Blogger luvul had been moved to www.luvul.com!

八月的故事
香港 2007 導演: 麥婉欣
n/a

呢套戲其實係今年電影節之中幾想睇0既一套戲
但可惜因版權問題取消左
十萬個可惜
始終呢套係短片
響香港都唔會有機會播咁滯
唯有寄望響其他影展/下年電影節可以睇得返
又或者出到碟都好
我相信呢套戲會好好睇


相關網頁: HKIFF | imdb
Image copied from www.hkiff.org.hk

-----

西安故事
中國 2006 導演: 陳果
＊＊＊＊＊＊＊＊．．

可能因為係同時期拍
陳果導演0既西安故事同盛志民導演0既浮生基本上用同一批演員
(兩套戲均由陳果及盛志民聯合監製)
感覺上有d亂
不過就響半個鐘入面
已經將好多野交代得好好
新舊的對比很強烈
不過可能長度所限
未有交代到兩人的婚姻失敗原因
令之後的"復合"顯得有d古怪


相關網頁: HKIFF
Image copied from www.hkiff.org.hk

-----


我們的十年 (同場加映)
中國 2006 導演: 賈樟柯
＊＊＊＊．．．．．．

對不起
可能始終長度所限(十分鐘)
我對其內容真係摸不著頭腦
點解一個記者(應該係)會成日咁去同一個地方?
而個記者又會拎住部老爺相機但又用Polaroid?
我覺得件事係唔make sense
而且鏡頭刻意拍響火車中段車卡上向外拍行駛中火車前面的路軌
但其重心遠遠離遠了
我覺得就好似跌左落車咁
況且, 一份報紙成立十周年不是一個很吸引的主題
(除非該報紙定位很鮮明)
我反而期待香港回歸十周年會有人
將過去十年的人和事剪成一條doco
吸引力仲大好多...

Labels: HKIFF, 戲

英國 2006 導演: Sean Ellis
＊＊＊＊＊＊＊＊＊．

其實呢套戲感覺幾商業
但唔睇資料唔知
呢套原本係2004年0既一套短片
響2006年佢地將佢變成長片
睇完都真係唔覺
不過呢套戲個concept我幾鍾意
超現實得黎又好真實
而且響角色設定方面做得幾好
將每個角色都刻劃得幾好
呢套係一套睇完之後好舒服0既戲
響睇左咁多套戲之後終於呢套算做positive一d
如無意外會響戲院上
值得一睇!
有機會真係好想睇下短片版!


相關網頁: HKIFF | imdb | Official Site
Image copied from www.hkiff.org.hk

Labels: HKIFF, 悅, 戲

台灣 2006 導演: 鄭有傑
＊＊＊＊＊＊＊＊＊．

呢套戲感覺好得意
導演用左五個人物的故事去組織成套電影
特別於呢幾個人的關係的交織
做得很好~
另外一直就一個演員有印象
但就一直唔記得響邊度見過
到臨尾字幕一出~
我記得喇! 係莫子儀!
係之前有份響"包法利夫人們"做演員0既!
套戲0既鏡頭拎得好靚, 於海灘打交一幕, 超靚!
雖然因為套戲頗多穿插位令我仍有部分野唔明
但係套戲真係好好!


相關網頁: HKIFF | imdb
Image copied from www.hkiff.org.hk

Labels: HKIFF, 悅, 戲

中國 2006 導演: 盛志民
＊＊＊＊＊＊＊＊．．

大陸片一直有一樣野第二d地方拍唔到0既
就係人情味
呢套戲都係一樣
今日係清明節
睇呢套戲就好似最0岩0既日子
響呢個家入面
到底各自諗緊d乜?
真係只有自己知...
喜歡套戲的質感
就如導演所講, 天氣有很大的幫助
最估不到的係, 原來部分演員都只係業餘
不過整體而言, 故事的節奏應更為暢順

相關網頁: HKIFF | imdb
Image copied from www.hkiff.org.hk

Labels: HKIFF, 戲

台灣 2006 導演: 蔡明亮
＊＊＊＊＊＊＊＊＊．

一直都好鍾意蔡明亮0既戲
佢0既戲通常都用一d較長0既shot
較少對白去表達出黎
記得第一次睇蔡明亮0既《不散》就好印象深刻
幾鍾意李康生一直以兩個角色誤導觀眾的手法
以及以馬來西亞作主要故事背景
不再局限於台灣之上
(雖然我都好鍾意佢拍出黎0既台灣)
而當中要講0既野只需幾件小事就可以解說
不需再硬要對白
呢套套更令我回想起當年的香港爆發SARS的情況
只係可惜今日狀況唔太好, 唔係可以更加睇得多d野出黎~

相關網頁: HKIFF | imdb
Image copied from www.hkiff.org.hk

Labels: HKIFF, 悅, 戲

南韓 2006 導演: 申東一
＊＊＊＊＊＊．．．．

因為上年睇左幾套韓國片都幾有水準
今年刻意揀多少少韓國片睇
一直都覺得呢套戲個故事好似出現左d問題
但又講唔出問題響邊
但就有d鏡頭真係幾估唔到
而三個人0既關係我都唔係好解得到
有d混亂...


