Sep 06 2008
記憶中對第一次食鐵板燒係響台灣士林夜市
好記得0個次點左鐵板燒菜, 什菇, 雞扒, 銀鱈魚…
舖頭細細卻坐左好多人
三個師傅用佢地純熟0既技巧不停咁煮唔同0既野
煮0既同時不忙表演下拎個”鏟”0既方式
(當然食鐵板燒係一個表演性0既菜式)
今日響尖沙咀新港中心地庫新開0個間鐵板燒度食晏
今次刻意點左銀鱈魚套餐
當然, 銀鱈魚係少有0既魚點整都可以好好食
唔係話佢個師傅煮得唔好食, 而係…
個氣氛唔同左, 而且, 你睇唔到個師傅有幾自信
又或者幾PASSIONATE響呢個工作入面
變左…..仍然未搵到一間可以拍得住士林0既鐵板燒~
下次去台灣一定要去食多次!!
May 15 2008
跟位朋友每年最少會有三次聚餐的機會:
1. 佢生日;
2. 我生日;
3. 聖誕節.
邢0岩0岩就響今日黎左次額外0既聚餐
感覺係好舒服
聽完佢”呻”, 又到我”呻”
“呻”完之後大家都好好多呢~
飲左杯勁大杯0既酒之後個人有d浮
係時候早d抖~
Mar 13 2008
今晚過得好開心!!!!
重遇一位八年冇見0既好朋友
響Our Wonderland由七點半傾計傾到十一點幾!!!
yeah yeah yeah~~~!! 超正!
Mar 03 2008
呢個weekend又去左澳門食同玩~
由於會stay 0既關係, 今次就可以比新年0個次做多好多野~
首先, 行程就有”賭場” 同 “遊食” 兩個theme
上次去威尼斯人以為已經係最浮誇0既一個賭場
點知去埋其他新賭場(其實明明就賭場, 就係唔知點解叫娛樂場!)先發現:
間間都係咁浮誇! 而且個感覺都好唔同!
“賭場”
The Venetian 威尼斯人娛樂場:
地方大! 賭枱多! 而且有好多特色野!
Ponte 16 十六浦娛樂場:
最新賭場, 而且係最唔何生!
門口個波型吊燈好正! 外部設計夠哂古色古香!
內部一入去就有個舞台, 有人唱下歌, 跳下舞, 感覺真係幾Las Vegas!
君怡娛樂場:
只不過響酒店附近, 去左睇下d又細又舊0既場~
Mocha 摩卡電子娛樂場:
周圍都有, 勝在夠方便~
Wynn 永利娛樂場:
感覺好warm, d枱擺位感覺舒服d~
免費0既mineral water樽幾靚!
而且睇”吉祥樹”個show真係睇到有d目瞪口呆! 超級浮誇!
MGM Grand 美高梅金殿娛樂場:
外面隻巨型金獅幾型~!! 入面0個扮室外景幾靚!
而且service最好 (不停有人主動咁provide drinks! 唔似威尼斯人問完仲要等九年!)
仲要有好多drinks揀! 奶茶、咖啡、茶、支裝水、可樂不在話下
仲有阿華田、好立克、熱鮮奶、檸樂、菠蘿汁、蕃茄汁、雪碧….
玩0既款式又多~ 真係幾好~
皇虎電子娛樂中心:
純粹攝時間! 同摩卡冇乜分別~
“遊食”
達榮翅仔湯麵:
最出名就係魚翅湯麵/飯同埋魚翅球
不過我就覺得佢似鯊魚骨多d~~
似乎以呢個價錢($35一細碗)好似唔係好值~
大利來記豬扒包:
本身冇編入行程入面, 但又咁0岩路過
仲第一次見到響三點鐘係冇人排隊0既情況!
原因就係佢居然冇開到? 唔通執左??
法蘭度餐廳:
唔使講一定要去食啦~
今次仲可以食返燒乳豬~ 正呀~
最爆笑係叫左碟 “白灼菜心”! 哈哈!
新苗超級市場:
唔知點解一去到第二度就好鍾意行下人地d超市
澳門超市最特別係同一類貨(甚至同一樣)都可以同時有幾個地方版本
例如寶礦力就可以有香港、大陸同台灣版,
3個版本價錢都唔同, 都幾難諗買邊隻…
彪記粥麵:
佢個粥我冇食到, 但係個油炸鬼就唔係好得
野食都算貴 (4粒燒賣+一舊蒸蘿蔔糕 = $18)
而且0個度d侍應真係呢….
360餐廳:
上左去旅遊塔度食tea buffet
坐坐下先發現佢係轉緊!
