中國 2008 導演: 張一白 放映取消 其實本身都想幾睇呢套戲 可惜最後取消左 本來都想睇代替放映0既"左右" 但呢幾日係咁睇加上工作好忙 與其咁撐落去睇咁不如唔好睇 唔係0既話睇22:00 入場一定訓左.... 相關網站: HKIFF | imdb Read More
美國 2007 導演:Sidney Lumet ＊＊＊＊＊＊＊．．． 呢套戲呢... 我真係有d意外 一個"平凡"0既故事, 被導演拍得一d都唔平凡 故事係講一個劫案發生前四日至完左幾日0既經過 兩兄弟因為一d錢0既問題走去打劫自己父母0既珠寶店 一心諗住劫完就可以賣賊贓賺錢, 父母就可以拎保險 點知就錯手殺死左自己亞媽, 之後雪球越滾越大 本身個故事內容唔係好精雕細琢 但係導演將個故事剪到碎哂 再以不同人做"主角"去講出佢角度0既故事 可能有d劇情會做幾次 不過就因為時間交錯, 人物交錯令成個故事好有追看性 剪得好好睇! 唯一一樣野就係之前都講過 套戲最後又差唔多全部主角都死哂, 就係唔係咁好囉~ 相關網站: HKIFF | imdb Read More
泰國 2007 導演: Chookiat Sakveerakul ＊＊＊＊＊＊＊＊＊． 其實我冇expect呢套戲可以有咁多 一套長達154分鐘0既戲 講家庭, 朋友同埋愛情, 估唔到都可以幾balance到 作為一套普通劇情片, 已經夠哂分 響夫妻、同學、鄰居之間0既愛情同母子、姊弟、婆孫之間0既親情兩方面都寫得幾細膩 內容上驚喜唔多, 但響d交接位寫得幾好 值得一睇! 係覺得個中文名改得太求其 套戲講緊0既係LOVE, 佢0既覆蓋面好大, 唔係淨係寫愛情 反而台灣改名叫"愛在暹邏"仲好 相關網站: HKIFF | imdb Read More
台灣 2007 導演: 張作驥 ＊＊＊＊＊＊．．．． 記得早幾屆睇過張作驥0既《美麗時光》 個人覺得唔錯, 所以買左呢齣戲0既飛 一路睇0既時候發現有幾個問題令我集中唔到 第一係選角, 男主角曾一哲唔係做得唔好 而係佢比唔到0個種"黑幫"感覺比我 攪到我成日都以為主角背後有d野咁 第二係用台語, 個問題其實唔關導演事 只係因為我聽好少部分台語, 成日個腦就轉channel 所以要響聽台語同睇英文字幕間遊走 都幾辛苦, 如果呢套有中文字幕就會好d 第三係分幕時fade out再入字再fade in呢個動作 我幾唔鍾意呢種做法, 睇得好唔舒服 就因為呢三個原因令我唔係好集中到 加上我唔係太鍾意一d戲0既結局係全部人死哂 所以個人而言唔係幾鍾意呢套戲 講0既故事假得黎又好真實 相關網站: HKIFF | imdb Read More
香港 2008 導演: 劉國昌、雲翔 ＊＊＊＊＊＊＊＊．． 呢套戲會上正場 雖然呢套戲有唔少瑕疵 (例如演員髮型唔接) 但整體作為一套indie港產片而言, 其實係有唔少surprise 我覺得套戲個中心點寫得ok 係有d位 execute得唔係咁好 而有d內容好似雜亂左d, 例如一開始0既一段, 我以為套戲之後有再多d交代 變左純粹為建立角色0既性格而寫就太刻意 又或者劇中三位女主角咁, 特別係董敏莉飾演0既角色 其實如果再可以交代多少少前面(最後係點我覺得唔重要) 咁會對套戲 "失去" 0既感覺可以再加強一d 套戲令我最surprise係搵香港棒球代表隊黎做戲 而佢地個個又夠膽nude, 仲要我覺得佢地都算拍得好 (當然由於佢地唔係真係演員, 有部分就好生硬啦) 整體真係雖然會搵出好多瑕疵, 或者唔夠完美0既位 但係作為一套本地indie長片, 我真係覺得已經好足夠 起碼睇得出導演所落0既唔少心機 同埋佢有都勾到我對棒球0既少少興趣呢~ 哈! 相關網站: HKIFF | imdb Read More
