因為上年訂票經歷好差 (其實年年都係, 只不過上年特別嚴重) 今年特別小心 (其實都冇得乜野小心唔小心...) 但響睇左本Programme Book之後有幾項野真係幾失望 1. 票價升 早幾年前係$50, 上兩年就$55, 估唔到今年居然升到上$60 點解唔係減價而係加價? 政府又縮左budget? (上年都只係得HK$70萬, 比起其他亞洲區電影節資助US$70萬真係差好遠...) 點解政府早幾日肯拎$300萬去資助拍一套戲而唔用呢d錢去資助電影節? 好失望 2. 折扣減 一直以黎都係20張就九折, 今年居然要25張先有折..... 3. 訂票煩 早幾年都將門票集中響URBTIX賣, 今年又無啦啦拆返散佢 折扣門檻又升左, 又少左某D場地.....而且仲好麻煩....點解會咁? 4. 主題差 記起前年杜琪峰個"紅地氈"主題已經唔好 上年就THEATRE入面D紅凳就還可以, 係衰左響D人名上面 今年又返返轉頭閃光燈, concept真係錯哂.... 5. 場地少 今年主要場地以戲院為主, 但好場地就冇左好多 黎如坐得舒服0既科學館, 睇得舒服0既葵青劇院 本身唔係話唔好, 但係由葵青咁大個院變到咁小型0既劇院 電影節真係身失色不少..... 總括而言, 問題就係一年比一年多 講返訂票, 今年破左例兩次就訂到飛 (往年最少都一要3次以上先ok) 不過就開賣時間delay左成半個鐘, 而且網站超級遲緩 點解咁多年都未吸取到教訓?? 唉~~ Read More
