blogger luvul

今日落足成日雨
兩點幾三點出左去, 買野買到五點幾六點
返到屋企….
我房幅牆喪入水, 起左好多個水泡…
諗住吸返D水. 一整就灰連油甩哂出黎
一撻撻咁, 好核突..
之後睇下其他地方有冇事
就發現個應有幅牆有D位嚴重發霉….
再睇返自已房, 好彩上次發霉0個幅牆上次上油時好DETAIL咁上左幾層
只係成幅牆面濕左, 一抹就OK
不過到依家另一幅牆都唔知點算…..唉…..
 

一個又一個陪著我成長的人物一一離去
雖然我不是他們的追隨者
不過一直成長時總聽到這些熟悉的名字
近年一個又一個的人物離去當然是萬般可惜
但更可惜的是, 好像沒新人可跟他們比美
你可說出哪位新人可比美羅文?
張國榮? 梅艷芳? 沈殿霞? 曾灶財?
以及今天離去的伍晃榮?
真的很可惜
別了, 成長的記憶

天星碼頭沒了舊鐘樓
大會堂沒了皇后碼頭
利東街沒了歡悅囍帖
警察沒了青綠色制服
屋邨街道沒了大牌檔
別了, 成長的記憶

一模一樣的政府公屋
一模一樣的學校建設
一模一樣的街道設計
一模一樣的商場建成
一模一樣的高樓大廈
別了, 成長的記憶

二零零零年四月
中大學生報第115期
做了一個”十年回顧”, 標題是
「九十年代, 香港(人)失去了甚麼?」
內容講了很多對九十年代所失去的都很感慨
我想, 到了二零一零年
若有人仍會做一個”十年回顧”, 標題應該是
「千禧年代, 香港(人)還有甚麼可以失去?」

陪著成長的人物, 地方, 事物一一離去
換來「倒模式」的人物, 地方, 事物
這個沒有根的複製城市
還可生存多久?

因為之前寫落左好弓多關於香港政府0既野
其實都皆因我鍾意香港先唔想睇到會有咁0既收場
由依家起都會加入”我愛香港”為題
希望多d人反思一下究竟事實0既對與錯

財政預算案唔係過左好耐
好多0既side effect已經走緊出黎
我諗你會好明顯睇到
賣酒0既地方全部都減價
而偏偏呢個時候, 所有基本必需品都加緊價
豬牛雞價錢不在話下, 柴米油鹽就只係油同鹽未加
今次米都瘋狂加價
或者你會講, 咁0岩0者, 咁唔關香港事
但係睇深一層, 究竟政府對呢本基本必需品有冇定過咩政策?
點解又會對酒類呢d”奢侈品”減低咁多管制?
到底減酒稅有幾多人受惠?
依家0既瘋狂加價潮又有幾多人受害?
政府就只係識得用有錢人0既錢黎養有錢人
咁窮人呢? 政府有冇機制去迫切了解民間疾苦呢?
有冇人去超市睇過米架? 我早兩日去過
可以容納幾百包米0既米架就得返幾包
茶餐廳上兩個月前先加完價, 佢地都唔敢再加
唯有將價就貨, 碟飯都細左好多啦
究竟有幾多政府官員知道呢d情況?
又有冇人知道, 到依家都唔係人人有糧加?
我愛香港, 希望政府官員都可以快d睇下呢d問題

天文台台長說, 最快12年後香港將會沒有冬天
小學時讀書的金句「香港: 四季分明, 港闊水深」將正式終結

近日同一位8年冇返黎香港0既香港人會面, 發現香港變左好多
佢發現:
天星碼頭同皇后碼頭唔見左;
旺角多左個朗豪坊, 銀行中心變左商場;
周圍多左好多商場, 好多龐然巨物;
同時即將成為新一代龐然巨物的地盤…

忽發奇想, 到底12年後0既香港會變成點樣?
記得上年7月1日有位資深廣告人兼藝術家又一山人出版左”明天日報”
模擬40年後的香港(即回歸五十年, “五十年不變”結束的日子)的當天報紙
其實實在太遠了, 原來12年都已經難以想像…

但我個人而言有d猜測, 唔知會唔會係真呢?

