婚
諗諗下都好快有架喇
回想起上年有個好朋友
佢話佢預期幾年內會結婚
到時會去歐洲結婚
仲話搵我做伴郎~
哈哈, 雖然唔知會唔會真
不過諗起結婚都算係一件幾開心0既事~

Labels:

23:54 |

 

打邊爐

今日幾開心
又買到想買0既野
之後返到屋企打邊爐
好耐冇響屋企成家人齊齊整整
咁大陣仗咁打邊爐lu~
而且今日仲多左我0既好朋友一齊打
嘩~ 多人都呢~

Labels: ,

00:24 |

Saturday, January 06, 2007 

"月映寒松" (Pine Tree Under the Moon)

2007年第一套劇
再睇熟悉的面孔
但換來全新感覺
突賒記返起《四川好人》 呢套劇
久違了~
媚姨實在太厲害喇
超勁呀~
個故事係幾interesing架
唔錯, 加入能劇0既感覺, 又做到幾chinese
勁呀~
唔知點解幾鍾意棵樹, 好靚呀~
另一估唔到原來亞新除左影相得之外
原來打鼓都好好呀~~
風車草感覺好唔同左
我覺得你地應該做多d唔同0既嘗試!
Goodshow!

Labels: ,

23:28 |

Thursday, January 04, 2007 

"盛夏光年" (Eternal Summer) - 故事簡介

康正行、余守恆是小學同班同學，正行是班長，守恆卻患上「過度活躍症」，一天到晚惹麻煩。某天，小學轉來了一位女生，竟遭守恆施展惡作劇令她當眾出醜。老 師為了此事大動肝火，委派了正行幫助守恆適應校園生活。他倆不自覺地開啟了彼此間的陌生心靈，正行更了解守恆稀奇古怪的世界，二人頓成好友。
轉瞬間經歷十數年頭，康正行（張睿家 飾）和余守恆（張孝全 飾）友情不變。高中時代的正行於校社裡結識了惠嘉（楊淇 飾），互相有著淡淡情愫。與此同時，正行發現自己對守恆的感覺，也超越了好朋友情份。惠嘉發現了這個秘密，她答應永不洩露出去。
正行害怕面對自己，開始對守恆諸多逃避。守恆遍尋不果，卻發現惠嘉出現在球場上。惠嘉因為發現了正行的秘密，也對他喜歡的對象產生好奇。三人間微妙的友情、愛情關係，微妙的傾斜起來。

Labels: ,

23:55 |

 

Relax

經過尋晚傾左陣
睇黎我放鬆 到我自己喇
尋晚訓得好好呀
都係我一時糊塗啦~
因為我諗件事如果係其他好朋友身上發生
我都應該會咁做
:p

Labels: ,

08:25 |

Tuesday, January 02, 2007 

"愛．作戰" (Love Battlefield)

估唔到07年第一套覺得好睇0既戲會係港產片
一套04年0既港產片
今日睇左, 的確唔錯
記得當時有人recommend我去睇
但始終因為:
1. 港產片
2. 周麗淇
所以唔去睇
但又估唔到幾ok喎
故事係香港式
風格有d 80年代味道
打打殺殺之餘又有"情"
睇完呢套戲之後對周小姐有少少改觀
不過佢都係唔好去唱歌
最鍾意都係80年代尾至90年代初0既港產片!

Labels: ,

21:41 |

Sunday, December 31, 2006 

2006 Review

2006咁又完喇...真係唔覺...
好想多謝好多人令我改變左好多...
又係時間做個回顧:

- 第一次去揼骨
- 第一次以個人名義收到帖去個婚宴
- 第一次部腦兩隻harddisk響同一日死
- 第一次收到一束鮮花
- 第一次睇Phantom of the Opera in Live
- 第一次有麥當勞叔叔同我慶祝生日
- 第一次響個Friend本書度搵到我自己張相!
- 第一次買部遊戲機比自己
- 第一次搬離家人
- 第一次穿著整套suit
- 一個月內去勻咁多間IKEA!
- 不停咁整野食!
- 重遇一位對我很重要的朋友


Song
Most Peaceful Song - “遇見神” (唱: 張敬軒)
Most Pleasurable Song - “State of Mind” (曲/詞/唱: 林一峰 編: Edward Chan)
Most Serious Song - “You’ve Got to Learn” (曲: Nina Simone / Charles Aznavour 詞: Charles Aznavour 唱: 林一峰)
“盛夏光年” (曲/詞: 阿信 唱: 五月天)
“愛得太遲” (曲: 楊鎮邦 詞: 林夕 編:雷仲德 唱: 古巨基)
“低等動物” (曲: 錢文環 詞: 黃偉文 唱: 陳奕迅)
“分手快樂” (曲: 郭文賢　詞: 姚若龍　唱: 梁靜茹)

Album
“盛夏光年”電影原聲大碟
“笑忘書” 張敬軒

Film
"Sunflower" (向日葵) 中國 - 橫跨30年, 真係好犀利!
"Eternal Summer" (盛夏光年) 台灣 – 燃燒青春印證!
"You and Me" (我們倆) 中國 - 將中國人情的感覺拍哂出黎!
"All for Love" (我生涯中最美的一周) 韓國 - 故事交織得好好!
"Host and Guest" (人中黃人中白) 韓國 - 對韓片完全改觀!
"The Devil Wears Prada" (穿Prada的惡魔) 美國 – Meryl Streep贏哂!
"Spongebob Squarepants Movie" (海綿波比大電影) 美國 - 我最愛的Cartoon Character!
"Zathura" (逃出科幻紀) 美國 - 睇過Jumaji都會想睇呢套戲!

