blogger luvul

編劇: 陳煒雄
導演及舞台設計: 譚孔文
演員: 陳淑儀, 林碧芝, 葉進, 姚潤敏

今次睇同之前響劇場裡的臥虎與藏龍《手心向上,手心向下》睇
呢次響劇本上0既變化唔係好大
最主要都係演員唔同左, 同埋係一個正式0既PRODUCTION
LIGHTING同SET都落左唔少心機落去
由於響新開0既 葵青劇院黑盒劇場 度做 
有好多野宦有較大自由度, 樓底及燈糟都比一般黑盒劇場好好多
係覺得觀眾席斜度唔夠大, 有時演員一坐低左就睇唔到
整體PRODUCTION上都幾好
而演員們都唔錯, 特別係陳淑儀啦, 每次都做得好好
係唯一覺得姚潤敏做得太大力, 唔夠”師奶”
係一套幾值得睇0既一套劇!

編劇: Nicholas Wright
翻譯/監製: 張可堅
導演: 余振球
演員: 布韻婷, 盧智燊, 陳凌軒, 文傑聰, 陳沛銣

臨時有飛而睇左呢套劇
真係好impressive
幾位演員同埋個set都好勁
咁當然個故事都好好
之前冇睇過布韻婷0既演出
我個人覺得佢真係做得好好
除左完整地handle到個角色, 演得好細膩之外
佢仲好lead到成個劇0既develop
比起之前睇”Tuesdays with Morrie” 0既盧智燊表現得更好
另外曾響”異型金剛”睇過文傑聰, 可能上次佢係冇對白, 唔太起眼
今次我覺得佢都做得幾好, 反而係飾演女兒0既陳凌軒顯得好生硬
而個set係一入到場就已經好surprise
因為佢完完全全表達到Van Gogh 0既感覺, 一睇就知係Van Gogh 0既
(當然要靠響窗外0既Starry Night, 但係以Van Gogh手法上色0既牆亦係重點)
成個set好detail, 唯一係覺得個sink盆流左d, 好似手作仔咁放個紙箱響度…
個故事其實帶觀眾帶得幾好
係有少少位感覺唔舒服(好似中間突然抽走左幾秒, 又或者係一d情節咁)
而且我expect套劇內容上會豐富d, 始終下半場0既戲肉部分去得太快喇….
一套好好睇0既翻譯劇呢~

ps. 有演員講左有幾次辛苦哂我黎捧場
但講真, 一d都唔辛苦, 據聞之後呢個禮拜屯門場唔係好去到飛…
大家如果有興趣就支持下啦~
(我知個key art其實幾難令人入場睇…..)

導演: 張藝生, 梁菲倚
編劇: 陳炳釗, 龍文康
演員: 湯駿業, 陳康, 蔡運華, 梁曉端, 胡智健, 張志敏, 金大建(韓國)

本身因為我之前冇睇過相關著作
起初唔諗住睇0既
點知個friend又想睇, 咁就不如亞齊去睇下
睇完之後, 我同friend一齊傾左好耐
個結論係都覺得呢套劇係失望0既
因為整套戲0既內容太多, 太散
未能好好組合從中擦出火花
感覺幾後內容好似係幾個唔同0既劇咁
單獨睇, 有幾幕個效果的確係幾好幾impressive
但奈何與主題的幫助不大
信息太多加上未有好好連結各點係一個致命傷
而且, 部分劇情顯得好似不必要咁
不過或者對於事前未有閱讀有關背景的我更為不理解
導演所揀選的演員有好有唔好
但個問題係成個cast唔係好夾
湯駿業, 蔡運華及張志敏與陳康, 梁曉端, 胡智健及金大建好像分成兩派一樣
感覺完全不同但又好像沒有帶出火花
特別覺得梁曉端及陳康表現出色

