Mar 10 2004
2004 Mar 11
成日d人話搭地鐵好悶,冇野睇,話搭巴士望
到窗外好好多.我就覺得巴士冇野好睇,每日
都係相同0既人事同物,冇0野值得睇到一上
車就訓!今日搭一程有觀塘到葵興0既地鐵,
睇到好多野.睇到又有一個人話自己係星探
去搵人做model,好好笑.上左車又見到好多
0野,見到一個人著得好suit佢,雖然唔係名牌
或型或潮,好common,但好suit佢.見到一個
女仔著得幾潮,可惜唔suit佢之餘仲好似響旺
角銅鑼灣倒模出黎咁囉…有個女人著得好好
笑,上身同下身完全唔夾,奇怪得很…有個亞
媽又拖住個女,個女響落車之時向幾個唔識
0既人講拜拜,d人覺得佢好怪,但我反而覺得
好得意,感覺好好~到左某個站見到有個亞嬸
坐響月台d凳度,”棟”起隻腳著絲襪!哈哈,好
moulin rouge!有個女仔又好黑面咁行入車
廂度,但黑得好好笑.有個男0既行入車廂度,
企正我對面,但佢個面形好得意,好似雞蛋咁,
配埋佢個髮型就真係好好笑!…..所以,地鐵
係好多0野睇,睇到你唔想睇,亦因為咁,一日
唔可以搭咁多次地鐵……..
