May 31 2007
呢套都係朋友0既作品, 不過呢套感覺就截然不同
今日咁0岩呢位朋友打比我喎, 就想講一下…
算我愚拙, 我其實有d唔係好明.. 個主題係未來0既疑問, 定係對舊日0既思念?
老師同學生0既關係應該係乜野? (我指深層意思)
係唔係做一個contrast?
而個片名又點解會咁set?
唔係唔鍾意呢個作品, 但係就有d野唔係好明, 仲要再消化下…
anyway, thanks for sharing me your film, and inviting me, ernest~
May 31 2007
近期自己有兩個TARGET要完成
一個就係要響6月4日之前了解六四事件0既始末
另一個就係要響今年書展前睇完最少一半未睇0既書
第一個TARGET就0岩0岩完成左, 分別響wikipedia睇左同埋響youtube睇完一套20集0既六四紀錄片
睇完之後, 心中真係會有團火… 起左好多疑惑, 可能需要再睇多少少資料先了解哂成件事…
至於第二target, 因為0岩0岩葵芳新都會三聯書店搬遷清貨大減價(絕大部分書八五折!)
就掃左近期0岩0岩睇完, 由小克featuring 楊學德0既畫集(定係叫繪本?) - 《偽科學鑑證 1》及《偽科學鑑證 2 - 殺出香港》
咁就將同系列由楊學德featuring小克0既《標童畫集 1》, 《標童畫集 2 - 消滅九龍》同《錦繡藍田 復刻版》一併購入
之後又比我咁0岩見到之前睇完, 由胡恩威寫0既《香港風格》及正睇緊0既《香港風格2 - 消滅香港》, 出左新一本《香港風格3 - 城市應該是這樣建成的》, 又一併購入… 加上原本睇緊, 又未睇0既書有成廿本… 書展就到, 唔去咁d書, 到時又會買買買架喇…
May 31 2007
其實開電視後無意中睇左呢套片
本身呢套片冇乜特別, 係一套1988年0既西片
但令我留意0既係呢套片, 故事背景係香港
當中更有香港演員喬宏, 梁舜燕同陳欣健!
呢套戲當中有舊0既電車景, 舊0既海景(當時最高大廈仲係合和! 文化中心都未起好!), 仲有九龍城寨!
令近期響度睇緊d有關香港建築/規劃0既書互相對照!
好好彩睇到呢套片~
Link: imdb
May 30 2007
今晚繼之前Taco in Hard Shell 之後, 今日整左Taco in Tortilla
而今次亦用左唔用肉碎黎整, 轉左用手切肥牛(!!!)
好味呀~~~
係呀, 我整左個album係有關我整過而又有影相0既野食~
有興趣可以去睇下呀~~~
http://picasaweb.google.com/vuluvuluv/MyFood
May 28 2007
尋晚響屋企食飯, 直頭係超越九大簋! 一共十一碟餸~ 擺都唔夠位擺!
諗返對上一次響屋企煮到咁大陣仗都唔記得係幾時喇
尋晚有齊好大條0既星斑(到依家我都唔係好識分)、竹節蝦、超巨型瀨尿蝦、鮑魚、蜆等等
最勁都係煲豆腐海鮮湯, 除左豆腐同白菜仔之外, 仲有瀨尿蝦、蝦、蟹、魚、青口、蜆、螄”虫甘”、螺…
由於已經煲到散哂, 都唔係好睇到有咩料添~~
不過煲湯勁甜!
成餐飯, 飽到呢…
噢~ 掛住食, 唔記得左影張相添…
May 27 2007
近期分別成日聽到兩首歌, 都係同一首曲, 但就歌詞唔同
一首就係“始終有你”
呢首歌由現今流行歌手以及非流行歌手(如莫華倫, 尹飛燕等)一齊唱
稱之為”慶祝香港特別行政區成立十周年主題曲”
近期不斷響電視, 以及戶外的電視牆度播
歌詞及MV(原唱/卡拉OK版)及MP3(原唱及卡拉OK版)可參考呢度
至於另外一首就叫做“福佳始終有你”
稱之為”香港特別行政區回歸十周年暨六四屠殺十八周年主題曲”
之前睇過首詞, 今日就睇到有人唱左出黎仲做左個MV擺上網
去到好多網站就有得睇呀~ 響度分享一下~~
“福佳始終有你” 歌詞
鋪鋪膠都彷彿泥濘 撻到你好應 成全這懵董變巨星
ＩＱ唐開Show都爆笑 免費派飛了 盈餘計錯 就愛亂 Fing!
