導演: 許樹寧
創作演員: 何嘉希, 吳圳嵐, 李安妮, 阿蕉, 威廉, 倪光華, 陳發鴻, 劉子安, 劉夢華, 鄭佩嘉
j
話說前兩日響城市電腦售票網售票處對出睇左一陣
好一段時間冇睇到劇, 好想搵套劇睇下
咁就咁好彩比我揀左呢套黎睇
揀呢套劇0既原因係
一、一直都有聽過樹寧, 但就從來未睇過佢地0既劇
二、佢寫到口碑好好咁(有邊套唔寫得好架??)
今日入場睇, 先知道有咁多個人演
頭0個5分鐘, 我個心係諗, “賴野喇, 完全唔知佢講D咩, 港式國語的確害人不淺…”
之後就諗 “到底佢地想點呀?” (就算到睇完左都唔知個頭點解會咁, 可能係一個序卦?”
套劇講真, 我理解整個故事中心點, 但係開頭真係GET唔到囉
將D野口語化左之後就好陌生
當然, 呢套劇同一般多人創作劇咁有個問題, 就係故事鬆散, 唔集中
不過佢地出黎個效果比一般0既做得好
做左一陣就覺得, “好戲量”其實係唔係都係好似咁0既野呢?
睇落左一段時間後, 終於開始GET到
亦睇到佢地好多野都落左心機落去
好似係編舞同埋形體, 有幾位0既表現的確幾意外
好似亞蕉, 倪光華, 劉子安等做得幾好, 全部人跳同一隻舞時就好明顯~
其實都覺得後段0既安排幾好, 分拆舞台係一個幾聰明0既做法
整套劇都有D爛GAG位, 不過都算係咁, 不過不失啦~~
可以的話有D位可以令觀眾自然黎笑, 唔需要太就GAG黎做~
響睇0既過程當中其實都諗左好多自己0既野
仲攪到自己有D眼濕濕添…
或者係呢套劇0既目的啦
不過同你INTERACTIVE到, 咁先可以再進一步消化嘛~
