blogger luvul

話說今年個Dresscode就依據每張台自己去定一個黎玩比賽
響大家投票決定左一個最冇難度0既dresscode: 格仔
由於今年我有份做mc, 加上想玩呢個dresscode玩得盡d
本身係諗住走去搵套格仔褲加格仔褸做當日服飾
但到左離Annual Dinner當日仲有0岩0岩一個星期0既星期六
我去左深水埗一趟, 膽粗粗咁走去買左一塊格仔布
然後試下當晚有冇d頭緒可以點做
我首先問左幾個fd都冇衣車(查實有我都唔識用!)
之後就買左相關配件, 決定自己做一套全同一格仔0既suit!
不過做左兩日之後發現要用手去一針一線咁縫好一條褲已經不易
根本就冇可能做到成一套suit, 唯有就不停依據住所剩低0既時間
去就下可以點攪
最終就連條呔同belt都冇整到(查實時間係有, 不過已經縫到癲左冇整!)
淨係整左幾個pin以備不時之需
雖然好似講得好易咁
但係真係落左好多心機去整 (足足整左最少24個鐘! 連鈕門都係人手自己整!)
一條褲有哂褲袋, 拉鏈, 穿belt的耳仔都有齊, 而且仲有少少cutting!
對於一個完全未試過自製衣物 (試過淨係玩剪領都剪衰左!) 0既人黎講
呢件事一d都唔易, 冇假手過任何人, 亦冇任何人教
手上就只有一塊布, 兩支針, 一盒大頭針, 一轆線, 一把鉸剪就完成左呢條褲
實在覺得自己太犀利喇~~