Mar 31 2008
美國 2007 導演:Sidney Lumet
＊＊＊＊＊＊＊．．．
呢套戲呢… 我真係有d意外
一個”平凡”0既故事, 被導演拍得一d都唔平凡
故事係講一個劫案發生前四日至完左幾日0既經過
兩兄弟因為一d錢0既問題走去打劫自己父母0既珠寶店
一心諗住劫完就可以賣賊贓賺錢, 父母就可以拎保險
點知就錯手殺死左自己亞媽, 之後雪球越滾越大
本身個故事內容唔係好精雕細琢
但係導演將個故事剪到碎哂
再以不同人做”主角”去講出佢角度0既故事
可能有d劇情會做幾次
不過就因為時間交錯, 人物交錯令成個故事好有追看性
剪得好好睇!
唯一一樣野就係之前都講過
套戲最後又差唔多全部主角都死哂, 就係唔係咁好囉~
Mar 31 2008
泰國 2007 導演: Chookiat Sakveerakul
＊＊＊＊＊＊＊＊＊．
其實我冇expect呢套戲可以有咁多
一套長達154分鐘0既戲
講家庭, 朋友同埋愛情, 估唔到都可以幾balance到
作為一套普通劇情片, 已經夠哂分
響夫妻、同學、鄰居之間0既愛情同母子、姊弟、婆孫之間0既親情兩方面都寫得幾細膩
內容上驚喜唔多, 但響d交接位寫得幾好
值得一睇!
係覺得個中文名改得太求其
套戲講緊0既係LOVE, 佢0既覆蓋面好大, 唔係淨係寫愛情
反而台灣改名叫”愛在暹邏”仲好
Mar 31 2008
台灣 2007 導演: 張作驥
＊＊＊＊＊＊．．．．
記得早幾屆睇過張作驥0既《美麗時光》
個人覺得唔錯, 所以買左呢齣戲0既飛
一路睇0既時候發現有幾個問題令我集中唔到
第一係選角, 男主角曾一哲唔係做得唔好
而係佢比唔到0個種”黑幫”感覺比我
攪到我成日都以為主角背後有d野咁
第二係用台語, 個問題其實唔關導演事
只係因為我聽好少部分台語, 成日個腦就轉channel
所以要響聽台語同睇英文字幕間遊走
都幾辛苦, 如果呢套有中文字幕就會好d
第三係分幕時fade out再入字再fade in呢個動作
我幾唔鍾意呢種做法, 睇得好唔舒服
就因為呢三個原因令我唔係好集中到
加上我唔係太鍾意一d戲0既結局係全部人死哂
所以個人而言唔係幾鍾意呢套戲
講0既故事假得黎又好真實
Mar 29 2008
香港 2008 導演: 劉國昌、雲翔
＊＊＊＊＊＊＊＊．．
呢套戲會上正場
雖然呢套戲有唔少瑕疵 (例如演員髮型唔接)
但整體作為一套indie港產片而言, 其實係有唔少surprise
我覺得套戲個中心點寫得ok
係有d位 execute得唔係咁好
而有d內容好似雜亂左d,
例如一開始0既一段, 我以為套戲之後有再多d交代
變左純粹為建立角色0既性格而寫就太刻意
又或者劇中三位女主角咁, 特別係董敏莉飾演0既角色
其實如果再可以交代多少少前面(最後係點我覺得唔重要)
咁會對套戲 “失去” 0既感覺可以再加強一d
套戲令我最surprise係搵香港棒球代表隊黎做戲
而佢地個個又夠膽nude, 仲要我覺得佢地都算拍得好
(當然由於佢地唔係真係演員, 有部分就好生硬啦)
整體真係雖然會搵出好多瑕疵, 或者唔夠完美0既位
但係作為一套本地indie長片, 我真係覺得已經好足夠
起碼睇得出導演所落0既唔少心機
同埋佢有都勾到我對棒球0既少少興趣呢~ 哈!
