Dec 08 2003
2003 Dec 09
今日發生0左幾件小事,但都令我諗左好多0野.第
一就係今朝早出門口,見到有個同我應該差唔多
年紀0既人,我未行到去lift門佢就同我講早晨,我
呆左.我呆0既原因有好多,第一係估唔到除0左管
理員同賣0野比你0既人之外,仲有陌生人同你講
早晨.另外就係居然我住0左響呢度都差唔多一年,
但居然未見過呢個人.我好慚愧,真係.慚愧我原來
咁冇禮貌,朝早見到人都唔講早晨,仲要講完之後
就plug住隻耳,真係好好好慚愧….另外又慚愧點
解住左一年連隔離左右d人係點0既樣都唔知….
呢件事都幾令自己唔開心… 另外就係去教個客
點樣去update佢個網頁,其實我係唔識0既,因為
係php,我只有四成把握整得到.好好彩,我做到,
不過我真係覺得我識0既實在太少,係時候又去學
下0野喇….今日去0左我人生頭二十個年頭住0既
地方,好熟悉,但又好陌生,真係十年人事幾番新,
一年都已經唔同哂,第廿一個年頭搬0左去新地方
住,感覺都係以前0既好.就好似尋日睇0個d香港
廣告回顧咁,依家十個有八個係搏你一笑,好睇極
有限.但以前0既好唔同,好重一個情字,將中國人
0既情發揮得好好,依家真係幾難搵到呢d好似鐵
達時、匯豐等0既重情廣告.咁會唔會同香港人
依家情0既觀念越黎越薄有關呢?
