絕大部分一直人期待以久的好消息 到了最後竟然會係一個令人失望的消息 好多人問, 點解會交比3去推出呢? 係, 數字上佢的確係最大0既3G網絡商 但係, 使用率呢? 到底有幾多人真係用緊3G SERVICES? 有幾多人係用緊3G但係當係2G咁用? 似乎Apple Inc睇漏左呢樣野 個個都覺得將iPhone交比3去做根本就係完全咁浪費左佢 手機再好, 配著咁爛0既網絡, 真係0徒哂.... 希望到正式推出前可以有好消息啦~ (有人指3的新聞稿未有使用"獨家", "Exclusive"等字眼, 意味有可能有第二間服務商...) 同埋希望會有香港iTunes Store啦~ Read More
編劇: 陳煒雄 導演及舞台設計: 譚孔文 演員: 陳淑儀, 林碧芝, 葉進, 姚潤敏 今次睇同之前響劇場裡的臥虎與藏龍《手心向上,手心向下》睇 呢次響劇本上0既變化唔係好大 最主要都係演員唔同左, 同埋係一個正式0既PRODUCTION LIGHTING同SET都落左唔少心機落去 由於響新開0既 葵青劇院黑盒劇場 度做 有好多野宦有較大自由度, 樓底及燈糟都比一般黑盒劇場好好多 係覺得觀眾席斜度唔夠大, 有時演員一坐低左就睇唔到 整體PRODUCTION上都幾好 而演員們都唔錯, 特別係陳淑儀啦, 每次都做得好好 係唯一覺得姚潤敏做得太大力, 唔夠"師奶" 係一套幾值得睇0既一套劇! Read More
主演: David Walliams, Matt Lucas 睇呢個LIVE前一定要先對LITTLE BRITAIN有一定認識先 而且要識英文(我指要真係聽得明佢地講緊乜) 之後就可以睇呢個LIVE版本 不過佢地兩個人真係幾勁, 個個角色都做得好似 係LIVE版本就始終因時間所限, 頭套D甩漏位多D 但仍有好多個估唔到 就好似搵觀眾上台玩"HIDE THE SAUSAGES" 真係響台上玩到除左人條褲 響香港真係冇可能發生囉.... 有好多位真係好好笑, 令我諗返起之前W創作社做0個套"小人國" 相信佢地都係取材自LITTLE BRITAIN, 所以先會有LITTLE HONG KONG呢個名~ 難怪LITTLE BRITAIN可以響英國做左咁多個SEASON啦~ Read More
美國 2007 導演: Francis Lawrence 主演: Will Smith, Alice Braga, Charlie Tahan i 之前有諗過因為Will Smith入戲院睇 不過因為好多原因又冇去到 今日睇完之後總係覺得剪得前文後理有D唔夾, 而且有好多冇解釋0既問題? 點解一開始佢架車係紅色跑車, 但之後就會係黑色四驅車? 點解入屋前要倒D唔知咩液體響門口? 點解故事開始0既第一晚(應該即係第3年), 訓訓下有浴缸變左床? 仲要所有窗開哂? 佢點樣一個人響自己屋企所有窗裝哂閘? 封城0既時候點解要炸左0個兩條橋? 點解隻變種人主腦會識「以其人之道還自其人之身」搬Fred去教堂? 吊左上去之隻腳係咁滴血又有乜意思? D雞蛋可以KEEP到三年咁耐? 佢大脾插左一刀都仲可以行得咁快? 個女人又可以帶住個細路又救到Will Smith走? 真係好多個唔明0既伏線...... 而且響隻BONUS碟度有好多SCENE都係剪走左.....點解.... 相關網站: imdb | Offical Site Read More