Theatre
“The Phantom of the Opera” (歌聲魅影) – 唔可以算係theatre, 睇過最大型0既演出!
"包法利夫人們-名媛的美麗與哀愁" – 台灣式劇場, 正呀!
"你咪理, 我愛你, 死未! (3rd run)" – 今次最好睇!
"一粒金" – 真人真事改篇感動故事
“戀戀心湖” – 睇劇0既全新感受!
"娛樂大坑之大娛樂坑" – 雖未完成, 但期待2007年完整版!

TV
"Project Runway (Season 3)" Bravo TV – 15集追足3星期, 估中左Winner!
"向世界出發" TVB Jade – 好好睇, 估唔到TVB出到呢D節目!
"Man Made Marvels” " Discovery – 睇到好多好Marvel0既建築過程!
"Spongebob Squarepants" Nickelodeon – 正呀~ Spongebob呀~

Worst Film
"War of the Worlds" (強戰世界) 美國 - 呢套戲樣樣都唔到, 想點?
"Election 2" (黑社會2之以和為貴) 香港 – 渲染不必要的暴力

呢一年係我覺得變得最多0既一年
回想今年年頭0既我, 同依家0既我
其實已經好唔同
做野0既方法, 諗野0既方法
以前我會一件事發生後先會諗好多野
依家會係, 事正發生0既時候, 自己已經會多角度去睇
理解到點解件事會發生
希望黎緊一年可以身體健康, 開開心心, 快d搵到個人!

Labels: , , , , , , , , , , , , ,

23:59 |

 

"戀戀心湖" (Talley's Folly)

又一次響一個唔正規0既場睇drama
而今次同上次唔同0既就係佢都係一個正規0既劇
由於本身冇台冇座位
咁發揮空間就可以好大
而佢地就做得幾好, 運用到好多空間
第二就男主角做得好好, 真係好好
女主角未至於唔好, 但就好似rehersal唔夠
比下去就遜色好多
個scenery都做得幾好
惟左右兩旁副台與主台離得太遠, 放返密d會仲好
劇本方面, 雖然係一套翻譯劇
但係就將一個西方0既故事變成一個中式故事
好有中國味道, 而且個結構好強, 值得再讚
惟想講的實在太多, 而演員就只有兩位
加上收音唔太好, 有時聽唔到演員0既說話就會miss左好多野
另外由於唔係正規場, 變左燈光同音效方面都略遜
仲有一樣唔係咁好就係有d位拉据長左少少, 如果少dd就perfect喇!
整體套劇都好好, 兩個演員由頭到尾97分鐘冇轉場
厲害!
變左有d位

Labels: ,

02:04 |

Wednesday, December 27, 2006 

中環遊

行走中環一趟, 幾舒服~~
行行下去左泰昌買左個蛋撻
個老闆啤住我, 好似唔想賣比我咁
比錢佢仲唔想找錢比我咁
唔使呀?
之後去左食間ok得意0既餐廳
食俄羅斯同東歐菜, 唔錯bor~
而且好抵!
星期五、六同公眾假期前夕就會冇set
個set都只係$98! 之後叫左個dessert
俄式提子芝士餅, 完全唔係預料出黎0既野!
都幾好食, 係酸左d0者~

Labels: ,

00:01 |

Sunday, December 24, 2006 

豐富的一天

朝早到依家
真係攪左好多野
有去買花籃
咁0岩比我撞到ernest
之後去一個開幕儀式
之後又公司christmas party
夜晚又響屋企同fd玩...
出現左好幾個不同場合
收左好多禮物
食左好多野
好豐富的一天

Labels: ,

01:45 |

Thursday, December 21, 2006 

打邊爐

今晚同好友打左個邊爐
又打左陣機, 真係幾開心
share左一d
發現大家都真係變左唔少
真係好開心

Labels: ,

01:38 |

Sunday, December 17, 2006 

行街街

第一次去深水埗d accessories舖
真係超多野可以買!
唔知係唔係版project runway薰陶
成日好想學下點整件衫添!
記得以前細細個寫我的志願
係要做一個Designer或Programmer
但到左依家, 竟然係想開一間舖頭賣衫!
識車衫就好喇~

Labels: , ,

00:57 |

Thursday, December 14, 2006 

兩年

兩年前的一餐飯
今晚終於食左
而且見了一個很久沒見的人(actually兩個)
感覺係, 好好, 真係好好
因為響言談之間, 有d感覺返左黎
不過就唔好諗多
我指係一d成長0既感覺
睇返一d舊照片, 舊作品
其實flashback左好多野
不過, 我更發現
我自己終於控制到了
我諗, 我好開心有返呢一個朋友
雖然年初定落黎今年0既goal有d完成唔到
但已令到我覺得呢一年都已經好美滿
感激!

p.s.記得閂窗!

Labels: , ,

01:50 |

 

分手快樂

曲：郭文賢　詞：姚若龍　唱：梁靜茹

我無法幫你預言 委曲求全有沒有用
可是我多么不舍 朋友愛的那麼苦痛
愛可以不問對錯 至少有喜悅感動
如果他總為別人撐傘 你何苦非為他等在雨中

泡咖啡讓你暖手 想擋擋你心口里的風
你卻想上街走走 吹吹冷風會清醒的多
你說你不怕分手 只有一點遺憾難過
情人節就要來了 剩自己一個
其實愛對了人 情人節每天都過

分手快樂 祝你快樂 你可以找到更好的
不想過冬 厭倦沉重 就飛去熱帶的島嶼游泳
分手快樂 請你快樂 揮別錯的才能和對的相逢
離開舊愛 像坐慢車 看透徹了心就會是晴朗的
沒人能把誰的幸福沒收 你發誓你會活的有笑容

我無法幫你預言 委曲求全有沒有用
可是我多么不舍 朋友愛的那麼苦痛
愛可以不問對錯 至少有喜悅感動
如果他總為別人撐傘 你何苦非為他等在雨中

泡咖啡讓你暖手 想擋擋你心口里的風
你卻想上街走走 吹吹冷風會清醒的多
你說你不怕分手 只有一點遺憾難過
情人節就要來了 剩自己一個
其實愛對了人 情人節每天都過