呢個show今次係做第四次run
而我計埋今次就睇左三次
其實今次係有d期待0既就係因為:
1. 有東亞娛樂做主辦
2. 地點由壽臣轉戰APA Lyrics Theatre
3. 強調有新野加入
4. 有個”別名” - 不能拗直版
不過, 睇完之後, 對套劇0既內容上
係有少少失望, 因為其實新加入部分係唔多
好大部分時間都係演繹個方式有唔同
不過單就d新景而言, 的確好impress
個廚房景比之前0既結實同detail好多
(以前係吊落黎, 今次係推出黎)
我特別鍾意”基米高”個set, 真係好浮誇好靚
個效果做得好好~
而亞祖今次做得好好, 可能佢今次冇比把聲0既問題影響到卦?
對於一個睇過0既觀眾而言, 新鮮感真係好少
如果有機會做第五次run, 我相信如果唔大幅度去改內容
真係會好難去吸引更多已經睇過0既觀眾…..
講到最尾, 呢套劇仍然係好值得推介0既一套劇
梁祖祖, goodshow呀!

p.s. 睇到場刊入面中間頁 “W.Y.” 0既廣告
真係好想知道係”W”同邊個”Y” 黎crossover…

32屆香港國際電影節
票房開售十二天,賣票超過八萬張 (票房收入約四百萬)
但政府資助額仍屬低水平, 因為:
(暫未清楚政府資助額是否比往年的七百萬低)
今年的票價提升了9% (票價由以往的$55提升至$60)
優惠亦少了25%(九折優惠由以往購滿20張門票提升至購滿25張門票)
我地0既政府幾時先可以改下呢d態度呢?
坦白說, 個人而言, 我對今年0既財政預算案非常反感!!
庫房冇錢時 - 文化活動非必須品,要減資助, 錢要用得其所!
庫房水浸時 - 與其長期資助文化活動, 倒不如派糖比市民!

延伸閱讀:
[2007/03/19] 購票悲歌-後後記
[Yahoo!新聞] 國際電影節票房大旺


劇場組合
棄四百六十萬政府恆常資助
獲資助為十藝團中最少
改以企業形式運作, 轉向商界尋贊助
但可惜此事只是一個劇(藝)團對劇場發展的小小決心
而不是由我們庫房水浸的政府出手解決
後記:
該小小決心係利用非劇場之方式帶更多觀眾進入劇場
例如利用cafe將劇場推廣發展得更完善
但點解政府資助唔可以做呢d?

延伸閱讀:
[2007/03/22] 蘇玉華: 怎樣才能提高香港的戲劇水平？
[Yahoo!新聞] 詹瑞文劇團脫離資助

我們的政府
寧用錢規模重新粉飾非常新簇的政府大樓磁磚外牆至仿磁磚的噴油
都不願花錢於更多更有效益的文化活動

寧用錢重新粉飾原很漂亮很有性格的公共小巴的士總站至很討厭的倒模式冰冷焗漆板x不鏽鋼設計
都不願花錢於策劃未來的長期而有效益的整體文化發展大鋼

寧用錢大規模派糖予沒有迫切性需支援的有錢人士
都不願花錢於需要大力支援的低收入/需緩助人士

你又有否搵到相同的古怪事件簿?
我們的政府何時才會甦醒??

睇呢套劇係因為張leaflet吸引到我睇
而我又對個內容有d興趣
所以就走左去買飛睇
估唔到一去到場
wao! Full House!
睇完之後係覺得唔錯,
雖然演員對白講得有時唔係咁清楚
又或者有d甩咀
但我覺得唔緊要
響呢個stage佢地都算做得幾好
幾well-planned
幾鍾意入面d跳舞位(程偉彬都算跳得幾好~)
但可惜坐0既位置唔係咁好
每一次都係背住我地個位黎做…..
當中幾位演員都做得ok
其中有個飾rico(毛顯威), 我覺得佢做得幾放幾好
真係唔似係一個細團0既quality呀~
不過在場0既觀眾0既manner就唔係太好
人地欄住左0既reserve位,
入場時總共有4個人唔理就咁跨過去…
有幾個人不停講野, 連on show 0既時候都係
希望香港觀眾0既quality可以提升多d啦~

睇呢套劇前兩日先接觸左相關題材
好明白當中部分0既野
今次黃詠詩以佢首次solo做劇
其實真係算唔錯
事前對佢0既演出期待萬分
一開場頭十零分鐘的確有d失望
失望係因為頭0個part完全唔係我所expect 0既野
i mean係冇咁”獨腳”戲 (淨企響度)
但之後以佢一貫作風,
好多gag位同gag完又有d meaning0既做法去演繹套劇
“死亡” 同 “家庭關係” 繼續一如以往為整套劇重點
雖然整體唔係話非常突出
(因為expect黃詠詩可以除左更hard sell “死”同”親情”外, 仲有更多野~)
但係就幾鍾意尾段, 好似砌瓦片, 飲茶….
個效果幾好, 亦令套劇加左唔少分~
個人建議前面可以再加多d突破
或者咁樣0既自我介紹唔係好夠
表現唔到真正0既黃詠詩~~!

