blogger luvul

以下為真實事件, 於今日發生. 因為唔係第一身, 部分內容為係估計出黎~

爸: 「喂?」
某: 「亞爸, 我問借左人兩萬蚊, 要急住還返比人呀~」
爸: 「係唔係亞X呀? 你打比你亞媽啦~」
(亞X 指我)
某: 「我唔想比亞媽知呀~ 亞爸, 我電話冇電呀, 你一陣打去667X XXXX呀」
(667X XXXX為一個電話號碼)

(待會)

爸: (打電話比我) 「喂? 亞X, 你冇事丫嘛?」
我: (心諗奇怪) 「冇事呀? 做咩呀?」
爸: 「你頭先唔係打比我咩?」
我: 「冇呀, 我冇打比你呀?」
爸: 「頭先有個人冒認你打黎問我拎錢喎~」
我: 「你唔好信呀!! 我冇打過比你呀!!」
爸: 「667X XXXX唔係你公司電話咩?」
我: (公司電話又點會係6字頭…) 「唔係呀!!」

(另一電話響起)

爸: 「喂?」
某: 「亞爸」
爸: 「係唔係亞X呀?」
某: 「係呀…」
爸: 「我同亞X講緊電話喎, 你係邊個?」
某: (立即收線)
爸: (…..)

爸: 「喂?」
我: 「係~」
爸: 「頭先個人又打黎」
我: 「你唔好信佢呀, 依家好多人咁打電話問人要錢呀, 唔好信佢呀!! 小心D呀!!」
爸: 「係囉, 我都覺得奇怪…」
我: 「我冇打過D咁0既電話, 記住小心D呀!!」
爸: 「得啦~」
(收線)

(待會)

我: 「個人有冇再打黎?」
爸: 「冇呀」
我: 「咁就得喇, 記得唔好信佢呀!!」
爸: 「頭先嚇得我丫…. 都唔知點解佢有我電話」
我: 「其實佢唔使要你電話, 佢逐個電話咁打都得…」
爸: 「哦…」
我: 「咁得啦, 小心D啦~」
爸: 「哦, 得喇~」
(收線)

(待會, 致電667X XXXX)

我: (等我白撞試下先~)
系統: 「你剛才打0既電話號碼現正使用中, 請你遲D再打過黎丫」
(收線)

(待會)

媽: 「喂?」
我: 「係…」
媽: 「我講件事你聽丫…」
我: 「我知點事啦…..」
媽: 「你又知?!」
我: 「………」
媽: 「你老豆今次咁醒」
我: 「………」(今次咁醒? 之前中過招?!)

(下刪一堆對話)

媽: 「都唔知點解佢有你老豆電話」
我: 「其實佢唔使要佢電話, 佢逐個電話咁打都得…」
媽: 「哦…」
我: 「咁得啦, 你都小心D啦~ 唔好信0個D人呀」
媽: 「得啦~ 我又點會信…」
我: 「唔知你喇~」
媽: 「得啦~ 你繼續做野啦」
我: 「哦~」
(收線)

大家記得同你屋企人講下
唔好亂咁信0個D人呀~~
佢地為左0個兩萬蚊, 攪咁多野
真係覺得呢D係辛苦錢!佩服佢地!
重點係佢地點解會講個電話出黎架…