blogger luvul

miss your food so much~~

台灣 2007 導演: 張作驥
＊＊＊＊＊＊．．．．

記得早幾屆睇過張作驥0既《美麗時光》
個人覺得唔錯, 所以買左呢齣戲0既飛
一路睇0既時候發現有幾個問題令我集中唔到
第一係選角, 男主角曾一哲唔係做得唔好
而係佢比唔到0個種”黑幫”感覺比我
攪到我成日都以為主角背後有d野咁
第二係用台語, 個問題其實唔關導演事
只係因為我聽好少部分台語, 成日個腦就轉channel
所以要響聽台語同睇英文字幕間遊走
都幾辛苦, 如果呢套有中文字幕就會好d
第三係分幕時fade out再入字再fade in呢個動作
我幾唔鍾意呢種做法, 睇得好唔舒服
就因為呢三個原因令我唔係好集中到
加上我唔係太鍾意一d戲0既結局係全部人死哂
所以個人而言唔係幾鍾意呢套戲
講0既故事假得黎又好真實

相關網站: HKIFF | imdb

台灣 2007 導演: 李康生
＊＊＊＊＊＊＊＊．．

記得響早幾屆0既電影節睇左李康生0既第一套戲《不見》
睇完之後係有d失望0既
同佢師傅蔡明亮同一系列0既《不散》真係差好遠
今次見到呢套戲, 坦白講唔特別想睇
但係見個synopis寫得咁吸引咁, 就買飛睇下啦
估唔到出黎0既效果都算幾好喎!
幾個角色0既關係, 故事0既始起同發展都寫得幾好
當中你如果睇深一層, 發現原來係有幾多額外0既message架
整體都算唔錯, 今次0既歌幾配合到成套戲個效果
唯一係覺得最後應該可以再講多少少0個個胖子
咁就好好喇~~

相關網頁: HKIFF | imdb

p.s. :
the Grand Cinema真係好唔得
繼上次入場後不停咁拎個電筒照d audience之後
今次因為佢有好幾個house被某電影首映禮包起左
咁就迫哂電影節排隊0既觀眾排響空氣極唔流通0既送貨通道焗
而該首映電影0既觀眾就排出面, 點解佢地會有咁大privilege? 非常差0既安排!
開場同散場時間又撞埋一齊, 又非常混亂!
仲有, 進場時職員一直都係講係house 2
根本爆到連第一行(離五米左右高0既screen不足一米)都要坐
之後有人問到先知原來係開兩個house, 而且另一個house大把位!
完場時企多幾個人響度講”多謝光臨哂”就算(我估佢係以為我地係首映場觀眾!)
希望下年真係唔好再咁多”戲院場”, d安排真係非常差!
(特別係MCL洲立/UA院線, 當年百老匯院線就冇呢D情況)

p.s.2:
呢個The Grand Cinema戲院設計真係好敗筆,
指示又唔清晰, toliet又收得好埋而且樓梯非常窄
完場如果唔比行正門走,行後門起碼要行5分鐘仲要係行到出去戶外!
都唔明呢間咁0既戲院有咩咁grand!

2008亞洲巡迴最後一站0既最後一場尋日完成左
尋日睇呢套劇, 一個字 “勁!”
上次睇林奕華0既”包法利夫人們 - 名媛的美麗與哀愁“就已經好鍾意
今次就算唔知係林奕華0既劇都已經贏哂!
就正如演員王耀慶響QnA時所講一樣: “好的食材不需要怎樣烹調都可以好吃”
呢一班演員個個都好好戲, 響香港真係好難搵到一個咁0既班底去做…
所以呢套劇, 每個演員都要好好介紹一下…

王耀慶 飾 宋江
其實之前我有看過他的電視劇, 他是演一個很搞笑的小男人角色的
不過相信你看一下這個你會記得他是誰了~
http://hk.youtube.com/watch?v=kVQG4tolkqA
返返黎呢套劇入面, 佢係其中一個令我印刷最深刻0既
因為我真係冇諗過一個喜劇演員可以做到呢個角色要做0既野
佢真係好surprise到我, 如果有機會真係好想睇下佢其他0既戲/劇!
《水滸傳》2008亞洲巡迴演部落格: 扮演王耀慶

朱宏章 飾 阮小二
作為中國文化大學戲劇學系的專任講師(表演、導演)
佢0既演出一定不用置疑, 而佢0既外表亦同典型大佬非常吻合
對佢黎講可以話係非常輕易就得到個效果!
《水滸傳》2008亞洲巡迴演部落格: 扮演朱宏章

李健常 飾 李逵
呢個演員係我睇成齣劇入面最impress 0既一個
殺人魔一段近十分鐘0既個人讀白真係好犀利
我相信真係好難好難搵到個咁勁0既演員去演呢一段
咁富內心感受, 而又要有好powerful 0既戲
真係好難, 好難….
《水滸傳》2008亞洲巡迴演部落格: 扮演李健常

時一修 飾 吳用
相對黎講, 我唔係咁鍾意呢個角色
但呢個演員都做得好好, 應該可能係傳聞中演到喊0既其中一位演員
不過就係呢個太柔弱0既角色令套劇突然轉變得太快
《水滸傳》2008亞洲巡迴演部落格: 扮演時一修

韋以丞 飾 楊志
佢演0既一段又幾得意, 整個message係同其他0既演員有d唔同
係冇故事性0既, 就似一個talk show咁講某d message出黎
但又估唔到佢本身係做兒童節目0既…..
《水滸傳》2008亞洲巡迴演部落格: 扮演韋以丞