相關網頁: HKIFF | imdb
Image copied from www.hkiff.org.hk

Labels: HKIFF, 戲

美國 2007 導演: 陳士爭
＊＊＊＊＊＊＊．．．

睇呢套戲有兩個原因
因為Meryl Streep同劉燁
呢兩個都係我幾鍾意0既演員
好難想像一個中國演員同一個美國演員點樣合作
結果, 劉燁將角色演繹得好好
反而可能因 Meryl Streep的戲份不多
沒有足夠空間去develope
不過個角色就好似為Meryl Streep度身訂造咁
真係諗唔到除左Meryl仲有邊個可以suit到..
而對於一個咁悲哀的故事
突顯出中西兩方的文化及地域差異
由真人真事改編而成, 格外震撼



相關網頁: HKIFF | imdb | Official Site
Image copied from www.hkiff.org.hk

Labels: HKIFF, 戲

南韓 2006 導演: 李松喜一
＊＊＊＊＊＊＊＊．．

呢套片第一樣唔鍾意係套戲個中文名
真係打個凸囉
佢真係唔改好過改...
仲要睇完套戲都唔明個中文名點解會係咁
呢套戲其實內容好簡單
但我就覺得舖排d位做得唔錯
可能現實中帶點不現實
整套戲感覺縛好
而當中有部分舖排仲好譆brokeback mountain!
配樂方面都做得幾好
韓國片響愛情片都真係拿手d~


相關網頁: HKIFF | Han Cinema
Image copied from www.hkiff.org.hk

Labels: HKIFF, 戲

馬來西亞 2007 導演: 吳明金
＊＊＊＊．．．．．．

講真, 對呢套戲係有d失望
套戲主要係講兩個人物所發生的事
解構佢地分別對海與象的情意結
或算我愚昧, 我未搵到箇中的關係
那隻象只出現了十秒左右
真的表現出其關係嗎?
我又睇唔出
另外, 唔知係唔係馬來西亞0既關係
當中一句說話可以夾雜廣東話, 國語同應該係馬拉話
真係攪到我有d精神錯亂....
總括而言, 我覺得呢套戲去唔到0個個位
真係有d失望...


相關網頁: HKIFF | imdb
Image copied from www.hkiff.org.hk

Labels: HKIFF, 戲

香港 2006 導演: 區雪兒
＊＊＊＊＊＊＊＊．．

第四場, 繼續好爆
仲第一次坐circle, 仲要睇戲
原來坐circle頭幾行都okay架~
講返套戲
我唔係好明點解開初導演會講頭十分鐘係個局
(我唔記得佢用邊個term, 但差唔多意思)
睇完我都唔係好明箇中原因
不過唔緊要, 反而比左個心理準備我去睇呢套戲
由明哥同V記做0既配樂夾得幾好, 好明顯落左心機落去
選角其實幾好, 周迅幾切合個角色
係唔係幾鍾意太多一人分演幾角
不過最攪笑係, 個個native都唔係廣東話, 但就偏偏要講廣東話
而廣東話0既呢, 又講上海話...
張信哲一開口我就覺得好林一峰...
拍攝手法幾好, 剪接方式亦同一般0既唔同
本身係幾好, 不過就有幾個shot我覺得唔太好
script方面其實之仲有room去improve
響戲院上的話應該大部分人都只係拎住d超現實位睇講
同埋覺得應該大眾未必接受到呢種手法
而我就覺得呢套可以成為香港cult片!
最尾就係估唔到呢套戲會係「英皇電影」
呢d片種唔賣得錢架喎~


相關網頁: HKIFF | imdb
Image copied from www.hkiff.org.hk

Labels: HKIFF, 戲

香港 2007 導演: 游乃海
＊＊＊＊＊＊＊＊．．

唔知點解今年睇第三場
場場都爆哂, 真係睇得有d辛苦
一開始 "驕陽電影" 四字真係打左唔少折扣
戲入面亦因而多左好多「廣告」
唔知點解好討厭呢種間接廣告
anyway, 套戲係有d out of expectation
editing做得幾好, 有張力
但係就最唔鍾意係d人聲都唔係收現場音
梁家輝同任達華演技不用置疑,
但就唔係好明點解要揀徐子珊?
佢比我感覺唔係好入格
不過整套戲就略嫌故事平舖得滯
情節唔太複雜下變左好似講故事咁
人物方面刻劃得幾好
特別係任達華個角色


相關網頁: HKIFF | imdb
Image copied from www.hkiff.org.hk

Labels: HKIFF, 戲

中國 2006 導演: 呂樂
＊＊＊＊＊．．．．．

一開始就唔係幾滿意UA的安排
排隊入場的龍居然係停車場出入口
又焗又辛苦, 點解要安排咁0既地方排?!
時間改左又唔放多一兩個牌出黎
人地行另一個入口入就已經唔知道
不過講返套戲
唔係話佢唔好睇
但我講得有D亂
應該要再整理一下個內容
想講0既野太多喇, 亦都唔應該響呢種戲入面放得太多
變左好多野都交代得唔清楚
特別係個背景關係
加上有部分劇情太零碎, 唔係好接得到之前的部分
但響中國有呢類型戲其實係幾好
如果單睇青春愛情一PART係算寫得唔錯
只不過太多其他額外0既野~


相關網頁: HKIFF
Image copied from www.hkiff.org.hk

Labels: HKIFF, 戲

0岩0岩一開電視就睇到正開始播
見又星期六冇乜野做就睇下
其實個故事有d interesting
但係就好美國愛情片囉
個故事背景係唔同左
但情節都係咁囉~
查實睇唔睇唔緊要咁囉~

相關網頁: imdb | Official Site

Labels: 戲

英國 2006 導演: Paul Andrew Williams
＊＊＊＊＊＊＊．．．

作為今年電影節第一齣戲
其實幾好, 呢套戲絕對唔係差
但又未至於好好
可能係睇得比較辛苦
因為入場先記得HKIFF係冇劃位
又估唔到咁爆
攪到坐第二行側
但成套戲整體故事及伏線都寫得幾好
而個結局預料得到(不過都Surprise)
我覺得導演最勁就係當前面d伏線開始有d悶0既時候
就flashback一d事, 幾鍾意佢0既手法
而結局都end得唔錯
值得睇!

相關網頁: HKIFF | imdb | Official Site
Image copied from www.hkiff.org.hk

Labels: HKIFF, 悅, 戲

一各鍾意睇Musical 0既我同左幾個都係鍾意Musical 0既friend一齊睇左呢套戲
唔係話唔好睇
係唔錯
但的確有d位係有d失望
主要都係個script同editing問題
我d位其實over左少少
不過如果鍾意Musical應該問題都唔太大
仲有一樣野就唔好在唱歌時口型同條聲有d唔夾
感覺有d唔太舒服
整體都唔錯, 歌幾好, 場景都幾好
係Musical都應該捧!

