blogger luvul

0個D好富有, 背後有好多水喉0既政黨背反總有好多用錢所使0既橫手
近期留意到突然間將D擺到明差唔多出籠0既政策做哂BANNER掛街邊
佢地仲寫到咩極力爭取某某政策
一出籠時就將”極力爭取”改為”成功爭取”, 好識得用錢玩唔同0既技倆
港鐵合併時都講明當兩個鐵路完全合併時就會統一整個收費結構
唔會再下下分開兩面做野
特首又借呢樣野要功, 富有政黨亦可以要功, 一石二鳥
如果你心水清, 基本上我地特首0既政治智慧真係好低
攪一大輪, 又係講返0個D野, 又減電費呀, 又比多兩個月生果金你呀
但係呢, 所有措施都未實施到, 所有政策都永遠只聞樓梯響
點解四川振災可以做得咁快而自己地方0既長期問題就視之不理?
同埋, 呢方法根本就係治標唔治本, 使咁多錢幫到咩人呢?
窮人屋企電器唔多, 佔0既開支相信唔會係最大
你幫佢地每月交$300電費又有咩用? 限期內佢地用唔用得哂呢?
我屋企一個最最最高峰一個月都係交$400電費, 咁查實係幫緊邊個?
又會做成有幾多浪費呢? 同埋幫左幾多有錢人交電費呢?
點解D資源唔可以集中幫低收入人士呢? 
豁免外傭稅做乜呢? 到底響超高通脹同貧富差距越黎越大0既時候
特首係應該幫邊個呢??
對中產0既政策就係永久免酒稅, 免兩年外傭稅, 咁對低收入人士呢?
每個政策都只係一次性, 唔通你呢個特首都係一次性?
現任特首比英國殖民地時代的港督更更更短視!
低收入人士絕對唔係一個負累, 反而政府係應該好好咁規劃
將佢地脫貧之餘更為社會帶多一份新動力
政府依家就只係位視地覺得佢地係負累, 就間接將整個情況惡化… 
請埋請埋咁多人都攪唔好, 真可悲!

我地香港D執法人員點解係都要對弱勢社群黎埋手呢?
一個阿伯賣下廁紙都唔放過
點解企到成街0既寬頻, 電視, 健身中心0既推銷員就冇事呢???
佢地直頭係阻街添啦, 
仲有0個D自稱「市場調查員」0既推銷員, 跟住你係咁拍你膊頭
呢個阿伯又算得乜野問題? 
綜援得0個$2,000, 唔夠用咁點0者? 唔通你叫佢開間舖賣呀??
政府又寧願派錢比有錢人都唔支援低收入人士, 咁點你地想點呀?
呢D事真係好令人費解…. 

小販拒捕涉傷兩職員下體
「我雙腳傷殘點踢佢」

【本報訊】曾因無錢交罰款，被法官判坐監一日的年老無牌小販，昨日在葵涌石籬村擺賣時被十多名房署職員夾擊拘捕，老小販作出反抗，街坊起哄在旁聲援。兩名房署人員報稱下體及腰部受傷，老翁也表示不適，他涉嫌襲擊公職人員被捕。

被捕老翁姓連（69歲），現獨居石籬村10座一單位，每月申領約2,000多元綜援。他在石籬村街市對開賣廁紙幫補生活，被街坊稱為「廁紙佬」，他表示，平日用手推車擺賣廁紙，每天賺取數十元微利，但近兩年來被執法人員檢控約50次，每次被充公貨物及罰款。

昨晨11時許，連伯與一名鹹魚小販在石籬村街市對開擺賣，他帶來的40條廁紙，已賣出34條，準備收檔時，十多名房署職員從兩邊撲出來，喝斥「唔好走，企響度」，其中兩名房署職員迅速將他雙手捉住。鹹魚小販因去了廁所沒有被捕，但數百元貨物被充公。