莫子儀 飾 阮小七
呢套劇我係因為呢個演員而黎睇(當然亦因為林奕華)
一直都有睇過佢0既舞台劇(”包法利夫人們”)同戲(”一年之初“和”夢幻部落”)
每一次睇都會睇到佢有進步, 次亦唔例外
小賊0既讀白好表演到內心0既0個種感覺
加上佢0既外表同感覺都好似有無限個可能性咁
真係幾鍾意睇佢0既演出
《水滸傳》2008亞洲巡迴演部落格: 扮演莫子儀

張孝全 飾 武松
雖然響香港0既宣傳都由佢擔大旗
但其實佢戲份唔多, 加上佢係一個浪子
唔知係戲得太投入定太唔投入, 佢真係好浪子(hae)
的確係劇入面最失色0既一個演員
《水滸傳》2008亞洲巡迴演部落格: 扮演張孝全

張翰 飾 魯智深
醉酒係另一場我好impress 0既場景
一個人要演醉酒不易, 更何況演咁長0既獨腳戲呢
可惜除左呢段之外, 張翰就沒有甚麼特別的機會去發揮了…
《水滸傳》2008亞洲巡迴演部落格: 扮演張翰

盛鑑 飾 林沖
一睇佢0既外表, 真係京劇到不得了
佢0既言談舉指都有哂京劇0既特質
絕對係非做京劇不可0既樣
開幕0個段都做得好好
相信要搵個對京劇有咁0既根底真係唔易~
《水滸傳》2008亞洲巡迴演部落格: 扮演盛鑑

整套劇做得好成功, 將不同人0既特質都一一顯動,
有機會真係超想睇埋黎緊之後0既幾步曲~

今日幾開心有機會睇到曹格響香港0既live show
佢唱歌都真係幾好
不過最爆笑係兩集電視錄影分別有兩個嘉賓
而一開始我地坐錯左位, 坐左響江若琳fans位度…
之後攪到要幫人拎牌…..
坐我隔離個個妹妹仔仲話自己92年出世, 大過另一個男仔…..
真係好驚囉…..
同埋有樣野好好笑係, D fans牌後面係有哂d歌詞架!
我地成班人就做左唔收錢0既半職業fans咁…
之後錄第二集又要拎另外一個牌….真係好攪笑!

台灣 2008 導演: 周美玲
＊＊＊＊＊＊＊＊＊．

個人而言, 睇呢部電影作為第32屆HKIFF 0既第一場戲感覺太好
我幾鍾意呢套戲, 個結構刻意分開三段故事
分別係 “妹狗”, “水蓮” 同 “竹篙”, 講完一個到下一個
但其實三個故事人物係有關連, 不過時間空間唔可能共存
三個故事都唔係複雜, 但係響角色掌握上導演落左唔少功夫
(當然選角功夫做得好好~ 搵到幾個外型同感覺都好到位0既演員)
而d配樂0既手法感覺就好似”Amelie”咁, 有時幾輕鬆跳脫, 個感覺0岩0岩好
好台灣式電影, “漂浪青春” 比 “刺青” 來得更細膩同smooth
睇完套戲之後有個Q n A section, 導演到黎所講0既野令我對佢0既印象加左好多分
佢講佢個目標係要拍六套同志電影, 分別代表象徵同志日0既六色彩虹
“艷光四射歌舞團” 代表黃色,”刺青” 代表綠色, “漂浪青春” 代表紅色…
佢所講0既就係一開始已經定左好多目標, 好多理想咁去進行
我覺得依家冇乜幾多人可以咁樣去做
十個有九個半係被 “商業社會” 沖昏頭腦
期待之後的三色~

相關網頁: HKIFF | imdb

之前亞洲電影節想買飛睇唔到
估唔到又突然有機會睇喎~
其實響呢套戲入面張孝全做得幾好
一人飾演兩角
不過就係我唔係咁鍾意戲中經常要停低
黎load一d字句, 我唔鍾意呢d表達方式
雖然係較難表達, 但我就係唔鍾意咁
個戲名同套戲幾夾, 呢個戲名改得幾好~
不過整體套戲係ok 0既, 都值得一睇

Trailer:

曲/詞/唱：吳克群

愛情 是一種怪事 我開始全身不受控制
愛情 是一種本事 我開始連自己都不是
為你 我做了太多的傻事
第一件就是 為你寫詩

為你寫詩 為你靜止 為你做不可能的事
為你 我學會彈琴寫詞 為你失去理智
為你寫詩 為你靜止 為你做不可能的事
為你 彈奏所有情歌的句子 我忘了說 最美的是你的名字

愛情 是一種怪事 你的笑容是唯一宗旨
愛情 是一種本事 我在你心裡什麼位子
為你 我做了太多的傻事
第一件就是 為你寫詩

為你寫詩 為你靜止 為你做不可能的事
為你 我學會彈琴寫詞 為你失去理智
為你寫詩 為你靜止 為你做不可能的事
為你 彈奏所有情歌的句子 我忘了說 最美的是你的名字

為你寫詩 為你靜止 為你做不可能的事
為你 我學會彈琴寫詞 為你失去理智
為你寫詩 為你靜止 為你做不可能的事
為你 彈奏所有情歌的句子 我忘了說 最美的是你的名字

我甚麼都能忘記 但唯一不忘是你的名字
我甚麼都能忘記 但唯一不忘是你的樣子
我甚麼都能忘記 但唯一不忘是你的名字
我甚麼都能忘記 但唯一不忘是你的樣子

今日約左個舊同學出黎
大家畢業後都冇見過面
就係好多個巧合之下相遇
世事真奇妙!
傾左好多關於工作, 台灣, 電影0既野
又搵到個共同嗜好0既人喇~~