睇新聞睇到有關澳門五一的遊行, 好感慨
澳門的經濟泡沫開始爆破
賭業越蓬勃, 貧富差距就越大, 全民人工水平仍然低的時候, 物價卻急速颷升
其實何厚鏵比董建華的”成功”是製造出更大煙幕去蒙蔽市民, 濟好似好好, 樓市好似好好, 賭業好似好好, 但實質呢?
兩地回歸以來, 到底做左d咩好事?
不就是比殖民地政府更為短視?
不停發展賭業, 對整個澳門的負面影響有幾大?
定係澳門官員只睇到眼前遊客的人數不停上升? 樓價不停上升?
而香港今年回歸十周年, 理應是一件很指標性的日子
但坦白說, 十年來, 到底香港變成點樣? 係唔係真係值得花幾千萬去慶祝??
何不用呢d錢去搵多d專家黎救救香港? 或者做更多長遠planning?
睇一睇由香港多個電視台, 電台, 報章, 媒體等合辦的”香港回歸十周年 十年大事評選”
除左4之外, 差不多每一件事都不見得是一件好事
(又或者說有d係因為香港政府的無能, 中央送左好多”禮物”比香港)
但請記住, 建成新機場的玫瑰園計劃是殖民地政府所構思及進行的!
十年間發生的大事, 就只有這些, 多可悲!
(其實仲有好多大件事冇入選”八萬五”, “數碼港”, “居港權”, “拆乜乜, 拆乜乜”…)
1. 香港回歸。(就係回歸咁耐衰足咁耐…)
2. 抗擊亞洲金融風暴。(不用說吧…)
3. 殺雞對抗禽流感。(到底香港爆發過幾多次禽流感??)
4. 香港新機場啟用。
5. 人大釋法。(!)
6. 興建香港迪士尼樂園。(香港起呢個樂園代價不菲…)
7. 教育改革。(十年間又到底改左幾多次? 仲要改幾多次? 香港最失敗就係教育制度! 越改越衰…)
8. 推行強積金計劃。(呢個唔算係壞事, 但當年推行手法有問題)
9. 輸入內地人才。(到底呢d專才係唔係做係為左”為香港爭光”, 打擊本土專才?)
10. 抗擊「沙士」。(記住記住記住, 洗手洗手洗手)
11. 2003年「七一大遊行」。(Proud to be one of them! 我仲好記得當天黑色的香港!)
12. CEPA簽訂實施及泛珠合作。(中央送的禮物~)
13. 政府出售資產。(究竟仲有幾多野可以賣? 第時仲可以賣咩? 會唔會係黎個Title Sponsor?)
14. 國企來港上市，港股結構改變。(就係政府等緊大陸落黎0既肥豬肉)
15. 行政長官更替。(一蟹不如一蟹!)
16. 香港成功舉辦世貿會議。(成功嗎? 記得當晚仲係被封閉的灣仔行好耐先搭到車)
17. 政改方案被反對派議員否決。(點解政府會推出根本不會被接納凡方案?)
18. 西九龍發展規劃「推倒重來」。(1995年歌聲魅影響文化中心演出, 11年後2006年都係, 再11年後2017年應該都會仲係, 再11年後應該唔會喇, 因為文化中心應該重建, 冇地方再做)
19. 香港獲准協辦2008年北京奧運馬術賽。(又一件禮物)
20. 曾蔭權成功連任第三屆行政長官。(應該講呢個係一場戲)
悲哀十年
仲有四十年
(我呢個唔係political blog, 只不過係有感而發!)
I Love British Hong Kong!