分手快樂 祝你快樂 你可以找到更好的
不想過冬 厭倦沉重 就飛去熱帶的島嶼游泳
分手快樂 請你快樂 揮別錯的才能和對的相逢
離開舊愛 像坐慢車 看透徹了心就會是晴朗的
沒人能把誰的幸福沒收 你發誓你會活的有笑容

泡咖啡讓你暖手 想擋擋你心口里的風
你卻想上街走走 吹吹冷風會清醒的多
你說你不怕分手 只有一點遺憾難過
情人節就要來了 剩自己一個
其實愛對了人 情人節每天都過

分手快樂 祝你快樂 你可以找到更好的
不想過冬 厭倦沉重 就飛去熱帶的島嶼游泳
分手快樂 請你快樂 揮別錯的才能和對的相逢
離開舊愛 像坐慢車 看透徹了心就會是晴朗的
沒人能把誰的幸福沒收 你發誓你會活的有笑容
你自信時候真的美多了

Labels: ,

01:48 |

Tuesday, December 05, 2006 

對話

隨心

Labels:

00:25 |

Sunday, December 03, 2006 

意外 一

說真的
真的很很很意外
對我來說
因為我曾對自己說過
不要再主動搵你
所以我一直認為我與你不會再接觸到
只是一直怕響街上撞見
我反應不了就只會逃
早前的一個電話, 和今天的msn
都令我很意外
我意外你會msn我去講出這些說話
因為, 從那時到現在
我都未曾感受過我的感覺如此被重視過
或我從沒感受到?
但真的, 我真的很意外
真的很感動, 而且有點想哭

Anyway, really thanks, to many things...

Labels:

22:16 |

Saturday, December 02, 2006 

"A Home At The End Of The World" (2004)

一套幾得意0既戲
查實一路睇
整個感覺幾似"盛夏光年"
但個故事比較特別
響兩男一女的關係比"盛"更為曖昧
而且帶左好多有關家庭0既野出黎
愛情, 友情, 帶出親情, 由細講到大
比"盛"0既故事層面更高!
但好似本身係base on真人真事
(套戲係"the hours"(2002)0既編劇!)
worth-watching!

imdb

Labels: ,

01:02 |

 

"Post Card From the Edge" (1990)

雖然片頭部分睇唔到
但當我發現有Meryl Streep時就即睇!
睇完之後...
Meryl Streep真係好勁!
套戲個故事係講一對明星母女的關係
但由於做女的Meryl Streep童年時因為佢亞媽飲酒
佢就走去食藥(軟性毒品)
戒左之後點樣佢地再相處...
幾發人心醒架~
而且Meryl響片末唱首歌好好聽!!
值得一睇!!

imdb

Labels: ,

00:55 |

Sunday, November 26, 2006 

Spongebob Squarepants

終於買左!
買左喇, 買左喇~
真係買左喇~
忌唔住手~ 哈哈~~~

Labels: , ,

22:26 |

 

"「尋找．新視野」舞台美學工作坊作品集I"

第一次響展覽廳睇DRAMA
(之前亦唔知原來個個政府場都有!)
好特別0既一個SHOW
響個場無座位, 任你坐
不過真係幾攰(因為之前行得太耐!)

"點解咁重?"
其實大致明白個IDEA
不過覺得個意念PRESENT得麻麻地
有d貪心, 想講好多野
(不過都正常0既...)

"被遺棄．被利用"
我覺得本身呢樣野係ok interesting
但係成個present方式有d令人唔係好知佢做緊乜
特別係敲打水樽一part
太長了...

"咪走雞"
成個present方式幾ok
但就偏偏冇個好實在的故事/意思

"WHO AM I@愛得太遲"
睇個名就大概估到係講咩
不過略嫌講得太多

"塞車"
亞琶又寫又演, 哈哈, 幾SUIT你喎~
整體OK左
但個平衡木個位有D怪...

"孤單單一．聚合合一"
入面珮分開左幾PART
但可惜故事主人翁0個PART真係好唔掂...
其餘兩PART都幾好呀

完左場個座談會本身OK
但問問下根本就係無意思問題
同埋D人講D野好廢... 究竟佢地有冇睇架??
而且又超長...
真係想走左去!

Labels: , ,

00:02 |

Thursday, November 23, 2006 

"跳舞．鯊" Dancing Shark

期待已久 (其實一定係期待左好耐)
終於睇0左
記得上一次 (係, 又係上一次)睇姊宮樂園0既係《玻璃動物園》
真係好鍾意個劇本同埋d演員
睇poster, 睇個set, 睇燈光, 音樂都真係唔錯
演員方面就act 1略嫌太生硬
act 2 末又出奇的流暢, 值得一讚!
特別係黃雪文, 好smooth!
不過今次其實對個劇本有d失望
失望係因為我搵唔到套劇重點想講0既0野
睇完套劇我就只係記得好impact0既set同埋演員
但對劇本0既印象呢...幾模糊...
或者我覺得個角色定位唔夠全面
變左有d野比較牽強...
不過總括而言, 套劇唔係差
只不過係個劇本仲有頗多空間去improve0者~

Labels: ,

23:58 |

Tuesday, November 21, 2006 

Tea

Labels: ,

23:07 |

Monday, November 20, 2006 

新一天

聽日又係新一天
新挑戰0既開始!

