blogger luvul

攪左差唔多一個星期
終於攪返掂喇…

Monopoly大富翁即將推出全新 Here and Now: The World Edition
更會首次將全球城市作為每個棋格!
今次就更加推出公眾投票揀選放入棋盤0既城市!
每人每日可由已挑選的68個城市中揀其中10個
全球累積投票最高0個20個城市就會依次序放入棋盤
(當然係最高票數排棋盤最後一格!)
另外更設有Wildcard Cities推選
可以比公眾推選未有被挑選0既城市放入棋盤
當首20個城市截止揀選後將會進行Wildcard Cities票選
首兩位將可同樣放入棋盤當中!
各位記得每日投票呀~ 時間仲有一個月左右!
現時排名首20個城市排名為:
1. 法國巴黎 Paris, France
2. 英國倫敦 London, United Kingdom
3. 美國紐約 New York, United States
4. 意大利羅馬 Rome, Italy
5. 澳洲悉尼 Sydney, Australia
6. 西班牙巴塞隆那 Barcelona, Spain
7. 日本東京 Tokyo, Japan
8. 愛爾蘭都柏林 Dublin, Ireland
9. 西班牙馬德里 Madrid, Spain
10. 希臘雅典 Athens, Greece
11. 德國柏林 Berlin, Germany
12. 荷蘭阿姆斯特丹 Amsterdam, Netherlands
13. 瑞士蘇黎世 Zurich, Switzerland
14. 巴西里約熱內盧 Rio de Janeiro, Brazil
15. 加拿大蒙特利爾 Montreal, Canada
16. 中國香港 Hong Kong, China
17. 南非開普敦 Cape Town, South Africa
18. 美國拉斯維加斯 Las Vegas, United States
19. 埃及開羅 Cairo, Egypt
20. 俄羅斯莫斯科 Moscow, Russia

及首5名Wildcard Cities:
1. 台灣台北 Taipei, Taiwan
2. 荷蘭福倫丹 Volendam, Netherlands
3. 加拿大魁北克 Quebec, Canada
4. 愛爾蘭科克 Cork, Ireland
5. 紐西蘭渥太華 Auckland, New Zealand

記得投票!!
網站: http://www.monopolyworldvote.com/

雖然對呢套戲冇乜期望
但查實都有D失望
失望係個故事…好求其…..
畫功唔同左 (係DETAIL左好多) 係令我睇得唔太舒服0既原因
第二就真係個故事…. 都平時電視版故事完全分離
其實都唔係0個件事, 人物性格亦有D唔同左
攪到我個感覺係整D野出黎厄人錢…
不過, 呢套電影好似係為左紀念某日本電視台成立X年而做0既……..
最得意原來, 呢套戲係5年前0既…….

見到呢套劇0既brochure時覺得好似幾吸引
就好少有咁去買左飛睇香港話劇團(HK Rep)0既劇
一入場, 第一個感覺係, 好耐冇睇過咁大型0既劇喇
一向少睇大型劇0既我對上一次應該係”邊城“喇
大大話話, cast list都有成十幾廿人
而且個set好靚, 特別係0個對門, 上面有對門神, 真係好靚~
睇完之後, 雖然有好多配角, 但大部分佢地都演得好好,
佢地將自己的角色都演活左, 好似劇中0既”立純”, “大勇”, “立德”…
係唯一劇中兩個Cast B小朋友做得唔太好(可能Cast A會好d),
男女主角實質可發揮的空間唔太多之外, 整體演員都好好
而且成個劇本都寫得好好, 有杜國威寫都一定唔會差得去邊~
係覺得著墨響大哥0個度可以再多d~
至於成套劇, 導演傅月美0既功勞亦真係功不可沒
HK Rep 30周年的劇目, 果然夠哂份量!

相關網站: Offical Site

咁0岩比我睇到King Kong
一直都有d興趣睇, 但就一直都未睇
裝左HBO就係有呢個好處
成日搵返d蒼海違珠
雖然呢套戲唔算得上好好睇
但整體都不錯
近期正想去睇Adrian Brody套新戲Darjeeling Limited
今次就有機會再睇下佢d戲先, 幾好~
不過我諗呢套戲本身幾多限制 (原著劇本?)
有d位其實都幾荒誕, 點解會有咁多恐龍呀…
突然就諗返起Jurassic Park…
但睇得到Peter Jackson對呢套戲落左唔少苦功….

相關網站 imdb | Offical Site

點解我地香港, 每日總係可以有咁低能0既新聞?

劉皇發提出天水圍改名
行政長官曾蔭權表示，天水圍是否改名，尊重民意。
在立法會答問大會上，鄉議局議員劉皇發問及，居民認為天水圍的名字不吉利，被水圍困，政府會否考慮改名，並舉行改名比賽。
曾蔭權表示，天水圍的名字是由原居民所改的，而劉皇發作為原居民代表，亦提出改名，他們會尊重居民的意願。

乜改個名就可以解決一切架咩?
一連串設計、政策、管理失誤, 就係歸咎於個名?!
“欣澳 (Sunny Bay)” 真係比 “陰澳 (Yam O)” 更多陽光? 更欣欣向榮?
“大美督” 真係比 “大尾督” 美麗?
請問政府幾時有人尊重過0個度d人0既意願去改名?
咁如果真係有用
“天水圍” 早應改名為 “天錢圍”,
咁住得0個度個個比錢圍, 幾十萬個千萬富翁, 全港其他區0既人就等佢地接濟

ps.
早兩日收到個有關政府主要官員評分0既問卷調查
唔好意思, 大部分官員都係最低評分囉…..
特別係 曾蔭權 與 曾德成, 到底你地做緊乜野???

今日響某A字頭法國品牌0既朱古力店買左d野食送比人, 呀…
之後放工去尖沙咀某E字頭日本品牌0既專門店左買條牛記, 點知仲係特別版, 呀呀…
然後去左某L字頭法國品牌試鞋, 但唔0岩
最後去左某A字頭法國品牌0既專門店買左對鞋同個coinbag, 呀呀呀…
兩隻手都拎住一袋大兩袋細, 好似好d豉油人咁….
返到黎屋企,
shit! 個鼻都出緊血!!!!!!!
真係出得太多血喇今日…

越睇越覺得由Steve Jobs帶領0既Apple Inc.好犀利
一年幾次0既發報會我都會睇
每一次都會有令人興奮0既新產品推出
睇一睇返Apple Inc.0既產品
最犀利0既唔係佢地發明呢一樣野
而係重新定義0個樣野, 令全世界都由佢帶領
iPod推出之前唔係冇mp3 player, 但佢0既出現令到好多公司例如Creative, Microsoft等都以佢為模仿對象…
iMac推出之前唔係冇電腦, 但佢0既出現令電腦的體積, desgin都重寫, 之後有無數人都以佢地為模仿對象…
iPhone推出之前唔係冇smart phone, 但佢0既出現令功能, 使用模式都改寫, 之後例如htc, LG等都以佢為模仿對象…
OS X推出之前唔係冇OS, 但佢0既出現令Microsoft 0既Windows一直以佢為模仿對象….
今日MacBook Air推出之前唔係冇纖薄0既notebook, 但佢0既出現, 將一定再令整個industry急起直追…
邊個成功邊個失敗就一目了然啦~
不過重點係,
原來咁容易被一個外來的遲來者擊倒, 好明顯係前人響設計整件產品前0既研究不足…
有好多缺憾….
越黎越愛Apple, 因, 佢地每每向著合理而高難度的目標, 一步又一步的邁進!

久違了的感覺好像回來了…