Mar 27 2008
05. “幫幫我愛神” Help Me Eros
台灣 2007 導演: 李康生
＊＊＊＊＊＊＊＊．．
記得響早幾屆0既電影節睇左李康生0既第一套戲《不見》
睇完之後係有d失望0既
同佢師傅蔡明亮同一系列0既《不散》真係差好遠
今次見到呢套戲, 坦白講唔特別想睇
但係見個synopis寫得咁吸引咁, 就買飛睇下啦
估唔到出黎0既效果都算幾好喎!
幾個角色0既關係, 故事0既始起同發展都寫得幾好
當中你如果睇深一層, 發現原來係有幾多額外0既message架
整體都算唔錯, 今次0既歌幾配合到成套戲個效果
唯一係覺得最後應該可以再講多少少0個個胖子
咁就好好喇~~
p.s. :
the Grand Cinema真係好唔得
繼上次入場後不停咁拎個電筒照d audience之後
今次因為佢有好幾個house被某電影首映禮包起左
咁就迫哂電影節排隊0既觀眾排響空氣極唔流通0既送貨通道焗
而該首映電影0既觀眾就排出面, 點解佢地會有咁大privilege? 非常差0既安排!
開場同散場時間又撞埋一齊, 又非常混亂!
仲有, 進場時職員一直都係講係house 2
根本爆到連第一行(離五米左右高0既screen不足一米)都要坐
之後有人問到先知原來係開兩個house, 而且另一個house大把位!
完場時企多幾個人響度講”多謝光臨哂”就算(我估佢係以為我地係首映場觀眾!)
希望下年真係唔好再咁多”戲院場”, d安排真係非常差!
(特別係MCL洲立/UA院線, 當年百老匯院線就冇呢D情況)
p.s.2:
呢個The Grand Cinema戲院設計真係好敗筆,
指示又唔清晰, toliet又收得好埋而且樓梯非常窄
完場如果唔比行正門走,行後門起碼要行5分鐘仲要係行到出去戶外!
都唔明呢間咁0既戲院有咩咁grand!
Oh自從睇過李大師套 天邊一朵雲 我就決定以後佢一日扮藝術大師一日都唔會再睇李大師既戲
(續) 剛才按太快
不過這一套從不同朋友聽起來好壞參半
有說和以往一樣無謂 只是嘩眾取寵
有說這次真的有意思了點
未知你看後感如何？
(因為根據經驗李生的DVD價錢都不太平)
先說一說, 《天邊一朵雲》是由蔡明亮導演及編劇, 李康生只是演員
所以我覺得唔可以因《天》片0既好壞去決定睇唔睇李康生0既片
記得當年睇李康生首導0既《不見》, 的確幾失望
我係一個比較鍾意台灣電影0既人, 就係鍾意佢地電影0既變化多
或者你可以講, 李康生同蔡明亮都係有d嘩眾取寵
但我覺得大家係用唔同方法唔同手段去講一個故事
只不過用上唔同0既”語言”, 當中好多野都要由觀眾去諗返個訊息出黎
情況就好似王家衛0既電影咁, 有人好鍾意有人好唔鍾意
唔鍾意0既人因為睇唔明, 鍾意0既人就係因為其他野令佢鍾意
每個人都會對一套戲0既好壞有一個自己0既詮釋方法
總括而言, 呢套《幫幫我愛神》絕對比《不見》來得成功
我個人係會推薦比鍾意”思考”及睇台灣片0既觀眾~