Labels: ,

22:33 |

Sunday, November 19, 2006 

Blog

近排個blog終於有人回覆下
需然我全部都唔知係邊個黎
(最好你地可以留一個我知道0既名啦)
又唔知會唔會係同一個人
(話雖我blog係好多人黎睇, 不過十個有九個都係響search engine搵到我0既)
不過不緊要, 都已經好開心

講返轉頭
不知不覺都差唔多寫左4年blog
究竟點解會開始寫blog
點解要不停寫
可能都係:
1. 記錄自己0既生活點滴
2. 同人分享自己0既野
3. 藉此改變一下自己
自己耐不耐都會睇返d舊blog
睇到好多野
有時會唔明之前點解會有d咁0既感覺
或者咁0既決定
又或者咁0既睇法...
不過, 我知道咁對我自己好緊要
係一個成長0既印證...
記得上年呢個時候0岩0岩去完台灣...

Labels: ,

22:46 |

Saturday, November 18, 2006 

"Prime" (隔著亞媽說愛你)

一心諗住去戲院睇"Prestige"
但時間又唔係好就到
又0岩0岩行過碟舖
就買左呢隻碟睇
Meryl Streep喎
0個時記得逞要只係UA院線上
而且上得好短時間
夾唔到去睇所以冇睇
睇呢套戲感覺好....真實得黎好戲劇
或者可以講, 有部分野好真, 有部分野好假(或者too dramatic)
不過睇Meryl已經回哂本
佢真係好勁
做乜似乜~~~
回想佢響The Devil Wears Prada入面Miranda個角色
好犀利~~~不愧係我最鍾意0既actress!!

Labels: ,

21:41 |

Friday, November 17, 2006 

今天

感覺好了點
可能就係因為放工行左一陣街
冇咁一個人卦?

Labels: ,

23:31 |

Thursday, November 16, 2006 

Man Made Marvels

近期不停咁追睇一個電視節目
唔係劇集, 而係Discovery Channel0既節目
"Man Made Marvels"
一個講關於建築一d好高難度0既建築物
睇過一集講上海0既Shanghai World Financial Centre
一集就講杭州灣大橋
一集講青藏鐵路
0岩0岩今日就講台北101
響受土軟, 地震及颱風的威脅下
點樣建成全球最高大廈
真係好睇~

Labels: ,

23:27 |

Monday, November 13, 2006 

繼續我愛你

尋晚趕去睇你咪理3rd run尾場
本身走去backstage睇
之後費事阻到佢地, 始終好忙
中場走入去睇睇後就去返前台
哈哈, 咁就我同黃詠詩一齊去睇左下半場
好開心, 睇到尾真係audience0既反應真係好好

亞蝦:
真係好鍾意黃愛媚一場戲, 真係覺得你做得好好
今次由你去推走個框, 個感覺好到!!
有d角色真係要你做先到位!

亞dee:
今場唱"要我愛你嗎"雖然有少少失手, 但個感覺仲到!
而且今次perform得放左! keep on!

媚姨:
上星期六我睇完都講左好多次, 你真係做得好好好好好好!!
記得上一次有咁0既感覺係睇姊宮樂園《玻璃動物園》
0個次係同友人一齊睇, 我第一次睇你做theatre, 你真係好impress我
完場時同識得你地0既友人搵你傾左陣, 我就一直企響側邊, 心裡一直拍掌!

亞祖:
你今次真係唱得好左好多呀! 響台上0既你永遠都有獨特0既一套
由第一次做一個觀眾睇你0既演出, 到依家, 真係好開心
最唔好意思成日麻煩到你! Friend還friend, 我都好多謝你!


一眨眼就響呢一年做左三run
大大話話都現場睇左六次
每一次大家有改善, 有進步
真係好開心! 努力呀各位! 愛死你地!!

Labels: ,

21:29 |

 

你咪理, 我愛你

今晚好開心呀~
聽日講講啦~~

Labels: ,

04:14 |

Thursday, November 09, 2006 

Mos Burger

Mos Burger二號店即將開幕!
選址旺角朗豪坊4樓Starbucks隔離(前Uncle Gene舖位)
據聞將會響11月初開幕~
終於可以返返以前去旺角只食Jack in the Box0既日子!
變做去旺角只食Mos Burger!!!

Jack in the Box, 幾時響香港開返呀?
雖然Hardee's有跡象全線結業
但係BK (Burger King), Mos Burger, Triple-O's, Subway等
已經走入戰團, 同Mc對決!!
快d返黎啦~~~

Labels: ,

00:17 |

Sunday, November 05, 2006 

台灣

又發夢發到去台灣了
上次迷路
今次就去左好多地方
已經唔記得同邊個一齊去
但係好開心, 真係好開心
唔知幾時先有機會再去一次
如果有機會去台灣travel一個月就好喇...
好多地方想去....
台灣症又發作了

Labels:

23:10 |

 

"盛夏光年"電影概念小說

睇完"盛夏光年"套戲之後
第二日即刻去買左本電影概念小說
0岩0岩終於刨哂成本書
個感覺係...好唔同
雖然有部分情節相同
但係就係兩個好唔同0既手法
我講唔出電影好d定係小說好d
因為真係各有各好
電影就響人物關係上緊d
小說就交待人物心理上0既多d
電影唔好在響交待部分事件上唔太合情理
小說就唔好在唔夠實, 部分事太虛
總括而言,
如果電影版可以表現得更詳細就更好
小說版就將d事寫得再詳細d, 交待多d就更好
anyway, 兩樣我都覺得好好, 好值得一睇!!!

Labels: ,

22:32 |

Saturday, November 04, 2006 

"你咪理，我愛你，死未！"

不知不覺已經睇第五次了
由第一次1st run響西灣河(上年11月)
第二次睇run through
第三次2nd run上半part響文化中心
第四次2nd run下半part響壽臣
同埋今日3rd run響壽臣
短短一年間, 睇住好多野成長左
由細場到較大0大既場
由簡陋佈景到現時較複雜的佈景
由簡單的costume到現時多變化的
由單身到現在結了婚的演員
每次都睇到佢地進步
特別係今次
可能因為大家都知道未來兩三年內都不能重演了
演員落力了許多
特別係媚姨
我覺得佢今日真係做得好好
知道今次你都係想掟個花球比我
雖然掟歪左, 但我都好多謝你0既好意
今次有d位比上次改良得更好
真係好希望有機可以睇到尾場
我知今次尾場一定會係最最最好0既演出!
Good show! Buddy!