2020年(12年後)的香港:

• 冬季雖然沒有了, 但羽絨、暖蛋仍然暢銷, 經常斷市
• 鐵皮屋食肆絕跡香港, 而露天式食肆因遭消防條例嚴格監管(所有露天座位必須安裝消防花灑設備)下逐步消失
• 市區核心地段的樓宇將不會有一幢少於十層樓高
• 所有於維港兩岸之新建臨海大廈必須加入”幻彩詠香江“激光表演, 以保持連續十五年成為全球最大型戶外激光表演
• 西九仍未建成, 各項大型文化活動仍聚焦於尖沙咀文化中心, 同時康文署決定斥資於文化中心現有建築上加建全新可容納5,000人之大型歌劇院以應付需求
• 同時康文署將斥資研究於紅磡體育館上蓋加建可容納5萬名觀眾綜合場館的可能性, 據悉署方將應大部分市民要求, 加建場館的外型將沿用現時紅館倒金字塔式設計向上及向外擴展
• 政府決定因興建港鐵東鐵線過海段而填海, 將尖東海傍近紅磡灣部分填平, 並興建地標式120層高商業大廈, 命名為IBC [Int'l Business Centre], 東鐵紅磡站大堂將遷移200米至該大廈基座, 同時大廈將與現有維港門廊(IFC [Int'l Finance Centre]及ICC [Int'l Commerce Centre])組成維港鐵三角 [Victoriangle]
• 政府決定開發賭牌, 何氏家族及多個美國拉斯維加斯賭業集團決定轉戰香港, 何氏將率先於獅子山頂旁位置興建全球最高賭場, 賭場設計外型將仿效澳門新葡京賭場, 於基座巨蛋上興建80層高紫荊花型大廈, 寓意紫荊處處, 照耀香江
• 教育局決定中學將全面檢討母語教學的效果, 並研究全面普通話教學的可能性
• 早年大量私人發展商於臨海地段興建屏風式樓宇終見其效, 政府決定向聯合國教科文組織申請香港臨海地段屏風樓宇列為世界文化遺產, 成為”新萬里長城”, 全球最高最長的圍牆式建築以保護市區
• 政府宣佈八達通將全面取代硬幣使用, 並同時宣佈收購八達通咭公司成為政府官方機構, 成為全球首個放棄使用硬幣之地區
• 另外政府亦宣佈開闢銷售稅, 所有稅款將直接撥入公共事業基金管理局, 局方將視乎每年增長表現將當中40-60%收益平均分發至全港每戶之電費、水費、煤氣費、電話費、寬頻費及、差餉及人壽保險戶口之內
• 鑒於市民對郊野公園燒烤場地的需求不斷增加, 政府決定於全港23個郊野公園的指定燒烤場建設多層式燒烤場, 當局決定將於獅子山郊野公園作試點, 多層燒烤場每層樓底將達5米, 令空氣更流通, 底層更會設立燒烤用品專賣店, 方便燒烤人士
• (15/3)香港人口老化問題非常嚴重, 政府推出「長者安樂死」計劃及「每日之星獎勵」計劃。「長者安樂死」計劃只適用於65歲以上人士, 每名選擇此計劃的長者可獲贈額外高達100萬元之人壽保險保額予其人壽保險戶口。「每日之星獎勵」計劃則只適用於當天出世的嬰兒, 每日將會於該天出生名單中抽出一位幸運嬰兒, 將送予超級獎賞, 當中包括10萬元教育基金, 一張免費乘搭港鐵之小童八達通咭, 及父母可獲得額外每年1萬元之免稅額
• (15/3)香港貧富懸殊問題越趨嚴重, 堅尼系數突破0.7, 成為首個突破0.7的地區, 比發展中地區的平均0.5-0.6更高。商人李氏決定將免費為政府興建公營房屋及政府樓宇, 唯政府需免費提供地皮及20年之管理/經營權予其集團旗下公司; 同時其集團旗下的超市決定將向低收入人士提供”超級精明眼”優惠, 只要向收銀員講出優惠代碼:「我係窮人」, 即可獲得全單95折優惠。
• (不停更新中…)

唔好笑呀~ 我諗應該呢d都會實現, 你又有咩諗法? 留個言發表下丫~

今年係咁多年以來最冷清0既年初一, 真係好唔習慣
成日就只有tvb賀年節目、Channel [V] 黑澀會棒棒堂同埋花師奶陪我度過大年初一…

事因一
亞爸亞媽去左旅行, 去足四日
攪到新年期間所有拜年活動要全部取消咁滯…

事因二
新年假期前有同事詛咒我放假會病
點知假期未開始就已經病緊
淨係呢兩日都已經痾左六次有多
每日都只係食一餐
頭先又係自己衰, 走去飲左罐可樂
點知…. 個肚痛到亞媽都唔認得…
依家終於冇野咁滯喇, 係仲有少少腸痛
應該都冇乜野喇…

不過聽日0既拜年活動會如常
響呢度希望各位今年身體健康, 心想事成!