台灣 2007 導演: 李康生 ＊＊＊＊＊＊＊＊．． 記得響早幾屆0既電影節睇左李康生0既第一套戲《不見》 睇完之後係有d失望0既 同佢師傅蔡明亮同一系列0既《不散》真係差好遠 今次見到呢套戲, 坦白講唔特別想睇 但係見個synopis寫得咁吸引咁, 就買飛睇下啦 估唔到出黎0既效果都算幾好喎! 幾個角色0既關係, 故事0既始起同發展都寫得幾好 當中你如果睇深一層, 發現原來係有幾多額外0既message架 整體都算唔錯, 今次0既歌幾配合到成套戲個效果 唯一係覺得最後應該可以再講多少少0個個胖子 咁就好好喇~~ 相關網頁: HKIFF | imdb p.s. : the Grand Cinema真係好唔得 繼上次入場後不停咁拎個電筒照d audience之後 今次因為佢有好幾個house被某電影首映禮包起左 咁就迫哂電影節排隊0既觀眾排響空氣極唔流通0既送貨通道焗 而該首映電影0既觀眾就排出面, 點解佢地會有咁大privilege? 非常差0既安排! 開場同散場時間又撞埋一齊, 又非常混亂! 仲有, 進場時職員一直都係講係house 2 根本爆到連第一行(離五米左右高0既screen不足一米)都要坐 之後有人問到先知原來係開兩個house, 而且另一個house大把位! 完場時企多幾個人響度講"多謝光臨哂"就算(我估佢係以為我地係首映場觀眾!) 希望下年真係唔好再咁多"戲院場", d安排真係非常差! (特別係MCL洲立/UA院線, 當年百老匯院線就冇呢D情況) p.s.2: 呢個The Grand Cinema戲院設計真係好敗筆, 指示又唔清晰, toliet又收得好埋而且樓梯非常窄 完場如果唔比行正門走,行後門起碼要行5分鐘仲要係行到出去戶外! 都唔明呢間咁0既戲院有咩咁grand! Read More
南韓 2008 導演: 洪尚秀 ＊＊＊＊＊＊．．．． 本黎時間好充裕咁去洗頭, 之後就磨多一陣就出門口 點知洗完頭就唔記得左要睇呢套戲 咁就無啦啦要飛的出去大會堂睇.... 激死我... 講返套戲, 其實我覺得okay 0既, 不過個主題"夜與日"做得唔夠多 講得太多"夜", 而"日"就太少, 變得唔夠balance 同埋響片長方面可以調整一下就令整套戲balance d之餘 又唔使依家咁接近兩個半鐘咁長喇 另外就都係自己問題, 我認唔到人...成日分唔到幾個女角.... 攪到好幾段都睇到我一頭霧水.... 相關網頁: HKIFF | imdb Read More
法國 2007 導演: Damien Odoul ＊＊＊．．．．．．． 其實睇呢套戲係有d失望, 冇乜驚喜之餘 又做唔到好breathtaking 0既場面 又冇一個好interesting 0既story / present手法 變左套戲就真係有d似一套三級片咁 不過唔多唔少可能呢套戲做11:45先做 個人比較集中唔到....... 相關網頁: HKIFF | imdb | Official Site Read More
德國/奧地利 2007 導演: Hans Weingartner ＊＊＊＊＊＊＊＊＊． 之前Hans Weingartner 0既 Edukator (大教育家) 戲我都幾鍾意 呢一套戲個模式其實好接近 都係以一d非一般人0既手法去處理某一d社會問題 上次就"劫富濟貧", 今次就"騎劫收視" 內容上真係幾有趣 睇睇下就即刻記起之前有報紙報導過有關"收視率"0既問題 收取的資料根本就唔能夠真正反映到大眾 變左好容易就會向某方面傾斜 而且現時收集之數據不包括數碼電視, 代表性越黎越低... 一套好值得令人反思0既戲~!! 幾鍾意整套戲個結構同個手法! 下次導演再有新戲就一定睇!! 相關網頁: HKIFF | imdb | Official Site Read More
台灣 2008 導演: 周美玲 ＊＊＊＊＊＊＊＊＊． 個人而言, 睇呢部電影作為第32屆HKIFF 0既第一場戲感覺太好 我幾鍾意呢套戲, 個結構刻意分開三段故事 分別係 "妹狗", "水蓮" 同 "竹篙", 講完一個到下一個 但其實三個故事人物係有關連, 不過時間空間唔可能共存 三個故事都唔係複雜, 但係響角色掌握上導演落左唔少功夫 (當然選角功夫做得好好~ 搵到幾個外型同感覺都好到位0既演員) 而d配樂0既手法感覺就好似"Amelie"咁, 有時幾輕鬆跳脫, 個感覺0岩0岩好 好台灣式電影, "漂浪青春" 比 "刺青" 來得更細膩同smooth 睇完套戲之後有個Q n A section, 導演到黎所講0既野令我對佢0既印象加左好多分 佢講佢個目標係要拍六套同志電影, 分別代表象徵同志日0既六色彩虹 "艷光四射歌舞團" 代表黃色,"刺青" 代表綠色, "漂浪青春" 代表紅色... 佢所講0既就係一開始已經定左好多目標, 好多理想咁去進行 我覺得依家冇乜幾多人可以咁樣去做 十個有九個半係被 "商業社會" 沖昏頭腦 期待之後的三色~ 相關網頁: HKIFF | imdb Read More
