Nov 08 2007
“再見不再見” (Goodbye But Goodbye)
第一次睇彭秀慧0既作品
事因基緣巧合下認識左Kearen
剛巧正忙住宣傳呢套劇
之前都有諗過睇呢套《再見不再見》或者再之前0既《29+1》
但就0岩0岩唔得閒, 咁之後就搵佢留左飛
坦白講, 一開始時場舞雖然好睇, 但真係有d嚇到我
因為睇完我真係唔係好知套劇會係點樣做落去
都唔緊要啦, 點知之後開始時
Kearen與台下觀眾d不停對答, 又嚇多我一次
我仲以為會由頭到尾咁一直對答…
我又諗過到底係唔係有d人係”媒”?
好似係又笑唔係又笑咁, 但之後跟住故事發展落去
我開始理解到套劇想講d乜
雖然我都估到結局會係點, 但present出黎個方法幾好
佈景簡單, 但透過燈光及video效果令到感覺豐富左好多
而且多變化好多, 填補左台上一個人做獨腳戲的空虛
Kearen好帶動到現場0既氣氛
雖然一d誇張0既動作可以好容易地令觀眾笑
但我反而欣賞佢誇張0既同時所帶出0既感覺
一個人, 要處理一套劇, 冇中場, 由頭演到落尾
要帶到氣氛, 真係好難
之前就有梁祖堯做0既《攣到爆》
但佢係要由麥高利轉戰壽臣
難度更大, 仍可以處理到, 犀利….
另外, 音樂都做得唔錯, 不過如果細聲返少少會好d
因為條聲有d拆….
相關網站: Official Site