點解我地香港, 每日總係可以有咁低能0既新聞?

劉皇發提出天水圍改名
行政長官曾蔭權表示，天水圍是否改名，尊重民意。
在立法會答問大會上，鄉議局議員劉皇發問及，居民認為天水圍的名字不吉利，被水圍困，政府會否考慮改名，並舉行改名比賽。
曾蔭權表示，天水圍的名字是由原居民所改的，而劉皇發作為原居民代表，亦提出改名，他們會尊重居民的意願。

乜改個名就可以解決一切架咩?
一連串設計、政策、管理失誤, 就係歸咎於個名?!
“欣澳 (Sunny Bay)” 真係比 “陰澳 (Yam O)” 更多陽光? 更欣欣向榮?
“大美督” 真係比 “大尾督” 美麗?
請問政府幾時有人尊重過0個度d人0既意願去改名?
咁如果真係有用
“天水圍” 早應改名為 “天錢圍”,
咁住得0個度個個比錢圍, 幾十萬個千萬富翁, 全港其他區0既人就等佢地接濟

ps.
早兩日收到個有關政府主要官員評分0既問卷調查
唔好意思, 大部分官員都係最低評分囉…..
特別係 曾蔭權 與 曾德成, 到底你地做緊乜野???

今日響某A字頭法國品牌0既朱古力店買左d野食送比人, 呀…
之後放工去尖沙咀某E字頭日本品牌0既專門店左買條牛記, 點知仲係特別版, 呀呀…
然後去左某L字頭法國品牌試鞋, 但唔0岩
最後去左某A字頭法國品牌0既專門店買左對鞋同個coinbag, 呀呀呀…
兩隻手都拎住一袋大兩袋細, 好似好d豉油人咁….
返到黎屋企,
shit! 個鼻都出緊血!!!!!!!
真係出得太多血喇今日…

又係時候review一下今年喇
雖然都係0個句, 轉眼就完左2007年, 講左好耐0既2008年奧運就係今年
不過唯一感覺唔同0既係, 今年年初發生0既事好似已經好耐之前發生咁
我好記得今年1月1號所發生0既事, 我相信係我咁大個仔入面最印象深刻0既0個幾日

今年係:
幸運的 - 正式認識了幾個人
充實的 - 睇左好多theatre同film
複雜的 - 要make太多decision了…
失望的 - 一件事足以令我失望左成年
古怪的 - 點解我會上左報紙?!
開心的 - 呢一年過得幾好!
HALL OF FAME:
劇場/舞台表演 Theatre/ Stage Performance
Slava’s SNOWSHOW - 將舞台表演的可能性極級擴大!
異型金剛 (Homo Superus) - 估唔到Local Production可以做到咁好!
爆谷殺人狂 (Popcorn) - 演員同劇本都好正!

音樂 Music
MIKA “Live in Cartoon Motion” - 聽極都唔厭!

電影 Film
但願人長久 Tangshan Tangshan - 一生的故事
The Pursuit of Happyness (尋找快樂的故事) - 係Happyness, 唔係 Happiness
The Prestige (死亡魔法) - 近年難得估唔到個結局0既戲
Blood Diamond (血鑽) - Leonardo 0既戲都係唔差0既~
Cashback (愛情回水) - Short 同 Feature同幾好喎~
Little Miss Sunshine (陽光小小姐) - 今年先睇, 唔使講, 故事夠正!

HALL OF SHAME:
劇場/舞台表演 Theatre/ Stage Performance:
小男人週記 Kiss Me Goodbye 舞台劇 - Production真係做得好差…

電影 Film
戲王之王 Simply Actor - 對呢套戲係100%失望

響病左一星期之後
今日終於叫做安心d
因為已經停左藥
而食完野之後都冇痛
今次病得好複雜
成個禮拜冇返工
野又做唔到
又食唔到
又唔係好訓到
淨係攤響度睇到下電視..

後記:
真係唔講得架
一講頭先就痛喇!

Shit!
點解又係咁中招?
點解咁邪?!
又作病喇…..
放假先黎病…..