風波一日又一日咁發展
就越係一日又一日咁覺得: 點解可以變到咁架??
我唔係話幫邊個或唔幫邊個, 只係議事論事
經理人公司
件事乜野都未證實就即刻去報警
到底佢地了解清楚件事始末及真偽未?
有錢就可以先發制人?
涉案藝人
有冇了解成件事係點解會咁?
係唔係點都應該要向公眾作一個交代先呢?
越早交代就越可以早日平息事件
經理人公司既然已經報案就應該向警方提供更多協助
亦可以對之後警方執法更加有效率!
媒體
的確爆炸性話題可以催谷銷量
但是否已經報導得太多?
一連五日主要報章的頭條亦是同一件新聞
之後更延長戰線至旗下的每本娛樂雜誌
一眼間報紙雜誌檔都係充斥著同樣的人物
現時係唔係應該放更多關注響中國的雪災之中??
幾多人響水深火熱之中? 死左幾多人?
警方
一開始就已經錯, 點解要動員咁多人去處理呢件事?
真係有錢有權0既人就可以得到更大更多權利?
香港成功的基石係乜野?
連續十三年最自由的經濟體系所講0既唔單係經濟
而係自由! 警方咁做只係一次又一次咁大大力咁破壞呢個基石!
拉一個人”祭旗”, 一個”相信有意圖”就拉, 明知佢唔係相片來源者
咁到底有幾多人可以係有條件比你去”相信有意圖”?
再拉多四人個”祭旗”, 一個”藏有不雅照片”就拉,
咁到底有幾多人”藏有不雅照片”? 係唔係越黎越”莫須有”、”白色恐怖”?
到底大陸0既法治制度恐怖d, 定係香港0既恐怖d??
法庭
拉第一個人要等足8星期先過堂, 不准保釋. 到底呢個罪行有幾大?
相片係假的話, 佢就係誹謗及發佈不雅照片, 到底有邊個的權利受影響?
就係經理人公司以及涉案藝人, 佢地名利聲譽受影響;
相片係真的話, 佢只係發佈不雅照片, 到底有邊個的權利受影響?
答案係冇, 涉及既唔係勒索, 又唔係誹謗, 相中人的確影左咁0既相
佢只係揭穿某d人0既面具0者? 咁到底警方憑乜野要”替死鬼”不准保釋等足8星期?
咁警方依家都冇確認到相片真偽就突然拉人, 究竟佢地又憑乜野?
