中國 2008 導演: 賈樟柯 主演: 陳沖, 趙濤, 呂麗萍, 陳建斌 同我expect 0既有好大距離 我唔知道佢會用一個documentary形式去present呢一個故事 本來覺得去窺探一個神秘歷史係好吸引0既 但係佢用好多人0既訪問之間去窺探呢，就顯然有d悶 就好似睇緊「鏗鏘集」咁囉 對我而言d訪問太零碎 真真假假真係冇人知喇… 相關網址: HKIFF | imdb | 中文電影資料庫 Read More
2008 香港 導演: 李思捷, 晴朗 演員: 李思捷, 張睿玲, 布偉傑, 劉家輝 坦白講, 就我個人而言, 我一直都唔鍾意李思捷 因為我覺得佢演戲太浮誇 睇呢套戲0既原因係想睇一下一個演員點樣變做一個導演 結果, 睇完之後, 再睇埋Q&A 就覺得其實佢都唔係唔OK 只不過有時係貪心左少少 呢套戲唔係唔好, 只係響真實與理想之間糾纏 雖然導演有解釋過點解金國民會轉向荷里活 不過我個人而言, 再點都好, 都唔會走向HOLLYWOOD更MASS 0既地方 係有少少不合邏輯, 不過都可接受0既~ 另外起用大量電視演員0既原因我估得到 不過有幾個CHARACTER感覺就怪怪啦? 相關網址: HKIFF Read More
香港 2009 導演: 雲翔 演員: 李家濠, 洪智傑, 周德邦, 劉裕康 記得上次睇呢個導演0既《無野之城》係失望0既 今次再睇只不過想睇下呢個導演會唔會有D咩進步 因為始終新晉0既香港導演越黎越少 而且佢都算難得有公司肯投資, 而且又搵到D演員去做 一開場其實係幾鍾意0既 因為個EDITING手法 將整套戲倒轉CAP左D畫面咁跟住音樂播返出黎 而且開頭0個段感覺都幾好, 係覺得個普通話旁白好似怪怪地咁 一路睇其實係真算OK 0既 只係個人而言唔係好鍾意個劇情0既發展 導演響開場前講左套戲係80年代尾90年代頭0既時期 刻意用左0個時0既拍攝手法, 服裝等去演繹 雖然睇到佢落左心機落去, 但就係覺得其中一個主場景太CONTEMPORARY 好影響個感覺... 整體比上一部進步左唔少 起碼我唔覺得係為裸體而裸體 只係...都係0個句, 係我個人唔係好鍾意個劇情0者~ 都OK 0既~ 相關網址: HKIFF | 中文電影資料庫 | Official Site Read More
香港 2009 導演: 洪榮傑 主演: 呂玉來, Bernhard Bulling, Wella, 李楓 冇睇到內容就買左呢場戲飛 因為某程度上都算認識導演 一直都睇過幾套佢0既電影 就好似《天使 I'm Not What You Want》, 《Buffering...》等 今次呢套長片睇完真係覺得有D意外 意外0既係我覺得好好睇, 真係好好睇 開頭一直都唔係好明白好亂好碎0既開頭係點解 但之後一直睇就一直明左好多 而且真係剪接得好SMOOTH 以佢呢個PRODUCTION SIZE而言 要去瑞士, 香港同北京拍攝真係一D都唔容易 分開左兩隊CREW去進行整套戲0既拍攝工作 而且仲要可以夾得好好 相信導演真係落左好多心機響呢5年0既製作入面 希望第時可以有機會再睇多一次 我相信會對整套戲可以再咀嚼得更多! 相關網址: HKIFF | imdb | 中文電影資料庫 | Official Site Read More
中國 2008 導演: 李大偉 主演: 文章, 岳紅 呢套係意想唔到咁...攪笑 其實可以好悲慘咁睇呢個故事 不過就導出左「報仇」0既結果: 怨怨相報何時了? 故事係得意, 但係我自己就覺得好似OVER左少少 變左好似多得滯 而且, 我今年搵唔到邊套大陸戲好想睇 仲諗住呢套片會講返多少少「情」 變左真係唔係好想睇落去... 反而最想講0既係, 點解一直播放0既時候 畫面右上角一直都有「樣片」兩隻字? 好ANNOYING呢... 希望第時電影節唔會再有呢個情況啦.... 相關網址: HKIFF | 中文電影資料庫 Read More