街坊：拉一個阿伯出動十幾人

現場消息指，房署職員將連伯抬走時，他作出激烈反抗，身上銀包及手機跌落地上，附近街坊向房署人員喝倒采，糾纏中兩名姓黎（46歲）及姓黃（48歲）職員，報稱腰部及下體受傷。警方接報到場將連伯拘捕，他與兩名職員需送院治理。有街坊不滿房署人員執法，聲稱「有冇搞錯，拉一個阿伯出動十幾人，勞師動眾。」
連伯事後獲准200元保釋，他說：「房署職員挾到我好痛，我雙腳傷殘冇力，點踢到佢下體呢？」祖籍潮州的連伯早年來港，一直做小販及看更，與鄉間妻子及六名子女早已沒有聯絡，年前與一女子同居，育有兩名繼子，由於他酗酒及欠債，家人陸續離他而去。
連伯說，他每次非法擺賣被捕，上庭時向法官求情，法官都同情他處境，一般將保釋金充公作為罰款，有一次只罰款20元。另有一次由於沒有出庭，法官罰他600元，他表示「冇錢畀」，法官罰他「坐監一日」。「0個次響荔枝角羈留所，有食有住」，他聲言不怕被罰，仍會繼續擺賣。

轉載自6月2日蘋果日報 

澳門何特首的昨日派錢(”紓困”)措施
香港人唔好問點解香港曾特首只入錢入你MPF戶口
澳門就每人有$5,000現金
睇下以下資料就知道其實佢地行呢一步已經太遲
根本比香港0既派糖大計更為偽裝!

澳門賭枱數目 [資料來源]
2008(首季) 賭枱：4,311 張　角子機：13,552 部
2007 賭枱：4,375 張　角子機：13,267 部
2006 賭枱：2,762 張　角子機：6,546 部
2005 賭枱：1,388 張　角子機：3,421 部
2004 賭枱：1,092 張　角子機：2,254 部
2003 賭枱：424 張　角子機：814 部

澳門賭業資料 [資料來源]
2008(首季) 賭場：29 間　首季毛利：MOP$ 29,823,000,000
2007 賭場：28 間　全年毛利：MOP$ 83,022,000,000
2006 賭場：24 間　全年毛利：MOP$ 56,623,000,000
2005 賭場：17 間　全年毛利：MOP$ 46,047,000,000
2004 賭場：15 間　全年毛利：MOP$ 41,378,000,000
2003 賭場：11 間　全年毛利：MOP$ 28,672,000,000

澳門綜合類消費物價指數(數據均為該年2月) [資料來源]
2008 總：122.64　糧：131.22　租金：145.41
2007 指：112.03　食：111.73　及住：126.77
2006 數：106.76　及：105.72　房開：117.74
2005 ：  96.80　飲：100.11　支類：95.36
2004 ：  93.60　品：96.79　  　　：91.82
2003 ：  93.97　類：94.8 　   　　：91.73

澳門每月工作總收入中位數(數據均為MOP$) [資料來源]
2008 未有資料
2007 MOP$7,800　服務：6,000 　非：4,100　文娛：11,600
2006 MOP$6,701　、銷：5,576 　技：3,813　博彩：9,537
2005 MOP$5,773　售及：4,939 　術：3,484　及其：7,837
2004 MOP$5,167　同類：4,730 　工：3,236　他服：7,080
2003 MOP$4,801　人員：4,531 　人：3,093　務業：6,466

即2003年2008年(5年間)
賭枱增幅為1016.7%
角子機增幅為1664.8%
賭場增幅為263.6%
全年毛利增幅為416% (以2003年1/4作計算)
綜合消費物價總指數增幅為28.67%
糧食及飲品類增幅為36.42%
租金及住房開支類增幅為53.68%
再睇埋每月收入中位數．．．
慘不忍睹

對澳門政府而言, 派呢$5,000算得d乜?
物價水平跟香港無異
但工資就比2007年12月0既平均HK$11,325仲少好多
派錢背後, 就係咁喇
想幾恐怖有幾恐怖!

近日睇到無綫電視翡翠台不停咁有個節目promo
講關於”一百萬人的故事”
就好想搵d資料睇下
點知一睇先知個情況有幾嚴重
根據政府統計處資料顯示
生活響貧窮線之下0既人根據近30年的數字為:

• 1986年 - 9.5% (約63萬人)
• 1991年 - 11.7%
• 1996年 - 15.0%
• 2001年 - 18.5% (約120萬人)
• 2006年 - 20.1% (約133萬人)

響1986年至2006年間, 人口增長為約25%
至於低收入人士0既百分率就足足上升超過112%
可見情況已開始失控的地步
政府到底近呢十年做過d咩去解決呢個問題呢?

