blogger luvul

第一次睇兒童劇, 氣氛感覺好唔同
呢套劇睇到佢地每一個人都付出左好多心機, 心血去做出黎
做一齣兒童劇唔簡單, 做一出兒童音樂劇更唔簡單
睇得出亞君佢有幾辛苦
睇完成套戲, 演出得最好應該係黃詠詩
佢雖然係配角, 但係就將呢個角色演得好活
將自己無保留咁投入角色入面, 成個角色變得好出, 好sharp
相反劇中有同樣function 0既貓仔就爭好一段距離
對比起以前佢0既劇, 唔大突破囉~
好多0既都太保留, 唔夠”活”, 希望之後可以改善下啦~
而主角edmond就睇得出佢一直有進步
但整晚表現我覺得比較浮, 唔太stable, 可能太多顧慮?
或者可能佢0既戲份太多, 有d似未全部完全咁handle到
而亞祖就角色上演得幾好, 可惜戲份唔多
或者我會expect亞婆/紅靴貓個角色可以再多d戲份, 就會可以再突出一d
至於有個演員我雖然唔識佢, 叫林澤生, 睇到佢咁瘦, 成支籤咁,
再諗起我自己都應該係咁樣, 真係有d驚
個景方面唔錯, 雖然一路轉一路開門個感覺係幾靚,
但係好似唔知響邊度見過, 所以驚喜不太大
音樂方面, 頭幾首歌音樂太大聲, 同眾演員唱歌炒埋左一碟
真係唔係好聽到做乜… 好彩有字幕…. 應該再可以control得好dd~
costume方面, 我覺得做得幾好呀, 亞祖做亞婆個角色套衫
雖然一睇就知係亞婆, 但係佢件衫係好潮架,
個感覺有d似 Nanny McPhee同千與千尋個亞婆crossover左咁~
整體製作上都唔錯, 都值得睇佢地呢個心血結晶
雖然自己可能都係對兒童劇有些少抗拒,
但其實內容上都唔錯架~