blogger luvul

英國 2008 導演: Michel Gondry
主演: Jack Black, Mos Def, Danny Glover 

一直都對呢套戲有興趣, 加上好多人睇過都話正
咁就租左佢黎
睇完真係覺得好正
個故事真係好得, 好簡單, 好CRAZY, 
夠簡單, 但又夠INTERESTING
JACK BLACK同MOS DEF亦做得幾好
諗呢套出黎0既MICHEL GONDRY真係癲架…
ARE YOU SWEDED?

相關網頁: imdb | Official Site

英國/美國/德國 2008 導演: Phyllida Lloyd
主演: Meryl Streep, Amanda Seyfried, Pierce Brosnan, Colin Firth, Stellan Skarsgård

對上一套MERYL STREEP 0既戲原來已經係上年3月0既 DARK MATTER 喇
今次一直都超想入戲院睇, 一直就有好多人都睇完一次再帶埋屋企人一齊去再睇
一直以為都未必有機會去睇
點知尋日一CHECK仲上緊, 就拿拿聲今日即刻去睇
睇呢套戲其實真係幾開心
有MERYL STREEP, 又有歌聽
ABBA雖然我唔係話好鍾意, 不過有幾首歌幾耳熟能詳
好似GIMME GIMME GIMME, DANCING QUEEN等等
MERYL響套戲入面雖然演得有D吃力 
加上佢0既年紀要佢又跳又唱的確有D辛苦
我諗換著第二個要拍MUSICAL都會吃力吧?
不過可能幾位主角都太深入民心
PERCRE BROSNAN 0既007, COLIN FIRTH 0既BRIDGET JONES 
對於記角色名同身份能力好弱0既我攪到有D混亂…..

相關網頁: imdb | Official Site

今日走左去荃灣某個街市買D野
但係就覺得好奇怪
開頭大概3:30 0既時侯, 突然聽到無線新聞0既開場摩斯密碼音樂
就覺得奇怪喇, 呢個時候有新聞架咩?
唔夠2分鐘, 轉左一個街口
又聽到無線新聞0既開場音樂
唔通係有廣告? 但新聞提要冇理由有廣告架喎?
之後又過左3分鐘左右
又聽到一次無線新聞開場音樂
唔通係PAYTV 0既新聞台? 但冇理由肉檔會裝架?
之後不停咁聽到段音樂
就留意聽一下啦, 原來….
原來係一段由豬肉檔發出0既扮新聞報道廣告….
響度推介D人食新鮮豬肉, 新鮮豬肉仲唔似周一嶽所講咁貴
依家仲減價添!
真係估佢地唔到, 全部新鮮豬肉檔都播緊呢個廣告
新聞報道0既音樂一定DRAW到人ATTENTION
之後行行下再發現, 原來冰鮮豬肉檔係有另一段廣告!
冇用新聞開場音樂, 反而就話新鮮豬肉有咩唔好….
真係好攪笑0既民間智慧!

由於最後一日要拖住行李
咁就特登留返呢日為SHOPPING日
去左信義區百貨公司寄存行李然後就周圍喪行同買野
首先有信義誠品, 大到呢…B2-6/F共8層
每一層都超大
分得勁DETAIL, 直頭好似圖書館咁!
(如果香港中央圖書館係咁0既設計會好幾多呢?)
之後就係新光三越, TOTAL四幢全百貨公司
淨係行1/F, B1同B2 都行到死左, 何況有D有8/F…..
響其中有間電腦用品, 音樂產品, 碟, 書, 雜誌四合一0既舖頭度由於要買一隻碟
咁0岩又比我搵到佢有個膠牌寫住0個套戲
咁就搵人問下仲有冇啦
點知CHECK到有但又搵唔到隻碟喎, 攪到成4個人響度逐個架搵….
最終發現係有人搬左返入倉, 最終都搵得到~
佢地幫我搵隻碟真係好熱心…..
行完哂之後諗住早少少去機場
就去左搭機場巴士
遇到一個外國人問點搭同幾錢車飛
幫佢攪掂哂之後仲傾左好耐!
原來佢係一個TRAVELLER! 
佢差唔多一個星期就轉一次地方
佢真係好NICE~
之後就係咁樣就完成左成個TRIP喇~