Labels: 戲

仲諗住呢個由劉德華帶領0既
培育新導演計劃可以有得睇下
點知Focus First Cut0既頭炮都係一般0既港產片
冇內容, 冇劇本
只係將d野堆砌
對呢個計劃真係好失望...

Labels: 悲, 戲

呢首歌有幾位巨星曾經演譯過
包括鄧麗君、王菲, 都係好甜美的
今次張學友再唱, 感覺是很悲愴的
呢首歌真係好特別, 雖然係蘇軾0既詞
但到今時今日都冇一d過時0既感覺
今次張學友重新演譯此曲
係因為一套即將上演0既同名新戲 "但願人長久" 的主題曲
套戲係紀念唐山大地震30周年而拍的
真係好想睇

電影 "但願人長久" 網址: http://www.tangshantangshan.com

曲/編: 董冬冬 詞: 蘇軾 唱: 張學友

明月幾時有　把酒問青天
不知天上宮闕　今夕是何年　

我欲乘風歸去　唯恐瓊樓玉宇
高處不勝寒　起舞弄清影　何似在人間

轉朱閣　低綺戶照無眠
不應有恨　何事長向別時圓

人有悲歡離合　月有陰晴圓缺
此事古難全　但願人長久　千里共嬋娟

人有悲歡離合　月有陰晴圓缺
此事古難全　但願人長久　千里共嬋娟

千里共嬋娟

Labels: 戲, 歌, 迷

都唔知點解神推鬼拱下睇左套咁0既戲
完全港產式唔好笑0既笑片
低級趣味, 冇內容, 冇演技
完全唔明點解當年王晶可以拍出"賭神"咁經典0既戲
但依家就...
完全不值一睇!
多幾套咁0既戲港產片個industry唔死至奇!

Labels: 哀, 戲

Ben Stiller都算係一個幾攪笑0既演員
今次都係以Jumanji式故事去做
仲要有Robin Williams! 似到十足十!
不過就內容就比Jumanji更簡單
有d空泛, 冇乜內容咁
而且情節散左d, 唔夠緊
只可以講, 當一套合家歡電影黎睇就冇問題
唔係3就真係幾一般...

講兩句amc Pacific Place
今次第一次去amc Pacific Place
d house唔錯, 特別係內部裝修
不過如果係翻得落黎既摺櫈仲好!

Labels: 戲

今日睇左兩套賀歲港產片0既trailer
分別係 "雙子神偷" 同 "嚦咕嚦咕對對碰"
睇之前對兩套戲冇興趣、演員冇興趣、題材冇興趣
睇完之後覺得套戲更冇興趣、演員更冇興趣、題材更更冇興趣
點解會咁0既呢? 唔係一套喎, 兩套都係咁
講真有時真係幫唔到佢地
咁0既戲, 真係貼錢都冇人睇啦
港產trailer成日都係越睇越唔想入場睇
真係唔好只係響度怪翻版、怪bt
之後睇左少少一套近年0既港產片"見習黑玫瑰"
毛舜君演得好好, 但可惜個劇本唔得
笑又唔係, 劇情又唔係, 只係將d野翻炒翻炒再翻炒
救命呀, 幾時先有d好d 0既港產片出現?

Labels: 哀, 戲

一套曾經想買0既戲
但又冇買到咁
今日睇左, 其實唔差
個手法比一般0既特別
不過個結局就好典型
唔知點解一路睇呢套戲就一直諗住The Devil Wears Prada
Meryl Streep真係好勁!
(但呢套戲係冇Meryl Streep架)

http://www.imdb.com/title/tt0338427/

Labels: 戲

Leonardo0既戲都唔會差(包括劇本同佢0既演技)
而睇到trailer時個題材幾吸引
就決心要去睇
一套好documentry式drama戲
好realistic
好smooth
睇睇下你就會置身其中
唔似睇緊戲咁
Blood Diamond究竟引起幾多死傷呢?
冇人知, 可能套戲戲劇化左
但我相信唔少...
同埋發現Leonardo d戲都有個共通點...
(你睇多幾套就發現架喇)
anyway, 一套幾好0既戲! 值得睇!!

Labels: 悅, 戲

意外地睇左呢套戲
我估香港係冇上到0既
但估唔到演員其中一個係我響上年HKIFF睇過一套戲0既主角0者~
0個個就係Jamie Bell, 響"Dear Wendy"入面做主角架~
套戲都幾複雜, 好多條line
而且好心理
有d仍然未消化到...
但整體都ok, 典典地0既美式青少年電影

http://www.imdb.com/title/tt0406650/

Labels: 戲

康正行、余守恆是小學同班同學，正行是班長，守恆卻患上「過度活躍症」，一天到晚惹麻煩。某天，小學轉來了一位女生，竟遭守恆施展惡作劇令她當眾出醜。老 師為了此事大動肝火，委派了正行幫助守恆適應校園生活。他倆不自覺地開啟了彼此間的陌生心靈，正行更了解守恆稀奇古怪的世界，二人頓成好友。
轉瞬間經歷十數年頭，康正行（張睿家 飾）和余守恆（張孝全 飾）友情不變。高中時代的正行於校社裡結識了惠嘉（楊淇 飾），互相有著淡淡情愫。與此同時，正行發現自己對守恆的感覺，也超越了好朋友情份。惠嘉發現了這個秘密，她答應永不洩露出去。
正行害怕面對自己，開始對守恆諸多逃避。守恆遍尋不果，卻發現惠嘉出現在球場上。惠嘉因為發現了正行的秘密，也對他喜歡的對象產生好奇。三人間微妙的友情、愛情關係，微妙的傾斜起來。

Labels: 悅, 戲

估唔到07年第一套覺得好睇0既戲會係港產片
一套04年0既港產片
今日睇左, 的確唔錯
記得當時有人recommend我去睇
但始終因為:
1. 港產片
2. 周麗淇
所以唔去睇
但又估唔到幾ok喎
故事係香港式
風格有d 80年代味道
打打殺殺之餘又有"情"
睇完呢套戲之後對周小姐有少少改觀
不過佢都係唔好去唱歌
最鍾意都係80年代尾至90年代初0既港產片!

