為甚麼會禁止某些人士入境? 香港最令人感到驕傲的自由 原來在回歸後不停的縮窄, 變小 我不是支持或不支持該名人士入境 但連一個人物都因政治因素而不准入境的話 是不是就等於如董建華所提 冇再講就等於冇左呢個政策? 香港唔再有自由? 是否就此成為內地政府的喉舌? 或是根本就是政府的自我審查? 雖然奧運火炬即將到港 而且據報有消息指將「有人」響當日攪事 但, 未開始就攪事0既人係邊個?? 火炬手名單出爐, 又係邊個人響度攪事? 明明係體育活動, 叫人唔好攪埋政治一齊 自己又去攪到一個政治分贓行動咁 而且當日的所謂「與民同樂」的火炬傳遞 根本就係活動式監獄將火炬移動 外人看不到, 接觸不到, 內裡的人又走不出看不到外面 當天縱有幾多公司幾多機構幾多團體支持呢個活動 因為所有的措施都令人難以認同 同的應該是五環奧運精神, 而不是紅色的! 延伸閱讀: 每日一膠 - 三分一運動員的火炬手 每日一膠 - 港奸迎奧運 Read More
美國 2007 導演: David Fincher 主演: Jake Gyllenhaal, Mark Ruffalo, Robert Downey Jr. 呢套戲長達3小時 但我就用左幾星期先完成到佢 皆因我放左佢響iPod度 搭long distance車時先開黎睇 本身我記人物都已經差 仲要分開咁多段黎睇 真係死得..... 睇完呢套戲之後 同期望0既有d距離 除左佢個結局冇正式咁交代個結局外 人物之後0既交代一一都係響一堆文字中完成解說 係呢個位有d失望 不過整體套戲production都算幾好 有d位個tension都ok~ 都可以一睇! 相關網站: imdb | Official Site Read More
導演: 張藝生, 梁菲倚 編劇: 陳炳釗, 龍文康 演員: 湯駿業, 陳康, 蔡運華, 梁曉端, 胡智健, 張志敏, 金大建(韓國) 本身因為我之前冇睇過相關著作 起初唔諗住睇0既 點知個friend又想睇, 咁就不如亞齊去睇下 睇完之後, 我同friend一齊傾左好耐 個結論係都覺得呢套劇係失望0既 因為整套戲0既內容太多, 太散 未能好好組合從中擦出火花 感覺幾後內容好似係幾個唔同0既劇咁 單獨睇, 有幾幕個效果的確係幾好幾impressive 但奈何與主題的幫助不大 信息太多加上未有好好連結各點係一個致命傷 而且, 部分劇情顯得好似不必要咁 不過或者對於事前未有閱讀有關背景的我更為不理解 導演所揀選的演員有好有唔好 但個問題係成個cast唔係好夾 湯駿業, 蔡運華及張志敏與陳康, 梁曉端, 胡智健及金大建好像分成兩派一樣 感覺完全不同但又好像沒有帶出火花 特別覺得梁曉端及陳康表現出色 Read More
尋日終於將之前攪左年幾兩年0既兩條數清哂!! 係淨返0個條攪左好多年0既數咋! 而且年尾都可以清哂佢喇~~~yeah!!! 睇黎一定要限住自己唔好再買咁多無謂野同慳返d錢!! 唔好再咁白癡欠落咁多數!! Read More
澳門何特首的昨日派錢("紓困")措施 香港人唔好問點解香港曾特首只入錢入你MPF戶口 澳門就每人有$5,000現金 睇下以下資料就知道其實佢地行呢一步已經太遲 根本比香港0既派糖大計更為偽裝! 澳門賭枱數目 [資料來源] 2008(首季) 賭枱：4,311 張 角子機：13,552 部 2007 賭枱：4,375 張 角子機：13,267 部 2006 賭枱：2,762 張 角子機：6,546 部 2005 賭枱：1,388 張 角子機：3,421 部 2004 賭枱：1,092 張 角子機：2,254 部 2003 賭枱：424 張 角子機：814 部 澳門賭業資料 [資料來源] 2008(首季) 賭場：29 間 首季毛利：MOP$ 29,823,000,000 2007 賭場：28 間 全年毛利：MOP$ 83,022,000,000 2006 賭場：24 間 全年毛利：MOP$ 56,623,000,000 2005 賭場：17 間 全年毛利：MOP$ 46,047,000,000 2004 賭場：15 間 全年毛利：MOP$ 41,378,000,000 2003 ...Read More
