Feb 04 2004
2004 Feb 05
今日好黑好黑,發生左件事令我身為香港人
更以”香港人”為恥.事原於此,我去搭巴士途
中,經過一條必經之路,地面濕滑非常,眼見有
人跣了一跣,我心諗,一定要小心行呢條路,但
我行左兩步之後,由於地面太跣,我撻左響地,
前我兩步的0個個媽咪拖住個女睇我,十多步
外電梯內有個亞婆響度嗌(開住門),以及周圍
路人,直至我起身,d人先有反應:亞媽繼續拖
住個女去再前十步0既幼稚園,亞婆嗌完即刻
閂電梯門,其餘路人繼續步行.事件又再次睇
到現場周圍咁多人都冇人幫我或者扶我甚至
問我有冇事,好可恥的香港人!!!
今日去左睇幻彩詠香江,有煙花果然好睇,好
靚!不過如果大廈分佈平均d就更好!
夜晚去左尖沙咀霸x山莊度食飯,個知客態度
好差,d人只係埋左單就叫人去張台附近企,之
後好奇怪咁一張大台分開3組人坐,極好笑之
搭台.所謂馳名0既小籠包賣相已經唔靚,入面
d餡係甜0既?!另一馳名0既沙鍋雲吞雞,湯冇
雞味冇雲吞味,有咩味?只係稀薄0既金華火腿
味!蘿白酥餅上面0的芝麻完全蓋過哂蘿白味,
係唔係應該改名?山莊炒麵d麵就粗麵唔似粗
麵,又唔彈又唔爽,又唔腍,唔知想點.唯一好d
就係個冷盤0既5味拼盤,上面醉轉彎(雞翼)毫
冇酒味,又老又”鞋”;棒棒雞粉皮,d sauce有好多
砂糖唔溶0既?!粉皮腍哂,唔好食;素鵝就好奇
怪,鮮竹卷包住冬菇,外型,口感,味道同鵝都毫
無關連,真係素鵝?雲白肉就算ok d;點解會話
呢個拼盤好呢?就係因為仲有呢一個皮蛋豆
腐,呢個真係幾好食!正呀~ 當係睇到呢間野
我覺得皮蛋豆腐係好好食0既,而佢招牌菜係
唔得,我(或者你)真係搵唔到理由去呢間野囉!
