blogger luvul

點解我地政府咁得意
專係用埋d錢響唔等使0既地方
等錢使0既地方又冇錢使呢?
事因年前見到荃灣政府合署外牆新簇
但就唔知點解要花好多錢將原有的磁磚外牆拆掉, 換上古怪的油漆
大堂的地板就換上全雲/麻石, 真係好浪費
呢排就到左將整個荃灣港鐵站多層停車場底的的士小巴站
明明好好睇0既欄河扶手, 有特色, 又容易翻新
唔知點解呢期就要拆哂原本0既欄河
換哂d毫無特色0既不銹鋼, 第時唔易翻新, 而且感覺又好冷
難道香港現時人與人仲唔夠冷? 連人流聚集0既地方都要將佢地變冷?
加上d牆身加上d焗漆板, 本身車站設計狹窄, d小巴已經好難行, 點解仲要加呢?
而且睇睇南豐中心下面0既巴士站….淨係識得整, 條條白色焗漆板柱就變左漸變黑至灰
又加上d人響上面”抹”d白色字出黎…..
我地政府真係識浪費
棵棵百年老樹就攪到搬得就搬, 死得就死
d天橋條條都一模一樣, 毫無特色,
d學校仲衰, 全部都係0個個千禧年設計校舍
如果要整, 唔係應該整下呢幾樣野而唔係拆左d舊野?
點解d資源唔係用黎用響合適0既地方?
唔通我地政府要好似以前咁
“市政局百周年紀念公園”夾硬因為市政局冇左而變成”百周年紀念公園”?
都唔知紀念緊d乜野百周年!
或者又好似台灣咁, “中正紀念堂”個字要改成”台灣民主紀念館”
連門口個主牌門”大中至正”都要改做”自由廣場”咩!
呢d係文化, 係歷史, 唔好多舊魚去攪d唔應該攪0既野!