見到呢套劇0既brochure時覺得好似幾吸引
就好少有咁去買左飛睇香港話劇團(HK Rep)0既劇
一入場, 第一個感覺係, 好耐冇睇過咁大型0既劇喇
一向少睇大型劇0既我對上一次應該係”邊城“喇
大大話話, cast list都有成十幾廿人
而且個set好靚, 特別係0個對門, 上面有對門神, 真係好靚~
睇完之後, 雖然有好多配角, 但大部分佢地都演得好好,
佢地將自己的角色都演活左, 好似劇中0既”立純”, “大勇”, “立德”…
係唯一劇中兩個Cast B小朋友做得唔太好(可能Cast A會好d),
男女主角實質可發揮的空間唔太多之外, 整體演員都好好
而且成個劇本都寫得好好, 有杜國威寫都一定唔會差得去邊~
係覺得著墨響大哥0個度可以再多d~
至於成套劇, 導演傅月美0既功勞亦真係功不可沒
HK Rep 30周年的劇目, 果然夠哂份量!

相關網站: Offical Site

坦白說, 今次本身冇打算去睇的
但因為有朋友想睇, 就一齊去睇
只就故事而言, 今次一定比上一次好
流暢很多, 亦相對容易讓觀眾理解
“紅靴貓” 與其他角色的關係加強了很多
而且”婆婆”的角色更因加入”孫女”而更”入戲”
(因為之前”婆婆”的角色於整個故事發展較為疏離)
不過就係覺得響Act 2第一場好似時序上出現左d問題
之前唔係已經講左”爸爸”叫乜名, 點解又會再估???
係呢度有d問題
而且呢套劇係定義為”兒童劇”, 但又好似太多粗俗說話
我個人覺得今次演出同上次都係有一個毛病
就係唔夠”兒童”, 上次就太深, 今次就太俗, 試問咁又點叫d家長帶細路黎睇?
角色方面, 坦白說, 少了黃詠詩、林小寶的確失色不少
特別係因為有部分歌曲完全為小寶度身訂造咁滯, 其他人真係唔係好handle到…
而杜雯惠要頂上小寶的角色就顯得有點吃力不討好…
唔似得小寶發揮得咁好 (咁當然啦, 小寶經驗豐富~)
講返個場, 遲左入場, 但一入場真係嚇一跳
只係得大概50% full….睇左咁多年劇, 好耐冇試過響壽臣會吉到咁…
咁好明顯係響宣傳上出左問題, 而且響今次target audience唔夠清晰
其實上一次有好多人都講唔係好明, 而且上下半場有d分離, 側重左某一面
今次我本身知道佢地個劇本上有大改動, 反而今次係應該宣傳重點係”重新編寫”
而唔係”載譽重演”, 咁樣變左有更大力度去吸引d睇過0既人再睇
講返d歌, 如果可以應該編排上唔應該太pop, 而且字太多, 有字幕應會更好…
仲有仲有, 我個人聽到唔少人覺得風車草重演得太快太密了….
總括而言, 風車草應盡快吸取今次的經驗
重新制定未來的發展路向…

延伸閱讀: 《穿紅靴的貓》

今日響茹國烈0既Blog
聽到一個電台錄音
節目名叫《為藝術犧牲》
而呢集0既嘉賓係黃智龍
一氣聽完, 發現我自己都可以算係香港0既”劇場觀眾”
由小龍多年以黎所推算, 香港正式0既”劇場觀眾”只有大概2000人
小龍真係一個幾犀利0既人
由大學、到響壹傳媒做總編、到W創作社主席、以至現時同時協助多個劇團推廣
睇到佢真係好talented
雖然自己除左睇, 都有興趣、有passion想試下接觸theatre
但可惜自己唔係讀APA, 好多野都唔識
唔係0既話我好可能走左去做theatre
起碼睇見佢地每完成一個劇0個種成功感呢~
幾開心呀~