• 2005年2月成立扶貧委員會, 目的係:
  - 研究和了解貧困人士的需要。
  - 就防預貧窮、紓緩貧困和推動自力更生提出政策建議。
  - 鼓勵社會參與，界定政府、社會福利界及民間團體的角色，推動公私營機構合作和運用社會資本，以改善貧窮問題。
• 2007年6月結束扶貧委員會

咁到底佢地又做左d乜野呢?
用兩年時間做左一個報告
咁呢個報告係講d乜野呢?
係講返現時”貧窮”0既情況同埋應該從邊d地方著手解決問題
咁實質又做左d乜野呢?
…….

我寄望tvb呢個節目可以令到多d人關注呢個問題
加速推動政府實施實質措施以解決問題
以及推動商界參與滅貧的工作

一個又一個陪著我成長的人物一一離去
雖然我不是他們的追隨者
不過一直成長時總聽到這些熟悉的名字
近年一個又一個的人物離去當然是萬般可惜
但更可惜的是, 好像沒新人可跟他們比美
你可說出哪位新人可比美羅文?
張國榮? 梅艷芳? 沈殿霞? 曾灶財?
以及今天離去的伍晃榮?
真的很可惜
別了, 成長的記憶

天星碼頭沒了舊鐘樓
大會堂沒了皇后碼頭
利東街沒了歡悅囍帖
警察沒了青綠色制服
屋邨街道沒了大牌檔
別了, 成長的記憶

一模一樣的政府公屋
一模一樣的學校建設
一模一樣的街道設計
一模一樣的商場建成
一模一樣的高樓大廈
別了, 成長的記憶

二零零零年四月
中大學生報第115期
做了一個”十年回顧”, 標題是
「九十年代, 香港(人)失去了甚麼?」
內容講了很多對九十年代所失去的都很感慨
我想, 到了二零一零年
若有人仍會做一個”十年回顧”, 標題應該是
「千禧年代, 香港(人)還有甚麼可以失去?」

陪著成長的人物, 地方, 事物一一離去
換來「倒模式」的人物, 地方, 事物
這個沒有根的複製城市
還可生存多久?

因為之前寫落左好弓多關於香港政府0既野
其實都皆因我鍾意香港先唔想睇到會有咁0既收場
由依家起都會加入”我愛香港”為題
希望多d人反思一下究竟事實0既對與錯

財政預算案唔係過左好耐
好多0既side effect已經走緊出黎
我諗你會好明顯睇到
賣酒0既地方全部都減價
而偏偏呢個時候, 所有基本必需品都加緊價
豬牛雞價錢不在話下, 柴米油鹽就只係油同鹽未加
今次米都瘋狂加價
或者你會講, 咁0岩0者, 咁唔關香港事
但係睇深一層, 究竟政府對呢本基本必需品有冇定過咩政策?
點解又會對酒類呢d”奢侈品”減低咁多管制?
到底減酒稅有幾多人受惠?
依家0既瘋狂加價潮又有幾多人受害?
政府就只係識得用有錢人0既錢黎養有錢人
咁窮人呢? 政府有冇機制去迫切了解民間疾苦呢?
有冇人去超市睇過米架? 我早兩日去過
可以容納幾百包米0既米架就得返幾包
茶餐廳上兩個月前先加完價, 佢地都唔敢再加
唯有將價就貨, 碟飯都細左好多啦
究竟有幾多政府官員知道呢d情況?
又有冇人知道, 到依家都唔係人人有糧加?
我愛香港, 希望政府官員都可以快d睇下呢d問題

我地0既未來政府總部位於添馬艦
全海景臨海貴重地段興建政府總部辦公大樓, 無遮無擋
成為全球少數的最具權力(及金錢)象徵的城市
試問世上邊個國家0既政府總部會係響最貴重0既商業地段興建?
今日又睇到新聞
特首將會係香港區傳奧運聖火0既第一人
咁到底我地0既曾特首有幾多權力?
第一人傳遞聖火又象徵乜野?
又一令人反感的動作!

