blogger luvul

我有時覺得我自己好幸運
識到一班劇場入面當紅0既人物
今日有機會見左一個人
真係好多謝佢比左好多意見同分享左佢心得比我聽
令我多左信心向我0既目標進發!
不過響傾談之間發現左好多自己0既水平原來都幾低…
希望自己可以記性可以好d
每次睇完一套劇0既內容多d
咁先可以完全消化到編劇0既一番心血…
加上早排所睇0既”劇場裡的臥虎與藏龍”
比左好多方向比我自己
努力!

本身睇呢套戲都覺得ok
雖然主題有d土
但做做下就發現有d問題
就係好長氣
而最唔滿意係個結局
真係爛到呢….

小克佢真係好勁, 佢幾本繪本都買左慢慢睇
之前0既”如果．菜”同”如果．蓋”後又一力作!!

雖然百佳的膠袋計劃來得突然, 亦去得突然
一個星期內推出, 以至收回計劃
當中睇到好多公司以及政府推行環保的決心
百佳的膠袋計劃係好, 但相信推出得太突然
根本就未有足夠時間比員工, 以至公眾消化
公布此計劃後的一天就開始實行
大眾根本未來得及反應, 給員工的指引及推行難度的考慮不足
點樣先可以規定捐出兩毫但又唔係一定要俾?
會唔會放個捐款箱響收銀機的當眼位置, 而收銀員就講一句叫人捐款?
咁樣導致到一個再好的計劃都告吹, 真係可惜
另一邊廂, 其他超市第一日已表示不會跟隨
咁到底佢地有幾多社會責任?
唔好話膠袋, 垃圾都好應該減少
一間超市去推行呢樣野根本就唔會夠力做
就算所有超市一齊做都有d難
何況政府都冇都協助商營公司推動其環保政策
咁幾時先可以成功呢?
膠袋稅同其他政策一樣, 都一直只聞樓梯響…

參考: 孽留女士

今日見到你響電視上面0既風采
真係為之一振!

“甚麼時候可以普選?”
“當社會有共識時就可以推行”
“咁即係咩為之共識?”
“當做左充分咨詢同社會大部分人都認同時…”

—

“點解一出黎參選就為23條立法道歉? 當時又冇道歉?”
“道歉係因為呢幾年用左好多時間去反思, 去完外國讀書就知道當時有d言論令市民不安, 覺得自己做錯左, 所以道歉”

一字一句唔係記得好清楚, 但內容大致如上
如果我在場, 我實會問佢
“當時你響度推銷23條時, 你都話已經充分咨詢, 社會大部分人都認同, 有共識, 但當時有50萬人出黎遊行反對, 民調都有一半人反對, 點解又冇立法? 而最終你又因為呢件事而道歉? 依家到普選問題你都係咁講, 要有共識, 咁乜野先係叫有共識呢? 係唔係又係立法會0個某幾個最大黨支持就等於有共識? 你為左參選, 太醜陋了”

孽留女士, 請不要再扮
你點偽裝你都只係一個巫婆了吧~

請有票在手的選民下星期日記得投票
投比邊個都唔重要, 只要唔係4號孽留女士就得喇~~

今年睇完哂之後
總括而言, 最鍾意黃詠詩0既《豹叔別戀》
佢比到一個surprise比我, 而且比我想像到更多可能性出黎
希望黎緊可以有一個正式0既演出
(同埋唔使響現場搵觀眾借出道具)
另外就幾鍾意周昭倫0既《四角孤寂》
因為第一次睇呢個編劇0既作品
睇到佢落左好多心機去處理呢個劇本
但我覺得最大困難係響現時設定上
好難作繼續發展, 只係能夠fine tune部分情節
而且我個人覺得當晚的圍讀形式好切合佢套劇
所以我唔係好睇到點繼續到落去,
一加野就有可能破壞現時0既精密結構
而個人最失望係鍾靜思0既《旁觀者清》
對比起上年0既《中途轉車》感覺唔同左好多
而個message我睇就好似太表面
我覺得佢0既能力應該唔止咁!
整體都幾滿意今年0既演出
唯一覺得牛池灣就真係唔係好就腳….

p.s. 今日得知響yahoo! search “臥虎與藏龍” 或 “劇場裡的臥虎與藏龍”都會響第一頁見到我個網!
重點係, 某編劇0既一位藝術界朋友響網度搵到呢個blog, 之後仲介紹返比某編劇睇
居然呢位藝術界朋友會0黎到呢度仲手推介比人睇…. 太感動喇~~~

同expect有好一段距離…
可能係被套戲名厄到卦?
呢套戲感覺似偵探片加入情慾情節
但睇完之後唔係好解到個結局
不過都唔係差0既套戲
最估唔到係一樣野: 係真人真事黎架….

唔知幾時開始
每年感恩節之後(感恩節為11月第四個星期四)0既一日
就會係Black Friday
而每年一度0既Black Friday都會係購物0既日子
大大細細0既公司都會響今日推出瘋狂大減價
當中不乏一d平時唔會減價0既公司
唔知呢個傳統第時會唔會傳到0黎香港呢?

呢套戲同之前expect有d唔同
冇expect到佢係咁raw, 咁”實驗性”
故事係有d interesting, 但gag位有d爛
而且拍攝出黎個效果唔係太好…
不過呢套戲引申左一d問題比自己
都算唔錯~~