Labels: ,

22:23 |

Friday, November 03, 2006 

"盛夏光年 Eternal Summer"

終於睇左盛夏光年喇~~~
一開賣0個日就唔理三七廿一即訂飛
(雖然有d貴, 成$100一張飛)
等左咁耐, 雖然之前有人叫我先睇小說
話本小說好睇, 但我冇睇
連之前有條Soundtrack0既MV都冇睇
只係係咁睇soundtrack
就為左今日(只響AMC放映一場)
睇完之後有人話唔好, 有人話小說好d,
但我就話好0岩我睇
因為我覺得一本小說改為一套戲真係好難
另外雖然故事簡單, 但拍出黎個感覺好realistic
如果換轉係我我都可能同主角所選擇0既一樣!
套戲個背景幾好, 幾個演員都唔錯, 音樂又好,
係唯一唔係好鍾意場床上戲
硬係覺得怪怪地咁要攝d全裸鏡頭入去咁....
同埋都仲未好消化到點解會有床上戲0既出現...

最開仔心係睇完戲有postcard送
兩張postcard都好靚呀~~~
但又發現左d好笑野
張postcard上面有個門牌, 寫住"博愛路18"
但上官網一睇, 咦?
點係會係寫住"博愛路19"??? 有冇人解釋到??

盛夏光年Postcard上面Synopsis0既一句我幾鍾意
雖然事實未必一定係咁樣, 但都同你地分享一下:
No matter what secret they have... no soul was born to be alone...

但其實, 如果事實上發生咁0既事
因為一個人0既出現, 導致到... 算啦, 唔講住



盛夏光年 官方網頁
http://www.wretch.cc/blog/summermovie

盛夏光年 原聲大碟 - 明白MV (當中為戲中片段)
http://pic.wretch.cc/icon/flvplayer.swf?autoStart=false&file=http://pic32.pic.wretch.cc/photos/28/s/summermovie/65/1962494078.flv

Labels: ,

01:56 |

Thursday, November 02, 2006 

Prague

尋晚睇明珠台一個有關旅遊0既節目
佢竟然係去 Prague (東歐國家捷克的首都布拉格)!
一個我好想去0既地方
好多人問過,
係唔係因為近年有d人唱有關布拉格0既歌有關?
唔多唔少可能係
因為咁令我認識到Prague
原來Prague係一個好靚0既地方
唔怪得有好多人都想響Prague長住啦~
遲d有機會一定一定要去!

Labels:

07:41 |

Sunday, October 29, 2006 

試

搭一程45分鐘的無冷氣巴士
好多年都冇試過
由油麻地行去尖沙咀
好多年都冇試過
坐響尖東海旁一個鐘
好多年都冇試過
仲諗左好多野
好多自己近排亂緊0既野
雖然都冇解決d乜野
但自己就有個方向
希望可以盡快解決到
因為自己真係冇乜氣力喇...

Labels:

01:42 |

 

"HOCC Live in Unity"

終於睇左喇
成個演唱會比預期好
好多衫 (真係好多...)
dancer跳得好
燈光做得好
曲序及編曲都好好
成個concert何韻詩0既形象
唔知點解, 好梅艷芳
可能因為之前梅姐有個形象都係白色頭髮又差唔多髮型?
當中有套衫係劉垢基design
同梅姐最後一個concert套衫係同一style
就感覺更梅姐
不過最最最遺憾係
因為一件事破壞左成個演出
令整個production好好, audience好好
(除左坐我後一行0個個)
件事就係請左個唔應該請0既人黎做嘉賓
好心佢要復出都唔好搵d咁0既機會破壞人地concert
同公司大哂咩?

Labels: ,

00:59 |

Wednesday, October 25, 2006 

Phone ring

Thanks for calling!

Labels:

00:40 |

Saturday, October 21, 2006 

mos burger

紅透日本同台灣0既mos burger終於響香港開幕
據探子回報, 尋晚(星期五, 開業第一日)係要排一個鐘先買到mos burger個包!
而今日(星期六, 開業第二日)晏晝親身實地考察, 竟然只需排40分鐘左右!!
原因係...mos burger冇burger賣! 所有包類已經沽清!
只有剩返rice burger(三款), 同一d小食類產品(炸雞, 薯條, 沙律等)
(連部分汽水都冇得賣!)
不過佢地為表歉意, 凡叫餐0既都會送蒟蒻一杯!
而今日我張單(15:15左右)已經叫左野食
但張單號碼已經係1792!
即係呢日半入面就有近二千單生意! 厲害厲害~~
咁佢地應該好快會開分店~
我估最有可能地點係尖沙咀新港foodcourt!

經過今日, 近期想去mos burger就要留意, 比個小tips大家,
就係佢地本身係開到夜晚九點, 但八點就會截龍, 所以唔好咁晏去!
另外因為呢幾日都太多生意, 佢地響14:30-16:00會休息
(但總之你14:30前入到隊就冇問題! 佢地攪哂成條龍最快都要15:30!)

**mos burger香港分店係開響觀塘創紀之城第5期apm 2樓cooked deli foodcourt內

Labels: ,

23:13 |

 

開心

今日都算幾開心~
1. mos burger響香港開業!!
2. 一個電爐做出50人的午飯!
3. 我做左一個晚餐!
有瑤柱蒸水蛋, 照燒雞翼, 西蘭花炒肉片, 茄汁大蝦, 煎黑椒腸, 同金寶雜菜湯~
好豐富呢~雖然佢地讚不絕口, 但係我始終覺得尚欠好多
下次整餐更好0既!!
4. 玩左一局陳年版大富翁~

Labels:

02:33 |

Friday, October 20, 2006 

Yeah Yeah Yeah!