Mar 27 2008
台灣 2007 導演: 李康生
＊＊＊＊＊＊＊＊．．
記得響早幾屆0既電影節睇左李康生0既第一套戲《不見》
睇完之後係有d失望0既
同佢師傅蔡明亮同一系列0既《不散》真係差好遠
今次見到呢套戲, 坦白講唔特別想睇
但係見個synopis寫得咁吸引咁, 就買飛睇下啦
估唔到出黎0既效果都算幾好喎!
幾個角色0既關係, 故事0既始起同發展都寫得幾好
當中你如果睇深一層, 發現原來係有幾多額外0既message架
整體都算唔錯, 今次0既歌幾配合到成套戲個效果
唯一係覺得最後應該可以再講多少少0個個胖子
咁就好好喇~~
p.s. :
the Grand Cinema真係好唔得
繼上次入場後不停咁拎個電筒照d audience之後
今次因為佢有好幾個house被某電影首映禮包起左
咁就迫哂電影節排隊0既觀眾排響空氣極唔流通0既送貨通道焗
而該首映電影0既觀眾就排出面, 點解佢地會有咁大privilege? 非常差0既安排!
開場同散場時間又撞埋一齊, 又非常混亂!
仲有, 進場時職員一直都係講係house 2
根本爆到連第一行(離五米左右高0既screen不足一米)都要坐
之後有人問到先知原來係開兩個house, 而且另一個house大把位!
完場時企多幾個人響度講”多謝光臨哂”就算(我估佢係以為我地係首映場觀眾!)
希望下年真係唔好再咁多”戲院場”, d安排真係非常差!
(特別係MCL洲立/UA院線, 當年百老匯院線就冇呢D情況)
p.s.2:
呢個The Grand Cinema戲院設計真係好敗筆,
指示又唔清晰, toliet又收得好埋而且樓梯非常窄
完場如果唔比行正門走,行後門起碼要行5分鐘仲要係行到出去戶外!
都唔明呢間咁0既戲院有咩咁grand!
Mar 26 2008
2008亞洲巡迴最後一站0既最後一場尋日完成左
尋日睇呢套劇, 一個字 “勁!”
上次睇林奕華0既”包法利夫人們 - 名媛的美麗與哀愁“就已經好鍾意
今次就算唔知係林奕華0既劇都已經贏哂!
就正如演員王耀慶響QnA時所講一樣: “好的食材不需要怎樣烹調都可以好吃”
呢一班演員個個都好好戲, 響香港真係好難搵到一個咁0既班底去做…
所以呢套劇, 每個演員都要好好介紹一下…
王耀慶 飾 宋江
其實之前我有看過他的電視劇, 他是演一個很搞笑的小男人角色的
不過相信你看一下這個你會記得他是誰了~
http://hk.youtube.com/watch?v=kVQG4tolkqA
返返黎呢套劇入面, 佢係其中一個令我印刷最深刻0既
因為我真係冇諗過一個喜劇演員可以做到呢個角色要做0既野
佢真係好surprise到我, 如果有機會真係好想睇下佢其他0既戲/劇!
《水滸傳》2008亞洲巡迴演部落格: 扮演王耀慶
朱宏章 飾 阮小二
作為中國文化大學戲劇學系的專任講師(表演、導演)
佢0既演出一定不用置疑, 而佢0既外表亦同典型大佬非常吻合
對佢黎講可以話係非常輕易就得到個效果!
《水滸傳》2008亞洲巡迴演部落格: 扮演朱宏章
李健常 飾 李逵
呢個演員係我睇成齣劇入面最impress 0既一個
殺人魔一段近十分鐘0既個人讀白真係好犀利
我相信真係好難好難搵到個咁勁0既演員去演呢一段
咁富內心感受, 而又要有好powerful 0既戲
真係好難, 好難….
《水滸傳》2008亞洲巡迴演部落格: 扮演李健常
時一修 飾 吳用
相對黎講, 我唔係咁鍾意呢個角色
但呢個演員都做得好好, 應該可能係傳聞中演到喊0既其中一位演員
不過就係呢個太柔弱0既角色令套劇突然轉變得太快
《水滸傳》2008亞洲巡迴演部落格: 扮演時一修
韋以丞 飾 楊志
佢演0既一段又幾得意, 整個message係同其他0既演員有d唔同
係冇故事性0既, 就似一個talk show咁講某d message出黎
但又估唔到佢本身係做兒童節目0既…..
