blogger luvul

今日發生左D事
一D我有少少估唔到0既事
(但其實又唔係估唔到)
事發經過時我心諗起一套早排睇過0既劇
叫做”藝術”
入面講三個男人的經歷
我突然發現我原來就係活響呢個角色入面…. 

一個又一個陪著我成長的人物一一離去
雖然我不是他們的追隨者
不過一直成長時總聽到這些熟悉的名字
近年一個又一個的人物離去當然是萬般可惜
但更可惜的是, 好像沒新人可跟他們比美
你可說出哪位新人可比美羅文?
張國榮? 梅艷芳? 沈殿霞? 曾灶財?
以及今天離去的伍晃榮?
真的很可惜
別了, 成長的記憶

天星碼頭沒了舊鐘樓
大會堂沒了皇后碼頭
利東街沒了歡悅囍帖
警察沒了青綠色制服
屋邨街道沒了大牌檔
別了, 成長的記憶

一模一樣的政府公屋
一模一樣的學校建設
一模一樣的街道設計
一模一樣的商場建成
一模一樣的高樓大廈
別了, 成長的記憶

二零零零年四月
中大學生報第115期
做了一個”十年回顧”, 標題是
「九十年代, 香港(人)失去了甚麼?」
內容講了很多對九十年代所失去的都很感慨
我想, 到了二零一零年
若有人仍會做一個”十年回顧”, 標題應該是
「千禧年代, 香港(人)還有甚麼可以失去?」

陪著成長的人物, 地方, 事物一一離去
換來「倒模式」的人物, 地方, 事物
這個沒有根的複製城市
還可生存多久?

早幾日再同相識多年0既朋友出黎聚多次舊
皆因佢返黎香港0既一個月時間就0岩0岩夠哂
今次就約多左一個相識更耐0既一齊出黎
感覺大家都真係大個左
睇事方式都唔同左好多
大家都有自己0既工作, 自己0既方向
一食又食左成4個幾鐘0既飯呢~
不過最可惜我地約漏左一個人
因為我地四個係由同一間小學升上同一間中學0既
下次有機會一定要4個一齊出黎
一齊返一返小學同中學先得!

真係估唔到! 尋日響旺角周圍行
行行下發現原核響旺角有一間賭場!
佢地有百家樂、老虎機、廿一點、骰寶、計魚蝦蟹都有!
真係估佢唔到!!!
不過佢地唔係正式一間賭場
因為係用代幣玩, 有d冒險樂園咁, 不過全部都係賭場0既遊戲!
直頭好似澳門摩卡電子娛樂場咁!
原本都有d想玩下, 不過時間所限, 就冇玩到lu~
下次真係要試下~~

其實一直響香港中式快餐都係由主要三間餐分哂
分別係大家樂、大快活同美心快餐(現稱美心MX)
其實近呢兩三年, 呢三間餐廳都進行左整個品牌0既REFORM
都主要搵左D兩隻顏色做主題
大家樂係黑同黃、大快活係橙同白、美心MX係紅同白
大快活同美心MX都改得好好, 定位好好
(其實都係由陳幼堅 Alan Chan主理個商標reform)
反而佔最大塊餅0既大家樂就定得越黎越唔知點
不過今次我唔係想講佢地0既商標reform, 而係想講佢地點樣執行整個service的reform
大家樂(就我樓下0個間而言), 服務一直都跟以前一樣, 冇任何改變
佢地真係覺得佢地一定會係大贏家咁, 唔需要做任何野咁
仲係停留響搵80年代搵”巨星”作為代言人咁
(* 註: 當年大家樂的確請左好多巨星拍電視廣告, 例如張國榮、張艾嘉、顧嘉輝…)
大快都做左好多功夫, 令生意額上升左好多
亦同時令美心決心做reform, 之前就將舖頭分成美心快餐同美心MX兩條line
之後發現美心MX做得遠比美心快餐成功, 所以做將所有美心快餐變成美心MX
而且尋日響美心MX見到發生左一D小事
D員工0既服務態度同處理有法做得好好
而且多左類似Customer Service的崗位, 令到職員同顧客之間0既感覺close左好多
佢地服務又好殷切, 真係幾surprise!
一直食開佢地外賣0既我真係唔知原來佢地咁好service!
相信美心MX係響近幾年做reform做得最全面、最成功0既一個!

