今天你穿甚麼顏色? 紅色? 橙色? 黑色? 定係? 我沒穿上紅色, 那隻政府呼籲的顏色 我穿上橙色, 不是不支持奧運, 不是不愛國, 更不是攪對抗 穿上橙色的目的是要"響應關注中國人權" 如果我不愛國, 就不會要求關注中國人權 關注, 一詞不是褒不是貶, 就是關注 你喜歡可以將橙色解釋為任何事, 但就不可以解作"反對", 又或是 "對抗者" 這是我的堅持 再者, 紅色是代表奧運嗎? 不是五環的顏色嗎? 那, 紅色是代表亞洲? 代表中國? 代表愛國? 愛國更會關注國家的各樣發展! 而不是單單"擁護"就是愛國! 多播幾次國歌不代表就愛國, 不代表心就可繫家國 希望那班色盲的議員們, 商界高層們, 政府官員們, 好好反思一下要做些甚麼 做些甚麼方算愛家, 愛港, 愛國! Read More
為甚麼會禁止某些人士入境? 香港最令人感到驕傲的自由 原來在回歸後不停的縮窄, 變小 我不是支持或不支持該名人士入境 但連一個人物都因政治因素而不准入境的話 是不是就等於如董建華所提 冇再講就等於冇左呢個政策? 香港唔再有自由? 是否就此成為內地政府的喉舌? 或是根本就是政府的自我審查? 雖然奧運火炬即將到港 而且據報有消息指將「有人」響當日攪事 但, 未開始就攪事0既人係邊個?? 火炬手名單出爐, 又係邊個人響度攪事? 明明係體育活動, 叫人唔好攪埋政治一齊 自己又去攪到一個政治分贓行動咁 而且當日的所謂「與民同樂」的火炬傳遞 根本就係活動式監獄將火炬移動 外人看不到, 接觸不到, 內裡的人又走不出看不到外面 當天縱有幾多公司幾多機構幾多團體支持呢個活動 因為所有的措施都令人難以認同 同的應該是五環奧運精神, 而不是紅色的! 延伸閱讀: 每日一膠 - 三分一運動員的火炬手 每日一膠 - 港奸迎奧運 Read More
近日睇到無綫電視翡翠台不停咁有個節目promo 講關於"一百萬人的故事" 就好想搵d資料睇下 點知一睇先知個情況有幾嚴重 根據政府統計處資料顯示 生活響貧窮線之下0既人根據近30年的數字為: 1986年 - 9.5% (約63萬人) 1991年 - 11.7% 1996年 - 15.0% 2001年 - 18.5% (約120萬人) 2006年 - 20.1% (約133萬人) 響1986年至2006年間, 人口增長為約25% 至於低收入人士0既百分率就足足上升超過112% 可見情況已開始失控的地步 政府到底近呢十年做過d咩去解決呢個問題呢? 2005年2月成立扶貧委員會, 目的係: - 研究和了解貧困人士的需要。 - 就防預貧窮、紓緩貧困和推動自力更生提出政策建議。 - 鼓勵社會參與，界定政府、社會福利界及民間團體的角色，推動公私營機構合作和運用社會資本，以改善貧窮問題。 2007年6月結束扶貧委員會 咁到底佢地又做左d乜野呢? 用兩年時間做左一個報告 咁呢個報告係講d乜野呢? 係講返現時"貧窮"0既情況同埋應該從邊d地方著手解決問題 咁實質又做左d乜野呢? ....... 我寄望tvb呢個節目可以令到多d人關注呢個問題 加速推動政府實施實質措施以解決問題 以及推動商界參與滅貧的工作 Read More
因為之前寫落左好弓多關於香港政府0既野 其實都皆因我鍾意香港先唔想睇到會有咁0既收場 由依家起都會加入"我愛香港"為題 希望多d人反思一下究竟事實0既對與錯 財政預算案唔係過左好耐 好多0既side effect已經走緊出黎 我諗你會好明顯睇到 賣酒0既地方全部都減價 而偏偏呢個時候, 所有基本必需品都加緊價 豬牛雞價錢不在話下, 柴米油鹽就只係油同鹽未加 今次米都瘋狂加價 或者你會講, 咁0岩0者, 咁唔關香港事 但係睇深一層, 究竟政府對呢本基本必需品有冇定過咩政策? 點解又會對酒類呢d"奢侈品"減低咁多管制? 到底減酒稅有幾多人受惠? 依家0既瘋狂加價潮又有幾多人受害? 政府就只係識得用有錢人0既錢黎養有錢人 咁窮人呢? 政府有冇機制去迫切了解民間疾苦呢? 有冇人去超市睇過米架? 我早兩日去過 可以容納幾百包米0既米架就得返幾包 茶餐廳上兩個月前先加完價, 佢地都唔敢再加 唯有將價就貨, 碟飯都細左好多啦 究竟有幾多政府官員知道呢d情況? 又有冇人知道, 到依家都唔係人人有糧加? 我愛香港, 希望政府官員都可以快d睇下呢d問題 Read More