Labels: 悅, 戲

2006咁又完喇...真係唔覺...
好想多謝好多人令我改變左好多...
又係時間做個回顧:

- 第一次去揼骨
- 第一次以個人名義收到帖去個婚宴
- 第一次部腦兩隻harddisk響同一日死
- 第一次收到一束鮮花
- 第一次睇Phantom of the Opera in Live
- 第一次有麥當勞叔叔同我慶祝生日
- 第一次響個Friend本書度搵到我自己張相!
- 第一次買部遊戲機比自己
- 第一次搬離家人
- 第一次穿著整套suit
- 一個月內去勻咁多間IKEA!
- 不停咁整野食!
- 重遇一位對我很重要的朋友


Song
Most Peaceful Song - “遇見神” (唱: 張敬軒)
Most Pleasurable Song - “State of Mind” (曲/詞/唱: 林一峰 編: Edward Chan)
Most Serious Song - “You’ve Got to Learn” (曲: Nina Simone / Charles Aznavour 詞: Charles Aznavour 唱: 林一峰)
“盛夏光年” (曲/詞: 阿信 唱: 五月天)
“愛得太遲” (曲: 楊鎮邦 詞: 林夕 編:雷仲德 唱: 古巨基)
“低等動物” (曲: 錢文環 詞: 黃偉文 唱: 陳奕迅)
“分手快樂” (曲: 郭文賢　詞: 姚若龍　唱: 梁靜茹)

Album
“盛夏光年”電影原聲大碟
“笑忘書” 張敬軒

Film
"Sunflower" (向日葵) 中國 - 橫跨30年, 真係好犀利!
"Eternal Summer" (盛夏光年) 台灣 – 燃燒青春印證!
"You and Me" (我們倆) 中國 - 將中國人情的感覺拍哂出黎!
"All for Love" (我生涯中最美的一周) 韓國 - 故事交織得好好!
"Host and Guest" (人中黃人中白) 韓國 - 對韓片完全改觀!
"The Devil Wears Prada" (穿Prada的惡魔) 美國 – Meryl Streep贏哂!
"Spongebob Squarepants Movie" (海綿波比大電影) 美國 - 我最愛的Cartoon Character!
"Zathura" (逃出科幻紀) 美國 - 睇過Jumaji都會想睇呢套戲!

Theatre
“The Phantom of the Opera” (歌聲魅影) – 唔可以算係theatre, 睇過最大型0既演出!
"包法利夫人們-名媛的美麗與哀愁" – 台灣式劇場, 正呀!
"你咪理, 我愛你, 死未! (3rd run)" – 今次最好睇!
"一粒金" – 真人真事改篇感動故事
“戀戀心湖” – 睇劇0既全新感受!
"娛樂大坑之大娛樂坑" – 雖未完成, 但期待2007年完整版!

TV
"Project Runway (Season 3)" Bravo TV – 15集追足3星期, 估中左Winner!
"向世界出發" TVB Jade – 好好睇, 估唔到TVB出到呢D節目!
"Man Made Marvels” " Discovery – 睇到好多好Marvel0既建築過程!
"Spongebob Squarepants" Nickelodeon – 正呀~ Spongebob呀~

Worst Film
"War of the Worlds" (強戰世界) 美國 - 呢套戲樣樣都唔到, 想點?
"Election 2" (黑社會2之以和為貴) 香港 – 渲染不必要的暴力

呢一年係我覺得變得最多0既一年
回想今年年頭0既我, 同依家0既我
其實已經好唔同
做野0既方法, 諗野0既方法
以前我會一件事發生後先會諗好多野
依家會係, 事正發生0既時候, 自己已經會多角度去睇
理解到點解件事會發生
希望黎緊一年可以身體健康, 開開心心, 快d搵到個人!

Labels: 劇, 哀, 怒, 怪, 悅, 想, 憶, 戲, 書, 歌, 狂, 玩, 迷, 食

差d又miss左套戲
套戲由好多條shorts組成
唔係唔好
而係覺得太散
當中有部分我覺得唔太突顯到巴黎0既感覺
不過有幾套都幾好
當中有個故事我覺得幾得意
個老公因為個老婆太悶太重複
(重複著同一件褸, 唱同一首歌, 去同樣0既餐廳, 食同樣0既0野...)
咁就去搵個情婦
正當佢特登去返佢地第一間(亦不停咁去)0個餐廳提出分手時
老婆拎左張醫生證明話佢有血癌
之後個老公就因為呢個原因冇提分手
同個情婦分手, 體貼入微咁照顧老婆
放佢鍾意0既話, 讀佢鍾意0既書, 睇佢鍾意0既戲...
之後老婆離開左
幾年之後, 老公每見到有人著住佢老婆著開0個年褸
就會好心痛...
個故事可能好戲劇性
但係我又覺得其實好realistic
(可能係有d條件反射卦?)
整體而言, 就"City of Love"呢個主題
大部分都符合到成個效果0既~
最估唔到係會睇呢套法國片會聽到王菲的"天空"
而可以improve0既就係可以更好咁接合d shorts囉~

Labels: 戲

本身0岩0岩睇左個promo有d想睇套戲
點知轉個頭就播
Nicole Kidman做得幾好
不愧係我幾欣賞0既actress
至於Sean Penn都唔錯
個故事本身都幾interesting
不過就硬係有d位太造作
唔係就可以smooth好多
成套戲就可以更好

http://www.imdb.com/title/tt0373926/

Labels: 戲

一套幾得意0既戲
查實一路睇
整個感覺幾似"盛夏光年"
但個故事比較特別
響兩男一女的關係比"盛"更為曖昧
而且帶左好多有關家庭0既野出黎
愛情, 友情, 帶出親情, 由細講到大
比"盛"0既故事層面更高!
但好似本身係base on真人真事
(套戲係"the hours"(2002)0既編劇!)
worth-watching!