天文台台長說, 最快12年後香港將會沒有冬天
小學時讀書的金句「香港: 四季分明, 港闊水深」將正式終結

近日同一位8年冇返黎香港0既香港人會面, 發現香港變左好多
佢發現:
天星碼頭同皇后碼頭唔見左;
旺角多左個朗豪坊, 銀行中心變左商場;
周圍多左好多商場, 好多龐然巨物;
同時即將成為新一代龐然巨物的地盤…

忽發奇想, 到底12年後0既香港會變成點樣?
記得上年7月1日有位資深廣告人兼藝術家又一山人出版左”明天日報”
模擬40年後的香港(即回歸五十年, “五十年不變”結束的日子)的當天報紙
其實實在太遠了, 原來12年都已經難以想像…

但我個人而言有d猜測, 唔知會唔會係真呢?

2020年(12年後)的香港:

• 冬季雖然沒有了, 但羽絨、暖蛋仍然暢銷, 經常斷市
• 鐵皮屋食肆絕跡香港, 而露天式食肆因遭消防條例嚴格監管(所有露天座位必須安裝消防花灑設備)下逐步消失
• 市區核心地段的樓宇將不會有一幢少於十層樓高
• 所有於維港兩岸之新建臨海大廈必須加入”幻彩詠香江“激光表演, 以保持連續十五年成為全球最大型戶外激光表演
• 西九仍未建成, 各項大型文化活動仍聚焦於尖沙咀文化中心, 同時康文署決定斥資於文化中心現有建築上加建全新可容納5,000人之大型歌劇院以應付需求
• 同時康文署將斥資研究於紅磡體育館上蓋加建可容納5萬名觀眾綜合場館的可能性, 據悉署方將應大部分市民要求, 加建場館的外型將沿用現時紅館倒金字塔式設計向上及向外擴展
• 政府決定因興建港鐵東鐵線過海段而填海, 將尖東海傍近紅磡灣部分填平, 並興建地標式120層高商業大廈, 命名為IBC [Int'l Business Centre], 東鐵紅磡站大堂將遷移200米至該大廈基座, 同時大廈將與現有維港門廊(IFC [Int'l Finance Centre]及ICC [Int'l Commerce Centre])組成維港鐵三角 [Victoriangle]
• 政府決定開發賭牌, 何氏家族及多個美國拉斯維加斯賭業集團決定轉戰香港, 何氏將率先於獅子山頂旁位置興建全球最高賭場, 賭場設計外型將仿效澳門新葡京賭場, 於基座巨蛋上興建80層高紫荊花型大廈, 寓意紫荊處處, 照耀香江
• 教育局決定中學將全面檢討母語教學的效果, 並研究全面普通話教學的可能性
• 早年大量私人發展商於臨海地段興建屏風式樓宇終見其效, 政府決定向聯合國教科文組織申請香港臨海地段屏風樓宇列為世界文化遺產, 成為”新萬里長城”, 全球最高最長的圍牆式建築以保護市區
• 政府宣佈八達通將全面取代硬幣使用, 並同時宣佈收購八達通咭公司成為政府官方機構, 成為全球首個放棄使用硬幣之地區
• 另外政府亦宣佈開闢銷售稅, 所有稅款將直接撥入公共事業基金管理局, 局方將視乎每年增長表現將當中40-60%收益平均分發至全港每戶之電費、水費、煤氣費、電話費、寬頻費及、差餉及人壽保險戶口之內
• 鑒於市民對郊野公園燒烤場地的需求不斷增加, 政府決定於全港23個郊野公園的指定燒烤場建設多層式燒烤場, 當局決定將於獅子山郊野公園作試點, 多層燒烤場每層樓底將達5米, 令空氣更流通, 底層更會設立燒烤用品專賣店, 方便燒烤人士
• (15/3)香港人口老化問題非常嚴重, 政府推出「長者安樂死」計劃及「每日之星獎勵」計劃。「長者安樂死」計劃只適用於65歲以上人士, 每名選擇此計劃的長者可獲贈額外高達100萬元之人壽保險保額予其人壽保險戶口。「每日之星獎勵」計劃則只適用於當天出世的嬰兒, 每日將會於該天出生名單中抽出一位幸運嬰兒, 將送予超級獎賞, 當中包括10萬元教育基金, 一張免費乘搭港鐵之小童八達通咭, 及父母可獲得額外每年1萬元之免稅額
• (15/3)香港貧富懸殊問題越趨嚴重, 堅尼系數突破0.7, 成為首個突破0.7的地區, 比發展中地區的平均0.5-0.6更高。商人李氏決定將免費為政府興建公營房屋及政府樓宇, 唯政府需免費提供地皮及20年之管理/經營權予其集團旗下公司; 同時其集團旗下的超市決定將向低收入人士提供”超級精明眼”優惠, 只要向收銀員講出優惠代碼:「我係窮人」, 即可獲得全單95折優惠。
• (不停更新中…)

