Viking & Jaffa 電子產品周邊專門店 現已開業！ [caption id="attachment_2677" align="alignnone" width="390" caption="Viking & Jaffa 電子產品周邊專門店"][/caption]請到 http://www.facebook.com/VikingJaffa 瀏覽揀選各樣周邊！ Read More
一年一度電影節又完結，係時候又做一下總結 今年雖然唔係睇得好多，但整體同以往真係唔同左好多 片種上而言，港產片比例好似多左好多，而韓國、大陸、英國片好似少左好多 加拿大: 05. J’ai Tué Ma Mère (殺死我亞媽 / I Killed My Mother) 香港: 14. 安非他命 (Amphetamine) 法國: 10. Micmacs À Tire-Larigot (子彈頭．大復仇 / Micmacs) 美國: 13. The Bill Plympton Collection (比爾布林自選集) 中國: 11. 夜‧店 (One Night In Supermarket) 台灣: 01. 一頁台北 (Au ...Read More
香港 2010 導演: 雲翔 主演: 彭冠期, 白梓軒, 梁敏儀[caption id="attachment_2575" align="alignnone" width="355" caption="安非他命 - 電影海報"][/caption] 坦坦白白說，本身睇呢套戲一個原因係導演「極限三部曲」最終回 因為三部曲中，首兩部曲《無野之城》同《永久居留》都已經睇過 但之後搵資料時發現，原來電影節提供左錯資料 呢部其實只係三部曲中第二部 三部曲應分別為《永久居留》、《安非他命》、同尚未開拍0既《藝海沉生》，《無野之城》並非三部曲之中 不過，睇完本片後我有d野係改觀左 今次同之前0既戲真係有明顯進步 無論係響劇情、選角、剪接等各方面都算表演得出色 我相信未必有好多演員可以演得咁訓身 而且，響輿論一直焦點0既裸體情節上 係我睇導演幾套電影第一次覺得唔係為左裸體而裸體 呢個真係唔易做得到 呢套戲比上兩套都黎得更紮實，更完整 睇完都會知道導演、演員、以及製作人員等都落左唔少心血落呢套戲度 雖然坦白說呢套戲未至於非常之好 導演、演員、劇本各方面都有缺陷 但我覺得，作為導演第三套電影， 一個本地新晉導演、一班新晉演員而言 已經算係有個好好0既交代 我相信響香港咁0既極商業化環境之下 近年可以有咁0既質素0既明日導演真係好難得 真心希望傳媒唔好因為將某d事斷章取義放到好大 應該多d角度0既報導，咁大家先有繼續生存0既空間 另外電檢處方面真係好應該檢討一下電影三級制係唔係有好大問題 點解好多外國可以上映得0既戲香港反面上唔到？ 香港響呢個moment仲係講緊「香港．亞洲國際都會」咁0既口號式宣傳 ...Read More
美國 1989-2009 導演: Bill Plympton [caption id="attachment_2571" align="alignnone" width="389" caption="The Bill Plympton Collection - 電影劇照"][/caption] 雖然大部分animation都已經睇過 但都無損我睇Bill嘅screening 加上佢今次首次出席HKIFF 真係冇理由唔睇 經典中嘅經典how to kiss同25 ways to quit smoking 另外最受歡迎0既Dog film: Guard Dog, Guide Dog, Hot Dog, Horn Dog都百看不厭 佢諗故事0既方法主要係用一個特別0既angle去睇一d事 成件事就會變得樂趣好多 Bill為人都好nice，仲響完場後為觀眾每人親舉畫dog 能夠見到Bill真人，仲可以有親筆畫收到，實在太高興喇～ 相關網址: HKIFF | Official Site Read More
香港 2010 導演: 畢國智 主演: 冼色麗、詩雅、王敏奕、林鈺軒、曾國祥、吳浩康、謝凱榮 [caption id="attachment_2567" align="alignnone" width="389" caption="囡囡 - 電影劇照"][/caption] 一部社會性話題0既電影 要拍得客觀、全面、又要貼題會有一定難度 導演用幾個唔同嘅人、唔同嘅經歷去講出時下年輕人援交嘅心態 之前睇過導演另一部電影海南雞飯 但之後嘅戰鼓就冇睇到 或者因為咁，導演刻意拍一啲大陸唔講得嘅題材，唔拍得鏡頭，一次過放哂出嚟 整體都算ok，係覺得有幾個位好似有啲唔明，唔知係唔係有部分情節被cut? 希望唔會又關電檢處嘅好事啦~ 相關網址: HKIFF | imdb Read More