每次發生重大事項, 蘋果日報總有好多意外的舉動 每一次我都好欣賞佢地0既做法 雖然比起其他大公司(例如有電視台停播所有商業廣告) 只是雞毛蒜皮的小事 正如點題句子一樣: 我們哭過, 我們痛過, 我們自問: 還可以做些甚麼? 對比起國內大部分大機構作出龐大的捐款, 捐物資, 提供免費服務, 義賣等等賑災活動 香港人做到的其實很小, 最多也只是捐款 付出金額多少不重要, 一元不少, 一億不多, 重要的是, 我們還可以做甚麼? 今天, 好彩的是香港仍有蘋果日報這個良心企業.... 《蘋果》今天義賣 活著真好。可以跟深愛的人飲早茶，可以跟老友分享一切喜怒哀樂，可以想想未來的人生大計。但活著，並非必然。 5.12 大地震摧毀了無數家園，根據國務院抗震救災總指揮部的最新統計，四川汶川大地震已造成 40,075 人死亡， 247,645 人受傷， 32,361 人失蹤。大地還沒有平靜過來，截至昨午 4 時，四川震區共發生餘震 5,526 次，無數生命仍然懸在頃刻的崩裂之間。 我們哭過，我們痛過，我們自問：還可以做些甚麼？ 天地不仁，人間有義。安徽蚌埠災區募捐活動，有這樣感人的一幕：中午的時候，募捐人員看見一個下半身完全殘缺的年輕女乞丐。她先在募捐處對面張望了一會，然後一爬一爬的向募捐處爬過來，一共捐了 45 塊錢。她沒有說一句話，只是很認真的把錢放入了捐款箱中，然後，殘疾女孩一點點的爬出了大家的視線。 一方有難，八方支援。大地震後，國內外紛紛捐款賑災，有小孩子省下的零用錢，有大機構撥出的慈善款項。一元不少，一億不多。對抗這場無情的天災，需要持久的支援。在國殤哀悼的第三天，《蘋果》與讀者一起盡點心意，今天所有《蘋果日報》售出所得，撇除報販及連鎖店應收之金額後，全數撥捐香港紅十字會，用作救濟地震災民。 文章轉載自 2008年5月21日 蘋果日報 頭條 Read More
今日發生左D事 一D我有少少估唔到0既事 (但其實又唔係估唔到) 事發經過時我心諗起一套早排睇過0既劇 叫做"藝術" 入面講三個男人的經歷 我突然發現我原來就係活響呢個角色入面.... Read More
Awaited for ages, and finally, I've made a brand new start! Read More
跟位朋友每年最少會有三次聚餐的機會: 1. 佢生日; 2. 我生日; 3. 聖誕節. 邢0岩0岩就響今日黎左次額外0既聚餐 感覺係好舒服 聽完佢"呻", 又到我"呻" "呻"完之後大家都好好多呢~ 飲左杯勁大杯0既酒之後個人有d浮 係時候早d抖~ Read More
尋日有機會睇到呢個演唱會0既碟, 仲好好彩睇Bluray版 真係好清~ 演唱會拍到咁清真係有d難度~ 不過重點我想講下佢個production 其實d costume都幾creative, 都係圍繞住 "婚禮" 0既topic 有婚紗, 有和服, 有tuxedo, 有褂... 咁多套我最鍾意係套"褂", 個感覺好到又唔會太難接受 和服背面本身好靚, 但正面條領同排孖襟就好唔夾 而整個concert最好睇0個part都係唱"演唱會" (即係著"褂"0個part) 所有dancers都一齊著住d唔同民族0既結婚禮服, 一堆一堆咁跳舞, 夾到個beat仲好有主題, 超正! 最可惜都係今次冇睇到現場 陳奕迅0既演唱會真係要睇現場先得! Read More
編劇: Yasmina Reza 翻譯: 金志平 導演: 李國威 演員: 周志輝, 潘燦良, 辛偉強 上次冇睇到, 今次睇左真係覺得好正 一套劇用好輕0既手法寫重0既題材 對白精警, 而且演員做得好流暢 三個角色的對立與共通, 分明的角色背景 一切都因那幅名畫而起, 但又因此而結束 一場不現實但又好合情理的鬧交戲將套劇推到上高峰 太多quote, 太多意想不到 有d quote雖然係好似好低能咁, 但內裡藏住好深0既哲學... 相信就只有親身欣賞多次方可領悟! Read More