imdb

Labels: 悅, 戲

雖然片頭部分睇唔到
但當我發現有Meryl Streep時就即睇!
睇完之後...
Meryl Streep真係好勁!
套戲個故事係講一對明星母女的關係
但由於做女的Meryl Streep童年時因為佢亞媽飲酒
佢就走去食藥(軟性毒品)
戒左之後點樣佢地再相處...
幾發人心醒架~
而且Meryl響片末唱首歌好好聽!!
值得一睇!!

imdb

Labels: 悅, 戲

無啦啦睇左套咁0既戲
我覺得個劇本唔係差
但仍有好多改善空間
特別係某d"港產片"式橋段好唔得
將個故事modify一下應該可以幾好的~
不過選角都好似有d問題...

Labels: 戲

0岩0岩睇埋呢隻dvd
以為有Ewan McGregor
點知...
都係有, 只不過響戲最頭0個5分鐘囉....
一出場就死左.....
呢套戲響dramatic
唔知同原著有幾大分別呢?
不過應該就唔會睇lu~
呢套action film麻麻地
可能主角d動作太假卦...

Labels: 戲

一心諗住去戲院睇"Prestige"
但時間又唔係好就到
又0岩0岩行過碟舖
就買左呢隻碟睇
Meryl Streep喎
0個時記得逞要只係UA院線上
而且上得好短時間
夾唔到去睇所以冇睇
睇呢套戲感覺好....真實得黎好戲劇
或者可以講, 有部分野好真, 有部分野好假(或者too dramatic)
不過睇Meryl已經回哂本
佢真係好勁
做乜似乜~~~
回想佢響The Devil Wears Prada入面Miranda個角色
好犀利~~~不愧係我最鍾意0既actress!!

Labels: 悅, 戲

終於睇左盛夏光年喇~~~
一開賣0個日就唔理三七廿一即訂飛
(雖然有d貴, 成$100一張飛)
等左咁耐, 雖然之前有人叫我先睇小說
話本小說好睇, 但我冇睇
連之前有條Soundtrack0既MV都冇睇
只係係咁睇soundtrack
就為左今日(只響AMC放映一場)
睇完之後有人話唔好, 有人話小說好d,
但我就話好0岩我睇
因為我覺得一本小說改為一套戲真係好難
另外雖然故事簡單, 但拍出黎個感覺好realistic
如果換轉係我我都可能同主角所選擇0既一樣!
套戲個背景幾好, 幾個演員都唔錯, 音樂又好,
係唯一唔係好鍾意場床上戲
硬係覺得怪怪地咁要攝d全裸鏡頭入去咁....
同埋都仲未好消化到點解會有床上戲0既出現...

最開仔心係睇完戲有postcard送
兩張postcard都好靚呀~~~
但又發現左d好笑野
張postcard上面有個門牌, 寫住"博愛路18"
但上官網一睇, 咦?
點係會係寫住"博愛路19"??? 有冇人解釋到??

盛夏光年Postcard上面Synopsis0既一句我幾鍾意
雖然事實未必一定係咁樣, 但都同你地分享一下:
No matter what secret they have... no soul was born to be alone...

但其實, 如果事實上發生咁0既事
因為一個人0既出現, 導致到... 算啦, 唔講住



盛夏光年 官方網頁
http://www.wretch.cc/blog/summermovie

盛夏光年 原聲大碟 - 明白MV (當中為戲中片段)
http://pic.wretch.cc/icon/flvplayer.swf?autoStart=false&file=http://pic32.pic.wretch.cc/photos/28/s/summermovie/65/1962494078.flv

Labels: 悅, 戲

之前諗住可能唔睇呢套戲0架喇
但最終又神推鬼拱之下去左睇
好沉重0既一套戲
都不其然令人諗返當時自己做緊乜
一套半doco形式0既戲
講返當時0既幾個主角點樣生存落黎
同埋佢0既main theme係
911係一件evil 0既事
但其實都仲有好beautiful 0既一面
值得睇一下, 學習如何自處

Labels: 戲

之前想睇, 但又冇去戲院睇
今日又無啦啦開電視有得睇
咁就睇左
原來都幾短下
唔....其實好多野都係under expectation
冇乜驚喜...
反而"Billy Elliot"好睇好多

Labels: 戲

又係終於響落之前睇到呢套戲
Meryl Streep喎~ 點可以唔睇??
佢真係做得好正
本身個故事都算做估得到
唔太surprise
只不過係主要想睇Meryl Streep!
同埋睇下有幾devil!
哈哈~~ 不錯呀~~
攪到好想睇返佢d舊戲!

Labels: 悅, 戲

呢套戲一早就睇左trailer
一直等戲院上
但奈何戲院未上就出左碟...
睇完之後覺得...
對自己有少少啟發
記得入面Michael Caine有段對白好好

Do you know that the harder thing to do and the right thing to do are usually the same thing? Nothing that has meaning is easy. "Easy" doesn't enter into grown-up life.

套戲講家庭關係同工作同好多野都唔錯
對呢個moment0既我真係有d啟發...

Labels: 戲

因為睇完《當萊斯遇上亞祖》一書後
雖然沒機會睇佢地舞台劇0既演出
但真的很想睇一睇呢套戲
就響網站度訂左呢隻碟
今日終於睇左
因之前同亞祖傾過下
佢話呢套戲都好好, 但唔夠佢地0既震撼
佢都係做完舞台劇先睇返碟
今日睇完
其實套戲唔係唔好
只不過...真係好似亞祖所講
唔夠震撼
有d位去得太快
加上可能live會令感覺黎得更快更真...