唔係好耐之前先響香港正式開返舖0既BK
加上響越黎越多分店0既Triple O's
今日又有正0既burger shop開業!
就係Mos Burger!
之前響台灣因為佢送0既一個座台曆
明明明飽到死仲走左入食左個mos burger set!
好正架, 睇d promo相都超想食
今日開業, 一定要去食!
幾時放假呢? 一次過食哂BK同Mos!

Jack in the Box, 等緊你返黎開呀!

Labels:

08:39 |

Thursday, October 19, 2006 

盛夏光年

我呢d台灣迷
好耐之前已經好期待"盛夏光年"呢套戲
終於0岩0岩比我買左飛喇~
不過好貴
第一次買普通戲院飛要成百蚊一張
不過期待左咁耐
同埋淨係睇個戲名都值返啦~

www.wretch.cc/blog/summermovie

Labels:

22:55 |

Tuesday, October 17, 2006 

多謝

多謝各位大駕光臨
經過一頓非常豐富的晚飯
warming1經已結束
不知不覺原來已經一個月
這個地方現在都算不錯了
響熱鬧過後的這個地方
期待著warming2

Labels:

22:55 |

Friday, October 06, 2006 

"The Devil Wears Prada" (穿Prada的惡魔)

又係終於響落之前睇到呢套戲
Meryl Streep喎~ 點可以唔睇??
佢真係做得好正
本身個故事都算做估得到
唔太surprise
只不過係主要想睇Meryl Streep!
同埋睇下有幾devil!
哈哈~~ 不錯呀~~
攪到好想睇返佢d舊戲!

Labels: ,

23:12 |

Thursday, October 05, 2006 

Before Mid-Autumn

終於處理左d野!
好耶!

Labels:

23:21 |

Wednesday, October 04, 2006 

記起

終於記起早兩日想講d乜野喇
就係我響ikea企響度
睇住個架諗緊有冇位放0既時候
有個外國女仔(大概十幾歲, 好細個)
見我諗左咁耐就同我傾
"Still deciding?"
"Yeah, I'm just thinking do I have so many books to put on"
"That's encourage you to read more books"
"Um~ yes"
"I think it's a good design!"
"I think so, it looks really cool~"
本來段對話冇乜特別
但我就覺得0個個moment好似抽離左自己0既生活
去左一個外國0既傢俬舖睇傢俬咁
好舒服~~
好佩服0個個細路女佢自己一個度位
之後畫圖, 再揀野, 買成車野都只係得佢自己一個!
如果係香港0既女仔, 唔好話十幾歲,
就算三十幾歲0既度d野都唔識度!
真係想死!!

Labels:

01:44 |

Sunday, October 01, 2006 

似乎

似乎好多野都終於settle down喇
剩返一d好minor0既野咋~~~
有d滾動~~~

Labels:

13:00 |

Wednesday, September 27, 2006 

3日大...

3日大
乖乖地喇~

Labels:

22:48 |

Tuesday, September 26, 2006 

Triple-O's

等左幾個月
終於等到Triple-O's 尖沙咀店開張
見佢開左就即刻買左個餐食
雖然我係外賣返屋企食 (響尖沙咀買外賣! 哈哈!)
但都覺得佢地0既野食pro好多!
拎到返屋企雖然凍左
但食物質素真係幾好! 塊漢堡, d bacon, d 蕃茄, d source...
價錢適中 (請不要與麥老先生相比)
但查實我都等緊其他burger shop響香港開分店!
BK (Burger King) 響香港開返都未上去食一趟
等緊Jack in the Box響香港重開! 一定成日去食!

Labels: ,

23:39 |

Sunday, September 24, 2006 

A week had gone

17 Sep

今日開始左一個新生活
以後就要由呢度開始

18 Sep

第一天
真的有點不習慣
拖著疲憊的身體外出購物
有點辛苦
但我知道這是必須的

狠狠的放棄了很多
又搵返好多舊野
(係啦, 又係0個d)
個人係有d感觸
好想返返0個個時候
但不再是懷念那些日子
而是真的認認真真的看清楚當時的你
你給我的, 我都有好好保存著
在這裡都將這些放在最當眼的位置
不是想你怎樣怎樣
只是...這是記憶的一部分
根本不需要將它抹去
(不過我承認有偏心的!哈哈)
雖然, 我真的很想請你來一趟
但是我知道, 這已是不可能發生的

19 Sep

進入了第二天
依然有點不習慣
仍然很累...

21 Sep

剪了髮
新的感覺

22 Sep

放心
我不會丟低你的...
因為我知道被丟低的感覺一點都不好受

Labels:

01:05 |

Saturday, September 16, 2006 

今天

準備好了

Labels:

23:49 |

Sunday, September 10, 2006 

溝通

近來多了很多溝通的機會
難得
所以要好好把握

Labels:

23:32 |

Sunday, September 03, 2006 

"包法利夫人們"

第一次睇非常林奕華
同想像中係有d唔同
佢做0既手法唔係由頭到尾0既一個故事做法
反而係將一個故事分開好多段
都係0個12個人, 但主角都會有機會換左人做
而且大部分都以台灣綜藝節目0既清談方式去做
感覺幾新鮮
當中亦有一場有少少舞蹈
但唔知點解自己幾鍾意0個一場
個感覺好好
鍾意整套劇有好多detail位
每個人身上衫褲鞋襪都有個tag吊住
好似個個都係名媛0既感覺
第一次睇兩面台, 背景亦係觀眾0既感覺幾唔同
就好似睇fashion show行catwalk咁
亦好有名媛感覺!
演員們都做得幾好
每當中夾有一d廣東話就會引到全場發笑
當中特別欣賞一位穿女裝的男演員
扮林志玲扮得好似!
唯一唔好係當中有一個演員支mic有事
推聲0既人就不停推爆聲...
仲有三個鐘冇中場同轉場時間好快
睇到真係有d辛苦!