天文台台長說, 最快12年後香港將會沒有冬天
小學時讀書的金句「香港: 四季分明, 港闊水深」將正式終結

近日同一位8年冇返黎香港0既香港人會面, 發現香港變左好多
佢發現:
天星碼頭同皇后碼頭唔見左;
旺角多左個朗豪坊, 銀行中心變左商場;
周圍多左好多商場, 好多龐然巨物;
同時即將成為新一代龐然巨物的地盤…

忽發奇想, 到底12年後0既香港會變成點樣?
記得上年7月1日有位資深廣告人兼藝術家又一山人出版左”明天日報”
模擬40年後的香港(即回歸五十年, “五十年不變”結束的日子)的當天報紙
其實實在太遠了, 原來12年都已經難以想像…

但我個人而言有d猜測, 唔知會唔會係真呢?

2020年(12年後)的香港:

• 冬季雖然沒有了, 但羽絨、暖蛋仍然暢銷, 經常斷市
• 鐵皮屋食肆絕跡香港, 而露天式食肆因遭消防條例嚴格監管(所有露天座位必須安裝消防花灑設備)下逐步消失
• 市區核心地段的樓宇將不會有一幢少於十層樓高
• 所有於維港兩岸之新建臨海大廈必須加入”幻彩詠香江“激光表演, 以保持連續十五年成為全球最大型戶外激光表演
• 西九仍未建成, 各項大型文化活動仍聚焦於尖沙咀文化中心, 同時康文署決定斥資於文化中心現有建築上加建全新可容納5,000人之大型歌劇院以應付需求
• 同時康文署將斥資研究於紅磡體育館上蓋加建可容納5萬名觀眾綜合場館的可能性, 據悉署方將應大部分市民要求, 加建場館的外型將沿用現時紅館倒金字塔式設計向上及向外擴展
• 政府決定因興建港鐵東鐵線過海段而填海, 將尖東海傍近紅磡灣部分填平, 並興建地標式120層高商業大廈, 命名為IBC [Int'l Business Centre], 東鐵紅磡站大堂將遷移200米至該大廈基座, 同時大廈將與現有維港門廊(IFC [Int'l Finance Centre]及ICC [Int'l Commerce Centre])組成維港鐵三角 [Victoriangle]
• 政府決定開發賭牌, 何氏家族及多個美國拉斯維加斯賭業集團決定轉戰香港, 何氏將率先於獅子山頂旁位置興建全球最高賭場, 賭場設計外型將仿效澳門新葡京賭場, 於基座巨蛋上興建80層高紫荊花型大廈, 寓意紫荊處處, 照耀香江
• 教育局決定中學將全面檢討母語教學的效果, 並研究全面普通話教學的可能性
• 早年大量私人發展商於臨海地段興建屏風式樓宇終見其效, 政府決定向聯合國教科文組織申請香港臨海地段屏風樓宇列為世界文化遺產, 成為”新萬里長城”, 全球最高最長的圍牆式建築以保護市區
• 政府宣佈八達通將全面取代硬幣使用, 並同時宣佈收購八達通咭公司成為政府官方機構, 成為全球首個放棄使用硬幣之地區
• 另外政府亦宣佈開闢銷售稅, 所有稅款將直接撥入公共事業基金管理局, 局方將視乎每年增長表現將當中40-60%收益平均分發至全港每戶之電費、水費、煤氣費、電話費、寬頻費及、差餉及人壽保險戶口之內
• 鑒於市民對郊野公園燒烤場地的需求不斷增加, 政府決定於全港23個郊野公園的指定燒烤場建設多層式燒烤場, 當局決定將於獅子山郊野公園作試點, 多層燒烤場每層樓底將達5米, 令空氣更流通, 底層更會設立燒烤用品專賣店, 方便燒烤人士
• (15/3)香港人口老化問題非常嚴重, 政府推出「長者安樂死」計劃及「每日之星獎勵」計劃。「長者安樂死」計劃只適用於65歲以上人士, 每名選擇此計劃的長者可獲贈額外高達100萬元之人壽保險保額予其人壽保險戶口。「每日之星獎勵」計劃則只適用於當天出世的嬰兒, 每日將會於該天出生名單中抽出一位幸運嬰兒, 將送予超級獎賞, 當中包括10萬元教育基金, 一張免費乘搭港鐵之小童八達通咭, 及父母可獲得額外每年1萬元之免稅額
• (15/3)香港貧富懸殊問題越趨嚴重, 堅尼系數突破0.7, 成為首個突破0.7的地區, 比發展中地區的平均0.5-0.6更高。商人李氏決定將免費為政府興建公營房屋及政府樓宇, 唯政府需免費提供地皮及20年之管理/經營權予其集團旗下公司; 同時其集團旗下的超市決定將向低收入人士提供”超級精明眼”優惠, 只要向收銀員講出優惠代碼:「我係窮人」, 即可獲得全單95折優惠。
• (不停更新中…)