唔好笑呀~ 我諗應該呢d都會實現, 你又有咩諗法? 留個言發表下丫~

又係時候review一下今年喇
雖然都係0個句, 轉眼就完左2007年, 講左好耐0既2008年奧運就係今年
不過唯一感覺唔同0既係, 今年年初發生0既事好似已經好耐之前發生咁
我好記得今年1月1號所發生0既事, 我相信係我咁大個仔入面最印象深刻0既0個幾日

今年係:
幸運的 - 正式認識了幾個人
充實的 - 睇左好多theatre同film
複雜的 - 要make太多decision了…
失望的 - 一件事足以令我失望左成年
古怪的 - 點解我會上左報紙?!
開心的 - 呢一年過得幾好!
HALL OF FAME:
劇場/舞台表演 Theatre/ Stage Performance
Slava’s SNOWSHOW - 將舞台表演的可能性極級擴大!
異型金剛 (Homo Superus) - 估唔到Local Production可以做到咁好!
爆谷殺人狂 (Popcorn) - 演員同劇本都好正!

音樂 Music
MIKA “Live in Cartoon Motion” - 聽極都唔厭!

電影 Film
但願人長久 Tangshan Tangshan - 一生的故事
The Pursuit of Happyness (尋找快樂的故事) - 係Happyness, 唔係 Happiness
The Prestige (死亡魔法) - 近年難得估唔到個結局0既戲
Blood Diamond (血鑽) - Leonardo 0既戲都係唔差0既~
Cashback (愛情回水) - Short 同 Feature同幾好喎~
Little Miss Sunshine (陽光小小姐) - 今年先睇, 唔使講, 故事夠正!

HALL OF SHAME:
劇場/舞台表演 Theatre/ Stage Performance:
小男人週記 Kiss Me Goodbye 舞台劇 - Production真係做得好差…

電影 Film
戲王之王 Simply Actor - 對呢套戲係100%失望

我承認我係一個愛回憶的人
回憶是很重要的
因為你可以從回憶舊事找到自己成長的足跡
從而令自己再要小心的向前踏每一步
今天就是第三年
不知不覺三年
第一日恍惚已經好遠
下一個三年後的自己又會變成點呢?

同事拍檔終於結婚喇~
成年前開始幫佢手搵酒樓
到之前幫佢做張invitation card
到尋晚做”半兄弟”(哈哈, 好古怪)
終於告一段落
不過尋晚真係幾攰~
好彩都冇人同佢隊酒0者~
唔係佢冧左都唔知點算~~
尋晚所有賓客走哂之後
睇到新郎新娘超攰個樣
真係辛苦哂~
唔講喇~ 等相睇~~

0岩0岩想搵返個friend
就開一下十年冇開過0既icq
界面變得好陌生
而以前呢d繁忙時間有成幾十人online
到依家得返一兩個人響度
真係有d悕虛
不過最好笑係睇返某d人0既info
就會覺得超好笑~~~
有d連係咩人都唔記得, 又冇history…
不過當時真係估唔到msn會有一日取代到icq
可能icq越出越衰啦…