Jul 30 2007
駕崩2
早幾日九龍皇帝病逝
呢兩日就皇后碼頭被我地不知所謂的政府清拆
皇帝皇后如同月駕崩, 前所未聞!
我唔明點解我地香港政府可以咁
如果拆得皇后碼頭, 點解唔一齊拆埋大會堂?
呢個係一體建築群!
皇后碼頭就不如搬上山頂, 又係旅遊區, 又唔會阻交通, 又唔阻經濟發展
而且仲可以做出全球第一個唔響岸邊而係山頂0既碼頭!
應該全世界0既media都會報導香港政府係幾咁冇智慧!
早兩日行過灣仔利東街一帶
睇住一個好悲哀0既結局
0個幢當舖淪為即將開業0既cafe/餐廳
建築物後面就已經完全被蠶食
之後0個幢大廈更加高到不見天日!
全完唔match!
後面另有一幢舊式建築更加慘不忍睹
附近圍全0既建築物全部拆哂
係得返佢一幢, 左右後全部都係0個個”豪宅”項目
變左佢係一個阻住地球轉0既入侵者咁
咁不如拆左佢啦, 見到就覺得心酸
香港就係咁, 一幢一幢將有意義, 有背景, 有人情, 有需要0既建築遺棄
將佢拆得就拆, 改得就改, 總之就要令佢變得有經濟價值先可以留低
咁不如簡單放個炸彈將成區炸哂佢再起返一百幾十層0既豪宅同商業大廈群啦!