期望坦克碌豬取勝 得到了絕症 金紫荊章填命
無能人士亂嗡也力拼 是誰埋沒馬力 做賣國精英
福佳始終有你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八萬五驚喜慘於去死
當底褲！當絲襪！當胸圍！
傲慢冷嘲各種冤氣 不捨不棄 陪笑了不起 福佳始終有你！
天星鐘追憶起暴動 同志勿有感應 和諧靠你 亂掟菠蘿
期望坦克碌豬取勝 得到了絕症 金紫荊章填命
無能人士亂嗡也力拼 是誰埋沒馬力 做賣國精英
坦克碌豬靠你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八百張飛選多一世紀
玩謝你 送酒席 送主席
傲慢冷嘲各種冤氣 不捨不棄 陪笑了不起 坦克碌豬靠你！
(國︰毛主席在這裡) 拍馬屁聲響足一世紀
（玩謝你～Yeah ) 普選偏偏冇我？
(國︰Anson Chan 在哪裡？) 八百個選委選一世紀
三謝禮 拜天地 葬天地
傲慢冷嘲各種冤氣 不捨不棄 陪笑了不起 福佳始終有你！
延伸閱讀: 每日一膠
May 24 2007
之前幾次都好想睇一位朋友所拍0既片
但可惜錯過左佢個畢業show同之前響HKIFF播出0既機會
好高興之前同佢講過, 睇下有冇機會睇得到
早兩日同佢一齊去睇劇, 佢居然記得仲燒左碟比我睇! 超開心喎~
咁今日就睇左其中一套, 叫”走吧!60″
故事係講一個年到60的一位女士, 如何響一個人生活
以及響佢身邊發生0既點與滴, 一個小朋友點樣改變左佢
雖然係老生常談(年紀越大就越似個細路)
但係我覺得個位好到喎, 特別係主角亞娣同個細路響走廊玩板車0既一段, 真係feel得到0個份喜悅!
特別值得一讚係音樂! 做得好好!
各個演員都好好呀~ 係覺得影相0個位強個仔感覺有d(講唔出0既)古怪
不過其實睇呢套戲係估唔到發現以前0既同學有份製作! 哈!
May 23 2007
用左幾個禮拜不停咁整, 終於完成左幫人重新設計個網站
以往都係一直我去處理, 但唔太難0既原因係都只係用圖同字
但今次傾過就要加入大量flash, 一下子就要用好多時間去諗同去整
做呢個網期間病鬼左, 辛苦到想死, 而且日頭0既工作又好繁重, 真係做到有d想死!
不過依家睇到個完成品(未完全完成)都算滿意,等遲d有更多資料就可以改良得更好!
www.windmillgrasstheatre.com
May 23 2007
之前發現台灣呢期好hit一樣叫moo 0既mini card
佢function好似一張business card咁, 但係就細張d, 同埋就會係一面係一張相, 另一面就係d資料
我見到佢咁樣, 賣US$19.99(+US$4.99運費)得100張咭好似好貴, 但原來佢係可以100張都唔同架!
就咁樣樣, 即使HK$2一張咭, 都覺得值
佢同好幾間大公司合作, 好似flickr, second life等, 方便你去落order
我就用佢個system upload上去, 雖然個system有d豬(正常英國人做野唔會咁)
但係就有個好好0既concept, marketing strategy, 睇相都覺得佢packaging都好正! (之前連條紙帶都會印上你0個100張相!)
前日收到, 比預期十個工作天早(實質都只係九日, 計埋假期)
睇落效果都唔錯, 顏色係沉左d, 同個網比較大之外, 紙質都夠挺身, 唔錯
依家要諗下點將呢100張咭靚靚仔仔咁貼哂上牆!
正呀~