Labels: ,

01:24 |

Friday, September 01, 2006 

解夢~

多謝梁祖祖百忙抽空解夢!
得到係 "好快有我會有好消息"
^_^

Labels:

00:29 |

Saturday, August 26, 2006 

Monpoly 大富翁


兒時已經好鍾意呢個board game
唔單單因為個game
而係因為可以聚到幾個人一齊玩
開心一下
今日見到有個新0既特別版大富翁
仲要係我近年幾鍾意0既Cartoon Character!
Spongebob Squarepants (中文譯海綿波比)!
[記得佢係居於海底0既海綿, 唔係芝士!!]
d棋全部都係Spongebob Squarepants0既character!
屋係spongebob間pineapple house!
hotel係佢做野間舖!
雖然成400蚊, 比起普通版貴左270蚊
但係我覺得好值
不過最終我都係依依不捨咁冇買到
唔係因為佢貴
而係買左副大富翁但得一個人冇得玩係比冇更慘!
[睇下佢個盒, 有迷幻眼神!!!]

Labels:

22:33 |

Wednesday, August 23, 2006 

Thanks

Thanks for your word, really

Labels:

02:04 |

Sunday, August 20, 2006 

"Bent" (屈獄情)

因為睇完《當萊斯遇上亞祖》一書後
雖然沒機會睇佢地舞台劇0既演出
但真的很想睇一睇呢套戲
就響網站度訂左呢隻碟
今日終於睇左
因之前同亞祖傾過下
佢話呢套戲都好好, 但唔夠佢地0既震撼
佢都係做完舞台劇先睇返碟
今日睇完
其實套戲唔係唔好
只不過...真係好似亞祖所講
唔夠震撼
有d位去得太快
加上可能live會令感覺黎得更快更真...

Labels: ,

22:49 |

Sunday, August 13, 2006 

"The Pianist" (鋼琴戰曲)

又一套期待已久0既戲
終於睇左
遇同我最初想像0既方向有少少唔同
我想像0既係呢一場戰爭點樣影響鋼琴家的一生
而實際係, 鋼琴家點樣面對戰爭
流落一個人又點
完全係以鋼琴家自己角度出發
目睹/遇到的一切一切
Adrian Brody響呢套戲做得唔錯
唔怪得佢一泡而紅~

Labels: ,

22:05 |

Saturday, August 12, 2006 

"Sad Movie" (真的愛你)

終於睇左呢套戲 (又係咁講)
上次睇"我生涯中最美的一周"之前已經想睇
但亞琶話之前0個套好睇d
唔~ 查實0個套我都覺得好睇一d
但係呢套又唔等於唔好睇
只不過...到最尾...
總覺得之前太舖排
變左有d野係預計之內...
同埋呢套將八個人四個故事串得唔夠"我"好...

ps. 0岩0巳聽到香港小姐競選要"佳麗"介紹一套電影或書
真係估唔到會有人講"少林足球"! 就算假d搵部有深度d0既戲丫!

Labels: ,

21:15 |

Friday, August 11, 2006 

苦

今個星期雖然過得有d苦
但唔緊要
因為更了解左自己
因為學習了更團結
更因為多左一個好朋友分享開心/唔開心事
真開心...

Labels:

23:32 |

Friday, August 04, 2006 

憶

想起了一個片段
記得當時一位好朋友送了五片葉給我
那五片葉自來自一棵獨有品種植物上掉下來的
而這些葉片是可以種發芽長大
當時我們各有五片, 一起開始種
看誰的先種出
經過幾個月後
這朋友的那幾片葉凋謝了
而我
到現在差不多四年後
你看
雖然已經甚麼都不是
但我仍珍惜著這些的...

Labels:

23:02 |

Wednesday, August 02, 2006 

Thank GOD

I saw the light!

Labels:

21:32 |

Tuesday, August 01, 2006 

傾

傾力暫時完成左一個任務
鬆左一口氣
雖然有些不快
但開始感覺到teamwork0既威力
特別係大家都係向住同一個目標進發
之後今日大家都傾左好多野
將近來一d壓力都好似掃走左好一部分咁
感覺真係relax左好多!

突然又想去台灣行下, 食下野喇~

Labels:

01:07 |

Wednesday, July 26, 2006 

靚湯

今日晏晝call左外賣湯上黎食
嘩~ 個湯好好飲~
係 花膠魚翅瑤柱鮑片金華火腿竹笙雪耳煲走地雞
勁鍾意落花膠煲到膠膠地
中式濃湯好好飲!
同埋個蒸飯 & 湯渣
雖然係貴d
但係久唔久食下真係超滿足!
人生就係咁簡單!

Labels: ,

00:23 |

Tuesday, July 25, 2006 

當萊斯遇上亞祖

我睇字比較慢, 今日終於睇完哂成本書
其實好感動
感動的不單是一個舞台上的新星的孕育過程
而係一個關於愛的故事

睇完之後深深體會到亞祖, 萊斯, 以及其家人, 朋友, 甚至fans的愛
這是一本充滿愛的書
就好似Love Actually咁, 睇完會full of love
只不過呢本書並唔係講愛情
而係透過兩個人的經過時間成長的過程中
不同的人對他們的睇法~

睇完呢本書, 就有幾樣野好想做
第一就係睇《Bent 屈獄情》
上網搵到隻dvd, 我諗我遲d會訂佢返黎睇..
第二就係搵萊斯
但點知今日晏晝佢黎左我公司搵我!!
真係估唔到!! 超開心!!
而且好多謝佢今日救左我!