Labels: 悅, 戲

又一套期待已久0既戲
終於睇左
遇同我最初想像0既方向有少少唔同
我想像0既係呢一場戰爭點樣影響鋼琴家的一生
而實際係, 鋼琴家點樣面對戰爭
流落一個人又點
完全係以鋼琴家自己角度出發
目睹/遇到的一切一切
Adrian Brody響呢套戲做得唔錯
唔怪得佢一泡而紅~

Labels: 悅, 戲

終於睇左呢套戲 (又係咁講)
上次睇"我生涯中最美的一周"之前已經想睇
但亞琶話之前0個套好睇d
唔~ 查實0個套我都覺得好睇一d
但係呢套又唔等於唔好睇
只不過...到最尾...
總覺得之前太舖排
變左有d野係預計之內...
同埋呢套將八個人四個故事串得唔夠"我"好...

ps. 0岩0巳聽到香港小姐競選要"佳麗"介紹一套電影或書
真係估唔到會有人講"少林足球"! 就算假d搵部有深度d0既戲丫!

Labels: 悅, 戲

其實我一d都唔想睇呢套戲
但點知又唔小心睇左
睇完之後同未睇都冇乜分別
因為套戲冇內容
睇唔睇都唔會有分別
而且呢部戲過份宣揚暴力
用不必要的鏡頭去表達該等暴力
artistic咩? 唔係
必要咩? 更加唔係
唔明點解電檢處又會比呢d戲上囉
又一套冇內容冇意思0既打打殺殺倒模式港產片!

Labels: 戲

終於睇左呢套戲
其實仲有另一套應該差唔多0既韓片未睇
就係"真的愛你"
呢套片幾好
六個故事的交織下
成個故事都幾tight
但tight得黎又幾好~
感覺真係好舒服
真係好似早兩年套"Love Actually"
睇完真係好有love 0既感覺
好正
雖然有d位太戲劇性
但都唔緊要
個story幾sweet
近年韓片都有幾大進步(我覺得)
因為佢地題材闊左, 又唔似以前下下要生要死
又或者用超長shot去present個景幾靚...
anyway, 今年對韓片0既感覺大大改善!

Labels: 悅, 戲

丹麥/德國 2005 導演: Thomas Vinterberg
＊＊＊＊＊＊＊．．．

本身有d想放棄呢套戲
但睇落都ok喎
其實個故事有d重
幾鍾意導演0既諗法:
一群持槍又愛和平的人
就等於持槍又"愛和平"的國家
其實呢套戲啟發都不少
真係比想像中好!

http://www.hkiff.org.hk/chi/prog/show_detail.php?fi_id=351&se_id=69

Labels: HKIFF, 悅, 戲

哈哈, 問朋友M借左呢隻碟
(唔知點解朋友M會買呢隻碟!)
終於睇左
原來呢套戲播出黎效果好靚架
個故事都幾抵死
同平時都係咁好笑
同埋我終於知道佢個節目響香港播出0既時間喇

Nickelodeon
TVB收費 41台 / now 44台 / 有線 116台 / 香港寬頻 7台
星期一至五 04:30, 11:30, 17:00
星期六, 日 04:00, 08:00, 13:00

Labels: 戲

阿根廷 2005 導演: Albertina Carri
＊＊＊＊＊．．．．．

唔...呢套片有d怪
但我又唔係好識點形容
唔知關唔關我自己事
開頭一直撈亂哂d人
攪左好一段時間先分到d人
好似劇情發展得有d急...
總係覺得講主幹0既時間咁短好似...有d怪

http://www.hkiff.org.hk/chi/prog/show_detail.php?fi_id=315&se_id=17

Labels: HKIFF, 戲

美國 2005 導演: George Clooney
＊＊＊＊＊．．．．．

呢套片最吸引我的是音樂
黑人唱Jazz真係好正
可惜題材不是香港人的那杯茶
係講美國的政治與新聞
不過特別在呢套片係黑白
帶出黎0既效果同感覺到好好
希望下次有d0岩香港一d0既題材啦~

http://www.hkiff.org.hk/chi/prog/show_detail.php?fi_id=229&se_id=10

Labels: HKIFF, 戲

加拿大 2005 導演: Jean-Marc Vall?e
＊＊＊＊＊＊．．．．

其實今年d戲0既中文名真係幾衰
呢套又係一個例子
講返套戲
呢套都係講到橫誇廿多年
同"向日葵"有d似
都係講父與子, 家庭, 成長等不同方面
只不過一個發生於中國一個發生於加拿大
"向日葵"有共產黨的色彩, 呢套就有天主教的色彩
"向日葵"有向日葵作全故事的主幹, 呢套就有一隻黑膠碟
不過呢套就加左一d特別野
就係主角生於1960年的聖誕
不過略嫌未有detail交代某些轉捩點
尚有空間將情感拍得更細膩

http://www.hkiff.org.hk/chi/prog/show_detail.php?fi_id=213&se_id=10

Labels: HKIFF, 戲

心血來潮
好想睇"亞信的故事"呢一個故事
記得以前細細個睇覺得好好睇
咁就早兩日響cheap cheap vcd舖買左佢0既dvd黎睇
雖然畫得唔係好好
而且故事短得有d怪
但係都不減呢個心去睇
又響翻查之下
我先記起以前係真人版!
相信呢隻dvd係之後先畫返0既
當年呢套日劇響日本(同埋全球)收視都好勁
長297集, 播足成年(1983/4/4 - 1984/3/31)
平均視聽率達52.6%!! 最高更收62.9%!!
相比依家日本視聽率有2x%0既超高收視真係冇得比!

Labels: 戲

尋日響電視睇返呢一套戲
其實當年(1993)先會有d咁0既cast0既港產片
演員粒粒都大cast
有梅艷芳，楊紫瓊，張曼玉，劉松仁，黃秋生，劉青雲，金城武，秦沛
翻查之下先知道"現代豪俠傳"係"東方三俠"0既續集 (一直以為調轉!)
點解依家港產片真係咁不滯?
點解0個d甚麼"至尊無賴"都會有人去睇?
雖然呢套戲唔算得勁好睇
但去睇d爛片係唔係一個惡性循環呢?

