編劇: 黃詠詩 一向都覺得黃詠詩好勁. 今次睇完呢套劇就更加覺得 呢套劇內容唔係好曲折離奇 又唔係高潮起伏得好大 就係0個一股淡淡然0既感覺 可能演員們都做得好好啦~ 所以就更加將佢呢個好"淡淡然"0既劇本演得更出 今次仲有久未露面0既邵美君添 唯一係覺得響男人0既角色上爭左D 不過呢個劇本仲未完全完成 我估佢呢個SHOW都會上正場做架喇 好期待呢~ Read More
睇呢套劇前兩日先接觸左相關題材 好明白當中部分0既野 今次黃詠詩以佢首次solo做劇 其實真係算唔錯 事前對佢0既演出期待萬分 一開場頭十零分鐘的確有d失望 失望係因為頭0個part完全唔係我所expect 0既野 i mean係冇咁"獨腳"戲 (淨企響度) 但之後以佢一貫作風, 好多gag位同gag完又有d meaning0既做法去演繹套劇 "死亡" 同 "家庭關係" 繼續一如以往為整套劇重點 雖然整體唔係話非常突出 (因為expect黃詠詩可以除左更hard sell "死"同"親情"外, 仲有更多野~) 但係就幾鍾意尾段, 好似砌瓦片, 飲茶.... 個效果幾好, 亦令套劇加左唔少分~ 個人建議前面可以再加多d突破 或者咁樣0既自我介紹唔係好夠 表現唔到真正0既黃詠詩~~! Read More
坦白說, 今次本身冇打算去睇的 但因為有朋友想睇, 就一齊去睇 只就故事而言, 今次一定比上一次好 流暢很多, 亦相對容易讓觀眾理解 "紅靴貓" 與其他角色的關係加強了很多 而且"婆婆"的角色更因加入"孫女"而更"入戲" (因為之前"婆婆"的角色於整個故事發展較為疏離) 不過就係覺得響Act 2第一場好似時序上出現左d問題 之前唔係已經講左"爸爸"叫乜名, 點解又會再估??? 係呢度有d問題 而且呢套劇係定義為"兒童劇", 但又好似太多粗俗說話 我個人覺得今次演出同上次都係有一個毛病 就係唔夠"兒童", 上次就太深, 今次就太俗, 試問咁又點叫d家長帶細路黎睇? 角色方面, 坦白說, 少了黃詠詩、林小寶的確失色不少 特別係因為有部分歌曲完全為小寶度身訂造咁滯, 其他人真係唔係好handle到... 而杜雯惠要頂上小寶的角色就顯得有點吃力不討好... 唔似得小寶發揮得咁好 (咁當然啦, 小寶經驗豐富~) 講返個場, 遲左入場, 但一入場真係嚇一跳 只係得大概50% full....睇左咁多年劇, 好耐冇試過響壽臣會吉到咁... 咁好明顯係響宣傳上出左問題, 而且響今次target audience唔夠清晰 其實上一次有好多人都講唔係好明, 而且上下半場有d分離, 側重左某一面 今次我本身知道佢地個劇本上有大改動, 反而今次係應該宣傳重點係"重新編寫" 而唔係"載譽重演", 咁樣變左有更大力度去吸引d睇過0既人再睇 講返d歌, 如果可以應該編排上唔應該太pop, 而且字太多, 有字幕應會更好... 仲有仲有, 我個人聽到唔少人覺得風車草重演得太快太密了.... 總括而言, 風車草應盡快吸取今次的經驗 重新制定未來的發展路向... 延伸閱讀: 《穿紅靴的貓》 Read More
家庭三步曲第一步曲終於有機會睇得返 因為之前睇左呢個三步曲0既第二步曲《一粒金》 同埋第三步曲《娛樂大坑之大娛樂坑》 呢兩步曲都覺得好好睇 今次睇埋《家有一鼠》(原名: 白老鼠靚靚和大配角思思的家庭糾紛) 就可以完成成個系列 演員們, 黃詠詩繼續以黑色幽默方式去演繹角色 林小寶繼續漂亮地演繹媽媽0既角色 最出係蔡運華, 上次所睇《飛吧! 臨流鳥, 飛吧! 消失的翅膀》已經有進步 而今次就做得放左好多, 好投入到個角色, 而且confident左好多 另外好想講就係個set, 黃詠詩0既劇通常都係會用個斜台去做出更誇張0既景深 今次就雖然睇到台上好似好亂, 好busy咁, 但做起上黎效果又幾好, 犀利! 講返個主角 - 劇本, 相對起第二同第三步曲 呢個明顯係簡單好多 三步曲都係講家庭, 仲要都係因為"死亡"同"家庭關係0既改善"形成一個好微妙0既關係 第一步曲: 老鼠的死亡 第二步曲: 嫲嫲的死亡 第三步曲: 媽媽的死亡 都不約而同地提醒人響"失去"之後更懂得"珍惜" 佢其實係唔係將自己0既一d經歷反射出黎? 黃詠詩真係好勁~~~ 期待明年新劇《破地獄與白菊花》! Read More