期待你的新作!

Labels: ,

22:17 |

 

王子廚房

上左去深圳
夜晚今次食得豪左好多
就係去左王子廚房
係王子飯店集團0既
主要係食"創意料理"同"中西日"
間舖門口都嬴哂
因為先要通過機關先開到門
(不論正、側門)
樓高三層(響五樓商場入面!)
中間有個大天井, 完全係香港唔會有0個種!
食左好多尚算名貴0既菜式
但都係好平(相對香港)
如果響香港食同樣菜式
同差唔多0既環境同service
我地估計不少於呢個價錢0既三倍!
如果有機會真係得閒要上去食下野!

Labels: ,

00:09 |

Sunday, July 23, 2006 

睇書

書展後遺症-睇書潮又開始左
呢兩日成日都好想快d睇完好友本書
但係自己睇字真係好慢
即使成日執住本書都只係睇左一半
今年行書展係歷屆最長
但係又使錢係歷屆最少
本諗住控制自己唔好使多過500蚊
點知由於有幾個想去0既booth 見唔到
又唔想重行多次0既關係
放棄左去Keng Seng同kubrick
慳左唔少錢~
今年只買左五本
(上年0個d仲未睇哂!)
當中有兩本係好得意0既書
名為《香港風格》同《香港風格2-消滅香港》
好想快d睇哂佢地!

Labels: ,

23:56 |

Friday, July 21, 2006 

Phantom of the Opera 歌聲魅影

香港人:
- 遲到
- 入場後飲野
- 入場後講電話
- 玩電話
- 電話影相
- 閃光燈影相....
點解要咁架
等左我11年比d好d0既印象我好唔好0者?
唔講佢地
講套劇
d sets, props同costumes真係超正!
d演員又唱得勁!
真係勁enjoy個show!
多機關, 多特效
(特效多到好眼花!!)
真係好值得去睇!!
整體真係幾好!
香港有個好d0既場(大d),
多d呢d劇,
同埋有個咁0既包廂形式堂皇0既theatre就好喇!

Labels: ,

01:33 |

 

麥當勞奇妙生日會

Clue A: GM問我好唔好唔飲茶, 話個個生日都去飲茶, 唔飲介唔介意
Clue B: 12:45開會
Clue C: 冇用到Conference Room開會, 用左老細房開
Clue D: 唔知幾時落左簾
開開下會就有人拍門
咁就開始左麥當勞奇妙生日會
佢地叫左麥當勞哥哥同麥當勞姐姐上黎公司開party!
玩左d遊戲, 送左d禮物
開開心心食下野就玩完左
有d同事不知玩到幾開心!
之後麥當勞哥哥問問題先好笑
佢問麥當勞叔叔住響邊
原來係開心樂園
(以前未有開心樂園咁佢咪訓街?!)
之後又問入面有乜人
d同事就話有我
咁我就話有山德士上校賣緊雞
哈哈!
都好開心!
不過最估唔到有勁多cake!
一共有4個cake加2件我組員handmade0既cake!
多到呢~ 哈哈!

Labels:

01:27 |

Thursday, July 20, 2006 

多謝各位

多謝各位有心人!
今晚的一頓飯回憶了很多
好友Haze同我去左食一餐好開心0既dinner!
特別係Hazw所揀0既地點!
無論係依家食0既地點或冇揀到0既地點
都係以前感慨0既兩個承諾!
今次個Birthday Cake真係surprise到我!
d人走哂過黎唱歌我仲諗緊乜野事!
哈哈~~
右面個相集加左新相呀~(仲有新片"書展中的地下鐵"~)

另外特別要多謝百忙都打電話黎0既梁祖祖, 同埋今日出左新書0既新晉才子萊斯, ......
多謝哂咁多位!!

Labels:

00:40 |

Tuesday, July 18, 2006 

舊blog

究竟乜野係朋友?
朋友係...

唔會戒意你朋友既一Ｄ缺點
響你開心時同你分享歡樂
響你唔開心時會聽你講
響你苦惱時比意見你
響你孤單時陪住你
佢會講秘密你聽
唔一定成日見
會掛住對方
珍惜對方
愛對方

你點睇?

Labels:

02:14 |

 

"孔巨基"

本身睇呢套劇係有 expectation
但原來同我expect 0既野有d唔同
一個one man show, 做足90分鐘
一d都唔易, 好想讚下陳浩峰, 厲害!
雖然個set好簡單, props都好簡單
但係我就覺得好直接了當咁present出個環境同各樣atmosphere
當中有一場係一個家庭, 只係一個穿左好幾個窿窿0既木板
陳浩峰就一人分哂咁多角,
仲要全部script都係三個字! 直頭係三字經!
(最鍾意當中一句: "牙斬斬, 死得慘!")
另外一開始0個幕, 用好澎湃0既音樂
加一個孔子像, 加一d燈光效果
就好簡單又好有力咁做出孔子經過咁多年成為萬世師表的感覺
好正!
(特別係當燈光打落去個格仔鏡0既set上面反射出黎0既lens flare...靚到呢...)
值得再讚都係陳浩峰
第一首歌"補習之迷戀"咁難唱都唱到...勁!
同最尾"唱K回憶錄"歌詞好難填
好有古巨基"勁歌金曲"feel, 但比之arrangement更好!
當中有一段用哂d演唱會名做歌詞
如果有機會真係希望可以再聽!
不過當然呢套劇都有不足之處
好似有部分好似拉得太長
有時又因為one man show變得台上冇得交流
而且響"孔子樂園"個act入面如果有幾個"臨記"響後面行下
個效果會更好!
下次有機會會再睇佢地0既production!