"現代豪俠傳"　首映日期:1993.9.30　票房:5,229,134
"東方三俠"　　首映日期:1993.2.12　票房:9,507,475

Labels: 戲

香港 2006 導演: 黎妙雪
＊＊＊＊＊．．．．．

本身經過兩日不眠的煎熬後
響夜晚11:30睇呢套戲幾吃力
不過首先一提就係原來呢場係HD放映0既!
Check返先知係菲林以HD格式play
介以為係DV片添
其實故事想帶出0既idea係interesting
但係我覺得個故事寫得有d牽強
太過為左營造"眼"同"血腥"的效果
變左成套戲空洞乏味左
所以某程度上私覺得呢套片係失敗左

http://www.hkiff.org.hk/chi/prog/show_detail.php?fi_id=356&se_id=26

Labels: HKIFF, 戲

中國 2005 導演: 張揚
＊＊＊＊＊＊＊＊＊．

呢套戲故事相對之前《我們倆》複雜得多
雖然都是出自中國而且都係講情
但由於呢套片由1970年講起, 講到1999年, 橫誇30年
講的是父子情, 家庭, 少年的反叛, 友情, 黨, 甚至中國的崛起
雖然要講的有好多
但佢都掌握到
好多位都好到肉
真係唔係好多導演拍到0個種感覺出黎
而演員們的演技就更不用置疑
最厲害的是那個細路由細到大都好似樣!
呢套片好值得睇, 最可惜係冇導演問答.....

http://www.hkiff.org.hk/chi/prog/show_detail.php?fi_id=270&se_id=16

Labels: HKIFF, 悅, 戲

中國 2005 導演: 馬儷文
＊＊＊＊＊＊＊＊．．

本身套戲7:15開始, 我6:50先離開公司
冒險一搏飛的士去睇
去到0岩0岩開場, 超好彩~
其實呢套片個故事真係好簡單
就係講一個孤獨住響四合院的九十歲的亞婆
租了一間房給窮學生小馬
而引發出一連串的事件
小馬的來臨就劃破了亞婆孤獨的空間
基本上呢種故事好Chinese
係中國先會拍到呢d咁有人情味的電影
由輕到重, 由慢到快, 由冬至秋
導演拍0既手法好流暢
演員亦演得好好
特別係飾演亞婆的金雅琴
八十四歲的退休話劇演員
第一次拍電影就拎左東京電影節最佳女主角

http://www.hkiff.org.hk/chi/prog/show_detail.php?fi_id=192&se_id=16

Labels: HKIFF, 悅, 戲

香港 2006 導演: 吳彥祖
＊＊＊＊＊．．．．．

其實當呢套片0既正式名同內容出左之後
我已經唔想睇
因為本身一開始係sell之為神秘電影
估唔到最後會係一套咁0既片
題材本身唔吸引
只係一套奇奇怪怪0既Documentary
如果吳彥祖拍返類似佢之前監製0既"妖夜迴廊"
我諗會吸引好多
不過最討厭係等人齊開場
等d妹妹仔fans停止發顛
等佢地講完野
等....
始終係黎睇套戲
唔係睇show
後悔買左呢場0既飛
(朋友們唔好再差異點解我會睇呢d戲...)

http://www.hkiff.org.hk/chi/prog/show_detail.php?fi_id=226&se_id=79

Labels: HKIFF, 戲

南韓 2005 導演: 趙昌鎬
＊＊＊＊＊＊．．．．

其實到定依家我都未太明白呢一套戲想帶出乜野信息
是母愛的轉變? 是游泳健將的恐懼? 定是...?
劇中有部分情節亦未能明白
似是為了交代而交代?
帶出了很多問題我解決不了
不過我就自己解到點解要叫Peter Pan Formula
因為有種心理病叫Peter Pan Syndrome
患此病的人會於心理上, 社會問題上及性方面都會出現問題
但故事本身並非以documentary去解說這個病
而主角本身就是應該(戲中並沒有說明過)是患上此病的
現在仍比較混亂, 仍消化信息中...
http://www.nkino.com/special/peterpan2006/

http://www.hkiff.org.hk/chi/prog/show_detail.php?fi_id=309&se_id=15

Labels: HKIFF, 戲

香港大學《我想告訴你》
香港 2006 導演: 楊思朗
＊＊＊＊＊．．．．．

呢套短片本身idea都不錯
但其實始終係港大, 冇正式咁教
而且導演比較業餘 (課餘)
拍呢就真係麻麻
每一個片段都刻意地嘗試做得靚/好
但問題在於片段與片段不連貫
只能成為碎片..

香港專業教育學院(觀塘分校)《小明》
香港 2006 導演: 陳威文
＊＊＊＊＊＊．．．．

呢套呢本身故事同拍攝都不過不失
但係我對片中較關鍵的一幕
比較反感...
最意外係我同我friend各自於片中搵到相識的人!
(但全片只有4個角色!)

香港城市大學《重新開始》
香港 2006 導演: 彭韻明、萬里利
＊＊＊＊＊＊．．．．

呢套呢本身故事ok但比較平鋪, 內容未見驚喜
拍攝都ok
但交代一d情節時尚有待改善效果

香港演藝學院《枉少年》
香港 2006 導演: 許學文
＊＊＊＊＊＊＊．．．

呢套呢本身故事ok且拍攝都不錯
加上資源較豐富
整體表現都有較高水平

http://www.hkiff.org.hk/chi/prog/show_detail.php?fi_id=256&se_id=70

Labels: HKIFF, 戲

新加坡 2005 導演: 陳子謙
＊＊＊＊＊＊＊．．．

睇呢套之前其實都幾意外
撞到Jasper一齊睇之餘又撞到Billy!
好耐冇見喇格仔人~ 哈哈
講返到戲, 其實一開始睇到中段都係覺得好多碎片
但之後越係睇, 就更越諗更多可能性
究竟戲中11歲0既細路同30歲0既南韓人咩關係?
係因為缺乏父愛, 所以倒影在Uncle身上?
因為家庭的缺憾? 定係細路對南韓人有意思?
其實到最尾我同Jasper都覺得幾樣都係,
但0個個moment似係第一個原因.
之後睇返特刊內導演的話
先知到南韓人居然只係租客! 只不過兩個人都係孤獨!
我同Jasper都一齊"冇野講"囉...
原來都只係我地諗多0左...