近日睇到無綫電視翡翠台不停咁有個節目promo 講關於"一百萬人的故事" 就好想搵d資料睇下 點知一睇先知個情況有幾嚴重 根據政府統計處資料顯示 生活響貧窮線之下0既人根據近30年的數字為: 1986年 - 9.5% (約63萬人) 1991年 - 11.7% 1996年 - 15.0% 2001年 - 18.5% (約120萬人) 2006年 - 20.1% (約133萬人) 響1986年至2006年間, 人口增長為約25% 至於低收入人士0既百分率就足足上升超過112% 可見情況已開始失控的地步 政府到底近呢十年做過d咩去解決呢個問題呢? 2005年2月成立扶貧委員會, 目的係: - 研究和了解貧困人士的需要。 - 就防預貧窮、紓緩貧困和推動自力更生提出政策建議。 - 鼓勵社會參與，界定政府、社會福利界及民間團體的角色，推動公私營機構合作和運用社會資本，以改善貧窮問題。 2007年6月結束扶貧委員會 咁到底佢地又做左d乜野呢? 用兩年時間做左一個報告 咁呢個報告係講d乜野呢? 係講返現時"貧窮"0既情況同埋應該從邊d地方著手解決問題 咁實質又做左d乜野呢? ....... 我寄望tvb呢個節目可以令到多d人關注呢個問題 加速推動政府實施實質措施以解決問題 以及推動商界參與滅貧的工作 Read More
鍾意聽呢首歌已經好耐 突然好想睇返呢個MV 拍呢個MV可謂簡單到爆 用最多時間反而係響d effect度 真係唔知嘔左幾多血出黎... Justin Timberlake - Lovestoned / I think that she knows Read More
一個又一個陪著我成長的人物一一離去 雖然我不是他們的追隨者 不過一直成長時總聽到這些熟悉的名字 近年一個又一個的人物離去當然是萬般可惜 但更可惜的是, 好像沒新人可跟他們比美 你可說出哪位新人可比美羅文? 張國榮? 梅艷芳? 沈殿霞? 曾灶財? 以及今天離去的伍晃榮? 真的很可惜 別了, 成長的記憶 天星碼頭沒了舊鐘樓 大會堂沒了皇后碼頭 利東街沒了歡悅囍帖 警察沒了青綠色制服 屋邨街道沒了大牌檔 別了, 成長的記憶 一模一樣的政府公屋 一模一樣的學校建設 一模一樣的街道設計 一模一樣的商場建成 一模一樣的高樓大廈 別了, 成長的記憶 二零零零年四月 中大學生報第115期 做了一個"十年回顧", 標題是 「九十年代, 香港(人)失去了甚麼?」 內容講了很多對九十年代所失去的都很感慨 我想, 到了二零一零年 若有人仍會做一個"十年回顧", 標題應該是 「千禧年代, 香港(人)還有甚麼可以失去?」 陪著成長的人物, 地方, 事物一一離去 換來「倒模式」的人物, 地方, 事物 這個沒有根的複製城市 還可生存多久? Read More
同人早排傾下近期睇到0既一套劇0既內容 入面原來有一段係真事 明明自己一d錯都冇, 但唔知點解見到某d人就會自己會避 人地仲話唔明點解 而我呢, 就好明白呢樣野, 因為我自己真係試過 真係解釋唔到點解... 即使到左依家, 事情查實都有可能發生... ----------------------------------------- 近期好幾樣事都係double-up (甚至triple-up) 真係唔知點解 不過double-up (triple-up) 都未必係好事 隨緣吧啦~ ----------------------------------------- 好想放假 好想放假 好想放假 好想放假 好想放假 好想放假 好想放假 好想放假 好想放假 好想放假 好想放假 好想放假 好想放假 好想放假 想去一個冇人識0既地方 做d自己唔會做0既事.... Read More
It started AGAIN!! Read More
