Nov 13 2005
台灣之旅 - 2
九點幾, 食了永和豆漿的飯糰(栥飯)同豆漿
飯糰好好食呀! 條油炸鬼脆到呢~
反而最出名0既豆漿就唔係好得bor
之後去左台北當代藝術館(moca taipei)
好正呀, 呢d先似一間interactive, 吸引到人去參與
香港點解到依家都冇一間咁0既藝術館?
好簡單, 就可以吸引到好多人去…..算吧, 西九
到了淡水, 很不同呢~
好舒服, 好平坦, 好好呢~
而且仲見到海, 食左串燒臭豆腐
都無乜味0既…..
又買左好好玩0既手信, 哈哈~
之後上左去台北101大樓
上左佢個觀景台
由地下買飛, 到落返地下, 一直都覺得好marvelous!
不愧為全世界最高大廈
由地下升到高空, 由天光看到天黑, 由室內走到室外
感覺太太太好了
意料之外外外!
比澳門那個不知所謂的旅遊塔好五十倍丫唔該
路過信義區新光三越
好好好好大呀, 究竟total有幾多棟係新光三越0既呢?
之後去左誠品總店度食左野, 買左d書
又等左半個鐘bor!
都唔晴點解我買一本書要拎住十幾本同d唔係我0既手信四圍走囉
之後去了看一齣香港聖誕先上0既戲”四眼天雞”(港譯”四眼雞丁”)
好好好笑呀, 最好彩係睇到英文版!
哈哈, 不過佢地睇戲都唔平, 超迷你院都要港幣65蚊
仲要佢地一條唔長0既街有四間戲院(唔係四個house!)
成區起碼十間戲院!(範圍大概係銅鑼灣sogo起到海0既銅鑼灣左右)