一早就去左台北當代藝術館(MOCA)度參觀
0岩0岩佢地呢期0既EXHIBITION係”超介面”
全部都係MULTIMEDIA同INTERACTIVE 0既 
當中有幾個展品真係幾正
特別係最大0個個展品
真係好IMPRESSIVE!
下一站就去左台灣故事館
個館原來好細, 而且所做緊0既展覽冇咩特別
好多野我都已經睇過
唔係逗留左好耐之後就轉移過去台北市立美術館
一入大堂就覺得好勁
佈置切合哂個主題
呢D EXHIBITION基本上唔會響香港出現
因為門口大堂一地紙屑0既情景唔可能響香港出現
當中有D展品真係做得幾好
當中有個當代水墨展有幅畫係全部都係以字當畫
遠睇真係似係水墨畫, 但係近睇就係好多唔同粗幼大細0既毛筆字
另外就係見到前排一個好熱0既機械人 - 機器乞丐 ROBOT BEGGAR
而且仲有一條有關佢去街頭行乞0既片段
超攪笑! D差人趕走左D真人乞丐, 但冇趕走檮器乞丐! 仲響度睇左一輪!
完左之後就四圍遊走, 四圍買野~

之後一定要去0既就一定係士林啦
去到士林就去食野
返左去上次食鐵板燒0個間舖度食野
但係0個個超好食鱈魚就唔同左
不過算啦, 奶油香菇同鱈魚係同價, $2X咋!
都唔好要求咁多!
食完就去左士林附近周圍行
一路行一路買, 又買左一堆野….
之後返到去酒店冇耐
覺得有D肚餓, 就落左去7-11度買野食
佢地個熱狗好好食呀
仲係全程自己叮熱個包, 去香腸爐夾腸, 再揀SAUCE
佢地仲有HONEY MUSTARD! I’M LOVING IT!

搭左一輪火車之後
就先去酒店放低行李, 整理一下先
點知間酒店離捷運好好好遠
之前旅行社條友仲話好近!
比佢厄左!
攪完一輪就去左西門
諗住周圍行下HEA下先
點知呢, 去左玫瑰唱片一行就行左個幾兩個鐘
買左一堆碟!
咩地方都冇行就響阿宗麵線食左碗大腸麵線就走人
去下一站 !

一早響附近遊走左一陣
感覺好舒服!
響早餐店(真係只做早餐!)食左個好好味0既蛋卷
仲有大大碗0既豆漿(真係好豆!)
真係平靚正!
之後返去民宿度
老闆真係好好人
一早特登煮咖啡請我地飲
仲同我地傾左陣計
台灣人諗0既0野都係請大陸有乜唔好
香港又點點點
不過都唔緊要啦, 最緊要每個人都有只自己睇法
唔好冇主見就得啦~
之後老闆個媽媽出左黎
嘩! 佢原來已經101歲!
係我見過年紀最大0既人!
而且佢仲好壯健! 
因為MISS左班火車, 又唔想等個幾鐘
所以就搭的士
老闆仲幫我地搵車! 佢同佢老婆真係好好人 
去到十分, 一心想去煤礦博物館
點知行極都行唔到去
又因為我地拖住行李, 行行下又冇左D指示牌….
咁唯有先搵間舖頭暫放D行李
再周圍行下, 去左靜安吊橋
之後響樓仔厝食左個LUNCH, 就繼續行程!

一口氣不停搭車轉車
10程車一共9個鐘
終於去到目的地
好彩好幾次轉車都啱啱搭到班車
唔係嘅話就更加耐
雖然因為天黑得早
有啲失咗預算
仲拖住D行李去到鄉郊地方
真係有D辛苦
不過都算值得呀
夜晚響一家民宿住一晚
個老闆真係好好人
又幫我地解決好多問題
又教我地去邊去邊
之後響一間小菜館
雖然唔係特別好食
但係就好有農村風味
埋單都只係$6X!
食完走左去散步
行行下發現信錯左地圖0既比例
好似響條公路上面行緊唔知幾時行完!
唯有行返返轉頭~
返去就整天燈
一寫好之後就放
終於都玩咗一直都想放嘅天燈
仲玩咗仙女棒同金光棒
即係響滴滴金同特大版滴滴金

今日都係做咗三樣野
第一就係去拎報告
第二就係meet一個人去傾d野
以前眞係冇諗過會同佢傾計
何況今次仲係合作呢？
第三就係見一下十三年冇見嘅人
居然佢地唔認得我！
食咗一餐超豐富嘅海鮮宴
椒鹽瀨尿蝦、黃金蝦、花雕蛋白蒸花蟹、陳皮蒸大鮑魚、蒜蓉粉絲蒸大元貝、清蒸東星斑、什錦海鮮湯、再加其他地度廣東小菜共十一餸一湯
超滿足嘅一天！