中國 2009 導演: 楊慶 主演: 徐崢, 喬任梁, 李小璐 [caption id="attachment_2561" align="alignnone" width="390" caption="夜‧店 - 電影海報"][/caption] 坦白說，單看中文片名真的不能提到我的興趣 令我想看此片的反而是英文片名A Night in Supermarket 頓然令我回想起之前的一部德國電影Cashback 但點知原來套戲係講便利店，唔係超市 反而我會覺得似W創作社小人國2其中便利店嘅兩場戲咁 原來呢個世界有多人都覺得半夜嘅便利店係會有好多意想不到嘅事發生嘅地方 大陸便利店文化嘅急促發展與新世代青少年互相影響 形成獨特嘅生態 我都體驗過半夜便利店奇怪又得意嘅事發生 或者呢啲就係越少人接觸越增添嘅神秘面紗吧？ 相關網址: HKIFF | imdb | Official Site Read More
法國 2009 導演: Jean-Pierre Jeunet 主演: Dany Boon, André Dussollier, Nicolas Marie [caption id="attachment_2555" align="alignnone" width="390" caption="Micmacs à tire-larigot - 電影海報"][/caption] 真係可惜，Jean Pierre因病黎唔到香港 仲以為有機會見到佢真人添～ 呢套戲即將上正場，好值得大家去睇 一如以往，導演都會喜歡以意想不到0既元素去作為講故事0既方式 一直以來都好欣賞呢個導演 由Delicatessen，到Amelie，到A Very Long Engagement，再到今次0既Micmacs 每次都有好多令人意想不到0既情節 low-tech得黎又好合情合理 art direction上都令人好滿意 今次呢套故事性好強 睇完之後真係好想重溫返amelia同delicateseen呢兩套咁經典0既戲呢～ 大師果然係大師～ 相關網址: HKIFF | imdb | Official Site Read More
日本 2009 導演: 石井裕也 主演: 満島ひかり, 遠藤雅, 相原綺羅, 志賀廣太郎, 岩松了 [caption id="attachment_2549" align="alignnone" width="240" caption="川の底からこんにちは - 電影海報"][/caption] 其實我估唔到呢套戲麵爆場... 我其實對呢套戲有少少戒心 最主要係因為個中文名 以住某d成功0既戲名去改名0既通常都會有d問題 不過睇完套戲之後覺得都算ok 一個日本式“奮鬥“0既故事 日本0既鄉村與城市0既文化差距造就左呢一個故事 雖然都唔算得上拍得非常之好 但係我覺得都值得一睇 笑得黎又有d野值得思考一下 相關網址: HKIFF | imdb | Official Site Read More
日本 2008 導演: 真島理一郎 [caption id="attachment_2543" align="alignnone" width="390" caption="東京オンリーピック - 電影海報"][/caption] 其實係一套日本animation 真真係係一套日本animation 外地人好多野都未必明佢地做緊乜 特別係佢地d英文字幕就更難令人理解 係好笑0既，係creative 0既 整個animation就好似係好多條圍繞住同一主題短片0既合輯咁 當中最估唔到係有一段係由Bill Plymton所畫 咁日本0既animation交由咁美國0既animator畫 真係又有d意外 相關網址: HKIFF | imdb | Official Site Read More
美國 2009 導演: Joel & Ethan Coen 主演: Michael Stuhlbarg, Richard Kind, Fred Melamed [caption id="attachment_2537" align="alignnone" width="390" caption="A Serious Man - 電影海報"][/caption] 坦白講，一開始播0既時候我真係以為我入錯左戲院 同時間有兩套電影節0既戲播放 因為時代背景，講0既內容完全唔似係呢套戲 而且重要係4：3 0既片段，感覺更古怪 不過完左序幕之後就開始正常返 個故事其實好peaceful 不過就正剛故事主角“乜野都冇做過“0既情況下 發生左好多意外，就或者係因為一直佢都冇在意本身發生緊0既事吧？ 美國中部社區感覺真係好平靜，即使你遇上多大挫折都係好平靜咁 可惜呢套戲講0既猶太社區/習族真係唔係十分理解 有d情節唔係好門佢箇中0既意思 值得一提係，我覺得主角演得唔錯，呢類角色要平靜又焦慮真係難～ 相關網址: HKIFF | imdb | Official Site Read More