《水滸傳》2008亞洲巡迴演部落格: 扮演韋以丞
莫子儀 飾 阮小七
呢套劇我係因為呢個演員而黎睇(當然亦因為林奕華)
一直都有睇過佢0既舞台劇(”包法利夫人們”)同戲(”一年之初“和”夢幻部落”)
每一次睇都會睇到佢有進步, 次亦唔例外
小賊0既讀白好表演到內心0既0個種感覺
加上佢0既外表同感覺都好似有無限個可能性咁
真係幾鍾意睇佢0既演出
《水滸傳》2008亞洲巡迴演部落格: 扮演莫子儀
張孝全 飾 武松
雖然響香港0既宣傳都由佢擔大旗
但其實佢戲份唔多, 加上佢係一個浪子
唔知係戲得太投入定太唔投入, 佢真係好浪子(hae)
的確係劇入面最失色0既一個演員
《水滸傳》2008亞洲巡迴演部落格: 扮演張孝全
張翰 飾 魯智深
醉酒係另一場我好impress 0既場景
一個人要演醉酒不易, 更何況演咁長0既獨腳戲呢
可惜除左呢段之外, 張翰就沒有甚麼特別的機會去發揮了…
《水滸傳》2008亞洲巡迴演部落格: 扮演張翰
盛鑑 飾 林沖
一睇佢0既外表, 真係京劇到不得了
佢0既言談舉指都有哂京劇0既特質
絕對係非做京劇不可0既樣
開幕0個段都做得好好
相信要搵個對京劇有咁0既根底真係唔易~
《水滸傳》2008亞洲巡迴演部落格: 扮演盛鑑
整套劇做得好成功, 將不同人0既特質都一一顯動,
有機會真係超想睇埋黎緊之後0既幾步曲~
Mar 24 2008
今日幾開心有機會睇到曹格響香港0既live show
佢唱歌都真係幾好
不過最爆笑係兩集電視錄影分別有兩個嘉賓
而一開始我地坐錯左位, 坐左響江若琳fans位度…
之後攪到要幫人拎牌…..
坐我隔離個個妹妹仔仲話自己92年出世, 大過另一個男仔…..
真係好驚囉…..
同埋有樣野好好笑係, D fans牌後面係有哂d歌詞架!
我地成班人就做左唔收錢0既半職業fans咁…
之後錄第二集又要拎另外一個牌….真係好攪笑!
Mar 21 2008
南韓 2008 導演: 洪尚秀
＊＊＊＊＊＊．．．．
本黎時間好充裕咁去洗頭, 之後就磨多一陣就出門口
點知洗完頭就唔記得左要睇呢套戲
咁就無啦啦要飛的出去大會堂睇…. 激死我…
講返套戲, 其實我覺得okay 0既,
不過個主題”夜與日”做得唔夠多
講得太多”夜”, 而”日”就太少, 變得唔夠balance
同埋響片長方面可以調整一下就令整套戲balance d之餘
又唔使依家咁接近兩個半鐘咁長喇
另外就都係自己問題, 我認唔到人…成日分唔到幾個女角….
攪到好幾段都睇到我一頭霧水….
Mar 21 2008
法國 2007 導演: Damien Odoul
＊＊＊．．．．．．．
其實睇呢套戲係有d失望, 冇乜驚喜之餘
又做唔到好breathtaking 0既場面
又冇一個好interesting 0既story / present手法
變左套戲就真係有d似一套三級片咁
不過唔多唔少可能呢套戲做11:45先做
個人比較集中唔到…….
相關網頁: HKIFF | imdb | Official Site
Mar 21 2008
真係估唔到! 尋日響旺角周圍行
行行下發現原核響旺角有一間賭場!
佢地有百家樂、老虎機、廿一點、骰寶、計魚蝦蟹都有!
真係估佢唔到!!!
不過佢地唔係正式一間賭場
因為係用代幣玩, 有d冒險樂園咁, 不過全部都係賭場0既遊戲!
直頭好似澳門摩卡電子娛樂場咁!
原本都有d想玩下, 不過時間所限, 就冇玩到lu~
下次真係要試下~~
