美國 1979 導演: Don Siegel 主演: Clint Eastwood 本身係因為我終於響上兩個禮拜幾經辛苦開左個iTunes戶口 試下買左d歌, 咁呢套戲就係要試下睇下香港可唔可以用到佢個Rent Movie 咁0岩呢套戲係iTunes 0既"$0.99 Movie of the week" 就買黎試下啦 又因為佢係有30日可以launch套戲, 一launch左就只有24小時睇 所以趁今日得閒先開套戲黎睇 不過響睇呢套Escape from Alcatraz之前一晚(即係尋晚) 我睇Discovery Channel時做"Mythbuster (Wikipedia)" 0岩0岩就係講返呢件事究竟有冇可能發生(或者係點樣發生) 講返少少背景資料先 Alcatraz係一個位於加州三藩市一個地理上被孤立0既小島上0既高設防監獄 而呢個監獄當時就被譽為最森嚴0既監獄, 冇人可以逃到獄 就算走得到唔係捉得返就係被射殺, 都冇辦法逃走到去最近0既Angel Island(島名) 但係響1962年就有三個人分別叫Frank Morris, John & Clarence Anglin成功逃獄 佢地利用一隻匙羹掘牆, 20件軍裝雨褸同強力膠水做左一隻三角形吹氣膠筏就逃到獄 佢地逃離後冇人搵到佢地0既屍體, 又冇佢地0既影踪 而Alcatraz就響事件發生後一年關閉 響1963年就有人將呢件事改為同名小說 1979年更由Don Siegel拍成經典電影Escape From Alcatraz 咁呢套戲就係將件事搬上銀幕 由Clint Eastwood飾演IQ高達133 0既Frank Morris(好高架喇咩?) 可能係年代唔同左, (同埋受到Prisonbreak影響) 我唔係好信(或者因為時間所限)咁容易就逃到獄 事前research應該要好精密先得 唔似佢地估估下咁~ 不過總括黎講, 電影要將一件事件搬上銀幕係一件好難0既事 始於一套戲0既時間好有限, 唔做到咁多野 同埋就要將某d劇情改動一下黎就時間 1979年0既戲黎講應該算係好勁架喇~ 話哂都大過我丫~~ 相關網站: imdb | ...Read More