香港 2009 導演: 翁子光 演員: 太保, 翁家軒, 王璐瑤, 李子涵, 梁榮忠, 許素瑩 話說0個邊廂賣緊「台灣味道」, 呢邊廂就SELL「香港味道」 呢套戲劇本係OK 0既, 係長左少少 有幾部分可以唔使咁長去交待 亦有D位交得太快 梁榮忠個角色前段講得太少, 感染力唔夠 變左觀眾感受唔到佢對班學生0既關係可以有幾深 另外主角響校內校外半若兩人, 亦係比較難令人明白佢個人係個咩人 而有個女仔所演0既女朋友角色明顯選錯角 佢演得完全唔夠「港女」, 同屋企人/男朋友亦係近乎180度相反 明顯係編劇係由一D好支離破碎0既片段所組合而成 想講0既野太多, 但有D野又唔可能係同一個人咁去發展... 不過ANYWAY, 都算係一套少有0既香港NON-COMMERCIAL電影 都睇到導演落左好多心機落去0既~ 相關網址: HKIFF Read More
台灣 2009 導演: 傅天余 主演: 李芸妘, 游昕, 林柏宏, 梅芳 睇完呢套戲好舒服 又有即刻想飛去台灣0既衝動 今次就好想去下台南或者係墾丁0個D南部較落後0既地方~ 套戲就好不奇然咁流露出好多"台灣味道" 反而比之前自稱台北味道0既「陽陽」更加台灣 色盲小女孩同同性戀0既男孩0既成長完全係好平凡0既點子 但係就係響呢個成長過程中大家尋找未來 令到好多野變得有趣~ 睇完真係好想去台南呢~ 相關網站: HKIFF | 中文電影資料庫 Read More
香港 2009 導演：許鞍華 主演：任達華, 張靜初 , 羅慧娟, 覃恩美 旱幾個月天水圍嘅新聞特別多 而同期就有兩套戲都不約而同用咗天水圍做故事背景 許鞍華嘅「天水圍的日與夜」同劉國昌嘅「圍.城」 一個講正面一個講黑暗面 雖然我未睇過「圍.城」 但係外界都一致認為許鞍華就贏哂 而今次到許鞍華拍天水圍0既黑暗面 結果都唔錯, 鏡頭拎得好好 而且將好多唔同0既觀念都放哂落去 例如傳統社會男女, 老公老婆, 香港大陸, 政府市民0既觀念... 其實都係拍得好好 只係個題材唔係好令人想記起0既咁殘酷0既事... 不過到左今時今日播放呢套片 有幾多善忘0既香港人仲記得呢件事呢? 天水圍仲使唔使用改名黎改運呢? 我地呢個于腐0既政府到幾時先再肯著手處理呢D問題? 係唔係真係D官員或者商界咁講攪下名牌倉就可以解決呢D問題? 相關網站: HKIFF | imdb | 中文電影資料庫 Read More
2008 台灣 導演：鄭有傑 主演：張榕容, 張睿家 呢套戲都幾得意 監製講話想拍出台北的味道 但係點解好似同我認識嘅台北好唔同咁？ 不過同上次睇嘅「一年之初」感覺好唔同 上次係虛啲浮啲 今次就實在好多 不過個人而言 覺得佢套戲要講嘅事件有好多 有幾個scene係長咗啲去換取某啲效果或者感覺 佢呢套戲特點係大部分都係用handheld 但就係咁幾present到"life"嘅感覺出嚟 重有, 最後不停跑一幕雖然好簡單 好多戲都有類似方式結尾 當中最出色就當然係我最愛《四百擊》啦~ 好容易就可以做到一個RELEASE 0既效果~ 相關網站: HKIFF | imdb | 中文電影資料庫 Read More
2008 台灣 導演: 戴立忍 主演: 陳迎彬, 趙祐萱 呢套戲講0既事由於係真人真事 變左好多野都感覺做得好真 就好似一套紀錄片咁 戲劇成分唔多, 係刻意剪得相對有D煽情 不過幾鍾意佢黑白片0既感覺~ 而且同之前佢0既戲0既風格好唔同 整體而言呢套都算OK, 感覺都到~ 希望可以再睇多D戴導演0既戲啦~ 相關網址: HKIFF | Official Site Read More