http://www.hkiff.org.hk/chi/prog/show_detail.php?fi_id=309&se_id=15

Labels: HKIFF, 戲

香港 2006 導演: 彭浩翔
＊＊＊＊＊＊＊．．．

首先其實本身對呢套片其實冇乜期望
因為亞梁洛施小姐主演
但最終因為彭大導同音樂獎引到我去買飛
套戲背晾set響回歸前的澳門
成個atmosphere都好好
音樂真係做得幾好
最好彩係梁小姐的演技並不是重點!
觀眾睇呢套片係可以好容易入到戲
因為係澳門, 一個好特別0既地方
加上彭大導編劇手法(我諗唔到形容詞去形容!)
彭大導0既拍攝手法同以往的不同
整套戲的氣氛完整好多
難怪會一開始就角逐柏林金熊獎!
http://www.isabellathemovie.com

http://www.hkiff.org.hk/chi/prog/show_detail.php?fi_id=124&se_id=1

Labels: HKIFF, 戲

南韓 2005 導演: Shin Dong-il
＊＊＊＊＊＊＊＊．．

呢一套戲感覺好舒服
好韓國片!
睇完都幾鍾意呢套片
而且對韓國片都有d改觀!
佢冇好刻意咁刻劃每一個鏡頭的畫面
反而"味道"仲重0左
其實套片講0既0野好簡單
就係響經濟蕭條時
一個潦倒的人遇上另一個人的故事
但其實所帶出的意思就深一層
如果第時呢套戲會出碟, 我應該會買返!
因為我覺得我miss左好多野!
可惜到韓國電影網站都只有簡單資料
出碟0既機會好微...
附上搵到幾張劇照入面最鍾意0既一張
http://kr.img.blog.yahoo.com/ybi/1/bd/fc/juneholic/folder/3/img_3_285_0?1129100570.jpg

http://www.hkiff.org.hk/eng/prog/show_detail.php?fi_id=311&se_id=15

Labels: HKIFF, 悅, 戲

本身期待左好耐
早幾日先收到導演小龍親自打電話黎confirm飛
(嘩~導演親自打黎... 好似太禮待?!)
但到左今日全日都係做緊非正常極度urgent野之後
完全冇知覺/印象係睇今日!
收工時有同事座響度等, 問我我先記得!
死火!
即飛去灣仔, 好彩冇遲~

睇完成套劇
先發現今次同之前都分別唔大
因為萊斯之前提過會有變動
但最終因預計到場人士大部分都未睇過
所以就以舊劇本修飾再做
對我而言, 無乜太大驚喜
只係感覺到場度d人應該大部分都係第一次睇
反應好大, 而且有d位over react左
但可惜呀祖今日表現麻麻, 有待改善!
今次睇, 就當係一個review
感覺佢四年前做, 同今時今日做, 有咩分別~

Labels: 悅, 戲

本身都冇諗住睇
但係咁0岩有碟就睇下囉
其實都okay0既
不過就略嫌短0左d
變左有d野交待得唔係太好
各方面都係幾好
但仍有空間improve添囉
最欣賞佢個trailer囉~
正!

Labels: 戲

呢套戲響最初出teaser時好想睇
到出trailer時已經冇乜興趣
到上演時完全冇興趣
到出左碟之後
幾個同事都話好睇
咁我今日見到屋企有碟我就拎黎睇啦
睇完, 覺得....唔好睇
唔好睇原因係套戲張力唔夠
同前面同後面都cover得好少
特別係個ending
真係覺得幾離譜
佢想講"情", 但又覺到半天吊的
唔...唔知點解同事會覺得好睇.....

Labels: 戲

唔~
記得當時一直都好想睇呢套戲
但又真係忙到晚晚成點幾兩點先離開office
真係睇唔到
尋晚就終於睇左隻碟
都差不多不用說
Tim Burton的戲我都會鍾意
不過如果將The Nightmare Before Christmas比的話
我會鍾意Nightmare多d
呢套唔係拍得唔好
可能仲拍得好d
d動作好smooth, smooth到有d似係cg
但就偏偏可能smooth得滯
唔太似stop-motion...

Labels: 戲

其實入場已知道呢套片想講0既野
只不過好想睇下佢點拍法
近年幾套由Jake Gyllenhall主演的戲都睇過
The Day After Tomorrow
Brokback Mountain
Proof
同呢套Jarhead
演技真係好左喎~
故事其實ok, 算係一套戰爭片但唔係真係講戰爭
都值得一睇0既~

Labels: 戲

之前睇過呢套戲個trailer
覺得好吸引
因為係以前"Jumanji 逃出魔幻紀"的導演
所製作新一套的戲
套戲同Jumanji其實好似
但一直等緊香港幾時上時
尋日居然響HMV見到出左碟!!
咁就即買, 今日就睇左
其實真係不錯
因為我覺得呢d adventure story可以有好多玩法
睇過Jumanji又覺得好0既, Zathura會係另一個選擇!

Labels: 戲

重睇5年前的舊戲(真的有5年了!)
一如以往咁鍾意呢套戲
雖然大部分musical我都會鍾意
但就覺得呢套舍做法好得意
又唔係特登去加首歌入去
既是戲的一部分
同前文後理都好有連貫性
又有好meaningful而又好中好攪笑0既lyric
好似Elephant Love Medley就係一個好例子
呢幾日聽緊呢隻soundtrack
聽親都覺得好好笑~ 哈~

Labels: 戲