Apr 22 2007
“一期一會” Once in a Life Time
對於今套劇, 唔多唔少有d失望, 或者可能之前期望太多?
有關呢套劇, 有好多野想講, 就分開逐項講
導演
今次由於咁大陣容, 處理咁多人一定唔係易事, 但小龍同roy都handle得好好~
劇本
個劇本唔係唔鍾意, 但係我覺得唔應該係一套舞台劇(甚至係音樂劇)0既文本, 因為實在太短, 好多野都交代唔到, 太趕同埋太碎, 我個人唔鍾意間場個d字打返出黎, 不過我理解唔打出黎會感覺更碎… 不過始終呢種手法應該係小說/電視劇/漫畫0既文本。現時就因為插得太多人物, 變得整體友情0既感覺唔夠強, 愛情伏線又唔多, 好難有共鳴… 我理解個題材係好, 但我覺放響舞台劇唔太可行。
演員
今次演出陣容非常鼎盛, 但可能人物太多, 加上用哂日本名, 開頭我真係記唔到邊個人打邊個人, 個”距離”太遠(指小龍響場刊所講今次用日本名係為左增加距離)…
林一峰: 坦白說, 今次唱得麻麻地, 仲有d走音。至於演戲, 今次真係進步左不少, 不過仍然有d生疏。
盧凱彤: 戲份好少, 雖然有d生硬, 但第二次做Drama算係唔錯, 而且唱得唔錯, 期待下次演出。
梁祖堯: 我覺得今次好似唔太響狀態喎? 或者可能因為今次個角色可以發揮0既空間唔大?
林小寶: 不愧為我最鍾意0既演員之一, 響尾段講及自己迫亮太時, 佢真係做得好好~ 之後先發現於自己未睇過做時裝劇0既小寶, 之前《四川好人》、《邊城》等都係古裝, 今次做時裝, 唔知點解覺得攪到佢好似有d老…
楊詩敏: 蝦頭今次演到好好, 發揮個角色得幾好, 戲路同以往演開0既都差唔多, 但今次真係覺得佢演得好好~
趙學而: 好可惜睇唔到佢演出, 真係好想知佢本身0既戲份係點…我諗會有d類似Ellen咁
谷祖琳: 有d意外, 做得唔錯, 之前冇乜expectation, 第一次做舞台劇其實已經好好!
湯駿業: 今次做得好好呀, 帶到d audience, 不過最蝦碌係飛mic…
黃龍斌: 唔好意思, 我真係諗唔到你幾時出左場… 應該係被cut走趙學而0個段?
張狄鳴: 比我想像好, 但由於戲份太少, 唔係好講得到
吳劍菲: sorry, 佢0既演出未曾係我杯茶, 演戲唔係佢0既專長…
音樂
真係做得唔錯, 不論響重新arrange陳百強金曲, 定係間場音樂我都覺得好好~ 真係覺得陳百強0既離開係一個好可惜0既事!
佈景
整體都做得幾好, 最鍾意係0個幾條柱, 我覺得做得好靚, 其次盲就係火車站個鐘。基本上每次W 0既佈景都未有失望過, 但唯一唔係太鍾意係亞祖間屋個佈置, 睇得唔舒服…
服裝
由於人太多, 場景亦太多, 我覺得服飾方面好似冇乜改動咁, 不過基本上演員0既服飾都ok, 係覺得亞dee 0既衫初段同後段唔係好match
燈光
做得幾好, 特別響Ellen獨唱一幕, 以及林一峰躲避眾人時的場景, 打得好好!
錄像
正如之前所講, 唔鍾意間場好硬咁寫出scene名, 不過最頭條intro做得幾好! 而其他響背景0既video, 其實冇乜特別, 都係final cut入面default野加左少少effect
整體
今次W響handle音樂劇(特別係有大cast時)做得好左好多, 因為唔會太focus左響某一個人度。之前d就會比人覺得太多, 太重, 好似係一個concert但加左情節入去咁。今次就balance返好多, 而且歌量都控制好左。整體而言都唔錯, 不過我就更期待小龍將呢個故事變成一本小說的版本, 加多更多人, 更多故事, 令觀眾/讀者更投入, 更深刻, 我諗會更好睇! 相信到出碟時我會買黎再睇~ 最後, 特別想講, 我好鍾意句tagline: 「相遇一刻 也可感動一生」
後記: 原來祖因為聲帶有d問題所以就住就住做, 驚做唔到closing呀~ 真係要好好保護你條聲呀~
