編/導/監: 黃智龍
主演: 梁祖堯、邵美君、湯駿業、劉子騰、黃呈欣、何遠東、朱薰
我覺得今次作為W創作社同風車草劇團成為葵青劇院場地伙伴0既第一炮
都算做不過不失
作為流行劇場0既代表劇團, 相信佢地都可以帶到唔少新面孔到葵青劇院睇劇
今次小人國2 0既製作最聰明係借用上一集0既某D為人所認識0既CHARACTER
不過亦都因為咁, 同行0既友人因為未睇過而好多野都唔係好明白
而且有部分分場0既題材並唔係十分討好, 好似"囧樣少男少女"
主題講緊響FACEBOOK入面0既一個叫PET SOCIETY 0既GAME
但係講真, 我都只係知道, 但從來冇玩過, 同行所有人都冇玩, 真係CATCH唔到哂所有野
又或者"踢走負能量"咁, 其實同行人一致認同最唔好睇一幕, 題材唔夠好笑, 同其他場口好唔夾
仲有期待最大0既"基米高淚灑BOLLYWOOD", 內容太正經, 而且只換黎一場歌舞
真係有D浪費左呢一個咁出0既CHARACTER...
不過其他分場都算OK, 不過係好似鬧劇得太勁, 有幾次都係同時太多人講野聽唔到講緊乜...
但響COSTUME, LIGHTING, 或者係響PROPS同SET上面都做得幾好
特別係PROPS同SET, 睇到用左唔少心機落去
整體都算OK 0既, 不過似乎時間準備再多D就唔會有其中一D 0既問題~
相關網址: Official Site Read More
導演: Peter Jordan, 張錦程
編劇: Joe Dipietro
主演: 梁祖堯、邵美君、湯駿業、林二汶
第八次睇呢個劇0既live現出
雖然今次唔稱得上最好睇0既一次
但係響短短一個多星期入面
睇得出佢地付出左唔少努力去改善演出
特別特別要提0既係林二汶
今次比上星期時演得真係好好多
真係好surprise
我諗係導演們同其他演員比左唔少指導
落左唔少心機落去
當然之前所講，二汶把聲雖然靚
但係就壓唔到台
今次佢地就響mic 0既大細聲做左d手腳
就令到二汶出左好多
睇得出佢演得放左好多
第一次做theatre仲要係musical有咁0既進步真係算係好好！
雖然今次都有幾多蝦碌位
例如甩左兩次假髮等，但都無捐觀眾情緒
特別開心今次佢地將「拉丁舞」一場重新做返拋野落台0既傳統
咁真係令audience情緒推到頂點！
而且原來上次冇察覺到二汶講
「有樣野好好笑架，我亞哥32歲人都係得咁高咋（示意台面高少少位置）」
原來呢句說話係真係講佢亞哥林一峰
而佢尋晚又0岩0岩響度，真係超好笑
呢個show真係不失為我鍾意0既top 10 之內！
相關網址: Official Site Read More
導演: Peter Jordan, 張錦程
編劇: Joe Dipietro
主演: 梁祖堯、邵美君、湯駿業、林二汶
今次係第七次睇live
呢套劇係有一定0既魅力吸引我再去入場睇
呢個係最大型0既一個run，亦係風車草劇團咁耐以黎最大型0既show
響演藝學院歌劇院度做呢個small scale show一d都唔易
特別係要去攪好太大場0既感覺一d都唔易
但佢地都算係做得好，都有一定surprise
不過一定有部分0既改動做唔到更好0既感覺
特別係跳拉丁舞一場，原本係好帶動到全場氣氛去到頂點
但今個run就真係唔係好做得到…
昔日三個run 0既蝦頭換上第一次演舞台劇（仲要係音樂劇）0既林二汶
一定遜色不少，因為始終蝦頭做得放好多
二汶就雖然有靚聲，但就唔足夠去壓台
估唔到多個好貼合蝦頭0既角色交比媚姨演出媚姨更可以將佢發揮得更進一步
今次「黃愛媚」呢個角色感覺係唔同左，但媚姨真係超級犀利！
亞dee今次演出冇好大既變化，角色都係依舊（但冇左之前女扮男裝一場戲）
至於亞祖，演出上算係有進步，但最明顯係唱功真係越黎越好
期待黎緊睇第八次大家再度全面發揮0既一個咁好0既musical！
我相信風車草版本仍然係全世界咁多個version入面最正0既一個！ Read More
編劇: Christopher Hampton
翻譯: 梁祖堯, LEWIS CHAN
導演: 梁祖堯
演員: 梁祖堯, 湯駿業, 彭秀慧
今次呢套劇個劇本真係寫得幾好
比我EXPECT中好
開頭就只係以為係三個係0既情感角力
因為ANN, DAVE同PATRICK呢三個角色都扣得好緊
我係唯一唔太喜歡PATRICK個角色, 個定位有D飄
佢最後遇到0既野係一早預計到
同埋DAVE 0既介入一定影響佢同ANN之間0既關係
所以PATRICK 0既個角色發展得唔係好合理
不過我就幾鍾意佢地中間發生0既事, 睇得出編劇真係落左唔少心機去寫
寫得好REALISTIC
就好似當中有一幕, ANN自己一個人時想搵個機會喊
就走去拎隻TITANIC出黎, 跳去較後CHAPTER, 再飛左幾分鐘
到到ROSE搭救生船望住JACK 0個一刻...感覺真係好真.....
另外值得一讚0既係個SET, 係佢地做咁耐以黎最DETAIL 0既SET
唔使轉SET, 反而比多左好多空間佢地~
好多人問我知唔知佢地會唔會重演
我真係唔知架, 不過以原CAST重演唔係易事囉~
佢地D期都好似撞哂咁, 而且都好爆~
等下啦, 我相信佢地會RE-RUN呢套劇~ Read More
之前同著名性感女編劇黃詠詩(個名好長!)傾開
佢以"成班妖孽"黎形容呢套劇
攪到我好期待
今日睇完, 覺得套劇整體都好好笑
不過當中有幾個問題我覺得值得留意一下:
1. "香港'07"一幕其實未必個個都知乜野係"香港'82"(包括我在內)
變左唔夠共鳴, 不過我大致都理解同明白當中各演員的演繹
但呢一幕由於成個感覺轉得好快
變左對整套劇黎講會散左dd
2. 尾段歌舞劇單獨而言係好好睇
雖然未算得上跳得非常好
但係就因為之前一幕加上呢一幕
令整套戲0既連貫性減低左
3. 地鐵恆生一幕就硬係覺得爭左d野, 但諗唔到爭d乜
整體其實係幾好笑, 特別鍾意基米高同馮太響"基米高襟冰襟冰再襟冰"0既表現
媚姨同亞祖都做得好好呀~
亞祖響整套劇都contribute得好多, 睇到佢真係落左唔少心機落去演繹每個角色!
由Rosemary, 朱靚芳, 基米高等等都演繹得為俏為妙!
特別一提係幾鍾意呢種過場方式
響台上面換衫換假髮, 呢d完全係觀眾想睇到0既野!
佈景簡單多變化, 而costume亦做得好好
Rosemary造形幾好, 而且特別鍾意尾段歌舞0既衫, 好sharp好搶!
P.S. 今日係大明星坐我隔離睇! Read More