唔好笑呀~ 我諗應該呢d都會實現, 你又有咩諗法? 留個言發表下丫~

32屆香港國際電影節
票房開售十二天,賣票超過八萬張 (票房收入約四百萬)
但政府資助額仍屬低水平, 因為:
(暫未清楚政府資助額是否比往年的七百萬低)
今年的票價提升了9% (票價由以往的$55提升至$60)
優惠亦少了25%(九折優惠由以往購滿20張門票提升至購滿25張門票)
我地0既政府幾時先可以改下呢d態度呢?
坦白說, 個人而言, 我對今年0既財政預算案非常反感!!
庫房冇錢時 - 文化活動非必須品,要減資助, 錢要用得其所!
庫房水浸時 - 與其長期資助文化活動, 倒不如派糖比市民!

延伸閱讀:
[2007/03/19] 購票悲歌-後後記
[Yahoo!新聞] 國際電影節票房大旺


劇場組合
棄四百六十萬政府恆常資助
獲資助為十藝團中最少
改以企業形式運作, 轉向商界尋贊助
但可惜此事只是一個劇(藝)團對劇場發展的小小決心
而不是由我們庫房水浸的政府出手解決
後記:
該小小決心係利用非劇場之方式帶更多觀眾進入劇場
例如利用cafe將劇場推廣發展得更完善
但點解政府資助唔可以做呢d?

延伸閱讀:
[2007/03/22] 蘇玉華: 怎樣才能提高香港的戲劇水平？
[Yahoo!新聞] 詹瑞文劇團脫離資助

我們的政府
寧用錢規模重新粉飾非常新簇的政府大樓磁磚外牆至仿磁磚的噴油
都不願花錢於更多更有效益的文化活動

寧用錢重新粉飾原很漂亮很有性格的公共小巴的士總站至很討厭的倒模式冰冷焗漆板x不鏽鋼設計
都不願花錢於策劃未來的長期而有效益的整體文化發展大鋼

寧用錢大規模派糖予沒有迫切性需支援的有錢人士
都不願花錢於需要大力支援的低收入/需緩助人士

你又有否搵到相同的古怪事件簿?
我們的政府何時才會甦醒??

今日睇到財政預算案
睇到有d野係有驚喜, 但驚喜過後, 諗深一層, 到底係好定唔好呢?
同埋失望0既地方有好多…

每戶電費補貼$1800, 共用$43億
呢項係好似好好咁, 但諗深一層
其實又咪係借d倚比一大舊錢比電力公司?
咁係唔係同電力公司續牌0既其中一個條件?

對長者提供額外支援, 約$27億
有需要的家庭和兒童提供額外支援, 約$0.85億
殘疾人士提供額外支援, 約$1.35億
綜援受助人和傷殘津貼受惠人提供額外支援, 約$12億
低收入家庭提供額外支援, 約$10億
向「需要幫助的人士」提供共約$51.2億

標準稅率降低, 少收$9.6億
擴闊稅階, 少收$10億
公司利得稅稅率降低, 少收$44億
寬免 08-09 年度的商業登記費, 少收$16億
免收酒店房租稅, 少收$4.7億
免收葡萄酒、啤酒及其他非烈酒的應課稅品稅, 少收$5.6億
向「較高收入人士」少收共約$89.9億

貧者越貧, 富者越富

響面睇, 「富者」得的優惠比「貧者」得的幫助還要少
而且重點是, 「富者」獲得優惠的人數絕對比「貧者」要幫助的人數少
點解政府唔響呢個時候做定野要幫助需「貧者」脫離苦況?
例如投放資金協助推行社會企業, 投放更多資源發展香港的文化/創意工業?
好讓到不景氣時, 社會仍有資源及循環不息的自力更新?
而係響度做d「斬腳趾, 避沙蟲」式的為派糖而派糖的行為?
真係要取悅0個班有錢人?
我們政府真可悲!!

詳細的2008-09年度財政預算案重點