唔怪得知明明個朱古力噴泉明明開頭響左面, 食食下去左我前面!
而最surprise係我地食tea途中有兩個人玩bungy jump!
仲0岩0岩響正我地轉到個玻璃位時跳!
全部食客一齊嗌出黎仲驚過佢!
添發碗仔翅:
上次去因為有人唔想排所以食唔到
今次諗住係must-eat架啦…點知….
因為食完個tea好飽, 食唔落…..
真係唔抵…..
今次呢個trip完左之後, 我對賭場某d game認識深左
(例如百家樂終於略懂一二)
同埋我發現我係個個賭場都放低左d錢!
算啦, 當響0個個賭場買支水飲啦
(我個個賭場都拎左支水飲, 係我好少有地飲咁多水!)
哈哈!
Jan 06 2008
今晚去左舊同學0既wedding banquet
第一次去JW Marriott食飯
佢地成個大ballroom連前廳同細房都全部book哂
四周都放左好多佢地0既結婚相~ 好正~
呢個亦係我咁耐以黎最formal 0既一個wedding banquet
有齊live music (Violin, Viola, Cello同Piano), 有cocktail~
姊妹全部訂製同一系列0既衫同披~ 連影相都有3個人!
最佩服係今朝佢地註冊時0既片後已經剪好同配埋music
仲要唔算好求其0個隻! 犀利!
幾鍾意佢d setting同埋佢張table cloth!
祝Winnie & Stephen新婚快樂!
Jan 01 2008
又係時候review一下今年喇
雖然都係0個句, 轉眼就完左2007年, 講左好耐0既2008年奧運就係今年
不過唯一感覺唔同0既係, 今年年初發生0既事好似已經好耐之前發生咁
我好記得今年1月1號所發生0既事, 我相信係我咁大個仔入面最印象深刻0既0個幾日
今年係:
幸運的 - 正式認識了幾個人
充實的 - 睇左好多theatre同film
複雜的 - 要make太多decision了…
失望的 - 一件事足以令我失望左成年
古怪的 - 點解我會上左報紙?!
開心的 - 呢一年過得幾好!
HALL OF FAME:
劇場/舞台表演 Theatre/ Stage Performance
Slava’s SNOWSHOW - 將舞台表演的可能性極級擴大!
異型金剛 (Homo Superus) - 估唔到Local Production可以做到咁好!
爆谷殺人狂 (Popcorn) - 演員同劇本都好正!
音樂 Music
MIKA “Live in Cartoon Motion” - 聽極都唔厭!
電影 Film
但願人長久 Tangshan Tangshan - 一生的故事
The Pursuit of Happyness (尋找快樂的故事) - 係Happyness, 唔係 Happiness
The Prestige (死亡魔法) - 近年難得估唔到個結局0既戲
Blood Diamond (血鑽) - Leonardo 0既戲都係唔差0既~
Cashback (愛情回水) - Short 同 Feature同幾好喎~
Little Miss Sunshine (陽光小小姐) - 今年先睇, 唔使講, 故事夠正!
HALL OF SHAME:
劇場/舞台表演 Theatre/ Stage Performance:
小男人週記 Kiss Me Goodbye 舞台劇 - Production真係做得好差…
電影 Film
戲王之王 Simply Actor - 對呢套戲係100%失望
Aug 20 2007
又睇到一套年頭已經開始期待今年必睇電影喇~
睇完比想像中okay bor~
因為一直都以為大部分都已經剪哂響trailer度~
頭0個段就好零碎, 碎到都唔知睇到邊~
不過之後故事性強左好多
雖然都係一貫the simpsons風格內容
但真係好正呢!
勁鍾意spiderpig! 同埋bart唱0既歌:
“Lisa has a boyfriend, who she’ll never see again!”
好彩冇同成班同事去睇中文版
唔係我真係笑唔出呢~
相關網站 imdb | Official Site
睇完之後仲咁0岩行過krispy kreme
就買左個限量版simpsons donut食~
哈哈~ 正!
(當然如果有得選擇, 我會揀mister donut 0既simpsons donut! 一定好食好多!)
Aug 13 2007
近呢期都煮左d野食
但一直就唔記得send上黎
放響度比大家睇下啦~
羅勒汁炒意炒
Spaghetti in Basil Sauce
韓國泡菜辣汁飯
Rice in Korean Style with Kimchi Sauce
避風塘XO醬瑤柱蝦乾炒蛋
Fried Eggs with Dried Scallop and Dried Shrimp in XO & Spicy Sauce
黑椒煙肉午餐肉
Luncheon Meat with Bacon
