blogger luvul

睇新聞發現到呢件事
就係有關一件T-shirt上面0既字同黑社會稱呼的諧音字
居然大到要拉人, 仲要拉成十幾人
都幾誇張
但0岩0岩睇到一篇blog
先發現原來事發前一日(即尋日)
響蘋果日報有一篇報導
“隔牆有耳：潮Tee明玩拾肆K”
當中提及”明光社對呢件衫睇唔順眼”
事有巧合, G.O.D第二日即刻被人上門拉人
你話明光社對社會0既影響力有幾大呢?
雖然呢件事反映到G.O.D有D野都真係幾踩界
令我地亦理解到原來有條界
但係始終最佩服明光社佢地做事0既效率!

近日有幾個政治議題好想講兩句:

最低工資立法
政府如果未做足準備
純粹d人反映佢就做
黎緊中年失業率一定會颷升
因為低收入人士都係低學歷
政府如果唔做好再培訓/配套設施
第時一行最低工資, 後果真係不堪設想
點解? 你試諗下, 如果麥當勞要用$30個鐘請個收銀員
你估下佢出得呢個錢會揀個有多d學歷或少d學歷0既人?

民建聯抹黑李柱銘
民建聯會有乜唔做呢?
不嬲佢地鍾意斷章取義, 嘩眾取寵
睇唔到點解呢d咁0既政黨生存0既空間
更可況可以做到全港最大黨
除左有錢同背後有撐腰外, 我真係諗唔到其他原因
請於區選中杯葛民建聯的參選人士!