blogger luvul

經過三星期0既嘗試
尋日終於去到濕地公園喇
一直都聽過話幾靚, 所以都好想去睇下
去到行戶外地方時D人真係好冇MANNER
細路冇都算正常丫, 但係大人更加冇, 真係悲哀
周圍插哂牌叫人唔好喧嘩
但係呢, D大人就不停大聲叫D細路,
又或者以超嘈0既方式行路 (都唔明點解可以咁行)
去到有D空地有堆細路響度又叫又跳
D大人唔去CONTROL佢地不特止
自己仲成團人圍埋野餐! (場地寫明不准野餐)
有時作為香港人0既一分子真係好SHAME ON佢地囉!

一早就去左台北當代藝術館(MOCA)度參觀
0岩0岩佢地呢期0既EXHIBITION係”超介面”
全部都係MULTIMEDIA同INTERACTIVE 0既 
當中有幾個展品真係幾正
特別係最大0個個展品
真係好IMPRESSIVE!
下一站就去左台灣故事館
個館原來好細, 而且所做緊0既展覽冇咩特別
好多野我都已經睇過
唔係逗留左好耐之後就轉移過去台北市立美術館
一入大堂就覺得好勁
佈置切合哂個主題
呢D EXHIBITION基本上唔會響香港出現
因為門口大堂一地紙屑0既情景唔可能響香港出現
當中有D展品真係做得幾好
當中有個當代水墨展有幅畫係全部都係以字當畫
遠睇真係似係水墨畫, 但係近睇就係好多唔同粗幼大細0既毛筆字
另外就係見到前排一個好熱0既機械人 - 機器乞丐 ROBOT BEGGAR
而且仲有一條有關佢去街頭行乞0既片段
超攪笑! D差人趕走左D真人乞丐, 但冇趕走檮器乞丐! 仲響度睇左一輪!
完左之後就四圍遊走, 四圍買野~

之後一定要去0既就一定係士林啦
去到士林就去食野
返左去上次食鐵板燒0個間舖度食野
但係0個個超好食鱈魚就唔同左
不過算啦, 奶油香菇同鱈魚係同價, $2X咋!
都唔好要求咁多!
食完就去左士林附近周圍行
一路行一路買, 又買左一堆野….
之後返到去酒店冇耐
覺得有D肚餓, 就落左去7-11度買野食
佢地個熱狗好好食呀
仲係全程自己叮熱個包, 去香腸爐夾腸, 再揀SAUCE
佢地仲有HONEY MUSTARD! I’M LOVING IT!

搭左一輪火車之後
就先去酒店放低行李, 整理一下先
點知間酒店離捷運好好好遠
之前旅行社條友仲話好近!
比佢厄左!
攪完一輪就去左西門
諗住周圍行下HEA下先
點知呢, 去左玫瑰唱片一行就行左個幾兩個鐘
買左一堆碟!
咩地方都冇行就響阿宗麵線食左碗大腸麵線就走人
去下一站 !

一早響附近遊走左一陣
感覺好舒服!
響早餐店(真係只做早餐!)食左個好好味0既蛋卷
仲有大大碗0既豆漿(真係好豆!)
真係平靚正!
之後返去民宿度
老闆真係好好人
一早特登煮咖啡請我地飲
仲同我地傾左陣計
台灣人諗0既0野都係請大陸有乜唔好
香港又點點點
不過都唔緊要啦, 最緊要每個人都有只自己睇法
唔好冇主見就得啦~
之後老闆個媽媽出左黎
嘩! 佢原來已經101歲!
係我見過年紀最大0既人!
而且佢仲好壯健! 
因為MISS左班火車, 又唔想等個幾鐘
所以就搭的士
老闆仲幫我地搵車! 佢同佢老婆真係好好人 
去到十分, 一心想去煤礦博物館
點知行極都行唔到去
又因為我地拖住行李, 行行下又冇左D指示牌….
咁唯有先搵間舖頭暫放D行李
再周圍行下, 去左靜安吊橋
之後響樓仔厝食左個LUNCH, 就繼續行程!

一口氣不停搭車轉車
10程車一共9個鐘
終於去到目的地
好彩好幾次轉車都啱啱搭到班車
唔係嘅話就更加耐
雖然因為天黑得早
有啲失咗預算
仲拖住D行李去到鄉郊地方
真係有D辛苦
不過都算值得呀
夜晚響一家民宿住一晚
個老闆真係好好人
又幫我地解決好多問題
又教我地去邊去邊
之後響一間小菜館
雖然唔係特別好食
但係就好有農村風味
埋單都只係$6X!
食完走左去散步
行行下發現信錯左地圖0既比例
好似響條公路上面行緊唔知幾時行完!
唯有行返返轉頭~
返去就整天燈
一寫好之後就放
終於都玩咗一直都想放嘅天燈
仲玩咗仙女棒同金光棒
即係響滴滴金同特大版滴滴金

重遊之前讀書及工作過的地方
原來可以變得好陌生
景物不依舊, 人面亦全非 
本核希望今日有時間同一位我好尊敬0既人食餐飯
可惜佢又唔響度, 出左街
佢真係教左我好多野
希望下個禮拜有機會啦~

記憶中對第一次食鐵板燒係響台灣士林夜市
好記得0個次點左鐵板燒菜, 什菇, 雞扒, 銀鱈魚…
舖頭細細卻坐左好多人
三個師傅用佢地純熟0既技巧不停咁煮唔同0既野
煮0既同時不忙表演下拎個”鏟”0既方式
(當然食鐵板燒係一個表演性0既菜式) 
今日響尖沙咀新港中心地庫新開0個間鐵板燒度食晏
今次刻意點左銀鱈魚套餐
當然, 銀鱈魚係少有0既魚點整都可以好好食
唔係話佢個師傅煮得唔好食, 而係… 
個氣氛唔同左, 而且, 你睇唔到個師傅有幾自信
又或者幾PASSIONATE響呢個工作入面
變左…..仍然未搵到一間可以拍得住士林0既鐵板燒~
下次去台灣一定要去食多次!!

之前曾坐車經過行車的橋面
但原來步行時會另一番風景!
呢條路呢個景真係好正呀~~~

近期又咁0岩二度遊中環
好難得咁同兩個好朋友一齊出黎食飯飲野
真係開心
尋晚去食野0個間拉麵餐廳個WAITER幾攪笑
好少好少一個WAITER同你搭訕之後仲講咁多自己0既野
而且佢地D野幾好食呀~ 下次可以又去幫趁下呢~
間野叫”八千代”, 響中環歌賦街0個頭~ (Homeless下面)
之後去左71 bar飲野, 0個度真係好多 “文化”人呢~
走0既時候出面d人直頭好似開緊大會咁!!
好犀利~